المكرونة بالبشاميل
 

المقادير: مكرونه فرن وطبعا كلنا عارفين شكلها
لحمه مفرومه بس المره دى مش ناعم -دقيق -ولبن وسمنه-او زبد وزيت زى ما تحبى وطبعا قولت الزيت مع السمنه علشان الزيت بيمنع الزبده انها تتحرق
بصل -ملح -فلفل أبيض وأسود -جوزة الطيب -بهارات لحمه -
صلصه ودى حسب الرغبه
الطريقه :
تسلق المكرونه وياريت نجيب نوع كويس فى ماء مغلى عليه ملح وشوية زيت
العصاج نشوح البصله فى معلقة سمنه ولو اللحمه فيها دهون يبقى معلقة زيت ونضيف اللحمه والبهارات ونقلب لحد ما اللحمه تاخد لون واحد وتستوى كويس
الباشميل ... طبعا فى الباشميل الجاهز بس انا بحب بتاعى ههههههههه
3ملاعق سمنه كبيره
3 ملاعق دقيق كبيره
نسيح السمنه فى الحله واول ما تدوب نضيف الدقيق المفوض ان الدقيق يبقى دايب فى السمنه وتحمريه مع التقليب المستمر علشان مش يتحرق ويغمق يادوب يبقى لونه دهبى فاتح تنزلى عليه باللبن السخن وتطفى النار وتقلبى بسرعه علشان مش يكلكع وتظبى السمك انو يبقى زى المهلبيه التقيله شويه وتضيفى الملح والفلفل الأبيض وانا كمان بضيف رشة جوزة الطيب بتدى طعم حلو بس رشه خفيفه
كده الباشميل جهز والمكرونه اتسلقت واللحمه اتعصجت
* ملحوظه انا بحب احط صلصه على المكرونه وممكن لو مش عايزه على المكرونه ضيفيها على اللحمه بتدى طعم حلو للباشميل
اجيب الصينيه ادهنها زبده وارش بقسماط وبعدين طبقة باشميل خفيفه
واحط المكرونه وبعدين لحمه وبعدين مكرونه وبعدين باشميل وتحطيها فى الفرن وبعد نص ساعه بصى عليها وتدوريها ولو لاقيتى القعر احمر اطفى الفرن وشغلى الشوايه وحطى الصينيه تحت وخلى بالك علشان مش تتحرق
ممكن قبل ماتطفى توزعى شوية جبنه موتزارلا على الوش

لو عايزه تعملى العصاج بالصلصله
هتقشرى طماطميه وتقطعيها مكعبات صغيره ومعلقة صلصله وتشوحى البصل ولما يصفر حطى الطماطم والصلصه وتسيبيهم ياخدو غلوه وبعدين ضيفى اللحمه المفرومه وتسيبيها لحد ماتستوى ياريت يا جماعه نحاول مش نضيف ميه للحمه المفرومه انا بحس انها بتغير طعمها
ولو هتحطى الصلصه على المكرونه هتبقى نفس طريقة المكرونه العاديه
معلش انا عارفه انى طولت عليكم
--------------------------------------------

رد: المكرونة بالبشاميل
 

رد: المكرونة بالبشاميل
 

رد: المكرونة بالبشاميل
 

يسلمو على الابداع
وصفة جميلة
ابداع متجدد
تقبلي مروري وردي

رد: المكرونة بالبشاميل