ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   المواضيع المتشابهة للاقسام العامة (https://fashion.azyya.com/17)
-   -   كيف تقهرين اخوكي (https://fashion.azyya.com/262931.html)

^ جواهر ^ 07-09-2011 03:29 PM

كيف تقهرين اخوكي
 
كيف تقهرين اخوكي



الله عاد خذو النصايح ويا اولاد خليكم حذرين انا قلت لكم الحين .............................. ..




عندي دروس خطيره لا تفوتكم يا بنات .. شوفوا اللي مقهوره, واللي تبغى تنتقم , واللي تبغى ترفع ضغط اخوها تتبع






هذي الخطوات وأكيد أكيد راح تدعولي (ياخوفي تدعوا عليا) المهم الله يقويكم..

+:.+:.+:.+:.




*** عند التلفزيون ***




لا صارت فيه مباراه , والاخ متحمس اقطعي عليه هذا الحماس كيف؟!

انا اقولك ..




شوفي اذا صار مبق عويناته وماهو يم احد يعني لو تجيبي صاروخ تفجريه قدامه مالتفت لك اعرفي انه منسجم ,




هنا بس تقومي بشغلك.. وتسوي نفسك ال بنت السنعه




وروحي جيبي قطعة قماش (خرقه) وبخاخ للتنظيف واوقفي عند التلفزيون وامسحي الشاشه ولا تعطيه فرصه يشوف شي..




لا قال: ابعدي. قولي ماني فاضيتلك ما أنت شايفني جالسه أنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسي قدام التلفزيون وغطي عليه.. ولا يهمك احد..




واذا قال: ابعدي لاصقعك على وجهك بالكاس قولي له معصي ماتقدر وبعدين بيجونا ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن انحرق وأنقزي إلين توصلي للفيش وامصعيه برجولك ولا تلتفتي ابداً وراكِ..




+:.+:.+:.+:.+:.

*** عند النوم ***




لا صار التمساح يشخر.. نكدي عليه نومه كيف؟!

دخلي عليه بزارينكم على بزارين جيرانكم وصكي الباب عليهم وخليهم يلعبوا في غرفته وينقزوا على راسه .. تخبرون طبعاً>>>> اطفالنا احباب الله خخخخخخخ




والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس ورشيه بكاسة مويه

و بكل برود قوليله قوم نبغى نخرج ..




+:.+:.+:.+:.+:.

*** اذا المزاج صفر ***




اذا شفتيه ماله خلق ومو رايق ومقفله معه لا تخافي بالعكس هذي فرصتك عشان تنتقمي منه يعني تحرشي فيه خلي دمك ثقيل بالمزح




بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدري السالفه يا غالب يا مغلوب خخخخخخخخ




المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتي قوليله واذا ماذلفت إيش راح يصير ؟؟




عاد أكيد ف هذي اللحظه هو راح يقوم يوريكي شغلك بس انتي في هذا الوقت اقضبي اول درجتين توصلك لغرفتك وطلي عليه من فوق وقوليله ههههههههههههاي اهم شيء رفعت ضغطك وقومتك من جلستك






عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ




+:.+:.+:.+:.+:.

*** وقت الطقاق ***




لا جا يوم وبراسك حرش وتبين تطاقين انتي والتمساح لازم تجهزين نفسك من كل ناحيه:




1/ اللبس: لازم تلبسين ترنك خخخخخخخخخ علشان يسهل الجري





2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,




وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير




3/ مفتاح الغرفه >>>> الاحتياط واجب




اذا بدت المعركه حطي راسك براسه ولا تبيني له انك خايفه وبقي عويناتك فيه وقوليله إيش براسك عاد هو هنا بيقولك هذا اللي براسي طراخ الا ومخمس مصفي طبلونه ,




لا تستسلمين عطيه بوكس على عيونه الثنتين علشان مايشوف الدرب وحطي رجلك

.
وعلى طول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفيه لانه يبي ينتقم لكرامته وبيوريك النجوم في عز الظهر.. بس ولا عليكي
+:.+:.+:.+:.+:.+:.+:.
بس خلاص هذي كل الدروس

صاحبة القلم الرنان 07-09-2011 04:15 PM

رد: كيف تقهرين اخوكي
 
هههههههه حلوة أكتير

^ جواهر ^ 07-11-2011 05:42 PM

رد: كيف تقهرين اخوكي
 
شكرا على المرور

رتاج الامورة 07-11-2011 06:11 PM

رد: كيف تقهرين اخوكي
 
اليوم حطبقها هههههههههههههههههههه

^ جواهر ^ 07-12-2011 02:12 PM

رد: كيف تقهرين اخوكي
 
هههههه شكرا على المرور


الساعة الآن توقيت السعودية الرياض و الدمام و القصيم و جدة 10:27 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0