ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   قصص و روايات (https://fashion.azyya.com/81)
-   -   طريقه جديده لاقتنآص البنآآت في الاسوآآق ..!!! (https://fashion.azyya.com/270624.html)

ازياء فرح 07-29-2011 03:26 PM

طريقه جديده لاقتنآص البنآآت في الاسوآآق ..!!!
 

طريقه جديده لاقتناص البنات في الأسواق‎


هذي القصه نقلتها من ايميلي ..


بدا لكم بالحادثه وهي صارت بالمنطقه الي أنا ساكنه فيها ..(الطايف) وهو حدث في إحدى الأسواق التجاريه الكبيره عندنا..


طلعت بنت مع أمها للسوق والبنت في العشرينات من عمرها ومو من البنات الي مو مستره عشان نقول يستاهل مايجيها أو ملفته للنظر.


المهم كانوا بالدور الثاني ولقوا عند الكراسي حرمه كبيره بسنها لدرجه إنها كانت على عكاز ونادت البنت وأمها وقالت إنها تعبانه وماتقدر تنزل مع الدرج وماتعرف تستخدم اليفت -الأصنصير-

وقالت لهم ياليت تفتحونه لي قامت الأم وقالت لبنتها أفتحيه لها ودخليها فيه راحت البنت وفتحته للعجوز_ الله يحرقها بها اليوم _ وقالت العجوز بس أنا ماأعرف لانزلت إني أفتحه .

قالت الأم خلاص بنتي تنزلك وتطلع لي.. قامت البنت ونزلت هالعجوز _الله ينتقم منها _

المهم الأم تنتظر بنتها ترجع ومارجعت إلى إن مر من الوقت ساعه وأكثر وراحت تدور عليها ومالقتها قامت الأم تصيح في السوق وجو رجال الأمن الي متواجدين على الأبواب وسألوها وش فيها قالت لهم بنتي نزلت مع عجوز كبيره بالسن باليفت توصلها تقول إنها ماتعرف تستخدمه ومارجعت ..


قالوا لها حنا جتنا عجوز كبيره بسنها وفاتحه اليفت وتصيح تقول بنتي أغمى عليها وتعالوا ساعدوني الله يخليكم وصلوها معي السياره وشلناها وطلعناها وقفت سياره عند الباب فيها اثنين شباب وساعدونا وراحوا..


الأم قامت تصيح وتقول هذي بنتي..


وجت الشرطه بس بعد مافات الأوان طلعت العجوز وحده ماتخاف ربي متجرده من الإنسانيه وماعندها ضمير وتتاجر بأعراض الناس والعياذ بالله كانت تصيد البنات وتجيبهم للشبا وهالبنت ضحيه بعد ماركبت معها اليفت رشت العجوز عليها حاجه خلتها تدوخ وتفقد الوعي ..


والله العالم بحال البنت ألحين وإلا وين أراضيها .. والأم الله يلطف بحالها بالعنايه المركزه..


تكفون يابنات أنتبهوا وياأمهات أحرصوا على بناتكم وعلى أنفسكم حتى المحلات إذا دخلتوها لاتدخلون لأخر المحل إلا إذا كان في المحل زباين كثير شفتوا كيف كان مخطهم من كان يتوقع هالعجوز إنها تتاجر بأعراض البنات جت المسكينه تكسب فيها خير مادرت إنها تكسب في نفسها الهلاك..


الله يرد البنت لأهلها ويشفي أمها ..


الله ياواحد ياقادر على كل شي إنك تكشف هالعصابه وتفضحهم وترجع هالمسكينه لأهلها وتنتقم على هالعجوز وتوقعها بشر أعمالها يارب إنك قادر على كل شي يارب من أراد بنا سوء أو بأحد من المسلمين إنك ترد كيده في نحره يارب تسلط عليهم من يكشف عنهم ويوقع بهم يارب إنك القادر على كل شي ياحافظ إحفظ لنا بناتنا وأبنائنا من كل شر..آآآآمين يارب..
تكفون أدعوا عليهم بكل وقت وأدعوا للمسكينه ولأهلها وحاولوا تنشرونها بالقروبات وبالمنتديات وتناقل وها عشان الناس تاخذ حذرها والبنات وأمهاتهم ينتبهون ..

بنوته تاكل توته 07-29-2011 03:57 PM

رد: طريقه جديده لاقتنآص البنآآت في الاسوآآق ..!!!
 
https://img103.herosh.com/2010/08/05/642157271.gif

ازياء فرح 07-29-2011 05:23 PM

رد: طريقه جديده لاقتنآص البنآآت في الاسوآآق ..!!!
 
تسلمي على المرور يآآآ قمر

إכּـڪسَسَسَسَسَسَار 07-29-2011 06:41 PM

رد: طريقه جديده لاقتنآص البنآآت في الاسوآآق ..!!!
 
حسبي الله ونعم الوكيل عليهم

مشكوره حياتي

عبوره الحلوه 07-30-2011 03:03 AM

رد: طريقه جديده لاقتنآص البنآآت في الاسوآآق ..!!!
 
الله ينتقم منها ومن هالي ما يخافون ربي

مشكوره لا تحرمينا جديدك


الساعة الآن توقيت السعودية الرياض و الدمام و القصيم و جدة 09:30 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0