|
"قصة إنسان"
~قصة إنسان~ أبطال قصتنا هم زياد:شاب وسيم عمره15 سنه شعره كثير أسود وعيونه عسلي غامق يميل للسواد وشاربه خط خفيف بحكم صغر سنه هنادي :أم زياد مطلقه ومتزوجه سالم عندها ناصر وندى صقر :أبو زياد متزوج سلمى قبل أم زياد ورجل أعمال نشميه:أخت زياد من أبوه عمرها 28سنه وهي اللي مربيه زياد ويناديها يمه موضي :أخته من أبوه عمرها23سنه موظفه بشركة مضاوي :أخته من أبوه عمرها 20سنه تدرس بجامعة الكويت كلية العلوم الاجتماعيه سلمى:زوجة أبوه ماتحب زياد ودايم تتمشكل معاه راكان:صديق زياد وأعز الناس عنده وهو كبر زياد وأبوه رجل أعمال كبير مثل أبو زياد شمسه:جدة زياد لأبوه وتحب زياد حيل بس ماتحب أمه عمرها 70سنه وهي خالة سلمى وفي شخصيات راح تنذكر بالقصه ___الفصل الأول___ سمع صوت من وراه يناديه اشكثر حب هالصوت واشتاقله كان هالصوت نادر مايسمعه بسبب حكم الظروف كان هالصوت صوت أعز الناس عنده وأغلاهم نادته بصوت حنون:زياد .. التفت ووقف قدامها وارتمى بين أحضانها وصار يبكي حيل زياد:يمه م ش ت ا ق ل ج ضمته لصدرها وصارت تهديه هنادي:بس حبيبي بس والله ماتحمل دموعك خلاص أنت جاي تشوفني ولاتبجي بس ياعين أمك مسح دموعه وقعدت وقعد جنبها واسألته عن حاله وعن دراسته وطمنها أنه بخير بس ناقصه وجودها معاه وأن أبوه مومقصر معاه بشي ونشميه مهتمه بكل أموره لكن ما حب يقولها عن مشاكله مع سلمى علشان ماتضايق مر على قعدته معاها ساعه بعدها استأذن أمه وطلع وكان سايقه الخاص ينتظره رجع البيت وهو ماله نفسه كان يشوف هالفله سجن بالنسبه له لكنه طبعه مرح وهالشي مخفف عليه دخل البيت لقى سلمى وبناتها بالصاله وعندهم رفيجاتها سلم ونزل راسه وراح جهة اللفت (المصعد) لكن سلمى ماخلته يعدي قبل ماتسمعه كلام يعور الراس سلمى: هاه أشلون أمك ست الحسن والدلال كان متضايق وماله خلق لها خزها بعينه وكمل طريقه وهالشي قهرها لكن مابغت تفشل عمرها أكثر قدام رفيجاتها صعد وراح لغرفة نشميه طق الباب ودخل كانت قاعده على الكرسي وترتب تواليتها (طاوله وعندها مرايا ينحط عليها المكياج والعطور) لفت عليه وابتسمتله وردت تكمل قرب منها وسحب كرسي وقعد اسألته :شلون أمك شخبارها إن شاء الله طيبه _ تنهد وقال :الحمدلله تسلم عليج نشميه:الله يسلمها زياد: يمه ليش منتي قاعده تحت نشميه:أنت اتعرفني ماحب سوالفهم وقعداتهم البايخه ماعندهم إلا الحش بأعراض خلق الله فلانه تزوجت وفلانه تطلقت _ضحك زياد مع أنه ماله نفس للضحك زياد:هذي سوالفكم ياالحريم عندكم غيرها طالعته بطرف عينها:رجاءا لاتعم أنا ماني مثلهن _ضحك وقالها:محشومه يمه بس هذا حال أغلب الحريم أخذ نفس طويل ومسموع :يمه ودي أنام عندج اليوم أحس أن راسي يعورني ومافيني حيل لفت عليه وطالعته:ليش زياد في شي صايرلك شي اليوم رد:لابس مانمت عدل أمس قالتله:okياالغالي حتى أنا ودي تنام عندي اليوم بهالوقت دخل أبوه لغرفة زياد ومالقاه عرف أنه بيكون عند نشميه راح على طول لهم دخل عليهم وسلم قام زياد وباس راس أبوه ورد قعد شاف صقر وجه زياد كأن في شي بس ماحب يضايقه قاله: أحس بملل وزهقان اشرايكم انروح البحر _ بالنسبه لزياد كان هالشي مناسب له لأنه وده يطلع مع أبوه من زمان ماطلع وياه: أنا ماعندي مانع بس على شرط بس أنا وأنت وأمي نشميه _ فهم صقر قصد زياد وقال: ماشي يا الغالي وأنتي نشميه اشرايج ردت: مادام ولدي وافق أنا مالي راي بعدها _ابتسم زياد وطالعها بكل بحب: ولو يمه أنتي اللي تامريني مو أنا ضحك صقر: نحن هنا _ كان صقر من النوع اللي شخصيته قويه ومايرضى أحد يزعل زياد بس كان له هيبه وكلمته مسموعه في كل مكان محد يقدر عليه ولايمشي كلمته عليه إلا ولده الوحيد حتى سلمى تخاف منه وتسوي نفسها بريئه وحليله جدامه بس خالتها رافعه سوقها عنده ولا هو يعرف عمايلها _المهم اتفقوا أنهم يروحون شاطي (الشويخ) لبس شورت أبيض وبلوزه عنابيه واسعه شوي ونعال بيضه وجهزتله نشميه شنطه فيها فوطه وملابس تبديل والبست بنطلون بيج وبلوزه سوده نص تحت عبايتها الكتف وملفع أسود ونعال سود مسكره وحطتلها فوطه ونزلت بعد مالبسوا هي وزياد تحت وحصلوا أبوهم تحت قاعد يكلم الخدامه عشان تحط الشاي والقهوه والسجاده بالسياره التفت لهم وضحك : ياالله مشينا _ بصوت واحد: مشينا _ اركبوا السياره نوع جيب همر صقر يحب يطلع فيه وقت التمشي لأنه يرتاح لما يسوقها_ قعدوا يسولفون لما وصلوا البحر واختاروا مكان مناسب عشان نشميه تاخذ راحتها(للعلم شاطئ الشويخ دايم فيه زحمت عوايل) حطوا السجاده ونزولوا الأغراض وقعدوا يسولفون نشميه:بصراحه يبه الجو اليوم يهبل ينعش الروح زياد: عاشت الرومانسيه _صار يصفق ويصفر _ قعد أبوه يضحك وعصبت نشميه وصار وجهها أحمر من التعصب نشمية: لاعيوني مخليه الرومانسيه لك اللي يشوفك يقول هذا وين والرومانسيه وين أنت مغازل مثل الشباب ماتعرف من تشوف بنت يحمر وجهك جنها بتاكلك _ اهنيه سكت زياد وأبوه مات من الضحك بس حب يخفف اشوي قال: ياالله زيود ماودك تسبح ولاتستحي من الماي بعد _ اغتنمت نشميه الفرصه وصارت تأشر عليه وهي ميته من الضحك حب يسكتها قام ونزع بلوزته ونعاله وراح صوب الماي والحقوه طبعآ بدأت نشميه تعطيه تعليماتها: لا تدخل للماي حيل -لاتمسك شي غريب ومن هالكلام اللي يحسسه بحرصها وخوفها عليه استانسوا مع بعض وماردوا لما طلعت الشمس كان زياد تعبان ومستانس ونسى أنه وعد نشميه ينام عندها من دش البيت على طول راح غرفته تسبح وحط راسه ونام وماقعد للساعه12.15قام وهو متثاقل وتوضأ ولبس دشداشه وشماغ ونزل على طول للمسجد عشان يلحق على الصلاة رجع البيت ولقى خواته بالصاله وسلمى قاعده معاهن قعد جنب أبوه وقامت موضي تقول للخدامه تحط الغداء( لأن اليوم خميس يتغدون بعد الصلاة) أخذ صقر التلفون ودق على أمه وبلغها إنه هو وزياد بزورنها العصر طبعآ استانست شمسه بهالشي كالعاده لكن صقر معودها يتصل لأن يمكن يكون عندها مناسبه ولاجمعت حريم تغدوا وقام زياد أول واحد لأنه يحس بصداع ونشله(زكام) راح لغرفته عشان يجهز ملابسه بس الصداع ماخلاه يقدر يوقف فانسدح عالسرير عشان يخف شوي كان هالصداع يجيه من مده بس كل ماقالوله روح الطبيب يقول عادي صداع بسيط وهالشي ماغفل عنه صقر_ خذاه النوم ماحس إلا بصوت نشميه اتقعده للصلاة (للعلم موضي ومضاوي مومسموح لهم يدخلون الغرفه بأمر من أبوهم وطبعآ سلمى على راس القائمه)حاول يرفع راسه بس ماقدر صرخ بصوت عالي:آآآآهههه نشميه ودموعها بعينها: أشفيك زييييياد _وراحت تركض لغرفت أبوها وجا مسرع وأخذوا زياد للمستشفى على طول وبعد التحاليل والفحوصات كان صقر ونشميه عند باب الحوادث يطالعون الباب متى يطمنهم أحد عليه طال انتظارهم وبعد ساعه طلع الدكتور من الغرفه وركضله صقر وسأله:بشر دكتور اشلون زياد الدكتور:تطمن بخير بس بغيتك شوي بالمكتب _ مشى صقر مع الدكتور وهو كله أمل إن ولده فيه صداع بسيط وبس _وصلوا المكتب وقعد الدكتور قدام صقر وتنهد وبعدها تكلم :أنت يا أستاذ صقر رجال مؤمن بالله واللي كاتبه الله بصير _تغيرت ملامح أبو زياد والمعت دمعه بعينه بدأى الوسواس يلعب فيه ولده الوحيد حبيبه وعزوته وقطعة قلبه صرخ بوجه الدكتور :تكلم زياد فيه شي شنو فيه تحجى _ هداه الدكتور وقاله : زياد مصاب بسرطان بالدماغ بس إن شاء الله بسيطه لأنه محتاج عمليه بس أنصحك لاتسويها بالديره سوها له بالخارج أضمن والحين زياد بنخليه عندنا كم يوم وأنت استعجل له بإجراءات السفر _قام صقر وتوجه للباب بس التفت قال: دكتور أقدر أشوفه _ قام له الدكتور وقاله:تفضل معاي _ توجهوا للغرفه اللي فيها زياد وكانت نشميه قاعده عند الباب تبجي لما شافت أبوها والدكتور جايين وقفت وتوجهت لأبوها بس ما التفتلها وعند باب الغرفه فتح الدكتور الباب وطلب منهم يدخلون كان زياد نايم ومو حاس فيهم تكلم الدكتور: إحنا عطيناه منوم عشان يرتاح تطمن بكره راح ننقله لمستشفى مكي جمعه(هذا مستشفى لعلاج السرطان) أتمنى تتفضلوا الحين وترجعون للبيت لأن القعده ما فيها فايده _ زادت دموع نشميه بس أبوها سحبها ورجعوا للبيت وطول الطريق ماتكلموا لماوصلوا عند البيت مسك صقر إيد بنته :ما أبي أحد يدري بشي لما إنتأكد من كل شي سمعتي وبالذات جدتج _ طالعته نشميه وعيونها محمره من البجي: حاضر يبه _ نزلت من السيارة ودخلت البيت وهو كان وراها بس صدمها وجود جدتها عندهم وكان باين عليها التوتر_ دخل صقر البيت وانصدم بهالشي وعرف أن سلمى ورا هالسالفه وحلف مايخليها _من أول ماشافته شمسه جته ودموعها بعينها : زياد وينه ليش ماجا معاك طمني ياصقر صقر:تطمني يا الغاليه الموضوع ومافيه صداع بسيط بس حبوا يسووله شويت تحاليل يتأكدون من سلامته أفا عليج بس تبجين ومعذبه حالج والموضوع مايستاهل ترى دموعج غاليه علينا شمسه: الحمدلله أن زيود بخير والله أبجي من غلاته حسبي الله عليج ياسلمى طيحتي قلبي وخليتيني أحاتي _ حلف صقر أنه بيذبحها بس تمشي أمه وصار يخزها بشكل خوفها _أما بالنسبه لسلمى بغت ترقع السالفه: من خوفي عليه ياخالتي مدري شنو سويت لاتلوميني قلبي مع وليدي صقر عصب: جب ولاكلمه ما أسمحلج تقوليله وليدي زياد يكرم عن أمثالج سمعيتي وأنتي يا الثوره الثانيه صبي شاي ماتشوفيني قاعد مضاوي بخوف: حاضر يبه التفت صقر لنشميه: نشوم جيبيلي تلفون زياد وطلعيله ملابس بروحله المغرب أوديهم له نشميه: حاضر يبه _وقامت جابت التلفون وعطته أبوها وردت مره ثانيه لغرفته أول مادخلت سكرت الباب وطاحت عالسرير تبجي وماحست إلا صوت الباب يطق عرفت إنه أبوها افتحت الباب وردت اقعدت عالسرير جاها أبوها وباسها على راسها وقعد جنبها سكت شوي وبعدها قال: نشميه أم زياد من اليوم تدق عليه تلفون وماأدري شسوي معاها أكيد أمج قالتلها سكتت نشميه وبعدها طلعت تلفونها ودقت عليها:ألو هنادي: هلا نشميه طمنيني شلون ولدي بالله ريحيني نشميه: الحمد لله بخير بس هي كلها مسألة فحوصات وتحاليل وإن شاء الله بتكون سليمه بس أنتي ادعيله هنادي: الله يسمع منج بس هو بأي مستشفى ودي أشوفه نشميه: أهو الحين بالمستشفى اللي عندنا يا الله تبين شي يا أم زياد هنادي: سلامتج وماقصرتي _ سلمن على بعض وسكرن التلفون وقامت نشميه اتجهز أغراض زياد بعدها حطت الشنطه عالسرير ولما بغت تقعد قالها أبوها: نشميه خليني شوي وروحي ارتاحي _طلعت وراحت غرفتها تنام بدلت ملابسها وحطت راسها ونامت بين دموعها وتفكيرها بالغالي اش راح يكون مصيره هذا سرطان مو شي سهل ياما ناس ماتوا بسببه الله يستر _ أما بالنسبه لصقر شنو اللي كان يدور براسه تابعونا بالفصل الجاي |
رد: "قصة إنسان"
هذا الفصل الاول
إذا عجبكم راح أنزل فصلين مع بعض أختكم غسق الكويت |
رد: "قصة إنسان"
رووووووووووووعه ياعسل مبدعه كملي
|
رد: "قصة إنسان"
|
قصة إنسان
ثلوج
فدو مشكورين ع مروركم تأكدوا مروركم تشجيع لي وشرف كبير لقصتي باجر الفصلين الثاني والثالث راح يكونون بين ايدينكم بإذن الله أختكم غسق الكويت@ |
"قصة إنسان"
