ازياء - فساتين سهرة و مكياج و طبخ

:ghjgjh:مسآئكم/صبآحكم...(أنا)<<هع
جئتكم من الأفق البعيد
أحمل قراطيسي<<<ركزو ع قراطيسي
ومحبرتي المكسوه برداء الحب ..
<<شكلها الاخت غلطانه ..
لالا مو غلطانه عارفه انو هدا قسم الفرفشه <<
أكيد مستغربين من العنوان <<بس جايتكم بالموضوع
بعد تفكير عميق
قررت انزل موضوع من عقلي المصدي<<هع
لاني كل مانزلت موضوع قامو شاتوه
يلا مو حابه اطول عليكم خلينا ندخل بالموضوع دوغري <<<بدري (من اعماركم)
المهم انا اليوم حبيت اقولكم موقف حصل معايا
هدا ياطولين العمر
مره في رمضان من الرمضانات <<افهموها عاد
ع اخر الشهر يعني بالعشر الاواخر
كنا بنروح نقضي للعيد و بعد الف كلفة لما بابا وافق انو يودينا السوق
المهم وصلنا للسوق والحمدلله وأحنا ماشين ع رجولنا <<
الا تمر سياره شباب مشغلين اغاني مصريه واو
وربي من قوة الدق تحسو انو الارض تهز من تحتك
وأنا عاد هوايتي الرقص ماقدرت امسك نفسي
<<لولا الحيا ولا كان رقصت بنص الشارع قدام الله وخلقه ههههههههه<<<لاتصدقو
كنت ماشيه جنب بابا
وماما واختي ورانا بس بعيدين عنا شوي
وأنا خلاص مو قادره امسك وسطي <<قصدي نفسي
قلت :بابا الحقني بسرعه
قال : ايش فيكي
قلت بس امسك وسطي ...
بابا انفجع يحسب انو صاير فيا حاجه <<<ع نياتو مسكين
قال تكلمي ايش فيكي
قلت بس امسك وسطي بعدين راح اقولك بسرعه
قام وهو مفجوع مسك وسطي <<
والله انا احسبو فاهم عليا لاني دايما ان كنت برقص اقولو امسك وسطي
والمسكين قام مسك وسطي
وربي ماقدرت استحمل جلست اضحك اضحك لما كنت راح اموت
عصب قال تكلمي ايش فيكي
قلت : امسك وسطي عشان مارقص
وبعدها شفت علامات تعجب واستفهام ع وجهه
التفت يمين يسار مافي أحد حولنا
بعدها قال
تفو عليكي يابنت الكلب <<<انتبهو بس قال تفو بدون مايطلع معها شي
انا اوريكي شغلك بالبيت امشي قدامي يلا
يحسب انو بنطلوني طاح ولا صار شي
وانا خلاص كنت طايحه بالارض من كتر ماضحك وربي حسيت انو راح يغمى عليا
الناس يمرو من جنبي يحسبوني مجنونه جالسه اضحك مع نفسي ولا مهستره ولا شاربه شي <<يفهموني غلط دايما
ماما جات هيا واختي
شافو بابا من بعيد وهو معصب عليا وانا جالسه اضحك بنص الشارع
سألوني ايش فيكي انتي وابوكي
بعد ماصحصحت شوي قلت لهم ايش صار
كلهم جلسو يضحكو
قال الحق مو علكيم ع اللي ماعرف يربيكم
ولما رجعنا البيت ماسوا حاجه جلس يضحك
قال ان وديتك مره تانيه السوق ولا بحق
اخويا قال والله لو أنا مكانو كان قبرتك بأرضك

ان شاءالله تكون عجبتكم قصتي المتواضعه
ويلا ياحلوين لاتنسوني من الردود والتقيم
وع فكره هاذا الموقف حق بنت خال لا تحسبو انا......هع:15_6_26[1]: