| ღ<نـدى الـعــمـر>ღ |
08-02-2011 06:43 AM |
الكشري المصرى
السلام عليكم ورحمة الله وبركاته ايه رايكوا نعمل انهارده كشرى مصرى .................. يميميميميميميميميمى المقادير <<:) 2 كوب عدس بجبه (( اسمر )) + بصله متوسطه + 3 ملعقه ثوم مهروس +قرنين فلفل 1 رومى 1 شطه +زيت زره او عباد + 3 كوب ارز + 2 /3 كوب شعريه بصله للتقليه +مكرونة مقصوصه واسباكتى مسلوقه وحمص حسب الرغبه +1 كيلو طماطم + خل + ملح وفلفل اسود و كمون وديه طريقتى وحاسبوا على صوابعكم نقى العدس ونغسله جيدا ونقطع بصله متوسطه ونحمرها فى زيت لما توصل للون البنى الفاتح نزل عليها العدس و نشوح لما يتغير لون العدس شويه نزود عليه ماء يغطيه ونهدى النار بعد الغليان طبعا لو احتاج ماء نزود لما يوصل 3/ 4 سوى نضيف الملح و نص معلقة فلفل اسود و معلقة كمون و معلقه صغيره ثوم مهروس << بيديله طعم تحفه>> ونقطع الفلفل الاخضر حت صغيره والفلفل الشطه أختيارى حسب الرغبه ممكن نصه للطعم والريحه ونقلب ونهدى النار على الاخر لما يتشرب كل الماء ويستوى طبعا فى نفس الوقت نشوح معلقه كبيره توم فى معلقه كبيره زيت لما تصفر نزل عليها معلقتين كبيره خل وبعدين الطماطم المعصوره ولما تتسبك نضيف الملح ورشه فلفل اسود ونظبط الطعم ونخفها بكوب ماء ولما تغلى نطفى النار وفى كسروله صغيره نشوح معلقه كبيره توم بمعلقة صغيره زيت لما التوم لونه يبيض نزل عليه 1/ 2 فنجان خل + 1 كوب صغير ماء ولما يغلى نحط الملح و1/4 معلقة كمون 1 /4معلقة كسبره ناشفه ونعصر ليمونه صغيره ورشه شطه ناشفه ونطفى النار .................. نيجى للتقليه البصله التانيه نقطعها حلقات رفيعه جدا ونحمرها فى الحله الى هنطبخ فيها الارز البصل الى هيتحمر نطلعه لما يكون دهبى وردى على مناديل كى تتشرب الزيت وبعد البصل ممكن نصفى الزيت من بواقى البصل ونرجعه الحله تانى ونحمر الشعريه لما تكون دهبى نزل الارز عليها ونشوح كويس ونضيف الملح ولو احتاج شوية زيت تانى حطى ونزل الماء المغلى للارز كوب ==كوب وبعد ميتشرب هدى على الاخر لما يستوى ونسلق المكرونه فى ماء مغلى وملح وشوية زيت صغيره ونتركها 8 دقائق هتكون استوت ونصفيها ونشطفها ...............نيجى للغرف ده مهم نغرف الاول بمعلقة الغرف الكبيره الارز وبعدين نزود عليه من فوق العدس وبعدين نزود عليهم المكرونه الاسباكتى و المقصوصه وعلى وش الطبق نضيف التقليه للتجميل وفى اطباق غويطه صغيره نغرف الصلصه والدقه ام خل وتوم وليمون او نضيفها على الطبق حسب الرغبه .................. والف هنا و شفا عليكم ......
|
