ازياء - فساتين سهرة و مكياج و طبخ - ادري دايم طيبتي من كاس المرار تسقيني

حبيبــ ــي
ليه المحبة والمشاعر اختفت من بعد عِشرة يا نور عيني؟! ..
هي المشاعر تلاشت واختفت ؟ ! ولا على شاطئ التغلي اسكنت ؟! ..
تكفي حبيبي لا تقول إني بكلامي اخطيت .. ولا تعتذر عن جفا شهر بعد شهر ..
ظليت شهور وأنت على باب الصمت معتكف ، وأظن ما يفرق لو قلت الحين انتظر أنا إلي بتكلم واعتذر ..
ودي اعتذر عن يوم الظاهر فهمت خطأ و ظنيت ا نه بقلبك لي مكان وقدر ..
واعتذر عن كل يوم قلت فيه لك صباح النور وكدرت خاطرك من الفجر ..

لحظة حبيبي ما انتهى كلامي ترى لو ماتدري فيني اصل ومو معقول انهي قصة سنين في كم سطر ..
حبيبي خلني اعتذر عن أيام قلت فيها لك احبك أو مشتاقة لك وخليتك تكذب على روحك وتقول وانتي يالغلا اكثر ..
حبيبي ليه اشوف دموعك من عيونك تنهمر ؟! .. ما أظن أنها دموع حزن وألم على فراقي أظن أنها دموع الفرح أو تكون دموع منتصر ..
مبروك حبيبي خذيت كل شيء معك وما بقى غير الألم والقهر ..

حبيبي كأني أشوفك محتار في ردك علي ..
لاتحتار حبيبي وقول انتي الي بدأتي بالجفا ، وانتي الي مشاعرك تلاشت واختفت وانا احبك ويشهد الله علي ..
ادري فيك طول عمرك ملاك بريء وأنا إلي دوم اظلم واخطي ..
أو إن كان ودك تقول شيء ثاني قول ماعاد تفرق عندي ..

ولا تدري حبيبي خلك على باب الصمت معتكف ما ودي اسمع صوتك ولا همسك ..
انا لو ادري راحتي في بعدك كان من زمان سمعت كلام خلي يوم نصحني .. بس حسافة دايم طيبتي من كاس المرار تسقيني