ازياء - فساتين سهرة و مكياج و طبخ

كوب ونصف دقيق
3 م ك لبن بودرة
قليل من بصل البودرة يمكن الاستغناء عنه
توم بودرة انا بستخدم بدلا منه فص توم مهروس
1 م ك بكنج بودر
ذرة ملح
نصف ملعقة سكر
2 م ك زيت زيتون اوى اى زيت اخر بس يفضل زيت الزيتون
خميرة انا بحب الفريش مش الجافة بجيبها واقطعها مكعبات واشيها فى الفريزر
اخر مرة حطيت علبة زبادى بس حسيتها مش فارقة

الوجه
كيس صلصة من الجاهزة
قليل من الكاتشب
فلفل اخضر وشطة
طماطم مكعبات
زيتون
لو بتحبى البصل ممكن تحطى شوية صغيرين مقطعين جوانح
جبنة موزريلا
سجق تشوحيه شويه وتقطعيه حلقات او مكعبات فراخ تسبيها تشرب ميتها فى بصلايه مشوحة وبهاراتك او تونة او جمبرى او سلامى وبسطرة بصى يعنى حطى الحاجة اللى بحبيها وتكون عندك
الطريقة
اول حاجة هاتى شويه مايه دافية وقلبى فيها السكر مع الخميرة ورشى عليهم ملعقة دقيق عشان الخميرة تخمر
وبعديى حطى الامكونات الجافة كلها على بعض فى اناء وبعدين الزيت والتوم واخلطى كويس مع بعض وبعدين الخميرة وعجنى بالمايه ختى تمام التجانس وتكون عجينة لينة وبعدين رشى شوية دقيق عالوش وغطيها بكيس بلاستيك وضعيها فى مكان دافئ حتى ترتاح لمده على الاقل نصف ساعة
وبعدين افرديها بالنشابة بسمك حوالى واحد سم وسبيها تانى تخمر
وبعدين دخليها الفرن تستوى نصف تسوية يدوب تمسك بعضها وبعدين طلعيها ووزعى الصلصة عالوش وحطى المكونات اللى عندك مع رشه كاتشب وبعدين الجبنة وياريت تكون كتير ودخلى الفرن ولما تحسى انها استوت والجبنة ساحت اقفلى الفرن بصى هو انا بشغل الشواية ثوانى كمان عشان الجبنة تاخد اللون الدهبى
وبعدين تطلعيها وتحطيها فى كيس بلاستيك عشان تطرى شوية من تحت بس خلى بالك تتلسعى انما لو بتحبيها كرسبى طلعى واقطعى وكلى علطول وما تنسيش معاها الكاتشب وصوص الشطة واشربى معاها الحاجة الساقعة وبالهنا والشفا