ازياء - فساتين سهرة و مكياج و طبخ - لازالة رائحة العرق .... غير الشبة

هلا يابنات

اول شي اللي بتجرب الخلطة تدعيلي

طبعا هذه الخلطة جربتها بعد بحث طويل في النت وبعد ماجربت كل شي وطفشت وكل شي جربته كان له اثار جانبية

مثلا انا كنت مداومه على الدهن بشريحة ليمون من ايام الثانوي للجامعه والفترة الاخيرة لحظت انه الليمون صار يسبب لي التهاب خصوصا لمن البس شي ضيق وبعدها سواد

فاستخدمت مزيلات العرق العطرية..فسود باطي اكثر ...فقلت ابد ماينفع

رحت استخدمت كريمات العرق الطبية بس برضها موطبيعية ومانفعت معاي يعني كاني مني حاطه شي

وقريت عن الشبه كثير وخلطاتها وسويتها ونفعت معاي بس كل الناس تقول تسبب السرطان على المدى الطويل فخت ..وقلت ابعد عن الشر وغنيله

بس الخلطة اللي استفدت منها اخذتها من خالتي وعدلتها من وصفات النت وهي اصلا للتبيض وتصلح للإزاله العرق اذا سويتوا نفس المقادير اللي بعطيكم هي..وانا لي الأن مداومة عليها يومين وياسلالام راااااحه

مكونات الخلطة هي :

فنجان قهوة الصغير حق القهوة العربي (موية ورد)

ملعقة ونص صغيرة نشا

حبتين من الليمون الكبير معصورة

كريم جلسريد الاحمر ((ملعقة ونص مليانة..ملعقة الاكل))

الطريقة:

تجيبي موية الورد وتحطيها في قدر مره صغير ..اصغر شي عند مرررره

واول ماتبدأ موية الورد تسخن حطي عليها النشا وعلى طول قلبي الين ماتحصلي على خلطة مثل العجينة او الكريم..وتتخن..يعني حاولي لا تخليها تغلي بس تتخن..

بعدين ارفعيها من على النار وحطي الليمون وقلبي على طول وبتكون كذا خلطة متماسكة ..تشبه ثقل الفازلين

وبعدها جيبي الكريم واخلطيه معاهم

وخلصت الطريقة

احفظيها في قاروره وحطيها في ثلاجة..انا عن نفسي ماحطيتها للثلاجة ..بس قلت لكم حطوها بالثلاجة عشان الليمون افضل في الثلاجة وانا لسه مادومت عليها غير يومين بس ذنبكم في رقبتي وانا مااعرف اذا كان الليمون في الخلطة بره الثلاجة عادي ولالا...بس عن نفسي احس انه عادي لانه كثير من خلطات كريمات التبيض يكون فيها الليمون ويكون خارج الثلاجة ومايخرب ولاشي

طبعا بتقولوا كيف في اول الموضوع قلت انه الليمون يسود والحين احطه في الخلطه

السبب هو انه في البدايه كان ينقصني الترطيب وعشان كذا صار الالتهاب واحمرار بس مع الكريم بالعكس صارت خلطه تنفع:
1-مزيل للعرق
2-للتبيض لأنه هذه الخلطه كثير يستخدموها لتبيض الأكواع واليد وغيره
3-بلإضافة للترطيب

اتمنى انكم تكونوا استفدتوا..وترى لمن حطيتها اتعمدت اعرق كثير عشان اعرف مفعولها فوجدت اني اعرق من غير رائحة وهذا دليل على خروج السموم من الجسم بعكس الشبه لمن استخدمتها كنت مااعرق الا شويه مررررره

اهم شي اتبعوا المقادير بدقة خصوصا كمية الليمون لانه لوحطيتوا اقل ممكن ماتزيل رائحة العرق ويصير كأنه كريم عادي..واذا حطيتي من الخلطه وحسيتي مانفعت في ازاله الرائحة زيدي كمية الليمون ..يمكن مقاس الليمون اللي عندك يكون صغير

بالله اللي تستفيد تدعيلي الله يهديني وينور دربي ويبعد عني الشياطين ويثبتني على ديني ويحسن خاتمتي

واعذروني ماصورت لأنه الكمية اللي سويتها تكفيني فتره طويلة فإذا سويت ثاني بتكثر مره ..ان شاء الله لمن اسويها ثاني اصورها

ملاحظة (اللي بشرتهم مرره حساسة مااعرف كيف تكون الخلطة معاهم انا بشرتي عادية)

انتظر ردودكم واللي تجربها تعطينا رأيها