ازياء - فساتين سهرة و مكياج و طبخ

-- انقلها فى صينية الفرن او لو كنت مشوحاها فى الصينية زيى امسحى بقايا التشويح المحروقة من الصينية ورصى تحت الفرخة قشر البرتقالة وغطيها بالتبيلة اللى كنت نفضتها منها قبل التشويح وضيفى كوباية مية حولين الفرخة فى الصينية ودخليها فرن متسخن على 210 وهتاخد تقريبا ساعة لو فرخة كيلو زى بتاعتى ولو حابة تحمرى وشها تحت الشواية ولو انها مش هتبقى محتاجة لان لونها هيكون جميل اوى

وبس بالهنا والشفا وهنزلكم الصور المفصلة فى البوست الجاى..
احلى طريقة عندى لشوى الفراخ فى الفرن :

سهلة اوى وسريعة وده الاهم وطعمها مميز اوى وريحتها كمان تحفة
مقادير التبيلة :

بصلاية متوسطة + 2 فص ثوم + برتقالة مقشرة ومقطعة قطع متوسطة وماترميش القشر + 2 ملعقة كبيرة كاتشب + عصير ليمونة + ورقة لورا + 3 وحدات قرنفل + ملعقة كبيرة صويا صوص او ورشستر صوص وده انا بحبه اكتر اوى من الصويا + ملعقتين زبادى + ملح وفلفل وزعتر وروزمارى و بهارات فراخ وبابريكا وجنزبيل بودر وده مهم و كسبرة ناشفة وسماق وده مهم جدا جدا بيدى لون روز للحمة من جوا بيخلي شكلها رائع + قطعة متوسطة من قشر البرتقالة

-- كل ماسبق يضرب جيدا فى الكبة حتى تفرم كل المكونات وتنعم ويكون قوام التبيلة تقيل وطبعا تدوقى ملحها

-- طبعا الفرخة متنضفة ومغسولة ومفيهاش سنة زفارة ,, ممكن تقسميها على اربعة او زى مابتحبى تقسميها او تقسميها من الضهر بس وتفرديها زى منا عملت ,, وياريت ماتشيليش الجلد فى الطريقة دى بالذات وابقى شيليه عند الاكل

-- اعمل فتحات بالسكينة فى صدر الفرخة ,, وبالشوكة اغزغزها جامد كلها من كل حتة ,, وبعدين اغطيها بالتبيلة كويس واسيبها على اد ماقدر فى الثلاجة انا سبتها ساعتين تقريبا وكل ماهتسيبيها يكون احلى

-- فى صينية الفرن بس تكون تيفال او فى طاسة تيفال مابتلزقش يعنى اسخن ملعقتين مادة دهنية انا استعملت السمنة ,, نفض التبيلة عن الفرخة شوية ونزل بالفرخة على صدرها ونسيبها خمس دقايق او لحد ماوشها يحمر والجلد يلون ويقرمش,, وبعدين اقلبها على ضهرها شوية برضه تاخد تشويحة ,,
-- انقلها فى صينية الفرن او لو كنت مشوحاها فى الصينية زيى امسحى بقايا التشويح المحروقة من الصينية ورصى تحت الفرخة قشر البرتقالة وغطيها بالتبيلة اللى كنت نفضتها منها قبل التشويح وضيفى كوباية مية حولين الفرخة فى الصينية ودخليها فرن متسخن على 210 وهتاخد تقريبا ساعة لو فرخة كيلو زى بتاعتى ولو حابة تحمرى وشها تحت الشواية ولو انها مش هتبقى محتاجة لان لونها هيكون جميل اوىوبس بالهنا والشفا