ازياء - فساتين سهرة و مكياج و طبخ - وش آخرة الغـلا ياللـي ملبسنـي هـواك أكفـان

قصيدة نالت اعجابي

وش آخرة الغـلا ياللـي ملبسنـي هـواك أكفـان
كثر عين اليتيم اللي ترجت من بخيل إحسان
تصـور موكثـر دمـعٍ نزفـتـه دم بأسبـا بـك
تخيـل قـد ماتقـدر تعايـش ساعـة الحرمـان
تصـور كيفهـا حالـك إذا خانـو بـك أحبـابـك
تخيل روحك بكـف وبخـل فيهـا عليـك إنسـان
مصيبه تنسرق روحك ولانتـه حاسـب حسابـك
وتخيل صدمة الغفله تجي من كـف لـه ولهـان
تصور واقع الصدمـه وتأثيـره علـى أعصابك
لي الله كـل ماتخطـي أجيلـك منكسـر غلطـان
أقول إن الخطـا منـي دخيلـك بأسمـع عتابـك
وصلتك من ورى غفوة جروحي ضايـق وحيـران
كرامـة عزتـي دستـه لأجـل عينـي إتهنا بـك
ومن شروق الشعر حتى ضحا الذكرى أفيض أحزان
إلـى مغـرب معانـاة إندفاعـي واقـف ببـا بـك
قتلنـي بهالغـلا يتمـه تلفـت مامعاه إخـوان
يهيـم بقايلـة وهمـه ولقـى ظـلـك تفيـابـك
ولأجلك شلت من جور السنين جروح ياخوان
تخيـل كـم تعريـت بزمانـي بأستـر ثيـا بـك
وعلى كثر الوفا منـي جـزا هـذا الوفـا نكـران
جحـودك كاليهـود ولابيدينـي شـئ وأغتابـك
وأنا أذكر مره أطروك بحضوري وإحترقت أشجـان
وتوجد كل عرقٍ من عروقي وصـاح وش جابـك
وشآخرة الغـلا ياللـي ملبسنـي هـواك أكفـان
يليتـك محتـرم هجـري وأقـول إن الله أولابـك
ورحيلك وش ترك فيني سوى التابـوت للجثمـان
وعرفت الموت له إسمين وكـان الثانـي غيابـك