___الفصل الثاني___
خذا التفكير صقر لبعيد تخيل يمر عليه يوم مايشوف زياد ولايقدر يشوفه صحيح إن سفراته واجد بس كان أغلبها زياد يكون معاه أو على الأقل دايم يكلمه أما الحين فهو يفكر لو انقطعت حتى اتصالات زياد بالدنيا وشلون بيكون حاله ، زياد اللي تحدى الدنيا عشانه هو وأمه بس للأسف أحرموه منها واحرموها من ولدها، رجعت فيه الذاكره لقبل 17 سنه لما جاء لأبوه وطلب منه يخطب بنت جارهم أبو هاني لأنه له نفس فيها البنت عاجبته حلوه وصغيره وزوجته سلمى مافيها أي شي حلوه لاطبع ولا شكل ، احترم الحجي راشد رغبت ولده مع أن شمسه رافضه هالشي خطبها له وتزوجها صقر عاش معها أحلى أيامه مايضايقه إلا تصرفات أمه معاها أما سلمى فخوفها منه يمنعها لأنها خافت يطلقها وهي ماصدقت أن في أحد وافق يتزوجها بس أمه الله يهديها بعد ماولدت هنادي زياد بست شهور احلفت أمه إنها ماتدخل بيته ولاتكلمه لما يطلقها حاول الحجي راشد إنه يمنعها بس كانت راكبه راسها وماتبي هنادي ،كانت هنادي مره عاقله وطلبت منه يرضي أمه وأن الزوجه في غيرها عشر بس الأم وحده سمع كلامها وطلقها وقلبه راح معاها بعدها تذكر زياد وطفولته والدلع اللي عاشه وحبه له وكان زياد يستاهل كل هالشي ولد شاطر ومتفوق في دراسته ومؤدب وخلوق وطيب ومحافظ على صلاته_ أخذ صقر نفس عميق وقال : شكثر أغليك يازياد يارب احفظه لي أنت تعلم أن ماعندي غيره يارب_ وصار يبجي بعدها قام وتوضأ لأنه سمع أذان المغرب راح لغرفته وبدل ملابسه وكانت سلمى قاعده على السرير خزها بعينه وقال: احسابي معاج بعدين _ راح غرفت زياد وأخذ شنطة الملابس وتلفون زياد ونزل على طول للمسجد أما بالنسبه لهنادي قامت تبجي دخل عليها سالم وشافها بهالحال سألها وقالتله إن زياد بالمستشفى كان سالم رجال طيب ويحب زياد ،حاول يهديها وقالها: بروح أصلي المغرب وأرجع أوديج له _ راح للمسجد وجهزت هنادي نفسها وصلت إلا على دخلته راحوا للمستشفى واسألت عن غرفته وراحتله أول مادخلت لقته توه قعد من النوم _أول ماحس فيها ناداها ودموعه بعينه: يمه لاتخليني عندهم بيذبحوني يمه اخذيني معاج _ قربت منه وباسته على راسه وهي تحاول تشجعه: أنا عندك ياروح أمك ماراح أخليك تطمن ياالغالي _ كان صقر توه دخل الغرفه وماكان يتوقع يشوفها(سالم وصلها وراح عشان تأخذ راحتها) وكان جايب شمسه معاه _ ماأنتبهت لدخولهم وكانت حاطه إيدها على خد زياد وهو ماسكها يبوسها ويقولها: لاتخليني يمه حسبي الله على من حرمني منج(زياد يعرف كل شي)_دخل صقر وسلم بعد ماشده الموقف وعور قلبه كلامهم قعد قبالهم وشمسه سلمت على زياد ونفسها مو طايقه أمه: ماتشوف شر يمه خطاك السوء يا الغالي زياد وهو يبوس إيد أمه: خطاج اللاش إيديده قرب منه أبوه وده يقعد قريب منه (هنادي ماتغطي وجهها وزياد يشبهها حيل مع أنها متزوجه مرتين بس اللي يشوفها يقول إنها للحين بنت) قعد على طرف السرير قرب من أذنه وهمس: مالنا نصيب فيك _ ضحك زياد وأخذ إيد أبوه وباسها بس شمسه ما عجبها الوضع لما شافت هنادي وصقر يضحكون على زياد فبغت تغث هنادي قالت: بس ذبحتي الولد قومي عنه خليه يرتاح عالسرير _ قامت هنادي وهي متضايق بس زياد سحبها قعدها وقال: أمي هي راحتي وإن اذبحتني أنا فداها _ ابتسمت بوجهه بس شمسه عصبت زياده : ياالله بتخلص الزياره واحنا ماشفناه قومي دقي على زوجج وأمشى خلينا نأخذ راحتنا _ عصب زياد ومابقى فيه صبر خز جدته وقالها وهو صاك سنونه: اللي مو عاجبه وجود أمي الباب يوسع جمل _ طالعه أبوه بس ما اهتم له وقامت شمسه وهي رايحه للباب : أنت موكفو أحد يزورك ربيناك وتعبنا عليك بالأخر تطردنا بس مالومك إذا هذي أمك ياالله يا صقر أنا انطرك عند السياره _طالع صقر ولده وقاله: زياد لاتزعل من يدتك بس مره كبيره وأنت شديت عليها بعد زياد: يدتي على عيني وراسي بس أمي ما أسمحلك حتى أنت إنك تغلط عليها موتي ولا دمعتها شوف أشلون تضايقت عشان أمك أشلون تبيني أسكت _ باسه أبوه وقاله: أنت وأمك على راسي يا الغالي ياالله مع السلامه وهذا تلفونك_ وطلع_ أخذ زياد تلفونه وشاف عنده 5 مكالمات ورسالتين فتح المكالمات لقى 3من أمه 2 من راكان بعدها فتح الرساله لقاها من راكان يقول: رد علينا اشدعوه يا الطيب تدلع علي ترى أنا موأبوك _ضحك زياد وفتح الرساله الثانيه كانت من نشميه تقول: إذا قعدت طمني عليك _ ابتسم وتذكر شنو سوى فيها اليوم دق عليها على طول زياد: ألو قوه يمه نشميه: هلا حبيبيي شلونك طمني عليك زياد: الحمدلله يمه أنا بخير بس مدري ليش منوميني عندهم_ عرفت نشميه إن زياد مايعرف شنو فيه نشميه: بتأكدون إنك تمام بعدها بطلعونك المهم ارتاح الحيل ياالله فمان الله زياد: مع السلامه _ وسكر التلفون وقعد يسولف مع أمه لماسمع صوت طق عالباب قال : منو سالم: سالم زياد: تفضل عمي حياك _ دخل سالم وسلم عليه وقعد يسولف معاه شوي بعدها استأذن وأخذ هنادي ومشى _ تذكر زياد إن راكان داق عليه مسك التلفون ودق عليه زياد: ألو قوه راكان: لا تو الناس ليش دقيت الحين جان نطرت اشوي زياد:هههههههههه لاتزعل يا الغالي بس والله تلفوني ماكان عندي راكان: ليش وين كان مضيعه وتدور عليه زياد: ههههههههه خلاص يا خي بطل دلع أنا أقولك شالسالفه أنا بالمستشى وتلفوني بالبيت تو جابه أبوي ارتحت الحين _انصدم راكان: مستشفى ليش زوزو في شي عسى ماشر زياد: لابس صداع بسيط تصدق ياخوك نوموني بالمستشفى مع أن الصداع راح الحين أنا قلبي مو مرتاح وجه أبوي متغير أحس في شي مو طبيعي راكان : يا خي تفاؤلوا بالخير تجدوه لا تخوفني عليك ترى أنا بروحي خواف إن شاء الله خير اشفيك جنك عيوز بس تشكى توكل على الله ومافي إلا الخير زياد: الله يسمع منك أقول الريكو اشرايك تييني الحين قاعد بروحي محد عندي تعال ونسني راكان: okأصلى العشا وأييك صار معلوم زياد: صار معلوم مع السلامه _ قام زياد وتوضأ وصلى العشا وقعد ينطر راكان فجأه انفتح الباب ودخل راكان من دون مايستأذن (من الميانه الزايده بينهم) سلم على زياد وحط الأكياس اللي معاه عالطاوله ونصهم عالأرض ودخل <السيرفر> وراه وهو شايل بوكيه ورد وكيس كبير حطهم وعطاه راكان دينار وطلع قعد عالسرير وسحب الكيس الكبير وفتحه وطلع منه كرتون كبير _ زياد مات من الضحك شنو توقعون راكان جايب لزياد _إذا ودكم تعرفون تابعوا الفصل الجاي |
"قصة إنسان"
___الفصل الثالث___
فتح راكان الكرتون وطلع سياره لاسلكيه اللي يجيبونها للأطفال واللي زاده ضحك لماشغلها وصار يستعرض فيها ويسوي حركات عجيبه زياد:هههههههه حرام عليك شايفني ياهل(طفل) عندك يايبلي لعبه راكان: ليش متى صرت رجال أنت وشوف بعد يبتلك مصاص وعلج وبفك وعصير زياد: ههههههه لاوالله كل هالشارب والطول والعرض وتقول ياهل عدال يا الريال راكان: والله شسوي زوزو مو قادر أقتنع أنك كبرت وبعدين أنا ريال ومن ظهر ريال ولا عندك شك زياد: الحين من اليوم تعايرني وبالأخر تعصب يبه خلاص أنا وأنت ريايل بس فكنا_ قعدوا يسولفون ويضحكون لما خلصت الزياره وما يدرون شنو خاشلهم القدر_ قعد زياد الساعه 7 على صوت الدكاتره والممرضات وشاف سنادت الإسعاف جدامه انصدم وخاف شنو فيه سأل الدكتور اللي واقف عنده: دكتور اشفيني وين بتودوني أنا مافيني شي الدكتور وهو يعتقد أن زياد يدري: حنوديك لمكي جمعه لما يخلص باباك أوراءك وتروح للخارق _ انصدم زياد مكي جمعه معناها الموضوع جايد سحب تلفونه ودق على أبوه: هلا يبه وينك يبه بودوني مكي جمعه ليش يبه في شي أنت وينك تعال بسرعه لاتخليني صقر:أنا عند الباب حبيبي تطمن مافي إلا العافيه أنا يايك _ صكر التلفون ودموعه بعينه لاحظ الدكتور هالشي وحاول يهديه: اتكل على الله إن شاء الله خير _ دخل أبوه وشاف دموعه بس ماحب يزيد عليه طلع وخلص إجراءاته بسرعه وانقلوه بالإسعاف لمكي جمعه وأبوه معاه بالإسعاف وطول الطريق ماسك إيد أبوه ويبجي بدأ يفكر إشراح يصيرله ياترى لو جاه الموت وش راح يسوي تخيل نفسه بالقبر وأهله يبجونه عليه تخيل حال أمه وأبوه بعده والناس يعزونهم _ صحى من تفكيره على صوت الدكاتره عنده والممرضات ياخذون التحاليل منه وهو موفاهم شي من كلامهم بعدها حس بإبره تدخل بيده وبعدين ماحس بنفسه صقر كان قاعد عند الباب يتذكر شكل زياد ودموعه يحس إن قلبه يتقطع عليه بس مايقدر ينطق بكلم اللي فيه كافيه _فجأه حس بإيد تنحط على كتفه رفع راسه شاف سالم واقف وجنبه فواز خال زياد وهنادي تبجي بكل ذره فيها عرف إن في ناس تشاركه الحزن وتساوى معاه وقف وسلم عليهم وهموم الدنيا كلها فيه سالم : خطاكم السوء اصبر يا بوزياد واحتسبها عند ربك فواز: خطاكم السوء اشدعوه يا بوزياد أنت ريال مؤمن باللي كاتبه ربك توكل على الله وامسح ادموعك ترى ماينفعه إلا الدعاء صقر ودموعه على خده: خطاكم اللاش ماتقصرون والله يجزاك خير سالم: اشدعوه يابوزياد إحنا أهل وحق وواجب زياد ولدنا_ سمع صوت بجي من وراهم وعرف إنها هنادي قالها عشان يهديها وهو اللي فيه كافيه: هدي يا أم زياد وادعيله بدال ماتبجين تراه محتاج لدعائج هنادي: يارب قوملي وليدي بالسلامه والله مادري من دونك اشلون بعيش يا روحي _ وطاحت عالأرض وهي تبجي بهبل _ ركضوالها فواز وسالم وهم يحاولون يهدونها ويذكرونها بالله أما صقر لاتسأل عن حاله _قطع هالتوتر صوت باب الغرفه ينفتح وطلع الدكتور مر تقريبآ ساعه وصقر ماحس بالوقت _سأل الدكتور: وين أبو زياد وأمه قام صقر وقاله : أنا أبوه _أشر على هنادي_هذي أمه خير دكتور في شي طمني الدكتور: تطمن بس بغيتكم بالمكتب إذا ما عليكم أمر _ قام صقر ولحق الدكتور والحقتهم هنادي وكأنها نست أن سالم معاها كان كل تفكيرها بزياد وبس مستعده تبيع الدنيا كلها عشانه _ ادخلوا المكتب وقعدوا الدكتور: بصراحه في موضوع مهم لازم تعرفونه _ انتبهوا للدكتور بكل مافيهم يا ترى شنو الموضوع المهم اللي خلى الدكتور يطلبهم بالمكتب إذا كان ودكم اتعرفون انتظروا الفصل الجاي (أنا الحين أبي أنام لأني مواصله من يومين أكمل بكره إذا الله عطانا عمر _س4.10صباحآ |
رد: "قصة إنسان"
كملي ياعل بانتظارك
ماشاء الله عليك مبدعه بس طولي البارت بليز |
"قصة إنسان"
