|
رد: رواية التبل إماراتيه روعة
|
رد: رواية التبل إماراتيه روعة
أهلين ميوتي
كيفك ياقلبي تسلمين على المرور و الدرجه الكامله ههههه نورتي ياعسل |
رد: رواية التبل إماراتيه روعة
مساء الورد
كيفكم جميعا كل سنه وأنتم بخير عدنا والعود أحمد راح أرجع أكمل معاكم الروايه بعد ما أنقطعنا في رمضان والعيد .............................. ......... الجـــــــــ 38 ـــــــــــزء .............................. . ( ومتى سرت له انت؟) سيف: البارح بس ماقولك بيييييتهم صدق ترتيييييب راشد: وماشفت ابوه؟ سيف: صراحه لا خبرني ان ابوه ببيته الثاني راشد: ابوه متزوج ثانيه؟!!! سيف: هيه راشد: هالعبدالله ابد مارتاح له سيف: وانا وايد يغمضني.... عازمني باجر .. مابتسير ويايه؟ لبسته وفريت ويهي عنه اكمل شغل.... بس سولت لي نفسي بعد ماخلصت الي بأيدي ودخلت للانترنت احس نفسيه من زمان عنه... سيف: طحت عليك شو يالس تسوي طالعته: سير لعبيدك يلس على طاولتي بملل: اففففففففف الحين بتبدأ اصطوانه كل مره ... ياولد الناس انا شوو يخصنيه رديت وانا اطالع شاشه الاب: يخصك عاده ولا مايخصك سير لعبيدك نش عنيه وسار لمكتبه .... اما انا استهللت فرحا يوم دخلت الشات وطلعت الريم موجوده ووحده ثانيه ربيع الورد غرشوب دبي: السلام عليكم ربيع الورد: هلالالا اخويه غرشوب وعليك السلام شحالك ولهنا عليك غرشوب دبي: يسركم الحال .... شو هدوء انثى انطرمتي يوم دخلت؟ هدوء انثى: وعليك السلام ربيع الورد:صدق عاده ولهنا عسوالفك والله غرشوب: هههههه كنت اطالع الشاشه وشويه باكلها... اباها تقول أي شي ... اهم حايه انها تتكلم ... بس شكلها مب ناويه ووهالربيع الروح لازززقه شرات الصمغ الامريكي ربيع الورد: اخويه ابا ارمسك بحايه غرشوب: شووو؟؟ ربيع الورد: لا مب هنا برسل لك رساله خاصه على المنتدى وطالعها زين؟ هدوء انثى: لالا خذو راحتكم انا طالعه باي قالت جيه وطلعت...... وابووووووووويه شو بلاها هالبنت شكلها فهمت غلط ... اوون خذو راحتكم ... واضح انها مفوله الحينه شو اسوي انا ؟ هو صدق ياني شويه فرح ان ريوم تغار عليي؟!!!!!! بس بنفس الوقت ضاق صدريه ماحب حد يفهمني غلط وهاي هالبقهر ربيعوه مالقت تقول جيه الا يوم الريم موجوده .. سكرت الاب مقهووور .. ونشيت ابا اطلع سيف: وين على الله؟ راشد: سيف ضايق صدريه نش ويا حذالي: شو مستوي؟ راشد: مادري بس احس نفسيه مخنوق سيف: طيب مابقى على الدوام الا ربع ساعه ... ايلس اشوي ليما يخلص دوام واسير وياك يودت ايده: تعال ماشي دوام بهالربع ساعه سار ويايه بعد اعتراض بس مايروم يقول شي يوم اني انا الماسكه ..... يلس يحوط بي بالسياره سيف: امممم راشد اروم اسئلك سؤال تجاوبني عليه بصراحه؟ فريت ويهي له: شو؟؟ سيف: اممم انت تحب؟ راشد: شو ياب هالسؤال؟ سيف: بس لانيه احس انك تحب راشد: وجيف حسيت؟ سيف: ماعرف..... تقلب مزاجك الي بين يوم والثاني يدل على جيه.... ماجاوبتني انت تحب؟ فريت ويهي عنه اطالع الطريج: هيه احب ... بس دخيلك لاتسئلني منو يلس يغني: ويــــلاه ضاق الصدر وماذكر يسئل علي ويــــــلاه طالعته وانا كاتم ضحكتيه: لالا صراحه بيعتزل راشد الماجد ابتسم بثقه: هيه بعد صوتيه يشق القلب شق راشد: هههههه وانا اشهد يابو... شوو قلت لي بتسمي ولدك؟ ضرب عصدره: بو كمال راشد: الله يخسك يعني بكامل قواك العقليه بتسمي كمال؟؟؟ .... حرام عليك مصري شو؟ سيف: ماتعرف بعد يمكن اتزوج مصريه راشد: ههههههههه ايوووه يااااسيييف انت فيييييين قام يصفق بأيده شارت المصريات: الله بأه داااا انا ياي بالطريج خخخخخخخخ كلووولولوولوووش زعرطييييي يااابنت راشد: هههههههههه ولا يوم بدق على فون بيتكم بقول لكمال ولدك بابا فيين بقول ليه بابا هنا هنا هوه اولو مين اولو عمووووو سيف: بصراحه دخلت الفكره بمزاجيه يعني تزوج لك وحده لهجتها جيه يديده تخلي الحياه فيها شوي اثاره واكشن راشد: دخيلك يا اكشن سير له حلاتها مواااااااطنه واذا ها تبا تغير خذ خليجيه اما انك تاخذ لي من دول افرقيا ولا اروبا اسمح ليه اقول عنك رخم سيف: يارييااال كلنا عيال ادم كمل طريج سايرين لعبدالله ربيعي مب ربيعه الددددب .. صدق الله خلق وفرق شتاااان بين هالاثنينه.... .............................. .......... .............................. ....... ولديه خذها بدون عرس ولا عوار راس وبنتيه اعرفها يوم بخبرها ماتمانع وبتسمع رمستيه)) وقفت عند الدري يوم سمعت هالرمسه من امايه.... الحينه اهي من صدقها؟؟؟؟... شو بقول عنيه الحينه ؟ امها ماتبها.... .....بعدت شويه عن لاينتبهو لوجودي سلطان: الله يهداج شو هالرمسه امايه: هيه خذها عندكم وادخل عليها عسب تشل البيت و... قاطعها: خالتيه ان كنتي متضايقه من وجود عفرا عندنا خبريني وانا بكلمه وحده اخليها ماتيي البيت امايه: لالا شو هالرمسه يالغالي سلطان: عيل انتي شو هالرمسه؟ .... خالتيه البنت ماناقصها شي عسب ادخل عليها بدون عرس وواذا بدخليها عليي جيه عرفي اني بدخل شمه على سهيل بنفس الطريقه وماتوقع ترضيها على شمه امايه: لاحول ولا قوه الا بالله ... انا بس اباها تساعد شمه شويه على البيت نش من يلسته: وهاي هي مامقصره كل يوم من الصبح يايه وشاله البيت شل وحتى عزيمه ابويه الليله هي الي بتعابل عليها ... ماطاعت اييب من المطعم بس عسب لايغفط حذال ربوعه ... ياخالتيه انتي مب أي بنت يايبه هااي عفرا وحراام والله مب هاي يزاها اني ادخل عليها بدون عرس ...... واذا عليي اقلب وقتيه بالدوام لاتزيغي من شي نشت وياه: لا ولديه مب هاي قصدي الله يهداك سلطان: عارف قصدج يالغاليه بس احب اطمنج امايه: خلاص الغالي الي يريحك بس لاتكدر بعمرك تبسمت بمكاني بعد ماسمعت هالرمسه .... ياربيه ويلموني في هالغالي هاااي لو اشعل اصابع ايدي وريولي بعد ما اوفيه ماطاع يدخل علي بدون عرس ولا حب ينقص عليي شي ..... الله يحفظك ياسلطان لي ..... كملت طريجي لجناح الريم عسب نسير نعابل لعزيمه الليله ... حليله عميه بو سلطان عنده ريايل من الطبقه الراقيه اون هههههه بيوه الليله ... وماقصرن الريم ووروضه تطوعن يسيرو ويايه شمه: ها انا قطعت البصل يكفيج هاي؟ طالعته: لا بعد زود روضه: ها عموه انتي شو الاطباق الي ناويه عليها؟ عطيتها الورقه الي كاتبه فيها الاطباق وكل وحده بدت شغلها .... شمه تناولني الطماط: حليلها ريومه دوم عليها الحم عفرا: ههههههههههه الريم: طالعتنا بدون ماتتبسم .... شكل المزاج متعكر عفرا:انتي رويض حطي العصير اول بعدين قطعي الفواكه عن لاتسووود هزت راسها شرات البشاكير: ان ساء الله ماما شمه: هههههههه انقلبت البنت عفرا: شمامي فديتج خلي الي بيدج و سيري رتبي غرفه سلطان عن لاتسير لها البشكاره تركت الي بيدها: اوكيجن سارت عنا ويات روضه صوبي : عموه شحالها اهي الحينه؟ عفرا: والله احس نفسيتها اوكي بس يبالها بعد .. يعني للحينه ماتاكل زين بس لجمه ولجمتين وتنش روضه: والله قامضتني حرااام والله جسمها الحلو راح كله... نزلت وااايد عفرا: هاي الام ياروضه فقدها مب شي عادي ردت وهي تكمل تقطيع: صدقتي فقدها شي مب عادي تبسمت لها: فديتج يارويض والله انتي الي قامضتني روضه: تدرو شو ؟؟ عفرا: شو؟ روضه: اوقات اقول ياليت امايه ميته على الاقل اخف عقلبيه من هالعذاب الي انا فيه شهقت: لا رووضه لاتقووولي جيه حتى وان كان هاي امج روضه: والله من الحرررره الي بقلبيه ياعمووه ان عنديه ام بس ماتباني عفرا: بيها يووم وبتعرف لاتكدري عمرج روضه: الله كريم اذن المغرب وتركنا الي بأيدنا عسب نصلي وومنها تكون فتره راحه ... ظهورنا تكسرت .... شمه وهي على المصلى : اخبركم بنات شحال منتدى سيف تراني من زمان عنه فريت ويهي على الريم اليالسه وعقلها ابد مب ويانه: الاخبار كلها عند الريم اما انا شراتكم من زمان عنه شمه يوم طالعتها: ريومه شو بلاج ؟ الريم: فرت ويها المحمر عنا سرت حذالها اطالعها: ريوووم ... ماشي رد... قربت ويهي اطالع بويها.. انصدمت يوم طالعت دموعها: ريووووووم فديتج شو بلاج لشو هالدموع الريم: رمت عمرها بصدريه بصوت بجيها شمه: بسم الله ريومه شو استوى مره وحده جيه تو كنتي شحلوج مسحت على راسها: ريوم فديتج خلاص طالعتني شمه بتسائل ... رفعت كتوفي يعني ما ادري... هالبنت دومها جيه يومين فرحانه وويوم تطلع حرت قلبها بالبجي يلست شمه حذالنا وتبسمت بخبث: كل هاي لانج ماتبي تطبخي خلاص سيري بيتكم عفرا: هههههه هيه شكله جيه ماتابا تطبخ قالت اصيح الريم:رفعت راسها وهي تمسح دموعها وتضربني عكتفي