عرق اللحمه البرده
 

بسم الله

المكونات :
عرق تربيانكو -
ملح -فلفل أسود مطحون وفلفل أسود حب -ورق لورا- حبهان -بهارات لحمه -بصل -توم (جنزبيل فريش- حسب الرغبه )
2 ملعقه كبيره سمنه
جزر - كوسه - بطاطس -كرفس

الطريقه : يغسل العرق ونشيل القشره الخارجيه ونلفه بالدوباره كويس جدا جدا جدا علشان يطلع السوا مظبوط وكمان الشكل

يتبل العرق بالملح والفلفل والبهارات ومية البصل ... ويترك فى التلاجه

التسويه : نشوح العرق فى السمنه كويس حتى نغلق المسام ونحافظ على طراوة العرق من الداخل نضيف التوم والبصل والجنزبيل وورق الورا والتوابل والفلفل الأسود الحب ونقلب لحد ما التوم والبصل يدبلوا
نضيف شوية ميه سخنه مش من الحنفيه ونغطى الصينيه كويس يا بورق فويل او غطا حله محكم
يضاف الملح فى نصف السوا

ونسويه على نار هاديه جدا وده علشان يحتفظ بطعم التوابل ويبقى طرى والسوائل مش تتبخر منه ويتم تقليب العرق كل نصف ساعه حتى تتم التسويه جيدا
أخر عشر دقايق ... نضيف كوسه وجزر وبطاطس وكرفس مقطعه بالشكل اللى تحبيه وممكن تقدميهم مع العرق
وممكن تضربيهم مع الصوص الناتج عن العرق وتضيفى معهم ملعقتين نشا صغيرين وربع كوب كريمه
ويضافوا على اللحمه عند التقديم

يبرد العرق فى التلاجه جيدا وممكن تعمليه قبل بيوم
وتلفيه طبعا فى البلاستك فيلم
جيدا
ويقطع حلقات بالسمك اللى بتفضليه وبالهنا والشفا

ممكن تحشى العرق توم وجزر
وده تعمليه بالسكينه فتحات صغيره وتحطى فيه التوم والجزر وطبعا تقطعى الجزر فى حجم التوم وتلفيه كويس

رد: عرق اللحمه البرده
 

روعة يالغلا
ابداع
شكرا لـ،ــ،ـك
تقبلي مروري

رد: عرق اللحمه البرده