___الفصل الرابع___ تمتم الدكتور وماعرف شنو يقول بس صقر عصب وصرخ عليه: تكلم دكتور زياد فيه شيالدكتور: لالا مافيه شي بس أتمنى أنك تاخذ الموضوع بهدوء وو صقر: بتكلم ولاشلون الدكتور: لاتعصب يا أخ صقر بس التحاليل أثبتت التحاليل الدقيقه إن زياد مافيه سرطان والصداع سببه احتكاك عصب هذا كل الموضوع الحمدلله على كل حال _ تخيلوا حال صقر وهنادي وفرحتهم بهالخبر كان ودهم يرقصون من الفرحه _سأل صقر الدكتور والضحكه ماليه حلجه: نقدر نشوفه يادكتور _ ضحك الدكتور وقال: لا تقدر تأخذه معاك إذا ودك _ ضحك صقر وكان وده وطير بالسما أو يركض بالديره كلها : صج أقدر يادكتور قول والله_ قدر الدكتور شعوره وقاله والابتسامه ما إختفت عن وجهه: تقدر يابو زياد _ توجهوا لغرفة زياد وكل واحد يحاول يسبق الثاني حصلوا سالم وفواز عند الغرفه قال سالم بعد مالاحظ ابتسامتهم على وجههم: هاه بشر يا خوك فواز: اشفوفكم تضحكون ضحكونا معاكم صقر: أبشركم زياد طلع سليم ومافيه سرطان سالم: الحمدلله هذي الابشاره الزينه قرت عينكم يا بوزياد وياأم زياد _اركضت هنادي لسالم وحضنته وهي تقول: الحمدلله اللي ردلي ولدي يا سالم الحمدلله سالم: الحمدلله ياقلبي قرت عينج هنادي: بوجه نبيكم قول آمين كلهم بصوت واحد: آميييييين_ بعدها فتح الدكتور الباب وكان زياد تحت المخدر اركضوله أمه وأبوه وكل واحد يبوسه من جهه بس ماحس فيهم _قال الدكتور: إذا صحى بكره تعال طلعه صقر: ليش أنت قلت يطلع الحين الدكتور: بس هو نايم الحين صقر: مو مشكله انطلعه وهو نايم عادي الدكتور: على راحتك تقدر تخلص إجراءاته وتأخذه _ كانت الساعه 11.30الصبح خلص صقر الإجراءات وطلعه وهو نايم على عربانه ولما بغى يركبه السياره نادته هنادي وهي مستحيه: بو زياد ودي أكون عنده أول مايصحى _ قاله سالم بعد ما شاف إن صقر ماعنده مانع بس وده يكون عنده بعد: يابو زياد اشرايك تآخذه بيتنا أقرب لك ولأمه صقر: إذا كان هالشي مايزعجك أنا ماعندي مانع أمه ومن حقها تشوفه سالم: ولو يابوزياد إحنا أهل ومابينا شي_ اركبوا سياراتهم وكان زياد بسيارة أبوه وصقر طول الطريق شوي يطالع الطريق وشوي يطالعه كان يفكر وهو يطالعه ويقول: حسبي الله يابوك على اللي كان السبب واحرمك من أمك_ كان وجه زياد في براءة طفوله ولما تشوفه وهو نايم تحس إن كل براءة العالم فيه كان شعره طايح على وجهه من طوله وحلجه صغير وفيه لمحت حزن واضحه عليه _ فجأه دق تلفون زياد وكان التلفون بجيب صقر أخذ صقر التلفون وشاف الاسم <واللهrغالي> ماعرف منو بس رد عليه: ألو راكان: السلام عليكم شلونك عمي وشلون زياد طمني عليه صقر: وعليكم السلام هلا والله أبشرك زياد الحمدلله تمام وطلع من المستشفى راكان: الحمدلله أقدر أكلمه صقر: بصراحه نايم طلعناه من المستشفى وهو نايم مايدري راكان: هههههه ماشي إذا قعد بلغه يتصل علي صقر: أبشر ياالله فمان الله راكان: مع السلامه_ وسكر التلفون وصلوا لبيت سالم ونزلوا زياد وحطوه على السرير اللي قالت أمه للخدم وهي في الطريق يجهزونه وكان زياد للحينه نايم اقعدت أمه جنبه وقعد أبوه مع سالم على الكراسي قال صقر لسالم: مابقى شي وتقيم الصلاة سالم: يا الله مشينا _ولف على هنادي وقالها: جهزوا الغدا بنروح نصلي ونرجع هنادي وهي تطالع زياد وهو نايم وتلعب بشعره:تآمر _ وبعده راحوا للصلاة وقبل لا يرجعون بشوي كانت هنادي تصلي جنب سرير زياد وبعد ماسلمت حست ببوسه على راسها وبعدين أحد قعد جنبها التفت كان زياد قاعد جنبها وبعدها قال وصوته تعبان وهو يدفن نفسه بحضنها: أنا بحلم يمه ولا علم اش صار ليش طلعوني ولا يأسوا من شفاي هنادي: بسم الله عليك لايمه بس الحمدلله أنت طلعت سليم ومافيك شي وأنت بعلم يمه_ دخل صقر وسالم ولماصقر شاف زياد بحضن أمه مد إيدينه يقصد تعال بحضني قام زياد وطاح بحضن أبوه وصار صقر يحضنه ويبجي ويقول: يومي قبل يومك الحمدلله يا الغالي اللي ردك لي الحمدلله زياد:الله لايحرمني منك ويطول بعمرك والله ماني عارف حياتي شلون من دونك صقر: ياحيات أبوك أنت _وطبعآ هالشي كان مع دموع وتفاعل هنادي وسالم_ وبعد البجي والحضنات ولمسات الحنان الأبوي قعد صقر وزياد وقاله سالم: الحمدلله على السلامه يا الغالي زياد: الله يسلمك ياعمي سالم:يا أم زياد وين الغدا هنادي: الغدا جاهز تفضلوا سالم:ياالله يابوزياد ياالله زياد تفضلوا عالغدا حياكم البيت بيتكم _ قاموا للغدا وبعد الغدا قال صقر لزياد: ياالله زيود نمشي حبيبي _ طالعته هنادي وهي عارفه إن صقر لما يقول كلمه تصير : بوزياد ... شنو توقعون قالت هنادي لصقر وشنو سوى صقر تبون تعرفون تابعوا معانا الفصل الجاي فمان الله |
"قصة إنسان"
___الفصل الخامس ___ هنادي: بوزياد دير بالك على زياد صقر: تآمرين يا أم زياد لاتوصيني على ولدي هذا الغالي صوتي بهالدنيا يا الله زياد خلنا نمشي زياد: على أمرك يا الغالي تأمرين شيء يا الغاليه هنادي: سلامتك يمه دير بالك على نفسك ترى مالي غيرك سالم:أحم أحم وأنا وين رحت هنادي: أنت الخير والبركه بس زياد غلاه بروح سالم: جذي بتخليني أغار من زياد زياد: خلاص خلاص أنت فيك الخير يا عمي لاتهاوشون يا الله يبه نمشي هنادي: اشدعوه زياد مليت مني _ قام زياد وباسها على راسها وقالها: أفا عليج بس يا الغاليه أنا أمل منج لو أمل من العالم كله ما أمل منج_ ابتسمت بوجهه وقالت تبي تغيضه: بكره تجيك اللي تنسيك أمك وتخليك تمل مني_ عصب زياد وصار وجهه أحمر من التعصيب وقال : ولدج رجال ماتمشيه مره ولا عاشت من تلهيني عنج _ اضحكوا كلهم عليه واحضنته أمه بين إيدينها وباسته على خده وقالتله: رجال ومن ظهر رجال ياروح أمك _ ابتسم صقر لكلام هنادي بس ماحب يثير غيرة سالم الرجال الطيب اللي وقف معاه وقفه ما يوقفها الأخو مع أخوه _ سلم زياد على أمه وعمه سالم ورجعوا البيت وعند الباب كانت نشميه تنطرهم ولما شافت زياد راحت تركضله وحضنته وهي تبجي وتقوله: الحمدلله على سلامتك والله البيت مايسوى شي من دونك _ باسها على راسها وقالها: الله يسلمج يمه خلاص ليش تبجين هذا أنا جدامج مافيني شي _ ابتسمت ودموعها بعينها: من فرحتي فيك يا الغالي _ كان صقر يطالعهم وقالهم: ماخلصتوا هالفلم الهندي ادخلوا البيت وكملوا الفيلم_ اضحكوا وادخلوا للبيت وكانت سلمى كالعاده تتصنع الطيب وجتهم تركض وباست زياد وهو مستغرب وتصنع ابتسامه لأنه يعرف نيتها واحساسها اتجاهه: هلا بالغالي تو نور البيت الحمدلله على سلامتك زياد وهو يبتسم بسمت استهزاء: الله يسلمج صقر: زياد حبيبي روح دارك ارتاح أنت تعبان زياد: حاضر يبه بس أبيك تنام عندي مضاوي وبلقافه: ليش خايف أنت بيبي ماتقدر تنام بروحك _ ماحست إلا الكف على وجهها والتفتت ولا أبوها يطالعها بكل عصبيه: أنت ماتستحين على وجههج تكلمين زياد جذي اذلفي عن وجهي أشوف _ وراحت لغرفتها وهي ميته من الخوف _ والتفت صقر لزياد وقاله: امسحها بوجهي يا الغالي وهذي أنا أوريك فيها إن ماربيتها عدل _ ابتسم زياد لأبوه: لاتشيل هم يبه أنا مازعلت ومضاوي صغير ماتدري شتقول _ طالع نشميه: يا الله يمه وديني داري خليني ارتاح نشميه: عن أذنك يبه _ وساعدت زياد وراحوا للغرفه دخل زياد غرفته وطاح على السرير واستسلم لنوم عميق وطلعت نشميه وسكرت الباب عليه ولما التفت تبي تروح غرفتها المحت أبوها جاي لغرفة زياد ووقفت تنطره وجاها: هاه زياد وينه نشميه: نام على طول من دخل الغرفه شكله تعبان حيل صقر: نوم العوافي خليه ينام ولأحد يزعجه وأنا بعد تعبان وبروح أنام قعديني عالصلاة نشميه: بس يبه زياد كان يبيك تنام عنده ولانسيت صقر: لامانسيت شلون أنسى تبيني أنفضح اليوم _ ودخل صقر غرفة ولده وبدل ملابسه وحضن ولده ونام _ أما بالنسبه لنشميه فراحت لغرفتها وتوها تدخل إلا وأمها وراها ودخلت وسكرت الباب وخافت نشميه من تصرف أمها : خير يمه في شي سلمى: أسمعي قولي لأبوج إن ودي أروح العرس اليوم وأقنعيه يوافق أنتي غاليته مايردلج طلب وأنتي تروحين معاي بعد سمعتي قعدت نشميه عالسرير وابتسمت : يمه أنتي شايفه أن أبوي فاضي حق هالشي اليوم وبعدين أنا ما أحب أروح إلا لعرس قريب سلمى وهي تصنع القوه: وأنا اشعلي منه أنا بروح وكيفه نشميه: يمه أنا حذرتج وأنتي كيفج _ طلعت سلمى من غرفة بنتها وهي معصبه وتقول: هذي شكلها بتعنس عندي بس مهتمه بهالولد أمه مادرت عنه يارب ارزق ابنيتي هي وخواتها وفكني من همهن _ كانت موضي قاعده مع أختها مضاوي والثانيه ميته من البجي وحاولت موضي تواسيها: مضاوي خلاص لاتبجين والله قطعتي قلبي مضاوي: شفتي ياموضي أبوي يطقني عشان هالزياد الله ياخذه ونرتاح منه موضي: حرام عليج لاتدعين عليه مضاوي وهي معصبه: عيل عاجبج اللي يسويه أبوي فينا عشانه موضي: أنتي الله يهديج طولتي لسانج وهالشي يستفز أبوي مضاوي: شسوي ما أحبه أحسه شاغل أبوي عنا موضي: صدقيني يامضاوي زياد طيب بس أنتي ماتعرفينه وبعدين لاتلومين أبوي ماعنده ولد غير زياد شلون ماتبينه يدلعه وينشغل معاه مضاوي بعد ما اقتنعت بكلام أختها: موضي تصدقين أنا أحسد نشميه على حب زياد لها وكل ما أمر من غرفتها وهو عندها أسمعهم يضحكون ودي أدخل وأقعد معاهم بس ما أدري شنو اللي يمنعني موضي: ولاتنسين أن أمي لوقعدنا معاه راح تذبحنا مضاوي: هنيال نشميه ما أحد يكلمها ولا أحد له شغل فيها كل اللي تبيه تسويه ومحد يناقشها مو أحنا موضي: ودي تصفي العلاقه بيننا وبينهم مضاوي: اشرايج نكلم نشميه بالموضوع وصدقيني هي طيبه وراح تسامحنا موضي: خلاص اليوم المغرب نكلمها مضاوي:بس أخاف أمي تعصب علينا موضي: خليها تعصب أحنا ما سوينا شي غلط يا الله قومي خلينا نصلي أذن العصر_ وقامن البنات يصلن وبهالوقت كانت نشميه توها خالصه من تعديل غرفتها وأسمعت الأذان وراح تقعد أبوها ودخلت الغرفه وشغلت الإضاءه وشافت زياد نايم بحضن أبوها ووجهه كله براءه قربت من أبوها تقعده: يبه يبه قوم أذن العصر _ فتح صقر عيونه وشافها واقفه قدامه وطالع للساعة وبعدين قعد عالسرير وقالها: قعدي أخوج خليه يصلي _وقام وطلع من الغرفة وقربت نشميه من زياد عشان تقعده وشافت وجهه تعبان حيل وكسر خاطرها بس لازم تقعده للصلاة نادته: زياد يا الله قوم الصلاة الحين تقيم _ وقعد زياد وقام وتوضأ ولحق أبوه للصلاة وبعد ما ارجعوا من الصلاة كانت سلمى نايمه بغرفتها واغتنموا البنات الفرصه وحطوا الشاي والقهوه بالصاله وطلبوا كيكه وخلوا المطعم يكتب عليها(سلامات ياالغالي) وقعدوا بالصاله ينطرونهم لما يرجعون من الصلاة ونزلت نشميه وانصدمت من اللي شافته وسألتهن: لمنوا كل هذا موضي: طبعا لزياد_ انصدمت نشميه أكثر: ومنو جايبه مضاوي: أنا وموضي _ تفاجأت نشميه بس ما حبت تضايقهن وشوي دخل زياد وأبوه للصاله وطالع صقر الكيكه:ماشا الله عليج يا نشميه كل هذا حق زياد زياد: يعطيج العافيه يمه ماكان له داعي نشميه: على شنو أنا ماسويت شي زياد: يمه جايبه تورته وتقولين ما سويت شي نشميه: بس أنا ماجبت شي موضي ومضاوي هم اللي جايبين ___الفصل السادس___ تفاجأ صقر وزياد وطالعوا موضي ومضاوي بنظره وحده وبعدها قال زياد: يعطيكم العافيه وماقصرتوا موضي: هذا شوي بحقك يا الغالي _ قعدوا يسولفون وياكلون الكيكه وزياده كان مستانس حيل لأن العلاقه ردت بينه وبين خواته _طبعآ هالشي ماراح يعجب سلمى وبنشوف بعدين شبتسوي ________ مرت الأيام ورد زياد لحياته الطبيعه والدراسه والكتب وكان طالب متفوق وشاطر بس كان راكان مشاغب شوي ولما يجتمع مع زياد الله يعين المدرس _يوم من الأيام كان عندهم حصة عربي ومشكله إذا كان الاستاذ طيب زياده عن اللازم وهالشي يخلي الطلاب يستهينون بالماده كانوا بالصف العاشر<حسب النظام الجديد> دخل الاستاذ مبارك للصف وكان يتصنع العصبيه: بس كل واحد يقعد مكانه مابي أسمع ولا صوت فهمتو_ راكان يقول لزياد بصوت واطي: يمه خفت امسكوني لا أطيح أقول اشرح وأنت ساكة_ زياد موقادر يمسك نفسه حاس إنه راح ينفجر من الضحك بس كتمها عشان مايزفه الاستاذ_بدا الاستاذ يآخذ الغياب وكان مشاري يرد مع كل واحد والشباب ميتين من الضحك والاستاذ ماعنده إلا بس واسكتو _راح أعطيكم قائمه بأسماء الطلاب المشهورين بالصف وشنو اللي يميزهم: مشاري: كان معروف بلقافته وكل سالفه يدش فيها جنه معاه وقتها طلال: كان فيلسوف زمان أي سالفه حتى لو تافه يسويها كبيره ويخلي لها معنى يعني فاهم خليفه: بدوي وراعي بروقنص وجرابيع وبس قاعد يقصد ويهيجن بسام: كان تخصصه يعطي عكس الكلمات مثال قال أحد بلوزه يقوله دريشه اش جاب هذا لهذا مدري بدر: يسمونه بوقذيله لأنه بس كاشخ ومايسولف إلا عن الماركات والشباب مايشتهونه حيل أنور:كان شاعر وماخلى شي ماكتب فيه حتى فراش المدرسه ألف فيه قصيده وكان يكتب الشعر الفصيح ماجد: كان معروف بالنوم وبس نعسان يعني وجوده مثل عدمه عبدالسلام: كان يسمونه فيتامين<و> لأن أبوه رئيس قسم وكل