ازياء - فساتين سهرة و مكياج و طبخ - تمنيت إنك تكون حلمي النايم تحت الجفون

تمنيت إنك تكون حلمي النايم تحت الجفون
تمنيتك تبقى في قلبي وماتشوف غيرك هالعيون
بغيتك تكون إلي الصدر الحنون
لكن حسافة ماظنيت إني عليك أهون..

كنت إلي منظار الحياة وعصاة الأمل إلي ماأوقع منها أبد
وكنت إلي عز الجاه وكنت خير السند
وإنت بالنسبة إلي الروح إلي ماتفارق هالجسد
أبد ماتخيلتك ترحل وماترد..

لملمت إلك قطرات المطر وانتظرتك تجي
أبي أهديك عطر الشجن من ودي
وأزيل كل الأحزان من قلبك وأغرس فيه حبي
رحلت يابعد هالدنيا وماعاد ترجع لي..

نسيت كل المحن وإلي أريده ألحين لقياك
وأخلط همي بهمك وأظل طول عمري وياك
أشتريك لو يكون عمري ثمن شرواك
والأهم تظل معي وأبقى وياك..

خد قلبي وحطه بكفة الميزان
وتعرف شكثر هو يحبك وحيران
يريدك تعرف إنه بيك مغرم وهيمان
لازم تعرف إني من بعدك تجرعت الأسى وظليت سهران..

بركان الدموع إلي هز أوتار الأشجان
وخيالك إلي غاب عني عيشني بحرمان
نسيم عطرك إلي فاح من كل الأركان
ذوب أفراحي وبنى لي بيت أحزان..

قلبي إلي ميت في حبك يعاتب وينوح
شلون من حفظته بشراييني عني يروح
راح وخلاني من بعده مذبوح
ودمه من ترك دمي بقى شرياني مجروح..

روحي للحين موصولة بحبل روحك
ودمعتي مربوطة ويا سيل دموعك
ولهفة عيني شلون تبعدها عن عيونك
رحت ألحين وقامو يدفنونك..

مسك الورد دوم أشمه من أطل على بابك
وريح إلي ماأتمنى فرقاه أشمه بثيابك
وأبكي حسرة على فرقاك وحسرة على شبابك
ياورد شلون يدفنوك ويدفنو بهالقبر أحلى أيامك..

رآآقت لي