ازياء - فساتين سهرة و مكياج و طبخ - آســـــف انا في جيتي لك تســــرعت

آســـــف انا في جيتي لك تســــرعت
ظنيت الاقي فــيـــــك شيٍ فـــقــــدتـــــه

كنت احسبك مجـــــروح مثـلي تولـعت
جـــربت فـرقى شخـــص قلبـــك وهـبتـــه

كنت احسبك من مر جرحك تجرعت
حبيت فيــــك احســاس طـفـــــلٍ لمحتــــه
لو قلت.. اه بوســط روحي توجعت
ولو شفت دمـعاتك شعـوري سكبتـــه

ولـــو تطلب اعـيــوني ابد مــا تمنعت
واعطيك !!قلبي لـو بعــد مـا طلبتـــه

وصـلت بك.. اعلى مــكان وتربعت
وفي قلب غيري ياالغـضي مــــا وصلتـه

واصبر على صــدك واشــوفك تدلعت
واعــطيك ود ومـــــا اظنك حسبتــــه

اذهلتني بطباعـك اللي ...تطبعت
حتى قصيدي فيـــك ابد مـــا فهمتـــه

لــو كان غاياتك حــروفي فــانا بعت
مــنك الشعـــور اللي بنفسـي كتبتــــه

خـــــل القصايــد تنفعك يــوم ودعت
وافــرح بجرح الشـــاعــر الي جـــرحته

وأرجــــوك من صــدك تراني تشبعت
خــلك مـــــع اللي عــاجبـك او عجبتــه

يكــفي قـهـر في جيتي لك تــواضعـت
تركت غـــــيرك لجـــــل عينـك وبـعتــه

ياليتني عن حـــب مثلك... ترفعت
يالــيت قـلبي !!قبـل اعرفــك دفنتـــه

لكن اب ابعـــــد دامني مــــاتولــعت
الله يرحــــــم حــبنــــا الــلي ذبحتـــــه

انا شـريت الــــود والحـين انا بعـت
وانـا عـطـيتك قـــــلبي اللي قــهرتــــه

في يـــوم جيتك اطلبك ود واقنعت
نفــسي بانك شخص عــادي عــرفتـه

كمــــل حـياتك مثل مـــــا انا توقعت
تبقـى اســــير المـــــاضي الي فــرضتـه

ولا يحــــزنك اني جـبان وتراجــعت
حـولك بدالي الـف شخــــصٍ عجبتـه

امــا انا لا يمكن اخضع ولا طــعت
يحــرم على اعــطيك قـلبٍ خذلتــه

باريّحك من شــــوفتي يوم قـاطعت
اسـلــوبك اللي بة تجـامــل كــرهتـــه

غـلـطــان يا المـــــقـفي انا مـــــاتتبعت
غــيري يتابـــــع خـطـوتي مـــــا تبعتــه

مــــا ينحني راســـي لـــو اني تقطعت
ومــــا هــو بنا من لا رميتة لـــــقطتـه

وان كان غـرك حكي عذالي وطعت
الله يعـــــلم كــيف قـــــلبي ســـكنتــــه

اللي مـــــلا قلــبك عـــلي وتـسمـعت
خـله يعـــوض شخص مثلي خـسرتـه

انا بمـــــا فـيـــة الكـــــفايــة تـــولــعـــت
واللي بقى مــــن قلب فيني حــرقتـه

وان شفتني صــدفة بعينك تطلعت
ذكرتني با نســــان غـــــالي فقدتـــــه

باول لقا ســـلمتة احسـاسي وضعت
غـلـطت حـياتي يوم قـــــلبي ســلبتــــه

واستسمحك في البعد كاني تراجعت
مــا عـــــاد ابلـقى فيك شي نزفتـــــه