ماصارت مشكله خلى أبوه يتوسطلهم فيها راكان: كان النكة بالصف وظيفة تضحيك الشباب بأي طريقه عبدالله: المليغ وعلى باله إنه يضحك والشباب يضحكون مجامله عشان مايبرد وجهه بس أحيانآ يزودها أما بطلنا فكان شغله إنه يرضي الكل بس كان مؤدب شوي ومايشاغب بس إذا فصل مايقدر أحد يسكته_ والباجي ماله داعي ذكره _ بدأ الاستاذ يشرح وهو بديره والشباب بديره ثانيه وأنواع العبط على الاستاذ وبما إن الاستاذ مبارك كان سمين فهالشي زاد الطين بله عند الشله_ راكان بصوت واطي: شباب اتهقون استاذنا بأي شهر الحين. خليفه: أتوقع وأنا أخوك أنه مابقاله إلا شهر يعني محرين عالولاده_ وافطسو الشباب من الضحك_ التفت عليهم الاستاذ وهو معصب: بس ولا كلمه قومو أقفو كلكم_ طبعا لاحياة لمن تنادي الشباب ميتين من الضحك بس الشطار اللي وقفو وزياد وقف وهو يحاول يكتم ضحكته وماجد غرقان بالنوم مايدري وين الله حاطه وزاد ضحك الشباب مع زيادة صراخ الاستاذ وهالشي قعد ماجد من نومه: يوووه محد يقدر يأخذ راحته بيتهم وطبعآ الشباب خلاص لايمكن يسكتون راكان: أي بيتهم ياباب ماتشوف السبوره قدامك واستمر ضحك الشباب وهالشي خلى الاستاذ يآخذ كتبه ويطلع بس ماراح القسم لأن خاف يقولون عنه الاساتذه إنه مو شخصيه أو ماله كلمه فضل يفتر بالمدرسه لما دق الجرس أما صف 10/4 ماصدقوا إن الاستاذ يطلع استلموه اطنازه وتقليد للاستاذ لمادق الجرس وكان بعدها حصة الاستاذ فارس وهالاستاذ كل الطلاب يحبونه لأنه متفاهم معاهم ويسمع لك واحد فيهم ويحل مشاكلهم ويقولهم القصص اللي اتفيدهم وبسرعه رتبو الصف وطلعو كتبهم ومسحو السبوره كان الاستاذ فارس يدرس مادة التربية الاسلامية والقرآن الكريم_ دخل الاستاذ فارس ووقفو الطلاب : السلام عليكم ورحمة الله وبركاته_ ردوا بصوت واحد: وعليكم السلام ورحمة الله وبركاته_ وقعدو الاستاذ: شخباركم شباب إن شا الله مرتاحين الطلاب: الحمدلله بخير الاستاذ: يا الله شباب نبدا نسمع بس من الحين قولو اللي موحافظ يرفع إيده عشان ماأحرجه بعد شوي لأني باختار عشوائي_ رفع بسام إيده هو وخليفه و عبدالله _ الاستاذ: بس هذول يعني الباجي كلكم حافظين خلاص خلونا نسمع وبعدين نسمع أعذاركم _ بدأ الاستاذ يسمع وكان الكل حافظ وأحيانآ تجي أخطاء بس بسيطة وبعد ماخلص التسميع قال حق اللي مو حافظين يجون يوقفون قدام السبوره وجو ووقفو _ الاستاذ: خليفه ليش ماحفظت خليفه يسوي نفسه مسكين: تبي الصدق ولاولد عمه الاستاذ: أبي الصج ليش ماحفظت خليفه: بصراحه يا استاذ ما أجذب عليك أبوي كان عنده رجاجيل وأنا اللي كنت أقهويهم وأقلط ووخر ومامشوا إلا وأنا منهدن حيلي الاستاذ كان مخفي ضحكته: يعني مافضيت حتى ساعه عشان تحفظ كلها جم أيه ماتخذ وقت خليفه: أبد يا أستاذ مافضيت أبوي قاعد ويتأمر ياخليفه جيب الشاي ياخليفه جيب القهوه وأنت تعرف يا أستاذ إن بر الوالدين واجبن علينا_ إهنيه الاستاذ صار يضحك وقال لخليفه وهو يضحك: ونعم الولد ياخليفه ونعم البر خليفه: ليه استاذ منت مصدقني الله شاهد إني كنت أخدم أبوي وأنا عند ربي صادق الاستاذ: لاياخليفه مصدقك بس متى تسمع إن شا الله خليفه: باجر أمرك بالمكتب وأسمع الاستاذ: وعد ارجال ياخليفه خليفه: ازهلها بس وعد رجال وأنا أخوك _ الاستاذ والطلاب ماتوا من الضحك وأشرله الاستاذ إنه يقعد _ الاستاذ: وأنتو ليش ماحفظتو_محد رد _ الاستاذ: بسام ليش ماحفظت بسام: بصراحه نسيت لاحفظ الاستاذ: وهذي وين أصرفها بسام:___ الاستاذ شباب نسامحهم هاه خليفه اشرايك خليفه: استاذ سامحهم هالمره وأنا أوريك فيهم موحافظين هاه الشغل بالفرصه إن شا الله عبدالله: اسم الله يا الحافظ أنتا خليفه: عالأقل أنا ولد بار بس هذولي وش عذرهم _ الاستاذ مات من الضحك وسامحهم بعد ماوعدوه وعد أنهم يحفظون وكانت حصة اليوم بس قرآن يعني يسمعون ويقعد الاستاذ يسولف معاهم_ الاستاذ: يا الله شباب شتحبون انتكلم عنه اليوم راكان: ياليت يا استاذ تسمحلي الاستاذ: تفضل ياراكان راكان: مشكور يا استاذ ياليت نتكلم عن اللي قاعد يسونه الدانمارك من استهزاء بالرسول صلى الله عليه وسلم وشنو نقدر نسوي كشباب مسلم عشان ننتصر لرسولنا الاستاذ: عليه الصلاة والسلام بصراحه نعم الموضوع اللي أخترهه هاه شباب شرايكم اشنقدر نسوي بظل هالأحداث ابدا أنتا ياراكان راكان: أقترح أنه تستمر المقاطعه وأن العالم كله يقاطع الدانمارك عشان يعرفون أن المسلمين مو محتاجين لهم عبدالسلام: أنا أقترح أن نردها لهم بالمثل نرسم رؤسائهم وقساوستهم بصور تبين أنه دكتاتوريه عشان يحسون على دمهم ومايردون يتعرضون لرسولنا بدر: أنا أقول لو يقومون حكام العالم برفع قضيه على الدانمارك ويحطون قانون يمنع التعرض للرسول زياد: أنا أقترح يا أستاذ إن المسلمين يتمسكون بالسنه النبوية ويقومون بنشر سيرت الرسول بكل لغات العالم لأن هذول ماتجرئو إلا لماشافو بعد المسلمين عن السنه خليفه: أنا أقول إن مافي حل إلا إننا نذبح اللي ارسموا الرسول بصوره تخلي الكل يتوب إنه يفكر بالتعدي على رسولنا هالكلاب لو أنهم ارجال ماسوو هالشي بس هذولي وين والمرجله وين صلوا عالرسول ياشباب الكل: اللهم صلي وسلم عليه مشاري: يمكن يا أستاذ هالشي يخلي المسلمين يقومون من سباتهم العميق ويوحدون صفوفهم لأن هالأنذال ماتجرئو علينا إلا لماشافو سكوتنا عن اللي قاعد يصير بفلسطين والعراق وغيرها من الدول الاسلاميه المحتله ماجد: استاذ أنا أقول إنا نطلع بمظاهرات للسفاره الدانماركيه ونطرد سفيرهم ونجبر الدوله إنها تسحب سفيرنا منهم خلاص مانبي أي تعاون معاهم بسام: أنا أقترح مثل راكان إن المقاطعه تستمر حتى لو اعتذروا ماراح نسامحهم لأن ماأحد له حق يسامحهم إلا الرسول والرسول ميت ومافي ولاواحد بالدنيا له حق يسامحهم وحتى لو الدول ردت تستورد بضاعتهم إحنا حرين مانبي نشتري منهم ولو نموت من اليوع ولاإننا ندفع فلس واحد حق هالأنذال أنور: استاذ لو تسمحلي أنا عندي قصيده بالرسول وودي أقولها الاستاذ: تفضل يا أنور سمعنا قصيدك أنور: <طبعآ القصيده مقتبسه>يا أمة الاسلام حب محمد- ماكان يومآ في مقارعة الطبول-ماكان في نزع الفتاة حجابها-ماكان في نمص وتكذيب النقول- حب الرسول شريعة يعني بها- في كل شأن اقتداء بالمثول- نصر الرسول يكون في عودتنا-للسنة الغراء حبآ وقبول-هذا وفي قلبي جراح لم تزل- تنزف وكم ينزاح من قلبي ذبول-لكن وعد الله خفف لوعتي-وغدآ سننتصر عند حمحمة الخيول الاستاذ: يعطيك العافيه يا أنور وجزاكم الله خير ياشباب ويا الله ياشباب خلونا ننشد مع بعض نشيدة إمام المرسلين الكل: إمام المرسلين فداك روحي وأرواح الأئمة والدعاة- رسول العالمين فداك عرضي وأعراض الأحبة والتقاتي -ويا علم الهدى يكفيك عمري ومالي يانبي المكرماتي -فداك الكون ياعطر السجايا-فمال الناس دونك من زكاتي الاستاذ: جزاكم الله الفردوس الأعلى والله لايحرمنا رفقت الرسول في الجنة قولو آمين الكل: آمـــــــــــين ___تررررن___ خلصت الحصة الثانيه وبعدها الحصة الثالثة كان عليهم انجليزي وبعدها بدت الفرصه وطلعو الشلة للساحة عشان يتريقون طبعآ القانون بالشله إن كل يوم الريوق على اثنين وكان هاليوم على مشاري وطلال وقعدوا يآكلون ويسولفون مشاري: شباب بصراحه أنا استانست وايد بحصة الدين خليفة: وأنت صادق الاستاذ فارس ونعم والله رجال نشمي ويدخل القلب بسام: صج خليفوه يدخل القلب ولايطلع هاهاي راكان: ياملغك وثقل دمك لو تسكت أحسن بس مالومك طالع على عبود خويك عبدالله: الريكو احترم نفسك أنا مو مليغ وبعدين أنا دمي خفيف مشاري: بصراحه صاج من ناحية إن دمك خفيف دمك مافي أخف منه عبدالله: سمعت يا الريكو هذي شهاده أعتز فيها ياميشو_ الشباب قاموا يضحكون لأنهم فاهمين قصد مشاري بدر: صج شباب ماقتلكم أمس رحت لأفنيوز ولقيتلك ذاك الجوتي اللي من تشوفه من بعيد تعرف إن ماركه_ الشباب قاموا يطالعون بعض وكل واحد وده يقوم ويدوس ببطنه بس زياد ماحب يزعل بدر وقاله: بجم اشتريته بدر بكل غرور:500دينار بس ماجد:شنو هالجوتي اللي 500دينار أكيد فيه ألماس عبدالسلام: أنالو بمكانك ما ألبسه أخشه بالتجوري أحسن_ وقاموا يضحكون بدر زعل وقام من عندهم_ أنور: شباب ليش جذي تزعلون بدور راكان: روح زين قاعد يجذب وحنا قاعدين نتسمع طلال: بس ياشباب بدور يمكن يكون صاج خليفه: حتى له صادق حنا وش دخلنا فيه يشتري جوتي يشتري جنطه قاعدن بس ينافخ بعمره كننا مانعرفه عدل_ قام زياد لحق بدر عشان يراضيه: بدور بدور وقف شوي_ لف عليه بدر: نعم اشتبي زياد: بغيت أحاجيك شوي تكفى اسمعني بدر: اشتبي تقول زياد: خلنا نقعد هنيه ودي أتكلم معاك_ قعدوا عالكراسي وبدر معصب حده زياد: بدور لاتزعل من الشباب صدقني مو قصدهم بدر: عيل شقصدهم هذول دايم جذي بس يطنزون ويضحكون علي زياد: بدور لاتزعل بس أنتا الله يهديك سوالفك مالها داعي بدر: زيود أشوفك صرت مثلهم زياد: لامثلهم وأختلف عنهم بس أنتا عارف إن الشباب مايحبوه هالسوالف وبعدين إذاكنت بتسولف سولف باللي يناسبهم مو تسولف بشغلات تغثهم الله يهديك بس يابدور ترى الشباب يحبونك وأحنا مالنا غناة عنك يا بوبدير أفا عليك بس بدر: ليت الناس كلها مثلك يازيود جان الدنيا بخير زياد: تسلم يا الغالي بس لاتزعل من الشباب عشان خاطري وأنا أوعدك إنهم راح يعتذرولك كلهم اشتبي بعد أمر تدلل ____تررررن____ خلصت الفرصه ورجع كل واحد لصفه_ راكان مسك زياد: هيه أنت من صجك رحت تراضيه زياد: الريكو بدور رفيجنا وحبيبنا ومالنا حق إنا نزعله راكان: خيولي إذا ماتسنع صار ريال يسولف مثل الرياجيل مانبيه زياد: ريكو اعقل واسمعني أهو وعدني إنا بغير طريقته بالحجي بس أنتوا خفو عليه شوي وروحوا واعتذروله راكان: روح زين أنا ماراح أعتذر مابقى إلا هذي بعد قال أعتذرله قال هههاي زياد: وإذا قتلك عشان خاطري راكان: زيود قلت لأيعني لأ زياد: ريكو عشان خاطري راكان: أففف خلاص أمرنا لله بنعتذر عشانك بس _ راحوا الشباب عند بدر واعتذرو منه وهو بعد تردد سامحهم_ خلص اليوم الدراسي ورجع زياد وراكان للبيت مع سايق زياد وصل زياد للبيت وبدل ملابسه وتغدا وحط راسه ونام |
رد: "قصة إنسان"
ثلــــــــــــــــــــــــــــ ــــــوج
الله يجزاج الجنة ما راح أنسى وقفتج معاي أختج غسق الكويت |
"قصة إنسان"