شمه: هههههه ابتسمي فديتج تبتسم لج الحياه عفرا: هيه والله ماششششي حايه تستااااهل بهالدنيا الريم: ابتسمت لنا وهي تمسح دموعها اليتناثرن بسرعه شمه وهي تحط صبعها على دموع الريم الي بخدها: طالعي عفرا شقايل دموعها كبااااااااااار وايد عفرا: ههههههههههههه هيه والله كبار حشى مطر مب دموع روضه: حرام عليكن خلاص بيستوي قحط بعيونها عفرا: هيه احسن عسب لاينزلن دموع ثاني مره نشت عنا الريم تغسل ويها ... وردينا لشغلنا من يديد... وانا بين كل دقيقه والثانيه اطالع بساعتيه... تأخر سلطان كالعاده!! ان شاء الله يكون المانع خير.. .............................. .............................. ..... كل اعصابي طلعتها بالسلطه الي يالسه اقطعها.... الى درجه ان صبعي انجرح ..عقمته ورديت من يديد اكمل .... صعب اوصف لكم شعوريه .... يمكن حب التملك وحب اني ابا شعور راشد مايتغير من صوبي ولا شعور خوف ولا شوو مااا ادري احس نفسيه ضايجه ... واعصابي تالفه... هالرسايل الي تييني من صووب ... وهالبنات المنتدى المتخبلات عراشد من صوب ثاني بخاطريه اسوي بهم كللللهم مجزره الى هالدرجه وصلتي يالريم؟؟؟!!! هيه مابا حد منهم تشله عنيه ..... شو هالحاله ياربيه اففففف فزيت بسرعه وفريت ويهي يوم سمعت حسه وهو يدخل المطبخ عفرا: ههههههه الله يخسك ياسويف يالله انجلع برع راشد: هيه يالله انجلع برع مانباك سير لعبيد عفرا: الي بساعدنا حياه بس الي بيوقف شرات العواميد الله وياه سيف يرفع ايده: عيل مع السلامه ياجماعه راشد بعد ماطلع سيف: طالع الحمار سار عفرا: ههههههه اصلا هالولد خلالاص مخترب شمه: هيه والله من استوى عنده منتدى يلس يتخقق علينا روضه: ههههههههههه اونه يتخقق عفرا تغمز لراشد: اقووول رشود راشد: هلا عفرا : سير ساعد الريم على السلطه حليلها صبعها انجرح من جيه ماتروم تسرع تبسم وهو يحج شعره: هاه... هيه ... ان شاء الله عفرا: لحظه ... لحظه... اول ارفع هالكشه الناقعه مد ايده لجيبه وطلع مطاط رفع به شعره من جدام... ويا صوبي بسكينته..... يلس على الارض جدامي تماما يعني ثنينا مقابلين بعض بس الفاصل لوح التقطيع.... .... الاجواء الي حولنا فوضى والكل منشغل بحاله .... بس انا وراشد مكانا كان منعزل شويه عنهم... فلذالك ماشي صوت بينا غير صوت نسم راشد..... واضح انه متوتر من ايده المرتجفه الي يالسه تقطع.... راشد: وايد طوال رفعت راسي له بتسائل تبسم بويهي: صبوعج...... لبسته وكملت تقطيع..... راشد: حلوين وايد رفعت راسي له تبسم من يديد: عيونج المحمره هم انا لبسته من يديد وكملت تقطيعي كمل بهمس: ريوم انا شو يخصني بهالبقره شو اسوي بها اذا لازقه شرات الصمغ ... فديتج لاتزعلي منيه والله انا مايخصني كملت تقطيعي وانا احس بالنار يالسه تنطفي شوي شوي ... بسبه ونااااااااستي لتبريراته وخوفه من اني اكون زعلانه لو شي راشد: ريوم والله ماستاهل هاي منج انا شو يخصني بها.... اذا تبغي خلاص مادخل المنتدى مره وحده بصراااااحه واااااايد عيبتني الفكره هههههههه بس مب لهاي الدرجه بكون حقوده...... رفعت راسي له وانا كاتمه ضحكتي على شكله راشد: ها شو قلتي؟ يودت فوني وكتبت له: ماباك ترمس هالجلبااااااااااااات راشد: هههههههههههههههههه خزيته بعيني على ضحكه بس يوم خزيته زااد ضحك راشد: هههههههههههه وابويه ماروم ماروم كملت تقطيع وانا مفوله عليه راشد: ههههههههه سوري فديتج بس شو اقولج..... ريوم... ريوووووم طالعيني رفعت راسي له راشد: انا فرحان واااااايد تدري ليش؟ ناظرته بتسائل تبسم بخبث: لان اكتشفت انج تحبيني غفطت من رمسته ونزلت عيني وانا اكمل تقطيع عسب اشغل نفسيه عن نظراته الي تحرجني بس شكله الولد مب ناوي يرحمني راشد: صدق صدق ريوم انا اليوم اسعد انسان فريت ويهي الصوب الثاني وانا اعض شفايفي من الاحراج راشد: ههههههه خلاص انا برحمج ..... الساعه وحده اباج عشات باااااااي حط سجينته ونش عنيه...... ... آه ياراشد انت عرفت اني احبك وجيه فرحان.... شقايل عيل لو تعرف اني اموت فيك ولا اروووم اعيش بلياااك ربي يحفظك يالغالي ويبعدك عن كل البنات الا انا!!!! .............................. ... |
رد: رواية التبل إماراتيه روعة
.............................. ...
