ازياء - فساتين سهرة و مكياج و طبخ

عايزه اقوللكوا على الطاجن الرز بالحمه يخبل لازم يكون عندكم طاجن فخار ومحروق فى الفرن لان ده هو اصل الطعم والريحه نعاير الطاجن نعرف بياخد كام كوب ارز ونعمل حساب لما الارز بيستوى ويكبر شويه نجيب لحمه من عرق الفلتو (الفليه ) وندقها بس منخليهاش زى البوفتيك تكون سميكه شويه ونتبلها ملح خفيف وفلفل اسود شويه محترمين ونركنها على جنب ونشوف مقدار الارز لو 3 كوب نغسله نقعه شويه 1\4 ساعه بس نجيب 1كوب شربه الموجود فراخ لحمه + 2 كوب لبن يفضل كامل الدسم ونغليهم مع بعض ونولع الفرن على 180 درجه يسخن ونصفى الارز من الماء ونملح الارز ونعمل حساب ملح الشوربه ونضيف فلفل اسود شويه حلوين +ملقة سمنه +ملعقه كبيره زيت نوع كويس وحسب الرغبه ملعقتين وش لبن ان وجد ونقلب كويس ونجيب الطاجن وندهنه سمنه تكون متماسكهه علشان تلزق فيه كويس اوى نجيب اللحمه وفى طاسه تيفال او الموجود نسخنها جدا وملعقه سمنه لما تسخن اوى نزل اللحمه اتنين اتنين علشان متنزلش ميه ولو نزلت نخليا تشربها وبعد كده ناخد تلت ( 1\3 )الارز ونفرشه فى الطاجن وبعدين نحط اللحمه مفروده فوق الارز تغطيه خالص ولو فيه فراغات نقطع اللحمه ونغطيها وبعدين نضع كمية الارز الباقى (2 \3 ) فوق اللحمه ونضع طبق مسطح اقل من حجم الطاجن ونصب اللبن والشربه المغلين وسخنين فوق الارز من فوق الطبق علشان ترتيب الارز ميتلخبتش وحسب الرغبه حت صغيره وش لبن ويدخل الفرن يكون متسخن من قبل على 180 درجه الرف الاوسط وبعد 30 دقيقه بالظبط نهدى الفرن على الاخر لمدة 30 دقيقه اخرىو بعدها نطفى الفرن ونخرجه هنلاقى الوش عليه قشره بنى دهبى تجنن وبالهنا والشفا