___الفصل السابع____
مرت الأيام وكان في خبر ينطر بطلنا ياترى شنو راح تكون ردت فعله_ كان قاعد بغرفته يكلم خليفه_ خليفة: السلام عليكم زياد: هلاوالله وعليكم السلام حياالله خوخه خليفه: خوخه جابتها أمك ورع أنا عندك تقولي خوخه قول أبو خلي أبرك قال خوخه على باله قاعد بالشبره زياد: ههههه أفا عليك ولاتزعل هلا بو خلي أخلص اشتبي داق ترى مو فاضيلك خليفه: الشرهه موبعليك الشرهه علي إني داقن عليك أنا جحشه اللي داق أقول أحمد ربك أني متكرم عليك أسمعك صوتي ولا أنت كفوا أصوات حلوه حدك صوت الريكو ويخب عليك زياد: بس بس بس طبيت فيني وبعدين عاجبك صوتك أنتا وشكلك تتطنز على صوت راكان على راسي هو وصوته خليفه: أقول لايكثر بس مالت عليك أنت وياه أسمع أبي كشكولك الاجتماعيات كشكولي ناقص أبي أكمله اسمع نص ساعه وأنا عندك سمعت زياد: أبشر ويا الله اقلب ويهك الحين خليفه: أكيد راح أقلب وجهي أجل خبل أنا أسولف مع واحدن مثلك ياالله مع السلامه زياد: مع السلامه ياخوخه_ سكر التلفون وهو يضحك قام وطلع كشكوله الاجتماعيات وهو رايح صوب الباب كانت في إيد أسرع من إيده افتحت الغرفه كانت سلمى هي اللي افتحت الباب غريبه صح _حاول زياد أنه يطلع بس هي دزته داخل الغرفه وسكرت الباب وراها وحاول زياد يسيطر على نفسه ويمسك أعصابه: هلا عمتي بغيتي شي سلمى بكل حقد وهي صاكه سنونها: اسمع اليوم في ناس جايين يخطبون نشميه وأبيك تقنعها توافق وياويلك لو وقف بطريجها هالمره أنتا أمك مو داريه عنك تزوجت وخلت وأنا مو مستعده أشوف بنتي تعنس عندي عشان واحد مثلك زياد كان يحاول يمسك أعصابه وماحب يقل أدبه عليها لأن هالشي مو من طبايعه: أنا مامنعت نشميه من الزواج والراي رايها وإذا تبيني أقنعها توافق أنا حاضر بس عشان تعرفين أني موثقل على قلبج أو إني أنا سبب رفض نشميه للزواج سلمى تتصنع الطيبه: عاد ماوصيك حاول معاها بكل طريقه ويا الله من رخصتك_ وطلعت وسكرت الباب وقعد زياد عالكرسي القريب منه وهو يحاول يحبس دمعته بتنزل بس قطع تفكيره صوت موبايله ولما شاف المتصل نسى همه وابتسم كان المتصل<السنافي> رد عليه: هلا خليفه خليفه: هلابعينك أنا وش قايلك لي ساعتن منلطع عند بابكم أنت وينك زياد: ياالله يايك الحين بس كنت أدور الكشكول خليفه: حجت الرفه ولدها يا الله عجل علي _ وسكر التلفون وقام زياد ونزله وقعد أهو وياه بالديوانيه وتقهوى خليفه وخذا الكشكول ومشى_طالع زياد ساعته كانت الساعه 5.10العصر خذا تلفونه واتصل على<واللهRغالي>_ زياد: ألو السلام عليكم راكان: هلا والله وعليكم السلام هلابهالصوت زياد:هلا فيك أكثر الريكو وينك الحين راكان: أنا بالبيت آمرني زياد: تقدر تييني راكان: زوزو صوتك يقول إن فيك شي شفيك حبيبي في شي مضايقك زياد: آآآه راكان: ياويل قلبك يا راكان أنا جايك الحين_ وسكر التلفون طبعآ بيت زياد وراكان بنفس الفريج وعشان جذي ماخذا راكان إلا دقايق إلا وأهو عند زياد ودخل الديوانيه لأنه شاف زياد فيها زياد: هلا والله ريكو حياك استريح راكان: زوزو وقفت قلبي عسى ماشر اشفيك زياد: تعبان ياريكو تعبان حاس هالدينا بكبرها سجن راكان: أفا عليك بس قولي شاللي متعبك بس لاتقول عجوز النار لهاطرف بالقضيه زياد: لي أهوفي غيرها يا الريكو غاثني وملوع جبدي بهالدنيا راكان: اشتبي هالمره بعد زياد: تخيل ياراكان تقول إني أنا سبب رفض أختي نشميه للزواج وإن أمي تزوجت ومادرت عني ولاتقول إني راح أكون سبب عنوسة نشميه أنا ياراكان أنا تقولي جذي راكان: أياعجوز النار ماعليك منها ختولي وبعدين ليش ماتقول حق أبوك أهو يتصرف معاها بطريقته زياد: لايا الريكو ماتوصل لهالدرجه وبعدين أنتا ماتعرف أبوي والله لو دري فيها مالها قعدا عنده بعدها وبصراحه أنا ماصدق على الله إن علاقتي تتعدل مع خواتي وبعدين يشوفون أمهم تنهان جدامهم بسبتي موحلو بحقي راكان: عيل شلون يعني بتم ساكت جذي وهي كل يوم تغثك زياد: شتبيني أسوي يعني خلها على الله بس راكان: زوزو اشرايك نطلع نتمشى تغيير جو شوي زياد: إي والله ودي أطلع حاس إني مخنوق راكان: خلاص قوم بدل ملابسك وخلنا نصلي المغرب بمسيدنا وبعدين نطلع نتمشى زياد: صار معلوم دقايق أبدل ملابسي وأييك لاتروح_ طلع من الديوانيه وحصل السايق قاعد بالحديقه_ زياد: سليم جهز سياره بعد صلاة المغرب بنطلع سليم: حازر زياد أناجيب سياره عند مسجد زياد: Ok _ دخل زياد البيت ودخل غرفته وطلعه بلوزه خضرا نص جم وجينز <ديرتي> وقميص أبيض مخطط بأخضر خطوط اصغيره وجوتي أبيض 90بالأخضر وراح توضاولبس ومشط شعره بشكل يبين أنه اكثير ولبس ساعته وخذا موبايله وأهو نازل كان أذان المغرب يأذن وحصل نشميه قاعده بالصاله_ زياد: قوا يمه نشميه: هلا زيود أشوفك كاشخ جنا عندك طلعه زياد: إي والله بطلع أنا وراكان نتمشى تبين شي يمه أنا ماشي نشمي: لاسلامتك بس دير بالك على نفسك زياد: إن شا الله يمه سلام _ طلع زياد وراح أهو وراكان للمسجد وصلوا المغرب وحصلوا سليم ينتظرهم بعد ماخلص صلاة اركبو السياره_ سليم: وين يبي يروح راكان: اطلع المارينا زياد: لايبا مالنا خلق المارينا وازعاجها راكان: خلنا نستانس اطلع مارينا سليم سليم: إن شا الله زياد يتلع مارينا راكان: طع هذا أنا أقولك روح مارينا تقول زياد شنو سمنديقا عندك زياد: هههه اطلع مارينا_ وصلوا المارينا وصاروا يتمشون وراكان ماخلا بنت ماتحرش فيها وزياد قاعد يضحك عليه لأن مافي ولا وحده ترد عليه أوتعطيه وجه_راكان: زوزو شوف هذيك تطالعنا شكلي عجبتها زياد: هههه يمكن أقول أمش أحسلك ترى مالي خلق هالمصخره راكان: تكفى زوزو بس شوي عشان خاطري زياد بعصبيه: راكااان راكان: خلاص خلاص حتى الواحد مايقدر يتأمل بخلق الله زياد:اللي يتأمل بخلق الله يتأمل بالسما يتأمل بالكون مو يتأمل بالبنات وبعدين باجر تتزوج وتأمل بزوجتك لما تشبع راكان: آف أنا غلطان اللي ياي معاك _ وظلوا يتمشون ويسولفون_ ترن ترن ترن ترن _ راكان: منو داق عليك_ طالع زياد تلفونه<شاعرAزمانه>_ زياد: أنور... هلا والله هلا بهالصوت أنور: هلافيك أكثر شلونك شخبارك زياد: الحمدلله تمام بشرنا عنك أنور: والله الحمدلله بخير زيود حبيبي زياد: هلا أنور: باجر إن شا الله بطلع شاليهات الخيران مع الربع ودي أنك أتيي أنت والريكو زياد: منو من الربع بيطلع أنور: خليفه وميشو والبسمي وعبود وسلوم وطلول وبدور ومجود زياد: مدام جذي عيل أنا بكون أول الحاضرين أنور: حياك بس بنقعد لي السبت أوكيك زياد: أوكيك يا الغالي أنور: بلغ الريكو يا الله سلام زياد: سلام _ راكان: اشعندا النوري زياد: مسوي قعدا للشباب بالشاليه راكان: ياسلام بصراحه يت بوقتها زياد: خلاص باجر بعد مانرد من المدرسا نبدل ونطلع الشاليه خلاص راكان: أوكيك يا الله خنروح المسيد لأن العشا أذن زياد: توكلنا على الله _ وراحوا للمسجد وصلوا وردوا يتمشون بالمارينا_ راكان: زوزو تصدق مالي خلق أداوم باجر اشرايك نغيب أكيد الشباب باجر غايبين زياد: لاوالله صج ضحكتني أقول داوم وأنتا ساكت راكان: ياخي دوام الخميس متعب حيل ويغث زياد: بس أرحم أول اليمعه كانت ثجيله الحين صارت خفيفه حتى الواحد يرتاح فيها _ترن ترن _ راكان: منو بعد زياد: أبوي..هلا يبا صقر: هلازيود شلونك حبيبي زياد: الحمدلله تمام أمرني يبا صقر: وينك في ييت البيت ماحصلتك زياد: والله يبا ضاق خلقي وقلت أطلع أتمشى شوي وخذيت راكان وطلعنا المارينا صقر: راكان معاك لابالله ربحنا زياد: ههههه شفت شلون صقر: هههه أوكي حبيبي ديرو بالكم على أرواحكم زين يبا زياد: تآمر يا الغالي سلام صقر: فمان الله_ سكر زياد من أبوه وشاف وجه راكان معصب: شنو أخر الإهانات زياد: هههه لايبا لاإهانه ولاشي بس يقول دام راكان معاك لابالله ربحنا راكان: صج والله يا الله ماعليه مقبوله __ وظلوا يتمشون وعالساعه 10.30طلعوا من المارينا ومروا ماكدونالدز وخذو وجبات وردو للبيت |
"قصة إنسان"
___الفصل الثامن___
قعد زياد من الصبح ولبس ملابس المدرسه وراح للمدرسه وبالصف وكان عليهم احتياط_ راكان: مثل ماتوقعت الشله كلهم غايبين شفت شلون لو مخلينا نغيب مو أحسن زياد: من صجهم هذول غايبين والله بايعينها بس تدري الصف من غيرهم مايسوى راكان: أكيد الحين راحو الشاليه وقاعدين يسولفون ويلعبون ومستانسين وآنا وياك متقابلين اهنيه أف زهق زياد:يعني الحين القعد معاي زهق راكان: إيه عندك شي ياأخي قلناك خلنا نغيب ونطلع نستانس مع الشباب وأنتا حضرتك مسوي نفسك شاطر يعني اشراح تطلع نيوتن على غفله أنتا وويهك زياد: مقبول ييي(يجي) منك أكثر_ وسوى زياد نفسه زعلان وصد عن راكان_ راكان يتكلم كأنه جاهل: زيود خلاص والله آسف ماكان قصدي زياد بزعل: مابي وخر عني ولاتكلمني ولا أكلمك ليوم الدين.تعرفني أعرفك راكان: صج أنتا منو ياشين اللي يتلزقون زياد: هههه راكان: هههه انتهى اليوم الدراسي وكان ثقل الجبل على قلب راكان وحتى بطلنا كان يتمنى هاليوم ينتهي بسرعه لأنهم مستعجلين عشان روحت الشاليه _ رجع البيت وبدل ملابسه وكانت نشميه مجهزه شنطته من أمس ولبس برمودا أخضر زيتي وبلوزه بيضا ونعال جيشي ولبس كبوس زيتي (كشخه صح) وهو نازل شاف أبوه قاعد ينتظره عالغدا زياد: السلام عليكم صقر: هلاوعليكم السلام يا الله بسم الله _ وبدو يتغدون صقر: هاه زيود عزمت تروح الشاليه زياد: إيه والله شنسوي بعد تغيير جو وقعدت الشباب ماتنمل _ ترن ترن ترن ترن_ زياد: ألو خليفه: السلام عليكم زياد: هلا خوخه وعليكم السلام خليفه: أنت شكلك عايفن عمرك متى تفهم أنت عجزت وأنا أعلم بك زياد: هههههه آسفين يابو خلي اشتبي بعد خليفه: اللي أبيه إنك متى ناوين تشرفنا أنت وراكان خانو زياد: أنا الحين قاعد أتغدى أخلص وأجيكم إن شا الله خليفه: أقول لايكثر بس قم وتعال الحين لأن الفاهين اللي عندي مايونسون يمكن لاجاء راكان يتسنعون زياد: يعني داق علي عشان راكان انقلع يا الله وأنا على بالي داق عشاني مع السلامه يا خوخه_ وسكر التلفون وهو ميت ضحك لأنه عارف اشراح تكون ردت فعل خليفه_ صقر: منو اللي داق زياد: هذا خليفه يبا __ترن ترن ترن ترن__ زياد: ألووو راكان: يا الله وينك صارلي ساعه مرتز عند الباب زياد: قاعد أتغدا حرام عليكم راكان: قوم ياالله خلنا نلحق عالشباب لاتطوفنا جم سالفه زياد: خلاص يبه حتى الغدا عفناه الحين يايك راكان: ناطرك يا الله_ صك التلفون وقام يبي يمشي_ موضي: وين زيود ماتغديت زياد: واللي عندا مثل هالربع يقدر يآكل الكل: ههههههههه زياد: يا الله مع السلامه الكل: مع السلامه نشميه: دير بالك على نفسك وإذا قدرت لاتتسبح صقر: نشميه حرام عليج حتى السباحه ماتبينا يتسبح زياد: إذا قدرت يمه يا الله تأخرت على راكان_ طلع للباب بس الحقته مضاوي: زياد زياد زياد: هلا ضاوي مضاوي: زياد دير بالك على روحك ترا مالنا أخو غير _ ابتسملها ومسح على راسها بشكل عشواي وباسها على خدها: حاضر ماما يبي شي تاني بأد(يتكلم هندي) مضاوي(تكلمه هندي): هههه لا بابا كلاص روه_ طلع زياد ومر راكان اللي كان قاعد على أعصابه: تو الناس نقعتني مابغيت اتي زياد: أقول احمد ربك اللي مارك راكان: بدينا بالمنه زياد: هههه _كان راكان لابس برمودا رمادي وبلوزا عنابيه وفيها كتابه بالرمادي ولابس كبوس عنابي ونعالي بني يميل للعنابي وعلى فكرا راكان عكس زياد بالشكل صج إنا أبيض بس ملامحه عاديه وأقل من عاديه يعني نقدر نقول إنا حول الجكر وشواربا أكثر من زياد وحواجبا شوي كثير بس سوالفا ماتنمل وشخصيتا قويه ورجال بكل ماتحمل هالكلمه من معنى_وصلوا الشاليه وكانوا الشله كلها باستقبالهم _ أنور: يامرحبا يامرحبا نوركم طفا الكهربا راكان: ليش التماس الكل:ههههههههههههه _ دخلو الشباب الشاليه وقعدو بالصاله الداخليه لأن الجو حر_ مشاري: ياحليكم مداومين اليوم راكان وهو يخز زياد: اشتبينا نسوي الشطارا ذابحتنا_ زياد مارد عليه _ زياد :ماتوقعتكم تغيبون اليوم خليفه: لاياشيخ تبينا نداوم اليوم وفيه روحه للشاليه راكان: علم نيوتن هالحجي مشاري: طيب أنتا اشعليك من زياد جان غبت وخليتا يداوم بروحا راكان طالع زياد: لأن ماطاوعني قلبي إن زياد يداوم بروحه_ابتسم زياد_ أنور: ياعيني ياعيني_ قاموا الشباب وصلو العصر وبعدها لبسو شورتاتهم وراحو يتسبحون بالمسبح ويلعبون كرة الماي لما أذن المغرب وطلعو وخذو شاور وبعدها صلو وكان يأمهم طلال لأنه حافظ أجزاء أكثر منهم وصوتا