ازياء - فساتين سهرة و مكياج و طبخ

دى طريقة المسخن :سلقت صدور فراخ فى ماء فيه قرفه خشب وورق غار وبصل وحبهان وملح وفلفل وبعدين قطعت بصلتين كبار وسويتهم فى زيت زيتون على نار هاديه يعنى ما يتحمرش وزيت الزيتون يكون نوعه كويس عشان طعم الفراخ يكون كويس وبعدين لما البصل يطرى باحط 2 معلقه كبيره سماق وشوية صنوبر او ممكن من غير وبعديت قطعت الفراخ بايدى قطع صغيره وباحطها على خليط البصل ويتقلب كويس وبعدين جبت العيش اللى حشيت فيه هو بيبقى مدور وكبير انا بقطعه ارباع واحشيه والفه زى الصوره بس انا مش عارفه هو موجود فى مصر والا لا ممكن تستعملوا بداله العيش اللبنانى بس تفنحوه وتحشوا كل كل واحده وتلفوها وتدهنوا الصينيه زيت زيتون خفيف وتحطوا صوابع المسخن وتدهنوا الوجه كمان زيت زيتون خفيف وتدخل الفرن لحد الوجه ما يتقرمش وبالهنا والشفا