الجـــــــــــــ 39 ـــــــــزء .............................. .................... ( انتي حامل) روضه: شووووووووووووووو!!! كتمت ضحكتي على شكلها المشدوه: الي سمعتيه والله روضه: جسوم لاتخبص بي شو هالرمسه جاسم: ههههههههه والله هاي نتايج التحاليل شو اسوي بج يعني يلست على الكرسي وعينها متروسه دموع: مابا سرت حذالها وانا طاير من وناستي: منو غيرج مخبل مايبا العيال؟ فرت ويها لي وايدها عبطنها: جسوم انا خايفه يودت ايدها:حبيبتيه لاتخافي من شي وانا وياج لوت عليي : جسوم يعني الحينه انا ببطني انسان؟ جاسم: هههههههههههه الله يهداج شو انسان..... للحينه تو مابعد رفعت راسها وعلى ويها ابتسامه مب مفهومه: والله مابخلي حد يجيسه جاسم: افا حتى انا؟ روضه: افكر جاسم: هههههههه اونج عاده .. المهم امايه تباج ... يووم خبرتها شوي وبتموت من الفرحه كفختني على كتفي: ويعه شقايل تخبرها وانا مب حذالك رديت عليها وانا اسحبها ويايه لبرع: عسب افاجئج انتي الثانيه امايه من بعيد: هلا هلا بالحامل والمحمول ههههههه سرنا صوبها : هلالالا بج يالغناااه يالله امايه باركي لها تراني خبرتها امايه تلوي على روضه: مباركييين فدييتج عقبال مانشووفه محمول على ايدينج شقيت الحلج: اميييييين امايه: يالله.... الله يعين بستوي جده وانا بعدني صغيره جاسم: اونج عاده يام جسوم صغيره فلعتني بالمخده : انطب يالله انطب جاسم: امايه انتي لزوم تحترميني الحينه بستوي أب امايه: جسوم جاسم: لبيه امايه: سير خبر يدك ويدتك انا ابا ارمس ويا روضه شوي جاسم: اهااااااااا جيييه يعني تبي اطلع امايه: هيه اطلع جاسم: وان ماطلعت؟ خزتني بعينها: جسوووووم نشيت وانا اضحك جني خبل.... ما انلام الخبر وايد حلووو ... بستوووووي أأأأأب سيف: احلف ياريال أأأب مره وحده يدوه: بالمبااااااارك فدييييييتك بالمباااارك سهيل: شحالها روويض ان شاء الله يعني ماملعوزه من الحمل جاسم: ههههههههههه تو الناس على العواز الله يهداكم سيف: خبرني خبرني بأي شهررر؟؟؟؟؟ السابع ولا الثامن؟؟؟ جاسم: لا يقولو التاسع سيف: احلف! جاسم: شو يعرفني عنك بعد اوون السابع ولا الثامن.... بعدها بالثاني سيف: يااااااااااحييييج يارووويض بعدهااا يبالها مشواااااار جاسم: وين يدي ابا ابشره ان بشووف احفاد احفاده سيف: صدق انك حمار بتستوي اب عقولتك قبلي .... امايه بذمتج منو المفترض ان يستوي اب انا لو هالنتفه هاي يدوه: محد قالك ماتعرس .... كل يوم اختار لك بنت من هالغراشيب وانت تقول ليه لالالا لالالا تعبت وياااك... صفع عويهه: امااااااايه انتي من صدققققج ايييي غرااااشيييب هااي .... بنت ياااارنااااا مهره السوده ولالالالا بنت عيسى هذيج الدبه امايه اذا هيلالالا غراااشيب عيل الغراشيب اسمحي ليييه بينتحرووو يدوه: آآه يامسوود الويييه شووو يعرفك ان مهره سوده لو لالالا سيف: لالالالا ومننووو الي يخرعني يوم انا صغير غير ووويها الي جنه اصطوانه غاز سهيل: ههههههههههه سوووويف بسسسك خلالالاص سيف: لا من صدقيي امايه تبا تدبسني بأي وحده.... عيل ذاج اليوم يايتني من عرس مبارك هاايااك ابو وزار مشخط تعرفه؟؟؟ سهيل: ههههههههه هيه شو بلاه؟ سيف: تقو لييه بنتهم والله غرشووبه... بذمتك سهيل ماتذكرها؟؟؟؟ هااايج ام فستان احممر الي كنا نسميها كتشب الي تناقز من فريج لفريج جنها عنز؟؟ نقع سهيل: هههههههههههههه خلالالالالاص سووويف ماروووم يدوه: الله يلعنك ترااااهن كبرن وحلووون ومحد خسران غيرك سيف: خسراااان هيه وابويه خسرااان بس دخيلج مااباا هيلا تااااااااااريخهم اسود يدوه: بسم الله عتارررريخك يوووم كنت صغيييره تمممص اصابع ريوولك جاسم: هههههههههههههه لالالا صدق تاريخ احمر مب بس اسود يدوه: ولالالا بعد ماتطيع تشرب ماااي الا من الحمام سهيل: خسسسسسك الله سيف حاط ايده عحلجه: امايه صدق كنت اشرب ماي من الحمام؟ يدوه: هيه بعد شو اسوي بك ماطيع تشرب الا من هناك؟ سهيل: ووووووع الله يلوع جبدك نش من مكانه: انا ساير انتحر يدوه: هههههههههههه ايلس مكانك اسولف عليك سيف: امايه شو هالرمسات بعد اون تسولفي يعني يدوه: هيه لانك خقاق تستاهل سهيل: ههههههه لالالا صدق تستاهل مستلم بنات الناس مطناز سيف: انا اسير لمنتداي احسن اليلسه ويا ناس شواااااااااب يدوه: ياقليل الخاتمه نش عنا ونشيت انا الثاني ساير للبيت.. .............................. ........ .............................. ....... ( بس دخيلكم تعبت) قالتها عفرا وهي تحط الاكيس على الارض تمسكنت عليها: عفووور دخيلج مابقى شي واخلص ... عفرا: لادخيلكم ماروم ريولي مايشلوني .. سيري ويا سهيل فريت ويهي عسهيل: لالالا مايروم يدخل ويايه ماباه يطالع الي بشتري سهيل: عفرا نشي يالله البنت مابقى شي وتخلص نشت بقله حيله: يالله العرس ومابقى عليه الا القليل .... عفرا خلصت تجهيزاتها يعني ماشي الا اشياء بسيطه.... وانا يوم استغرت امورنا شرات قببل بهالايام الي طافن جهزت بشكل لا بأس به لانيه بالاصل ماكان لي بارض بس ابويه لزم عليي الا اسير واتشرى للعرس..... بخاطريه ان العرس يتأجل اكثر بس استحيت على ويهي اطلب لان اجلوه وايد لي .... تشريت على السريع وردينا عفرا للبيت اما انا وسهيل كملنا طريج سايرين نشتري اثاث لغرفه النوم.. مد ايده يقرص خدي وهو يطالع بالطريج: شو بلاج ساكته جيه طالعته : مابلاني شي عدل ايده ومسح بها مكان قرصته: احسج مستويه كئيبه بهالأيام فريت ويهي اطالع بالطريج: لا كئيبه ولا شي وقف السياره عجنب الطريج: المشكله ماروم ارمس وانا اسوق..... شمامي طالعيني شمه: لشو؟ مد ايده لويهي وفره له: ما انتي شمه الي اعرفها بثواني تجمعن الدموع بعيني ...... نزلت راسي وهالادموع يتناثرن رفع راسي بأيده وهو يمسح دموعي: افا ياشمه افا... طول ما انا عايش هالدموع ابد ماينزلن شمه: قلبي يويعني اني بعرس وامايه مابتحضر عرسيه سهيل وهو يمسح عراسي: الله يرحمها .... هاي الي كاتبه الله وهي اكيد بتفرح لج حتى لو هي بقبرها .... اهم حايه تدعي لها بالرحمه شمه: الله يرحمها تبسم بويهي: تصدقي شميم تحلوي اكثر يوم تبجي... شكلي بمسيج بطراق وبصبح بطراق عسب تتبجبجي لي حست بوزي: لالالا والله يود ويهي ومسح عخدي: في ذمتيه هالويه مابيتصبح الا على بوسات غفطت وفريت ويهي عنه: سهيل اصطلب شغل السياره: ههههههههه مصلطب افا عليج كملنا طريج لمحلات الاثاث.... وسهيل ماقصر لعوزني ... احم احم يعني ذوقه مب حلو فديته مب وايد يعني مب حلو شويه بس خخخخخ ......يعني مايعرف ينسق بين الالوان عيل دخيلكم صبغ غرفه نومنا بيج ... والاخ مختار لون الاثاث اخضر!!!!!! سهيل: ها عيل شو اللون الي بدماغج؟ شمه: هههههههههه عاده اخضر مايستوي يأشر: عيل طالعي هاي السماوي حلو سحبته: احلف بس اووون سماوي غرفه اطفال شوو.... تعال طالع هاي بني محروق روووووعه سهيل: هاي غامج شمه: هيه حلاته غامج لان لون الصبغ فاتح حج راسه: اوكي .. طيب طالعي الشكل جيه تبي؟ شمه: امممم بس السرير لو يحط به مرايه احسن سهيل: لشو مرايه!!!!!!!! حست بوزي: احلى قرب حلجه من اذني وعلى ويهه ابتسامه خبث: طيب حجم السرير تبي اكبر ولا جيه يكفي؟ كفخته عراسه: ياحمار سهيل: ههههههههههههههه شمه: ويعه بسك ضحك فضحتنا يود ايدي: هههههه خلاص يالله نسير سرنا بعد ماحددنا الاثاث والنوع الي نبغي .... وكملنا طريجنا للبيت .............................. ............... .............................. .............. ( ريوووم والله ان ما خبرتيني شو بلاج بزاااااااااولج وصدق اقولها) رسلت المسج وانا انتظر رد من الريم..... هالبنت بحياتها وايد اسرار ... صحيح بكون متطفل على خصوصياتها بس لو عندها حد تشكتي له بقول اوكي بس ماعندها حد وغير جيه تكتم بقلبها.... ( مابلاني شي) هاي ردها عمسجي!!!........... الحينه كل هالدمووع الي شفتها وتقول مابلاها شي!!! ( انتي تجذبي علي لو شو؟؟؟؟ الحينه شو هاي الي شفته على خدج يوم دخلت مطبخ بيت خالوه؟؟؟ .... دموع لو شي ثاني؟؟؟ .....خبيله انا عندج؟؟؟ يمكن تتحسبيني مب مركز ثقه بس جربيني هالمره) ( لالالا راشد مب قصدي جيه لاتفسر الامور بهاي الطريقه) ( عيل خبريني شو الموضوع) ( شو تستفيد ان خبرتك) ( حتى ان ماقدرت اسوي لج شي بس اهم حايه انج تفتحي قلبج وترتاحي ....) ( طيب بخبرك شي رقم وايد يرسل رسايل تويع لي قلبي ولا اعرف من منو بس الي اعرفه انها وااايد تأثر فيني) ( اول حايه الحين انتي تسوي بعمرج جيه عسب رقم ورسايل!!!!!..... ثاني حايه فيي ذمتيه مابيصبح الصبح الا وانا عاطيج اسم صاحب الرقم .... وثالث حايه رسلي لي جم رساله من الي يرسل هالرقم لج ) ( صدق تروووم تيب الاسم؟؟؟؟؟) ( هيه اروم والصبح بعد) (صدق رشوووود فرحتني واااايد) تبسمت على فرحها وانا اتمدد عشبريتي.... دقايق ورسلت لي الرقم ووالرسايل الي يرسلها صدق سخييييييف كلها ياليت تموتي ومدري شووو.... بس الي فهمته ان هالرقم يعز خليفه او بالاصح يحبه... .... ما اصبح الصبح الا وانا مسوي كل اتصالاتي خخخخخخ وتحرياتي ..... راشد: هااااااااااااااا بطييييوه خبرني ؟؟؟....... شوو؟؟.... ياريال من مساع اترياك.... متى بترسله؟؟... هاااا ان سكرت وماحصلت الرساله وفيها الاسم بذذذذذذذبحك سكرت عن بطي الفون وسرت امشط شعري المخرس ماي ..... دقايق ووصلت لي الرسالفه ( عبدالله محمد الـ.....) عبدالله محمد عبدالله محمد !!!!!!!!!!!!!!!!!!!!!!!!! ماغيره ربيع سييف!! آآآآآه يالحمااااار هاي شوووو يبااااا بالرررريم ........ الافكار قامت تاخذني وتيبني .... شو اسوي الحينه...؟؟؟ اخبر سيف لو شو؟!!!! لالا شو اخبره اكيد بيسئلني شقايل عرفت ان عبدالله يراسل الريم وووجيف الريم خبرتك!!! اففففففف ياربي شوو هالحاله ...... انا لزوووم اطلع لي ممسك على عبييد لزوووم .............................. ... .............................. ... العرس ومابقى عليه غير يومين .... البيت حوسته حوووسه اكيد 4 من العايله الكريمه بنعرس اكيد الحوسه قايمه مسحت العرق من على راسيه بعد ماطلعن قوم بو هنود من جناحي ...... خذيت شاور سريع ونزلت لتحت ........ طالعتني شمه وهي تبتسم: هاااا المعرس بادلتها الابتسامه: هااااا العروووس شمه: ههههههههه ها خلصوو كل شي؟ تمددت على الكنب: هيه الحمدلله احس هم وانزاح ... كنت احاتي وايد هالاثاث... شمه: يالله اهم شي عاده تاخذ لك اجازه مب بعد تكرف عمرك بأيام عرسك سلطان: ههههههه لاتوصي حريص........ ووين عفره كانتت موجوده مساع شمه: بالمطبخ تسسوي العشا والحماره طردتني رديت عليها وانا انش: هههههههه احسن زين تسوي حاست بوزها: شووو هالانحيازييييه عيني عيييينك اووول عرس بعدين انحاز لحرمتك يالخاااايس دخلت المطبخ على عفير: شوووو العروووس بسسسج طبخ بتخيسي .... اباج تيني يديده نكست راسها مغفطه: آحم لاتحاتي هاي اخر يوم اطبخ هزبني عمي مساع ابتسمت: تستاهلي عيل عروس ومعابله على عمرج ... هو صحيح بتلوع جبودنا من المطاعم ومن طبخ رشود اخويه بس يالله نمشي الحال لبعد العرس رفعت شعرها لورى اذنها وهي تطوفني: احم طيب انا استأذن بسير اتسبح طلعت عنيه من المطبخ وانا ااراقبها بعيني.... يومين بس ياعفرا...اوووويل حالي عليج .. ييت بطلع من المطبخ بس استوقفني صوت الفون.... فريت ويهي وحصلت فون عفرا ..... مديت ايدي شليته 4 مكالمات لم يرد عليها 3 رساله وارده حشششششى .... فتحته بسرعه بفضووول منو ثجيل الطييينه هاي المكالمات من رقم مب معروف ... سرت للرسايل اطالعها وكلها من نفس الرقم ( افاااااااااا ياعفراااااا نسيتي الملح والخبز الي بينا) سكرت اول مسج وسرت لثاني ( رررررررررردي عمسجي انا حمممممد مسرررع مانسيتي يااعفرا) كل ثجل الدنيا حسيته تجمع بيدي ..... ملح وخبز!!! ... حمد!!!!!! ....... ومسرع مانسيتي؟!!!!! هووست على الفوون وشويه يتكسر بين ايدي ...... كل الدمم تجمع بعرووق ويهي ... زميت على شفايفي وانا ارد الفون مكانه خلاص ياربيه مب رايم اكمل وافتح المسج الباقي... خلاص مابا انصدم اكثر عن جيه..... سرت لجناحي ..... طالعت الاثاث اليديد الي كنت فرحان به قبل دقايق .... عشوووو تفرح ياسلطان هو بعمرك شي بنت ماخانتك؟؟؟؟؟؟؟ شي مررره فرحت وكملت فرحتك؟؟؟؟؟؟ قلبيه يتقطع.... كم يتحمممل؟؟؟؟ ماروم اكثر عن جيه والله ماروووم مديت ايدي للابجورره ورميييتها على الارض.... تتكسر وتنتشر من حولي شرات ماتكسر قلبيه سلطان: خاااااااااااااااينه........ الله يحررررق قلللللبج شراااات ماحرقت لي قلبييييييه الله يحررقج ياعفراااا رميت نفسي عشبريه وانا احس بكتمه الدنيا بصدريه ......... آآآآآآآآآآه ياعفررررررا انتي مب جرحتي قلبي شرات الي قبلج لالالا انتي قتلتيه.... وتحملي انتي انسان مقتول قلبه!!! |
رد: رواية التبل إماراتيه روعة
.............................. .....
الجـــــــــ 40 ــــــــــزء .............................. ....... امايه حرام علييييج الكل يرزف برع وانااا مخييس خلالالالالاص ارحميني دخيلج انا امايه: بس سير ركب الشاشه ضربت عويهي: ياربيييييييه امييييه لشوووو هالفالتات يطالعن بالشباب هااااه؟؟؟؟ امايه: بتخبرك بتسير لووو هالخيزران يلعب على جسمك الحينه زميت ضروووسي ودخلت بوسط الحريمات عسب اركب الشاشه ويطالعن رزيفنا برع ......... سيف: بسم الله خرعتيني ويييعه حسبت وحده من هاليالسات يايه تغازلني روضه: هههههههههه هاي يزاي يايه اسااعدك طالعتها:يقولو حامل وين دبتج ماشوف شي؟ حاست بوزها: حرام عليك حشى شو تبا دبه من الحينه رديت عليها وانا اسحب الاسلاك واركبها: هيه عادي هاي امي طالعيها دبتها قدامها وهي مب حامل روضه: ههههههههههههه حليلها لان يابت وااايد عيال فريت ويهي وتفلت بويها: بسم الله من عينج مدت ايدها تمسح التفال: حوووووووووه بو تفااال شووو هاااي سيف: ههههههههههه زين تفالي يمدحوه ... تراج ماتدري تيني طلبيات على هالتفال روضه: مااشااء الله سيف: هيه اعبي غراش انا روضه: والله؟ طيب بكم؟ سيف: امممم تقريبا مليون هاي عرووض عليها روضه: ماشاء الله سيف: طالعي ريلج.... طلع بالتي في يااابت طالعت الشاشه: واااااااااااي فديت بعلي خزيتها: استحي عويهج روضه وعينها بعدها عشاشه: هههههههه سيف: شحال عروستنا هااا جهزت ولبست الفستان الابيض؟ روضه: ياربي شقااايل تسبغ الاحداث ... حليلها احس نفسيتها زفت يمكن من خوفها نشيت : اون زاايغه وهي دومها منقعه هناك روضه وهي توصلني للدري: هههههههههه حرام عليك غمزت لها: ماشي بنات فوق جيه نشوف جم وحده بالغلط؟ شقت حلجها: ماااااااااااااخبرتك يايه لنا وحده من منتداك سيف: والله؟!!!!!! روضه: هيه شذى سيف: اوووه المساااعده الشخصيه ... ماخبرتني انها بتيي بيتنا روضه: ههههههههه وشقايل تخبرك سيف: روووض يوم اطلع بعد ماتسبح واكشخ خليني اشوفها زين؟ طالعتني بنص عين: احلف سيف: ههههههههه امزح معاج روضه: تراها ماتتغشى يعني تروم تشوفها شقيت حلجي: عيل رووض سوي فيني خير وواوون اشوفها بالغلط وجيه من هالحركات غمزت لي: ابشر طويل العمر دخلت عنها لجناحي وانا اضحك عليها ام دبه هههههههههه بالعلم ان ماشي دبه بس لزوم نهيئها نفسيا عسب لاتنصدم تسبحت بماااي يصلللللخ البدن من حرارته ... بعد الليله عرس اختيه وواخويه لزوم الكشخه.... ماطلعت من الحمام الا وريحه الصابون تشع مني ... فريت الفوطه وانا اطالع بروحي بالمرايه... حشىىىىى تصلخ بدني واستوى عنابي من حراره الماي ههههههههه تلبست لي كندوره بني محروق ووتسفرت بغتره حمرا وعقال !!! ... ماااروم عليك ياسواف صدق كشيخ طبعا هاي الكشخه لليوم اما كشخه الليله طقم انا ووورشوود طبعا سيف: آآآآحم هوووووود يات صوبي بسرعه: عمي عمي سيف: يالبقره ببطنج ياهل ويالسه تربعي جييه ... الحمدلله والششكر يهال ويحملو يهال خزتني: وهاي الي يايه عسب اخليك تشووف احم سيف: شو احم؟ كفختني عكتفي: مسرررع مانسيت ... احم المنتدى شقيت حلجي: هييييييييه صدق؟؟؟ روضه: هيه اوون الصوت مب واضح تعال عدله عدلت كندورتي وغترتي: ها طالعي عدل جيه؟ سحبتني لداخل: هيه دخلنا عليهم بس شي حريم وبنات وايدات ..... يعني ماعرف أي حد منهم.... يوم سرت صوب الستريو ..يات رويض صوبي همست بأذني: هاي الي جبالك بالضببببببط ام عبايه الي فيها فصوص حمراء رفعت نظري ببطء: هاي البيضا نغزتني بخاصرتي: ويعه سيف: هههههههههههههه هاي فلبينو كفختني عراسي وسحبتني لبرع: وووويعه انت ماشي حد يعيبك يلست على الدري : ههههههههههه وابويه ماروم فلبينو والله هههههههههه روضه: حرام عليك والله جميله !!!!!!!!!!!!! سيف: هههههههههه فلبينو بس على شوي عربي هههههه روضه: خسك الله طلعت عنها وانا مازلت اضحك.... بصراحه ماكنت متوقع شكلها جيه!!! شقايل لو شافها راشد..... عقولته يتخيل صبوعها طوال هههههههههههه بس صدق فلبينو... عيونها شارت الفلبنيات صغيرونات ودوائر شرات الانمي وووجها دائري شراتهم وووحتى طولها وبياضها بسس الي يدل انها عربيه خشمها هههههههه ياحليلج ياشذى بس صدق فلبينو!!! .............................. ........ .............................. ...... حوستنا حووسه بهالعرس... حتى راشد كان يبا يرمسني بموضوع الرقم بس ماشي ووقت محتاسه ويا عفراا.... لعوزتني لان نفسيتها زفت من بعد الي خبرتني به ما ألومها ..... ياتني وهي تصافع عمرها وبأيدها فونها عفرا: شافهم ياااارييييم شاااافهم الريم: طالعتها بتسائل؟ عفرا: حمد الجلللللب رسلي رسااايل وووشافهم سلطاااان صدقيني شااافهم .. توو راده اشل فوني بعد مانسيته ...شفت الرسايل مفتوحه ووسلطان مب موجود بالمطبخ!!!!! يلست اهديها بس مااااشي البنت حالتها لله ....ولي ثبت هالشي ان مااادق عليها فوون من ذيج الليله... اقترحت عليها بنفس الوقت تسير ترمسه بس ماطاعت..... وطول هاليومين وهي على اعصابها وتتريا تسمع خبر الغاااء العرس!! الكوافيره: خلاص والله مب عارفه اسوي شي بويهج ... شو يبجيج؟؟؟ ... اليوم عرسج هاي لحظه تنتظرها كل بنت انتي الحينه كان فرحتج ماتوسع الدنيا مسحت عفرا دموعها: آسفه تبسمت لها: لا حبيبتي حصل خير ... انتي بس هدي اعصابج الريم: حطيت ايدي على جتفها وامسح عليه عسب تهدي اكثر ...... استرخت بيلستها وبدت الكوافيره شغلها... وانا اليوم شوي وبنقسم لنصين شويه حذال عفرا وشويه حذال شمه الي التوتر لاعب بها لعب لان ماكان شي حد وياهم غيري ... بس يوم يات روضه ووام جسوم تسهلت الامور ... تساعدنا في تجهيزهم بسرعه وكملنا طريجنا للفندق بعد مايانا سويف روضه: لالالالالالالا ماروووم انا جييييه شووو هالكشششخه شووو هالحركاااااات قالتها روضه يوم طالعت سيف بكندورته الرصاصيه سعوديه الجنسيه وبزخرفه بلون رصاصي اغمج على اكمام اليد ووالعنق وذيج الغتره البيضا والعقال ... بصراحه ابداااع ... تخيلت الكندوره على راشد الطولول اسمييييها مابتخرب... ابتسم بخقه وبرمسه سعوديه رد عليها: آآآحم آآآحم افا علييك اعجبك انا يا أم كشه روضه: مالت الحين انا يالسه اتمدحك وانت تقول ام كشخه اشر عراسها: اجل وش ذا العماره؟ روضه: ويعه هاي تسريحه سيف: حشى تسريحه لو عش حمام ام جاسم: هههههههههههه اقول سيف مابترزف يوم تدخل؟ سيف: لالا ماحب الرزيف انا .... بيلس ارقص جكسون ... روضه: وععععع دخيييلك عمييي الا هالرقصه وايد ماحبها سيف: رويض لاتيلسي تتوحمي عليي ضربته عكتفه: ويعه خزها: من متى هالميااااانه يابت علوووه اشووفج تزوجتي وفصختي الحياااا .( وفر ويهه لام جاسم).. ام جاسم ام جاسم: هلا رد يطالع الدرب: كل بنت تتزوج تستوي جيه؟ ام جاسم: ههههههه هيه يضيع شوي من حياها سيف: يعني عفير اختي بتستوي قليله ادب ام جاسم: ههههههه العروسات ساكتات شكلهن زايغات سيف: شميم هاااااه شو شعورج وانتي جيه عرووس شمه: سويف دخيلك ماني فايجه سيف: ههههههههههههه والله مارووووم اشووفج متوتره يويعني فوئاديه غناتيه ام جاسم: بخبر سهيل عليك سيف: افااااااا ماخبري بج يازوجه اخي المصون فتين ام جاسم: هاي الدنيا ياحمايه سييف: الا رويض متى طلعت فلبينو من عندكن؟ كفخته عكتفه: وييييعه ترى بخبرها وبخليها تطلع من منتداك خييييييبه ياسويف!!!!!!!!!! متى شاف شذى..... لا والخايس يقول عنها فلبينووو حرام عليه وااايد جمممميله ووملامحه شرات الانمي نااااااااااعمه سيف: ههههههههه وربيه صدق فلبينو ام جاسم: منو هاي؟ روضه: هااايك البنت الي وريتج وياها الي قلت لج ان نعرفها من المنتدى شذووووي ام جاسم: يالخايس اون فلبينو بسم الله عاده على عيونك جنهم عقر نمل روضه: ههههههههههههههه تشبيه بليغ امايه سيف: انا ريال مايعيبني شي روضه: لالا حبيبي الجمال مطلوب حتى عند البنات يبن شاب جيه جميل ووسيم سيف: وانا غير جيه؟؟؟ روضه: حشششششى والله انك تعقققق الطييير ام جاسم: خلج عنه هو بروحه خقاق وانتي تتمدحينه وصلنا الفندق ويلسنا نجهز فيهن على السريع لان تأخرنا ...... دقايق ودخلن هن الثنتين القاعه على صوت موسيقى كلاسك .... يودت كميراتي ووقفت قدامهم وانا اصور دخلتهن .... كان البخار من حولهن وطلعن كنهن نازلات من السما ... صدق المنظر كان وايد رروووعه خصوصا مع الورد الاحمر الجوري الي كان مغطي الجسر عفرا كان مكياجها وايد خفيف ماحبت تثقل .... بس شمه كان شويه ثجيل بس هم طالع حلو عليها خصوصا ان عيونها كبيرات التوتر واضح على الاثنينه.... عفرا بسبه انها مب رايمه تواجه سلطان.... وشمه تحس نفسها ضايعه بدون امها..... وصلن للكوشه ويلست اخذ لهن صور... تساعدت شمه ويايه بس عفرا لعوزتني وايد..... حتى انها رفضت انها تصور بس يوم طالعتني مصره انطرمت وويلست تسوي الحركات الي اطلبها منها .... ياتنا خالتيه وهي تربع تخبرنا ان المعاريس الحينه بيدخلن ويا الشباب .... خذينا عفرا وشمه لغرفه العرايس وورديت انا بعد مالبست شيلتي للقاعه عسب اصور دخلتهم... دقايق ودخل سهيل وسلطان...... شو اقول لكم عن سهيل.... اوووف الفرحه شوي وبتطيره لسمااا... الفرح كان صدق واضح على ويهه ومشاء الله الصنفره لاعبه دورها بويهه .... ههههه حليله ماعمريه حصلته يلمع شرات جيه ... اما سلطان.... جمود ويهه المعتااااد كان كاسي ويهه وهالشي عطاه وسامه اكثر..... بس كالعاده سلطان مستحيل حد يعرف شعوره من ملامح ويهه... كنت ابا اعرف هو معصب ؟؟؟؟ ولا متوتر ولا شوو...!!!!! انتبهت لاطول الشباب الموجودين... منو غيره؟؟؟ .... رااشد مسوي للحيته غفل ووولابس شرات سيف.... وطالع سعودي بالمررره هههههه حتى دخلتهم كانت سعوديه.. كل الشباب الي وياهم دخلو بالسيوف ويرقصو عرضه سعوديه..... بصراحه فففففففففففن دخلتهم روووعه حتى البنات تخبببلن ويلسن يصارخن عليهن ناقصنا بس نشغل يادار لاهنتي ولا هان راعيك ههههههه.... خذيت جم صوره لراشد وهو رافع السيف لفووق .. لزووم مافوتها شكله طالع فنان ... خصوصا يوم انعزل بروحه يرقص بالسيف ... ويوم خلصت الاغنيه يلسن البنات يصفقن له ويصارخن يأشرن.... بهالحضه كان بخاطريه كنت ارهابيه وووربطت حزام ناااسف عنفسيه وفجرررت بهم القاعه كلها هالجلبات... ..... طلعو الشباب ويلسو سهيل وسلطان على كراسيهم المخصصه .... دقايق وطلعنا شمه وعفرا ... مشن على الجسر لين ماوصلت كل وحده لزوجها... كنت متوقعه ان عفرا تطيح يوم تطالع سلطان... بس ماعرف شو الي قواها وخلاها للحين بقوتها وهي تطلع وياه للسياره ودعناهم كما استقبلناهم بحفاوه...... .............................. ............ .............................. ..... |
| الساعة الآن توقيت السعودية الرياض و الدمام و القصيم و جدة 02:16 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.