حلو وبعد الصلاة اجتمعو برا وبالجلسه العربيه وهالشي خلا خليفه يقصد ويهيجن: يا ماحلا الفنجان مع سيحت البال في مجلسن مافيه نفسن ثقيله هذا ولد عمن وهذا ولد خال وهذا رفيقن ماتدور بديله بسام: فنجان ولا سكانه هههههه راكان: هدوني عليه اسكت لا أذبحك بسام: أذبحك ولا أقتلك ههههه عبدالله: ههههه والله إنك تنكت يا بسوم الله يقطع سوالفك بسام: يقطع ولامايقطع ههههه مشاري بعصبيه: ياربييي اجتمعو الملغ أنور: والله لو ماسكتو والله مايحصلكم طيب بسام: طيب ولا نذل ههههههه_ طبعآ إنتوا مستغربين شنو اللي مسكت خليفه أنا أقولكم طالع خليفه الشباب بنظره يعني حيلكم فيه قامو الشباب عليهم راكان وخليفه وطلال وزياد على بسام وعبدالسلام ومشاري وأنور وماجد على عبدالله_ تش تش_ وقطوهم بالمسبح وتخيلو أشكالهم _ خليفه: هاه وشرايكم انضحك صح وجهن يستاهل أنت وياه الظاهر احترمناكم حيل بس منتوا كفوا _ طلال: ليش اتملغون ياشباب اللي يضحك عالملاغه مايحس بطعم الضحكه عبدالسلام: ياربي وبدأ سقراط الحديث الشباب: ههههه خليفه: الظاهر ياشباب أن طليطل وده يتسبح مع عبيد وبسيم_ الشباب ماصدقو خبر وكلهم على طلال اللي بدا يصرخ: بس توبه والله ماأتفلسف تكفون بس شباب الشباب: ههههههههههه هههههههههههههههههه _قطوه الشباب بالماي وهم ميتين من الضحك على شكله أهو وعبود وبسوم_ طالع خليفه الباجي وبنظرت قوه ورافع خشمه: منو فيكهم وده يتسبح معهم والله ثم والله إن ما تأدبتوا لأرميكم مثلهم_ طالع راكان الشباب ومابين غفلة خليفه وضحك الشباب كلهم ركضوله وشالوه فوق وتشششششششششش بالمسبح وطاحولا الشباب ضحك _ أحداث أكثر بالشاليه وبغيره راح تشوفونها بالجزء الجاي وأمتع اللحظات مع الشله المرحه انتظرونا _ |
"قصة إنسان"
أحداث كثيرة
تنتظر في الفصول الجاية شنو توقعاتكم هل في تغيرات راح تطرا ع أبطالنا أنتظر ردودكم أختكم غسق الكويت |
رد: "قصة إنسان"
فديتك غسق مبدعه ياقلبي
الله يحفظك التوقعات كثيره ببالي بس خليها مفاجاءه احسن |
رد: "قصة إنسان"
ثلــــــــوج
يسلموا يا الذوق افداج اللي مايعرف قدرج أشكرج ع المرور والاهتمام خيتو أختج غسق الكويت |
رد: "قصة إنسان"
راح أنزل بارت جديد
لعيون كل من شرف صفحتي بمروره |
رد: "قصة إنسان"
___الفصل التاسع___ بعد صلاة العشا بدو الشباب يجهزون العشا وكان زياد وماجد عليهم الكباب وراكان وطلال عليهم العرايس وخليفه عليه التكه و عبدالله وبسام عليهم الدجاج عالفحم وعبدالسلام ومشاري عليهم تشغيل الفحم وتحضير قلاصات الببسي وتعديل السفره ومساعدة من يحتاج عونه وهم قاعدين يجهزون العشا هذا يشوي وهذا يحط السيخ عالشوايه وهذا يقطع والجو ولا أروع منا_ ترن ترن_ خذا زياد تلفونه وشاف المتصل(مايفهمونك) زياد: هلا والله هلا بهالصوت بدر: هلافيك أكثر يا أخي بطلو الباب لي ساعه واقف زياد: هههه ياك ياك _ سكر_ النوري روح بطل الباب بدور برا _ راح أنور يركض وبطل الباب: مرررحباااا دخل بدر: مراحب النوري_ سلمو على بعض سلام حار (أنور يحب بدر أكثر منهم كلهم بس يخفي مشاعره جدام الشباب وسبب هالحب الزايد أن بدر كان سبب حب طلال للصلاة ونصايحه له كانت سبب هدايتا عرفتوا ليش زياد مسميه<مايفهمونك>) أنور: بدور والله القعدا من دونك مالها طعم بدر: ياحياتي ياالنوري الشباب فيهم الخير والبركه أنور: بس محد يعوضني عنك بدر: النوري في شي في أحد مزعلك منهم أنور: أبدا يا الغالي بس فقدتك _ جاهم صوت من داخل كان صوت مشاري: النوري بدور اشصار معاكم يا الله تعالو _ حط بدر إيدا على كتف أنور ودخلو(سعيدان وعليان على غفله) الكل لاحظ تغير طبع بدر بعد ما احصلت المشكله بالمدرسه ولما دقو الشباب عليه واعتذروله واللي شدهم أكثر إن أنور مستانس حيل عكس ماكان عليه قبل شوي_ زياد: هلا بدور يا الله حيه زين ييت بدر وهو يسلم على زياد: هلابك أكثر_ وسلمو باجي الشباب عليه_ أنور: شباب عن أذنكم بغيت بدور شوي الكل: أذنك معاك _ راحو وقعدو برا الشاليه من جهت البحر عالشاطى _ بدر: شخبارك النوري شكلك مو على بعضك أنور: آآآآآه بدر: ياويل قلبك يابدر_ قرب من أنور وقعد جداما_النوري قول لاتخش بقلبك طلع أنور: تعبان يابدور تعبان بدر: سلامتك يا الغالي ليتا فيني ولا فيك أنور:الله يسلمك بس في مصيبا صاير ومحد راضي يآخذ برايي فيها بدر: مصيبا شمصيبتا أنور: شوق بنت أخوي أحمد خطبها واحد وهالواحد هذا سمعتا بالقاع والمشكله قدر يلحس عقل أبوي وأحمد ويوافقون عليه بدر: ليش أهو شمسوي عشان تقول عنا جذي أنور: هذا عاق بأما وأبوه وقال لأبوي وأحمد إنا أما وأبوه ميتين وعلى فكرا أهو بالثلاثين من عمرا بس جخ وتاجر وهالشي طمع أحمد فيه بدر: أنور إنتا اشدراك لاتتبلا عالريال وأنتا ماتعرفا أنور: هذا جار ماجد ارفيجنا وأنا سألتا عنا وقال إن كل الفريج يعرفون هالشي عنا وأهو قاط أما وأبوه عند أختا وحالة أختا مايعلم فيها إلا الله ووداني مجود لبيت أختا وشفت أما وأبوه والحال اللي أهما فيه بدر: ومجود اشعرفا ببيت أختا أنور: لأن أم مجود تزورهم دايم وتوديلهم صدقات أهل الفريج بدر: زين وشوق اشرايها بالموضوع أنور: آآآه يابدير محد معور قلبي إلا شوق دقت علي تبجي تقولي عمي آنا شنوذنبي أتزوج واحد ما أبيه ولاحتى أحد أخذ رايي بالموضوع وأشوف باجر عيالي يسوون فينا مثل ماأهو يسوا بأهله بدر: بصراحه يا أنور مدري شقولك بس اشبتسوي الحين أكيد في شي براسك أنوروبنظرة تحدي: راح تييك الأخبار لاتستعيل_ رجعوا أنور وبدر للشباب وكانو الشباب توهم حاطين العشا_ ماجد: أقول بدير ترا بس اليوم ضيف مشاري: ريوقنا باجر عليك بدر: شوي شوي علي ترى حتى العشا للحين ماتعشيت الكل: هههههههههه _ بدوا الشباب يتعشون وسوالف وضحك وملاغه من عبدالله وبسام وبعد العشا قاموا الشباب للشاطئ وشغلو الكشافات وصارو يلعبون كرة طائره(هالرياضه مفضله عند الشباب بالبر والبحر)كانوا فريقين: الجياكر<طلال وعبدالسلام وماجد وبدر وأنور> السحوت<زياد وراكان ومشاري وبسام عبدالله>وخليفه الحكم استمر اللعب للساعه 12 بالليل وكان الفريق اللي يخسر يسوي ذره للشباب وطبعآ خسر فريق السحوت _ انتهى هاليوم بضحكا ووناستا وقعد مشاري قبلهم وتوضآ وأذن لصلاة الفجر وقاموا الشباب وتوضو وصلو وبعدها رجعوا نامو وبعدساعتين قعد أنور وبدر يحضرون الريوق للشباب وبعد ماخلصو الريوق حطوه عالطاولات اللي عالشاطئ وراح بدر يقعد الشباب كان نظام الشاليه دورين الدور الأول صاله بالنص وحولها غرفتين ومطبخ وباب قزاز شفاف يطل عالبحر وعلى جنب بالصاله الدرج والدور الثاني كلا غرف نوم هذا من الداخل أما من الخارج بس بالشاليه نفسا مساحه كبيرا فيها مسبح بالنص وقعدا عربيه وعن يمين المسبح كراسي وطاولات والبيت أما يسار المسبح مزرعه وفيهاشوايا كبيرا_ دخل بدر للغرف الأولى كان زياد وراكان وطلال نايمين فيها بدر: شباب شباب زيود قوم يا الله ريكو ياالله طلول قومو قبل لايبرد الريوق راكان وبصوة كلا نوم: الساعه جم بدر يقلدا: الساعه 8 راكان: ياالله صباح خير _ قعد طلال وراكان _ بدر: زيود قوم راكان: خلا نايم أمس مانام ذبحتا الكحه بدر: ليش من شنو راكان: سلوموه أهو وغشمرتا الثقيله أمس غرقه يقول ألعب وزيود فيه ربو وكان ماسك نفسه عشان مايضايق الشباب عليه ولما جاالليل ماقدر يتحمل ووديتا المستشفى ومارجعنا للفجر بدر: ياحياتي يازيود راكان: أنا أوريه سلوم أهو شكلا والله ما أسكتلا_ كح كح كح كححح_ كان صوت زياد وأهو يكح وصوتا تعبان _ طالعا راكان بنظره كسر خاطرا وطلع معصب عرف بدر إن راكان ناويها شر الحقا ونادا طلال وكان عبدالسلام قاعد يتريق وماحس إلا اللي ماسكا مع بلوزتا ويجرا لفوق_ راكان: يا أبن الذين _ عبدالسلام بخوف مايدري شالسالفا والشباب كلهم مستغربين من حركت راكان_ مشاري: اش صاير ليش ماسك سلوم جذي_ راكان وهو يزيد بشد عبدالسلام: هالنذل زياد بغا يموت والسبا لعبا البايخ والله ما أخليك ترتاح وزيود طول الليل ماسكت من الكحه يا الحقير_ طاح عليه وصاروا يطاققون وفرقوهم الشباب وراكان يصارخ: والله لوصار بزيود شي ماراح يفكك مني أحد_ عبدالسلام ظل ساكت لأنا مومستوعب اللي صار_ راكان: أخذو عن وجهي لا أذبحا_ سمع صوت يناديه : ر...ا....ك...ا.....ن كح كح _ التفت راكان لصاحب الصوت(طبعآ عرفتو منو) خلص نفسا من أيدين بدر وطلال وراح يركضلا:لبيه ياالغالي زياد بصوت تعبان: ليش طقيت سلوم راكان نزل راسا: ماتحملت اللي صارلك بسبتا زياد: أحنا كنا نلعب وأهو ماقصد راكان: حتى لو أهو السبب زياد طالعا بنظره:خايف علي_ ماتحمل راكان هالكلام وحضن زياد: إذا ما أخاف عليك أخاف على منو ياحبيبي يازيود أنا مدري بدونك اشلون بعيش _ هالشي أثر عالشباب ومابين مبتسم وعيون مدمعا بس ماطلعت لأن الرجال مو بسهولا يبجي_ بعدو عن بعض_ زياد: تحبني راكان واثق: وأموت عليك زياد: وإذا طلبت منك شي تسويه راكان عرف زياد شنو يبي: تأمرني يا الغالي_ راح عند عبدالسلام: سلوم أسف بس والله لوأنك شايف حال زيود أمس ماكنت عارف شسوي السموحه يا الغالي هذي حبا عالخشم_ حبا على خشما وحضنا عبدالسلام_ خليفه: الظاهر بنقضي اليوم تحضن وحب خشوم مشاري: خلاص فكوها عاد طلال: الريوق برد يا الله شباب _ قعدو يتريقون ويسولفون وبعدها ادخلو لأن الجو صار حار وقعدو يلعبون أونو وهم مندمجين باللعب جا مسج ماجد فتح ماجد الرساله وكانت من رقم غريب< آشتقتـ'لگ واللي خ.ـلق ح.ـلو إلإح.ـساس .,.,., ..يآاا مشغ.ـلن قلبي وروح.ـي وع.ـيـني .. ح.ـبي لك أگبـر من هـوى النـاآاآس للنـاآاآس تبع.ـــد ،،، تقـرب ~> إنـت موج.ــود فيــني إنـت الصد.يـق اللي ع.ـلى العـين والرااااس,. قربـگ هـوآ قلـبي وأح.ـلى سـنيـني,., ~ يـاآاآ ليـتنـي ~ لآشتقتـ'لگ قدرت ألقـآك يـآاآا ليـتنـي ~ لآمن بغ.ـيتـك لقيـتك أسـهر وأع.ـآني ،،، وأرتج.ـي وأتم.ـنـآك,, :: وأصافـح گفـوف الشقى :: لآم.ـن بغـيتگ,, لآتقـووول :.. تنسـآني أنـآ .مـقـدر أنســآك $ يفـنـى شبـااابي والع.ــمـر .