ازياء - فساتين سهرة و مكياج و طبخ - فساتين سهره للبيع كلمة تجنن قليله عليها

كيفكم حبايبي ..

بأختصر موضوعي لأنو بصراحه ماعندي اسلوب في الكتابه

الموهم ..

عندي 3 فساتين كل واحد اطلق من التاني وماراح اقعد احلف واقسم اللي تشوف من جد حتصدق ..
طبعن حأوصف كل واحد بالتفصيل ..

اجدد واحد لبستو يوم 3 شعبان اللي قبل سته ايام بالضبط من الحين في زواج اخو زوجي .. طبعن اول لبسه وآخر لبسه لبستو الساعه وحده الا ربع وغيرت ملابسي الساعه اربعه الفجر ..
الفستان اتعب اتكلم عنو راقي وفخم جدن جدن ..
وطلبتو من اميركا وكل من شافني اتجنن عليا لكن انا فيني طبع ماحب اكرر لبسي بالذات الزواجات .. وحرام يتكدس في الدواليب قلت يمكن غيري بتستفيد ..
طبعن سعرو 3300 لكن لو بعتو حيكون السعر اقل ..
المقاس 14 ممكن يتضيق وممكن يتوسع كمان لأنو فيه مساحه من جوا و موديلو يخفي عيوب الجسم مرره
لونو ابيض رهيب ..

الفستان التاني قصير للي حب القصير مرره كيوت لونو نيلي غامق مع دانتيل فضي طبعن القماش افخم وارقى واغلى نوع من الدانتيل والتفته موديل من تصاميم زهير مراد وربي لما لبستو يحسبوني لسه بنوته ماتزوجت لأنو انثوي على طفولي ودلوع مرره

يلبس 14 وكمان يتضيق وكمان يتوسع والحلو معاه الشوز لأنو لون الفستان صعب فأضريت اعمل شوز جونناان مرصوص عليه سوارو فسكي والله ياحبو هدا الفستان حب لأنو مافيه شي غلط كل شي فيه روعه ..

كلفني 4000 مع الشوز لكن والله يستاهل ..

لو وحده محتاجه وعجبها في اللبس واتفقنا طبعن السعر حيكون اقل وعلى فكره لبستو مرتين فقط لكن على جسم يلق نظافه وروايح حلوه مش اساس وبودره وتلطيخ

لكن كلها كم ساعه اتلبس لأني مصدقه نفسي ماحب اروح مناسبات من بدري ..

التالت والأهم مو بطل البطل .. كلفني 4000

ماقدر اوصفو لأنو تحفه فنيه .. لكن لونو اوف وايت على دهبي من تصاميم ايلي صعب مكون من توب وتنوره من الدانتيل والجبير الفخم كأنو فستان عروسه بس على مصغر و مو منفوش ويجنن

احب اقول شي مهم .. اللي اخت عريس او اخت عروسه او زواج اخو زوجها اخت زوجها ابوها امها ز الخ الخ يعني فرح سبيشل مرره وتحب تلبس الفخامه تتفضل لأنو الفساتين مو سهله يعني مو حلوه يكون زواج صاحبة اخت امي مثلن واروح بالكشاخه دي صح ؟؟

اللي جاده تراسلني .. ولا يهمها مانختلف ع الأسعار واللي فاضيه باللهي لا تضيع وقتي

باي