تجربتي مع أبر الميزوثوروبي للشعر في فرجينيا كلينك
 

الحمد لله والصلاة والسلام على اشرف المرسلين سيدنا محمد وعلى الة وصحبه اجمعين
اولا حبيت اشكر ادارة المنتدى على اتاحة الفرصة لنا لكتابة التجارب اللى نمر فيها
خواتي العزيزات ..
بكتب لكم عن تجربتي مع عيادة فرجينيا كلينيك ..
انا اعاني من تساقط الشعر لدرجة اني قربت اصلع وقبل لا اروح للعيادة كل شي جربتة من خلطات وحنا وزيوت بس ماكنت استمر علي العلاج
ومليت من التساقط والشعر الخفيف ولما قعدت ادور عن احسن العيادات شدني بصراحة اعلاناتهم
واتصلت علي العيادة وخذيت موعد وكان دكتوري محمد يحي
ولما صار الموعد دخلت على الدكتور وكنت حاطة في بالي بصراحة زراعة الشعر لاني تعبت ومابي اضيع وقت ابي زراعة وبس
لما دخلت علي الدكتور وكلمتة عن حالة شعري قلت لة يادكتور مابي الا الزراعة فقالي خليني اشوف شعرك بعد ماشافة قال لازم اخذ تحاليل وفحوصات
انا بصراحة ما ارتحت للدكتور بالمرة مادري اشلون صاير اسلوبة وهو قاعد يتكلم جنة قاعد ياخذني علي قد عقلي بس قلت يمكن يطلع منة شي
المهم قالي بعد ماشاف شعري خلاص راح اسويلج زراعة بس بعد ماتطلع نتيجة التحليل فقالي سوي تحاليل وتعالي في الموعد الثاني علشان اشوف شنو راح اسوي معاج
خذيت التحاليل وكلفتني 100 دينار بس قلت ماعلية المهم النتيجة
لما صار الموعد وشاف الدكتور التحاليل قال ماشاء اللة النتيجة زينة وكل التحاليل سليمة
بس خليني اشوف شعرج مرة ثانية لما شاف شعري جان يقول شعرك جميل وكثيف ولا يحتاج زراعة انتي تحتاجين اليزر وابر الميزو
قلت لة يادكتور حنا اتفقنا علي الزراعة ومابي اضيع وقت علي الفاضي
قال لا انا راح اصرفلك محلول اسمة الرفيجين مع الليزر وابر الميزو وراح تشوفين نتيجة مبهرة وراح يتغير شعرك 100 ب 100
بس بعد 3 اشهر لا تستعجلين لازم كورس كامل وبعدها راح نكمل لي مدة سنة
قلت متي اشوف النتيجة قال بعد اسبوعين راح تشوفين النيجة الحلوة وبعد ماينتهي الكورس راح تشوفين شي عجيب ومبهر للشعر
طلعت وقالت لي السكرتيرة سعر الكورس كامل ب 620 تبين تدفعين كامل او كل جلسة تدفعين بوقتها
قلت ادفع كامل احسن وصار المبلغ كامل مع التحاليل والدوا ب757
واستمريت علي الجلسات بالسبوع اجي العيادة مرتين للابر والليزر
وهذي حالتي رايحة ورادة على العياده
مر اسبوع واسبوعين وثلاث واربع ولا شفت اي شي ولا حسيت باي تحسن ولا اطلعت ولا شعرة حتي لو وحدة
بعد مانتهى الكورس كلمت الدكتور قلت لة يادكتور ماشفت اي شي
قال كل شغر وطبيعتة يمكن شعرك يحتاج سنة او اكثر
قلت يادكتور انت قلت راح اتبين النتيجة وانتي ماتحتاجين الزراعة الحين تبيني بعد اقعد سنة يمكن اتبين ويمكن ماتنين
بعد ماشديت معاة بالكلام قالي راح اعطيج جلسة مجاني
خ\يت الجلسة بس بصراحة لاعت جبدي ومليت وعرفت انه بصراحة مادي ولا يقول الصراحة
علشان جذية حبيت اكتبلكم تجربتي وادري طولت عليكم بس كتبت هالتجربة علشان ماينغشون الناس فيهم والي امفكرة تروح لهم تستخير وتغير رايها

وفي النهايه سامحوني على الاطاله ..
والسلام عليكم ورحمة الله وبركاته ..

رد: تجربتي مع أبر الميزوثوروبي للشعر في فرجينيا كلينك
 

و الله يا حبيبتي كلهم هيك مادين ز اصلا ابعدي عن المواد و العلاجات الكيماوية ما فيها خير اهم شي تعالجي طبيعي

خلطات وصفات زيوت و ان شاء بتتحسني

رد: تجربتي مع أبر الميزوثوروبي للشعر في فرجينيا كلينك