مـآ نسيــتـگ> أستغرب ماجد الرساله بس صرخ عليه خليفه: ألعب خلصنا_عالساعه 10بالليل كانوا قاعدين يحضرون العشا وجت رساله لماجد من نفس الرقم الغريب وكانت< حب من تحب وعيش دنياك بأفراح مهما تصد وتروح دايم في بالي عشت الهوى وياك في جد وامزاح والجد أحبك وأنت لاهي وناسي ويوم إني أسأل وأنشدك كيف الأحوال ماهي بغطت وجه بس أنت ¥غــــــــــالــــــــــي¥>_ استغرب من المسج وأرسل رساله للرقم الغريب <مشكور على الرسايل الحلو بس منو معاي> وكمل تحضير العشا مع الشباب وتناسى أمر المسج وبعد العشا العبو الشباب كرة سله بس بالمسبح وباجر راح يرجعون لبيوتهم عشان جذي قرروا يسهرون الليله_ نرجع لبطلنا تحسن حالتا اشوي بعد ماخذا الكمام وارتاح ولما دخلو المسبح مادخل معاهم لأنا مايتحمل كان قاعد يطالعهم وهم يلعبون ودا يلعب معاهم بس راكان مارضا لأنا خايف عليه يتعب_ ترن ترن _(للمعلوم إن نغمة زياد كانت<العين لامن عانقت شوف الأحباب@تبكي فرح مدري تبكي حزينا@شفت الفرح بدموع عيني والأهداب@كنه حزن عيني بيوم الغبينه>) شاف المتصل(أفديك بروحي)<على فكرا هذا نك أمي بتلفوني> زياد: هلا والله هلا بهالصوت عاش من سمع هالصوت والله والله مشتاقلج فديتج يا أغلى الناس هنادي: هههههههه حبه حبه علي هلاحبيبي شلونك شخبارك زياد: هلا يمه أنا بخير والحمدلله يمه طمنني عليج هنادي: أنا بخير دامك بخير ياحبيبي أمك بس شهالازعاج زياد: ههههه هذول ربعي يمه أنا بالشاليه هنادي: أهم شي مستانس زياد: الحمدلله يمه أخر وناسه وعمي سالم شلونه هنادي: بأحسن حال ويسلم عليك أبوك وخواتك شلونهم ويدتك شخبارها زياد: والله أبوي وخواتي بخير أما يدتي ماأدري عنها من زمان أهي زعلانه علي وكل ماأتصل عليه تسكرا بوهي أو تخلي الخدامه تصرفني هنادي: ماعليه يمه حاول أكثر من مره هذي يدتك ومو حلوا تخليها زعلانا عليك زياد: شسوي يعني هنادي: اصبر يمه وحاول بعد هالمره زياد بيغير الموضوع: إي يمه ناصر وندى شخبارهم والله اشتقت لقعدتهم هنادي: والله بخير اسمع زيود الأحد تطلع من الدوام وتيي البيت عندي بمرك عند المدرسه زياد مستانس: إن شا الله يمه هنادي: ياالله حبيب أمك أنتا دير بالك على نفسك مع السلامه زياد: مع السلامه يمه_ سكر من أمه وقرر يدق على أبوه ويكلمه لأنا إتصل فيه أمس ومارد عليه_ جاري الاتصال (تاج راسي) صقر: ألو نعم زياد استغرب رد أبوه بس ماحب يضايق نفسه: هلا يبا شلونك شخبار مشتاقلك حيل_ صقر من غير نفس: هلا اشبغيت زياد بضيق: حبيت أسلم عليك وأسمع صوتك صقر بنفس النبره: هذا أنتا سمعت صوتي غيرا اشعندك_ زياد ماتحمل هالشي من أبوه لأنا مو متعود:يبا اشفيك ليش تكلمني جذي صقر: لأنك موكفو أحد يكلمك بأحسن من جذي زياد بنبرة حزن: ليش يبا اشسويت صقر: بصراحه ماتوقعتك جذي زياد وصوته بيبجي: يبا والله ماسويت شي صقر: اليوم ملجت أخت ومافكرت حتى تباركلها زياد متفاجأ:شنووووأي أخت..؟على منو...؟ متى...؟ محد قالي صقر استغرب: ليش أنتا ماتدري إن نشميه ملجت اليوم زياد: نشميه وعلى منو_ صقر حس إن زياد مايدري عن شي عشان جذي رد طبيعي:على جراح النصار_ استانس زياد لأن يعرف عن جراح إنا طيب ورجال شهم: صج يبا مبروك ألف مبروك ليش ماقلتولي صقر: كنت أظن إنا عندك علم بالموضوع زياد: لاوالله يبا مدري بس باركلها وأنا باجر راجع البيت تبي شي يبا صقر: لاحبيبي سلامتك حافظك ربي مع السلامه زياد: مع السلامه_ سكر من أبوه وهو مستانس لنشميه بس متضايق إنا ماحضر ملجتها وقرر يدق عليها بس شاف ربعه وأهم يطلعون من المسبح قاملهم ونسى لايتصل عليها_ الساعه 3.30بالليل كانو الشباب سهرانين مثل ما أتفقو_(لديك رساله جديدا)_ فتح ماجد الرساله كان من نفس الرقم اللي سماه(أجهلك) عشان يعرف الرقم <أنا الشخص اللي يحبك بالجسد والروح .. إذاضاقت بك الدنيا تعال أرتاح بقربي .. أنا فيني الهوى عايش وباب الحب لك مفتوح .. ودروب الناس لوطالت ترى أقربها لك دربي .. أنادايم ترى في عشقي لك مفضوح .. أناوافي مع الوافي والخاين يجي ويروح .. أنا الإحساس هوذاتي وبسري أبد ماأبوح .. لأن الصدق هوطبعي وهو زادي وشربي .. تعلمت إني ماأضعف وأكون أكبر من المسموح .. لأن الدنيا خانتني ومنها شايل همي .. صحيح إن البشر تجهل وش اللي منكتب باللوح .. وأنا مع هالبشر عايش ولاأدري وش اللي كاتبه ربي> طالع ماجد الرساله وهو مستغرب من هالمرسل ياترى من يكون قال مالي إلا أدق عليه يمكن غلطان_ مشاري: مجود وين وصلت ماجد: هاه هنيه الشباب: هههههههههه مشاري: واضح اللي ماخد عألك يتهنابو_الشباب ماتوا ضحك على شكل ماجد:ههههههههه ماجد:أبدآ محد ماخذ عقلي بس جاني مسج مهم راكان: اعترف من منو بدر: من ورانا أفاااا ماجد: اشفيكم أختي أم عزوز مرسلتلي طلال: علينا هالحركات أختك فاضيتلك الحين ماجد عصب: ليش ماتفضالي وبعدين أنتو مالكم شغل_ عصب وقام_حسو الشباب إنهم مصخوها_ طلال: شباب مصخناه مشاري: أخاف مجود عندنا شي مضايقا وحنا موحاسين فيه خليفه: أقول اسكت أنت وياه ماجد به بلا لانه مهو من النوع اللي يزعل بسرعه زياد: والحل يابوخلي خليفه: الحل عندي وأنا أبو سعود_ قام خليفه بس امسكا راكان وقعده_ خليفه: وش فيه راكان: خلوه على راحته_ أما بالنسبه لماجد كان هالشي فرصه له عشان يتصل على صاحب الرقم الغريب بس قبل لايتصل أرسل رساله< أنتا تعرف منو أنا عشان ترسلي> انتظر شوي وبعد دقيقه جته رساله< آناتعلمت آلهوا تحت يمنآك درست معنى آلعشق حسب آختياري مآبيك تعشقني ولكن آبيك لآ ضآقت آلدنيآ تصير دآري وآبيك لآمن تزآعلت ويآك ترضى غروري قبل آجيب آعذاري وآبيك تدري لوآحآول بفرقآك آني بحآول قبلهآ بإنتحآري( أنت الغلا ماجد)> _ ماجد انجن خلاص وقرر إنه يدق عليه_ طوط طوط_ دق محد رد عليه وعصب وأرسله< إذا أنتا صادق بغلاك رد ياجبان> أرسله صاحب الرقم<لاتلومني ماأتحمل حلات صوتك> عصب ماجد بزياده ودق مره ثانيه_ طوط طوط_ محد رد عليه وأرسله <شوف ياترد ولالاترسل> فجأه دق تلفونه (خلوني أوصفلكم ماجد بالأول طبعا هو وخليفه أكبر من الشباب بسنتين بس من زود الشطاره حالفين إلا يحفظون المواد طويل أما شكله فجسمه عريض لأنه يلعب حديد شعره أسود وكثير حيل بس بترتيب وعيونه عسلي فاتح يميل للرمادي أكثر شي خشمه طويل وحلو كأنه سلة سيف وبشرته بيضا بصفار خفيف ومسوي سكسوكه يعني باختصار مزيون أم أبوه وكانت أمه ثاني زوجه لأبوه بس أخوانه من أبوه مايحتك فيهم حيل وعندا أختين أصغر منه ووحده أكبر منه متزوجه وأخو أكبر منه وأبوهم عقيد بالشرطه وله مشاركات بالبورصه) بعد مارد ماجد: ألو المتصل: ......... ماجد: منو معاي المتصل:......... ماجد: هيه أنت من حضرتك ترا أزعجتنا المتصل:.......... ماجد: ماتسمع أنت ليش ماترد يا....._ سكر المتصل التلفون وأرسل رساله< لاتظن صمتي عذاب أو تجاهل لاحشا¤ أنت شي في حياتي مايتعوض لو يروح¤> حس ماجد بشي غير بس تعوذ من إبليس _(لديك رساله جديده)فتح ماجد الرساله< ياصاحبي والله ما أعيش لولاك @ وبعدك حياتي كل ابوها مذلة .. مادام فيني روح والله ماانساك @ حبك بقلبي يا العزيز إستحله .. تفداك عيني وقلبي اليوم يفداك @ وإن مارضيت أبنزعه من محله> استغرب ماجد: ياربي منو هذا _حط راسه عالمخده وهو يفكر فجأه انفتح الباب بقوه: بووووووووووو_ فز ماجد من السرير من الخرعه: يمممممممممممممه_ دخلوا الشباب الغرفه: هههههه ماجد: بسم الله الله يآخذكم خرعتوني ههههه عبدالله: أكيد كنت تفكر بشي مهم_ راكان طالع عبدالله بنظره يعني اسكت_ خليفه: ماجد حنا ربعك قلنا في شين شاغلك ماجد: هاه لاولاشي بس أم عزوز مرسلتلي مسج ضيقت خلقي أنور: سؤال شخصي شوي إذا مافي مانع ماجد: ههههه أدري شبتقول بس مرسله إنها فاقدتني لأنها نايمه عندنا بالبيت بسام حب يغير الجو: بالبيت ولا بالشارع ههههههه عبدالله: أختي ولا أخوي ههههه راكان: والله إذا ما انقلعتوا برا لأتواطى ببطونكم خليفه: ببطونكم ولا بظهوركم هههههه مشاري: أكملت خليفه معاكم طلال: معاكم ولا ضدكم هههه طاحولا الشباب ضحك وملاغه (هذي دايم سالفتنالمايخلص التنكيت نشتغل ملاغه ونموت ضحك)_ بعد الوناسه بالشاليه رجعوا الشباب لبيوتهم بعد صلاة المغرب_ دخل زياد البيت وكانت جدته عندهم: السلام عليكم_ الكل ماعدا جدته: وعليكم السلام _ جا زياد وسلم على أبوه وحضنه حيل صقر: اشتقناك ياالغالي والله لك وحشه زياد: وأنا أكثر يايبه _ وبعدها راح بيسلم على جدته زياد: قوه إيديده_ صدت وجهها عن زياد وماردت عليه بس هو قرب منها وباسها على راسها وقعد عند رجوله: شنو اللي يرضيج وأنا أسويه_ لفت عليه شمسه: أنك تبرا من اللي ماتتسمى هنادي_ عصب زياد وقام من عندها بس ألتفت وقالها وهو معصب: نجوم السما أقربلكم من هالشي صقر: زياد اذلف غرفتك_ طالعه زياد بعيون غرقانه دموع: تبوني أتبرى من أمي حلمك إذا كنتوا تنطرون هاليوم_ صقر عصب حيل: ياحيوان أذلف غرفتك الله لايبارج فيك من ولد_ زياد قام يبجي بزياده وطلع بسرعه لغرفته وهو صاعد للدرج: أنا ولد هنادي غصبن عن اللي مايرضى الله يحرق قلب من حرمني من أمي _ صقر الحقا وهو معصب وكان زياد توه واصل غرفته وماحس اللي باللي يجره من ذراعه بقوه وبدا يطقه بالعقال وزياد يصارخ: يمه لحقيني يمه آآآآآآآآآه_ وصقر يطق فيه ولاهو راحمه كان صقر أول مره يطق زياد بس كانت هالمره عن كل هالسنين اللي فاتت وتركه إلا وزياد مغما عليه من الطق وتركه وراح_ نشميه خافت تصعد ويفرغ أبوها فيها حرته وظلت قاعده وهي خايفه على زياد أما صقر دخل غرفته وقعد يبجي بكل حره بقلبي: سامحيني ياأم زياد كسرت بوعدي وطقيت الغالي سامحيني _ طبعآ لاتسألون عن وضع سلمى وشلون مستانسه لأن وجهه صقر كان واضح إنه ماراح يعديها على خير ولماسمعت صوت زياد وهو يصارخ زادت وناستها لأنها شافت فيه يوم أما شمسه فطلعت على طول من البيت وهي تلوم نفسها على أنها هي السبب باللي صار بزياد أماموضي ومضاوي كان البجي سيد الموقف ماينلامون أول مره يسمعونه يصرخ جذي _ زياد كان طايح مغمى عليه عند باب غرفته وشعره كان طايح على عيونه وخشمه ينزف دم ووجهه فيه خطوط حمرا من آثار العقال وكان تلفونا بجيب البرمودا اللي لابسها(العين لامن عانقت شوف الأحباب@تبكي فرح مدري بتبكي حزينه......) صقر كان توه بيطلع من غرفته بيشوف زياد سمع صوت تلفون زياد يدق عشان جذي قرر إنه مايطلع_ نرجع لنشميه قررت أهي وموضي ومضاوي أنهم يصعدون لزياد عشان يتطمنون عليه وأول ماوصلوا لباب غرفته: زياااااااااد_ صقر سمع صراخ بناته وطلع يركض بسرعه شاف بناته يصرخون عند أخوهم وزياد طايح بين إيدين نشميه وهي تصارخ: زياد قوم والله ماكنت أدري إن أبوي بيطقك قوم تكفى_ مضاوي كانت طايحه على رجوله: زياد قوم إحنا مالنا غيرك والله نحبك موضي: فيني ولا فيك_ جره صقر من إيدينهم وركض فيه عالدرج وهو شايله بين إيدينه ويبجي وعلى طول عالمستشفى وهناك ركبوله دريب وسووله أشعه وطلع كل شي سليم_ الدكتور: يا أستاذ صقر ولدك بجسمه أثار طق قويه_ صقر نزل راسه: بصراحه يادكتور أنا اللي طاقه_ عصب الدكتور عليه: لهالدرجه قلبك مافيه رحمه في أحد يطق جذي أنتا متأكد أنك أبوه وبعدين شنو هالغلط الكبير اللي مسويه عشان تطقه بهالطريقه صقر: قل أدبه على يدته وطقيته الدكتور: بس مو بهالطريقه كأنك أول مره تطق صقر: زين شخباره الحين الدكتور: أحنا لازم نفتح محظر معاك _ ونادى الممرضه وقالها تنادي الشرطي وطالع صقر: الحقني للغرفه لو سمحت _ مشى صقر مع الدكتور وهو منزل راسه ويقول بينه وبين نفسه: أستاهل كل هالشي أنا نقظت وصيتج ياأم زياد أستاهل كل اللي يصيرلي _ جاهم الشرطي وقعد يحقق مع صقر وكان الشرطي شديد عليه شوي_ الشرطي: لازم أشوف زياد وآخذ أقواله الدكتور: تفضل معاي للملاحظه صقر: تكفى يادكتور بشوف ولدي الشرطي: خله يروح معانا يادكتور الدكتور باستسلام: تفضل _ راحو لزياد وكان فاتح عيونه وقاعد يبجي وأول ماادخلو عليه خاف اشوي الدكتور: هاه زياد شلونك الحين زياد: الحمدلله أحسن شوي بس جسمي كله يعورني_ انتبه إن أبوه معاهم وقام يبجي حيل_ زياد: يــــــــبــــــــه _ قرب صقر من ولده حضنه لصدره صقر: سامحني ياالغالي زياد: ليش طقيتني لأني ولد هنادي صقر: بس ياحبيب أبوك لاتعذب قلبي _ بعد صقر عن زياد_ الشرطي: الحمدلله عالسلامه زياد بصوت مبحوح: الله يسلمك الشرطي: أخ زياد أنا جاي عشان آخذ أقوالك وأسألك كم سؤال زياد مستغرب: أقوالي بخصوص شنو الشرطي: بخصوص الطق اللي تعرضتله من أبوك_ صقر نزل راسه_ زياد: ليش منو طلب منكم تحققون مع أبوي الدكتور: أنتا تعرضت لطق أفقدك وعيك وأنا طلبت من الشرطه فتح محظر زياد