ازياء - فساتين سهرة و مكياج و طبخ

رثاء في حبيبي وقرة عيني ابني فيصل

من خاله الدكتور ابو خالد

الله لا يحرمني منهم ولا يحرمهم من غالي عليهم

العيد بشرى للفرح دايم الدوم* بس عيدنا ذا العام فرحه غدا أتراح

هزت عقارب ساعتي حالي النوم*فيها خبر يقضي بتوقيف الأفراح

قالواترى فيصل غدا اليوم مرحوم*في فجر ثاني العيد في وقت الإصباح

قلت البقا لله حي وقيوم*وماروح تبقى خالدة دون الأرواح

هذا القدر في اللوح مكتوب مقسوم*وجميع خلق الله يفنون ياصاح

الطب قال الجرح بيِّن ومعلوم*لكن ما ينقذ من الموت جراح

الموت حق وموعده أمر محسوم*في ساعة ما حي وخًّرها ولا دونها راح

غادرت يافيصل مع منتهى الصوم*علك مع الريان تدخل وترتاح

غادرت كم خلفت بك قلب مكلوم*وعزاه في صبرٍ شذا ريحته فاح

أمك عزاها بالصبر صار موسوم*أمٍك حرمها غيبتك عيد الأفراح

عبد الله لاتبكي على شي مقسوم*واجعل خفوقك من قضا الله مرتاح

عله من الجنات ما هو بمحروم*وليته يكون بسهلها دوم سواح

وعله في الفردوس له بيت مرسوم*به سندسٍ واستبرق وحور وافراح

يافيصل احمل له تباهيل وعلوم*لامن تلاقت في السما ذيك الأرواح

بالله سلم لي على غالي القوم*جدك عزيزالنفس يوم تلقاه ياصاح

عساك في الجنات تلقاه مرحوم*وتترافق الروحين في فوز وارباح

والختم صلوا عالذي عاش معصوم*عليك يالعدنان مابارق لاح

لاتنسون فيصل من دعاكم رجاء وليس امر