اترك امي خذنى انا
 

لاقلت يمه.. حنان الاسم يكفيني
وشلون ... ضمت يدينك .. يابعد رأسي

يمه يايمه دخيلك .....لا تخليني
محتاج قربك ..وحضنك يابعد ناسي

محتاج عطفك دخيل الله ضميني
لاتركيني .. لدنيا ,,,, قلبها قاسي

يالغاليه بشوق جيتك .. لاترديني
جيتك وخطوات رجلي تسبق أنفاسي

محتاجلك حيل .. ومحتاجك تلميني
من قسوة الوقت..ومن تعذيبه القاسي

أبي بعيونك عن احزاني تشيليني
وابي بحضنك أفارق..هم وسواسي

وأبي حنانك وكلماتك .. تغطيني
من مقدم الرجل لين اخر شعرأسي

وأبي أحس بشعور ٍ منك يكسيني
عطف ومحبه وحنان ٍ ..دون مقياسي

يمه كبرت وكبر هم الزمن فيني
ومن لوعة الوقت..قلبي عايش يقاسي

محتاج حضنك .. أمانه لاتلوميني
محتاج ..اعاود طفوله..كلها أوناسي

برّجع الوقت وانسي اللي معنيني
يومي صغير..وحنانك ..ماليءً كاسي

يمه ذكرت الزمان الماضي بعيني
ماضي الطفوله السعيده وروعة إحساسي

كم كنت أضمك وكم مره حضنتيني
وكم نام راسي على صدرك وهو ناسي

وكم كنتي تبكين من فكر يبكيني
وكانت عيونك .. فداك القلب ..حراسي

وكم كانت مناك دايم بس تشوفيني
احلى وأنظف " وليدن ".. بين جلاسي

وياما .. وياما سهرتيلي تواسيني
لأونست ضيقه .. وزار الهم..مجلاسي

وكم كان حضنك عن الخلان يغنيني
وكم كان عشقك لفرحي ... ماله قياسي

الله ياذاك الزمان ...شقد يحييني
ليته يعود وتعود...أفراح ..وأماسي

ياليتني ماكبرت .. ولاقسى ليني
وبقيت طفلٍ همومه .. لعب.. وأكياسي

يالغاليه جيت لك .. شوقي يقديني
كبير .. لكن بقربك.. يصغر إحساسي

يمه يايمه .. أنا وليدك .. تحبيني
أدري وربي .. ولكن .. بقهره .. يأسي

بحطم الحزن فيني..وأقهر سنيني
وبقول للهم .. "ياقلب العنى" ... ناسي

بنسى عذابي بحضنك .. لاتهديني
من بعد حضنك...يزيد الهم .. هوجاسي

لاتركيني .. وضمي يديك ليديني
لمسة كفوفك .... تبد ... قسوة أتعاسي

أبي أعاند زماني وظلمه الشيني
وأبي بقربك ...أرده ..عني .. الخاسي

ياأعز ناسي وياكل الكون في عيني
ياملهمتني المحبه ,,, وصيت نوماسي

يفداك عمري وروحي وكل مغليني
ويفداك كلي ..وأنا .. من رأسي لساسي

ياأغلى غرام ربى داخل شراييني
وياأعذب شعور ٍ سكني..وياأجمل إحساسي




تعليقاتكم على الموضوع؟؟؟

وش رايكم في آمانه جده؟؟!

رد: اترك امي خذنى انا
 

يا يمه خذيني بدنيا بعيد

يايمه مالقيت الراحه من دنيتي هذي تعبت الام
يايمه تراني تعبت ونفسي ملت احزان
يايمه رجيتك خذيني بدينا بعيد خذيني لدينا كلها امان
يايمه انا خذيت من التعب الين نطقت الاه
يايمه ادري بعدي صغيره بسني وبعدي على الهم اوطان ولكن
ذبحتني وحدتي ذبحني غلا غاليً غآب
يايمه انا انا يايمه بنتك الي جهلت السعاده يوم بعد يوم
يايمه خذيت هموم من اكثر البشر ولا لقيت من ياخذ عني شقاي
يايمه تكفى خذيني وضميني انا تعبانه
يايمه جرحي ينزف الالم
يايمه تكفى لاتسكتين يايمه جاوبيني
يايمه تكفى لاتخليني اعيش واكمل دنياي وعناي
يايمه حاكيني يايمه لاتخيلني باهاتي
يآيمه انا طيبي عيش الحزن جواي
يايمه انا كل يوم اقرا القران وادعي بس ربي دعوتك بيقبلها
يايمه تعبت انا اخفي الالم
يايمه ترها نفسي من الضيق تعطي آهاتي
يايمه ترا حالي حتى العدو مايسره
يايمه يلا خذيني بعيد يلا يايمه لا تتركين

رد: اترك امي خذنى انا
 

يا ادفء حضن في الوجود

لا اريد ان افارقك

احتاجك في كل وقت من حياتي

اريد ان الجأ اليه واحمي نفسي من عواصف الحياة الهائجة

اشعر بالدفء فيه

وتبدا انفاسي بالبرود

ونبضات قلبي بالسكون

حتى تغلق جفوني وأغرق في نومة هادئة

رد: اترك امي خذنى انا
 

جزاك الله خير
والله يخلي لك امك
وكل عام وانتم بخير

رد: اترك امي خذنى انا
 

مشكوره ع الموضوع الرائع
وتراني اعطيتك تقيمي
لانك عن جد بتستاهليه ع هيك موضوع