لعشاق سفن اب الان كيك السفن اب بالليمون الجديدة
 

بصوا بقى ده أهش واحلى كيك اكلته وعملته وسهل جدا

المقادير :
4 بيضات + فانيليا كتير + معلقة صغيرة خل ودى بتقضى على اى ذرة زفارة
كوب ونصف سكر
3/4 كوب زيت ذرة
3 كوب دقيق منخول مرتين مع معلقة كبيرة بيكنج بودر
كوب سفن اب
عصير ليمونتين من العادى مش الاضاليا الكبير

الطريقة :

-- فى المضرب الكهربائى يخفق البيض والفانيليا والخل لمدة خمس دقايق على سرعة عالية

-- يضاف السكر تدريجيا ونستمر بالخفق كمان خمس دقايق

-- يضاف الزيت على هيئة خيط رفيع ونستمر بالخفق مانطفيش المضرب خالص لحد مانخلص الكيكة كلها

-- يضاف الدقيق المنخول مع البيكنج بودر حبة بحبة مع استمرار الخفق برضه وهتلاقى خليط الكيك تقل جدا متخافيش لسه

-- اخيرا يضاف كوب السفن اب وهتلاقى رغوة وفقاقيع وبعدين عصير الليمون واخفقى شوية لحد مالخليط يتجانس تماما بس مش كتير

-- بطنى صينية مقاس 26 بالسمنة والدقيق وصبى الخليط ودخليه فرن متسخن على حرارة 170 وطبعا ماتفتحيش عليها الفرن بتاتا اول نص ساعة وهى هتاخد تقريبا من ساعة لساعة وربع فى الفرن براحتها خالص لحد ماتدخلى فيها عود الشوى ويطلع نضيف تماما بعدين لو عايزة الوش يحمر تنزليها على ارضية الفرن وتطفى الفرن وتولعى الشواية وتقفى جنبها دقيقتين هيحمر وشها ,, اطفى الشواية وافتحى باب الفرن فتحة صغيرة وسيبيها 5 دقايق فيه وبعدين طلعيها على سطح البوتجاز من فوق مش على سطح بارد واقلبيها او لو عملتيها فى صينية التشيز كيك اللى بتفتح من الجنب زيى فكيها من الصينية وممكن تزينيها باى حاجة هى فظيعة وتبقى حلوة موت فى التورتات بس انا كان ليا مزاج اكل كيكة سادة فحطيت عليها عسل كانت تحفة بجد ,,

جربوها هتدعولى بجد اوى هشة زيادة عن اللازم وطعمة اوى

رد: لعشاق سفن اب الان كيك السفن اب بالليمون الجديدة
 

مشكوره غلاتي

رد: لعشاق سفن اب الان كيك السفن اب بالليمون الجديدة
 

شكرا لك
ابداع متواصل
تقبلي مروري وردي