بعصبيه: بصفتك منو اسمع ياحضرت الضابط أنا وأبوي نتصرف بكيفنا وأرجوك سكر المحظر وبعدين أبوي وكيفه يطقني يذبحني محد له شغل الشرطي: بس يا أخ زياد قاطعه زياد: لابس ولاشي يا أخي حرام الأبو يطق ولده الدكتور: بس موجذي زياد: أرجوك يادكتور أكتبلي خروج الحين الدكتور: حاضر زياد: مشكور ياحضرت الضابط وماقصرت بس عمركم ماراح تكونون أحرص علي من أبوي _ كتب الدكتور ورقة خروج لزياد ورجع زياد البيت وطول الطريق ساكتين وأول مادخل زياد البيت كانوا خواته ينطرونه بالحديقه ودموعهم ماوقفت أول من شافته مضاوي وجتله تركض وهي تبجي وخواتها وراها_ مضاوي: الحمدلله على سلامتك يا الغالي نشميه: فيني ولافيك ياحياتي_ صقر تركهم وراح داخل بسرعه_ ابتسم زياد لخواته وهو يحس إنه مستعد يموت لأجلهم وحمدربه بسره إن الله وفقه مع خواته_ قعدو يسولفون_ زياد: أقول ترى عيوني قفلو وودي أحط راسي وأنام موضي:زياد اشرايك على ماتسبح نجهز العشا ونتعشا بغرفتك مضاوي: إيه والله زيود مالنا خلق نتعشا معاهم تحت زياد: شوركم وهداية الله_ قام من عند خواته ولحقته نشميه عشان تطلع له ملابسه أما موضي ومضاوي راحو للمطبخ عشان يستعجلون الطباخ عشان العشا _ صعد زياد غرفته وماكان يدري إن نشميه وراه دخل الغرفه وسكر الباب وسند راسه عالباب وطاح يبجي من كل قلبه: آآآآه وينج يايمه لوانج عندي محد يسترجي يحوشني يارب يارب والله محتاجلها يمه تعاليلي مشتاقلج_كانت نمشيه توها بتفتح باب غرفته بس وقفت لماسمعته يبجي وقال اللي قاله وقررت تأخذه لأمه بس الوقت متأخر عشان جذي دقت على أم زياد_ هنادي: هلاوالله هلا بنشميه هلابالعروس نشميه: هلا فيج أكثر ياالغاليه شلونج شخبارج هنادي: الحمدلله بخير وأنتي بشريني عنج نشميه: بخير أقول أم زوزو بغيتج بموضوع هنادي: موضوع تفضلي أنا أسمعج(نشميه قالت لهنادي عن كل اللي صار) _ هنادي قامت تبجي وهي خايفه على زياد حيل لأنها عارفه إن زياد مو متعود إن أحد يهينه وسكرت التلفون من نشميه واركبت سيارتها وعلى طول لبيت صقر بعد مابلغت سالم وأول مادخلت كانت نشميه تنتظرها_ هنادي وهي تبجي: وين ولدي وينه نشميه: بداره تعالي معاي_ راحو فوق وكان صقر توه بيطلع من غرفته وشافها وهي صاعده مع نشميه وحس بشعور غريب ودخل وسكر الباب: سامحيني يا الغاليه ماحفظت الأمانه سامحني يازيود سامحني_ أما بالنسبه لزياد فكان طايح عالسرير بعد ماتسبح وكان بس لابس بنطلون البجامه الأبيض ومو لابس بلوزه وأثر الطق كان واضح حيل وكان يبجي أكثر من أول وفجأه سمع صوت طق عالباب وكان يظن إنه خواته مسح ادموعه وراح يبطل الباب وأول مافتح الباب شاف أمه جدامه _ ياترى شنو راح تكون ردت فعل زياد لما شاف أمه جدامه وشنو راح تكون ردت فعلها لماشافت أثرالطق على جسم زياد إذا حابين تعرفون هالشي تابعونا بالفصل الجاي مع السلامه |
رد: "قصة إنسان"
منـــــو هالشخص اللي مزعج ماجد
شنــــو ردت فعــــل هنادي بعد ما شافت ولدها بهالمنظر بطلنا وعلاقته مع أبويه اشراح يكون مصيرها أحداث كثيييييرة تنتظركم في البارت الجاي تصبحون ع خير أختكم غسق الكويت |
رد: "قصة إنسان"
الحيــــــــــــــــــــــــــ ـن
بأنزل البارت العاشر أبي ردودكم وتعليقكم |
رد: "قصة إنسان"
___الفصل العاشر___ أول ماشاف زياد أمه ماقدر يوقف على رجوله وطاح عالأرض يبجي مثل الطفل_ انزلت أمه عنده وهي تبجي_ هنادي: يمه حبيبي بسم الله شفيك زياد: آآآه... يمه لاتخليني عنده.....يمه راح يذبحني....يمه طقني يايمه طقني.... آآآه هنادي: لاتخاف حبيبي أنا عندك وماراح أخليك_ حضنته لصدرها وكأنها تقول محد يآخذك مني أنتا لي أنا وبس _ وبعدها دخلت غرفته وسحبت الشنطه وحطتله ملابس فيها وخذت كتبه المدرسه وطلعتله بلوزه ولبسته كل هذا ونشميه واقفه تطالع _ وعند الدرج كان صقر وافف وأول ماشافها طالعه ومعاها زياد_ صقر: حيا الله أم زياد هنادي: الله يحيي حافظ الأمانه صقر: لحظة غضب يا أم زياد هنادي: بس مو جذي أنتو ذبحتوني مره والحين الثانيه_طالعت زياد_ ياالله زيود مشينا صقر: بتروح معاها زياد: عشانها انطقيت وتبوني أتبرى منها شلون تبيني أقعدلك بالبيت هنادي: مو كفايه حرمتوني منه تبونه يتبرى مني بعد يا الله زياد_ وراح زياد مع أمه وبين دموع نشميه ونظرات صقر اللي عارف إن زياد ماراح ترجعه أمه بسهوله وكان حاس كأن روحه طلعت من صدره _ طلعوا موضي ومضاوي يبجون بصوت عالي_ مضاوي: راح يايبه راح زياد أنت السبب حرمتنا منه موضي: ليش ليش يروح والله أمه ماراح ترجعه بسرعه ليش يايبا ليش_ وأخيرآ نطق صقر: اشتبوني أسوي وبعدين خلوه يرتاح شوي _ وطلع وخلاهم_ نشميه: يبه وين الساعة 10 صقر: جهنم الحمرا _________________ نترك بطلنا يرتاح شوي وخلونا نشوف خليفه شسوا أول مارجع للبيت _ دخل البيت ولقى عمته منيفه عندهم وخليفه يستانس عليها_ خليفه: يا الله حيها أنا أقول وش فيه البيت منور_ وباسها على راسها منيفه: ومن قال ايحيا وين على الله وبعدين وش هاللبس وجهك يقول إنك كنت ببحر خليفه: إيه والله كنت بالشاليه وبصراحه فله ووناسه وسعت صدر أبرك من مقابل حصيصه وحمدان منيفه: وأنت صادق أبوك وأمك يجيبون العله العافيه خليفه: هههههه لايسمعونج ويتوطون ببطوننا إلا أقول أنا أبروح أتسبح وأبدل وأنزل منيفه: يا الله تقلع ريحتك اصرعتني خليفه: بسيطه أردها إن شا الله_ وصعد فوق وماكان يدري إن البنات عندهم وأول مافتح الباب شافه أحد نايم على سريره وعصب وقال منو اللي يسترجي يدخل غرفته وقرب ورفع البطانيه وشاف شي خلا شعر جسمه يوقف هالوجه ما هو وجه بدور ولا وجه خلود خواته ولا حتى وجه وحده من بنات عمته منيفه من تكون هالبنت وكأن الزين ماانخلق إلا فيها ووقف يطالعها وفجأه افتحت شذى عيونها وشافت رجال واقف يطالعها انصدمت وقال لنفسها: مو هالمزيون اللي طاح علي من السما(خلوني أوصفلكم خليفه أسمر بس فيه ملح وعيونه عسلي كبيره وواسعه وخشمه اشوي كبير بس حلو عليه وشفايفه متوسطة الحجم أما شواربه خط عريض شوي ومسوي سكسوكه وشامه صغيره تحت شفايفه وشعره مطوله شوي وأسود حيل وناعم يعني جمال بدوي وجسمه عريض وكان لابس بلوزه بيضا ضيقه مبرزه عظلاته وبرمودا بيج )أما شذى (كانت قصيره شوي وبياضها حلو وعيونها سودا كبار ووساع ورموشها كثيره وشفايفها صغار وشعرها بني وفيها براءة طفوله وكانت لابسه نفنوف(ثوب) قصير أصفر لتحت الركبه بشوي وفتحت الصدر مثلثه ومخصر جسمهها)_ أول ماشافت خليفه غطت وجهها بالبطانيه وهو ابتسم ولف وبصوت فيه ضحك: يا الله تقدرين تطلعين_ قامت شذى بسرعه وطلعت من الغرفه ونست تلفونها عالسرير_ شاف خليفه التلفون وطالع الشاشه كانت صورت ورده ذبلانه ومكتوب عليها<أنا خوي الجرح مع صغر سني>وحلف إلا يعرف منو هالملاك وليش كل هالتشائم اللي فيها عشان جذي حطه عالسرير وسكر الباب بالمفتاح وشاف عبايتها طايحه عالأرض_ خليفه: شكلها ماخذه راحتها ياويلي يازينها_ودخل يتسبح وبعد مابدل لبس دشداشه عشان يروح لصلاة العشا وسكر الباب بالمفتاح _ أما بالنسبه لشذى طلعت تركض لغرفة البنات وفتحت الباب عليهن وهن مندمجات بالسوالف واستغربن وجهها أكيد فيها شي لأنهن خلنها نايمه بغرفة خليفه ماكانن متوقعات إنه يجي_ خلود: اسم عليج شذى شفيج شذى: الله يآخذ عمركن ليش خليتوني أنام بغرفة العيال بدور: ههههه ليش مافي أحد وخليفه بالشاليه شذى: اللي كنت نايمه بغرفته هو خليفه ياويلي يافشلي وأنا ماخذه راحتي بنت أبوي غدير: ليش اشصار شذى: فتحت عيوني ولا واحد واقف على راسي خلود: لوللللللللللوش بدور: والله وقرب عرسج ياشذى شذى: وجع أنتي ووياه والله إنكن فاضيات البنات: ههههههه _ قعدو البنات يسولفون لما صارت الساعه 11وهم قاعدين جتهم عنود<أخت خليفه الكبيره> عنود: يا الله ياحلوات عمتي تبي تمشي شذى: جاء السايق عنود: الحين يجي _ البسو البنات عباياتهم_ شذى: ياويلي عبايتي نسيتها بغرفة خليفه خلود تكفين جيبيها خلود: هههه وليش ماتروحين أنتي شذى: وجعه توجعج قومي جيبي عبايتي_ راحت خلود لغرفة خليفه _ طق طق _ كان خليفه يتصنع النوم خليفه: اممم _طق طق _ خليفه: منو خلود: خليفه افتح شوي _ فتح الباب ووقف كأنه معصب_ خليفه: خير محد يقدر ينام عندكم خلود: بغيت آخذ عباية شذى نستها بغرفتك خليفه: والله نستها تجي تآخذها خلود: خليفه عيب البنت تستحي خليفه: أنا أجيبها لج _ دخل جاب عبايتها وتعمد يترك التلفون خذت خلود العبايه وراحت_ البسو البنات وانزلو ونست شذى تلفونها _ أما خليفه ظل سهران يلعب بتلفونها ويقرا رسايلها يشوف الصور _ خليفه: يازينها حتى تلفونها مثلها _ وهو يقرأ الرسايل شاف رساله شدته حيل كانت من (أقربkالخلان) <شوشو أنا أقنعت أمي عشان تكلم خليفه ونخطبج له بعد ما تخلصون دراسه اتزوجون والله راح يستخف أخوي بس ياويلج ترفضين سمعتي يا السحته> استانس خليفه هذا اللي يبيه: أنا أشهد إني استخفيت قبل لا أخطبج_ وبعدها شاف رسايلها المرسله وقرأ وحده من (أتحداهمF لأجلك) < فروسي مرت خالي حمدان بتخطبني لولدها خليفه اشرايك أوافق ولا لا > وكانت أخر رساله مرسله وفجأه جتها رساله جديده ونغمتها(عزاه ياقلبي من الهم عزاه¤ومن يوانسي دمعتي قال خيره) وفتح الرساله وكانت من(أتحداهمF لأجلك) <شوشو خليفه خوش رجال وافقي والله يوفقج والله صرتي مره يا العوبه> (شذى بنت عمت خليفه وعندها أختين غدير وشهد أخو واحد وفارس عمها الصغير ومو متزوج) ظل خليفه يلعب بتلفونها لمانام_ نخلي خليفه يشبع نوم _________________ أما ماجد فنشوف اشصار مع صاحب الرقم الغريب_ بعد مارجع البيت تسبح وصلى العشا وتعشى وأول ماحط راسه عالمخده يبي ينام (لديك رساله جديده) فتح الرساله وكانت من (أجهلك)<بعدك ذبح فيني مفاهيم الأشواق وأسقى عروقي للفراق وزرعني وأنا أدري إنك تملك إحساس وأخلاق إحساسك اللي من عروقي نزعني وش فيك ماتفهم؟؟! ترى جد..... مشتاق سيف الثواني في غيابك قطعني> ماجد: آففف _ كان أخوه محمد شابك نت وقاعد عالسرير _ محمد: اشفيك منو اللي مو عاجبك ماجد: أنتا خليك مع جاتك ومالك شغل _ قام ماجد وصلى ركعتين وأوتر ورد يبي ينام _(لديك رساله جديده) وكانت من (أجهلك) <والله لأزعل كل الناس وأراضيك وأمشي معك لو حالو الناس دونك يامن ملكت القلب بالروح نفديك أنا معك لا تفكر إني بخونك بعت البشر وفى زحمت الناس شاريك وكرهت ناسن بالزمن يكرهونك> _ قام ماجد وطلع برا الغرفه ونزل للصالة ودق على(أجهلك) _طوط طوط_ رد وسكت_ ماجد: ألو الطرف الثاني:............ ماجد: أنتا متى ناوي اتكلم وتقول منو أنت الطرف الثاني:............ ماجد: أف والتالي يعني الطرف الثاني:............ ماجد: زين ممكن أعرف اشتبي بالضبط الطرف الثاني:............ ماجد بصوت عالي: وأخرتها معاك يعني أنتا أنس ولاجن شنو أصمخ ماتسمع شوف لو شفتك مره ثانيه ترسل صدقني مايحصل طيب_ وسكر التلفون _ وبعدها راح الغرفه وظل يستغفر لمانام_ ________________ قعد زياد ببيت أمه ورفض يرجع مع أبوه اللي كان يجيه كل يومين (لاتلومونه شاب تروفه وماصدق إنه يحصل فرصه يقعد مع أمه) وبعد أسبوعين كان قاعد بعد العصر بالصالة يسولف مع أمه وأخوانه _(ناصر عمره 13سنة وندى 9سنة)_ ناصر: زوزو أبوي واعدني بهديه لأني صرت أحافظ عالصلاة وقالي أختار أنا الهديه اللي أبيها زياد: وأنتا اشفكرت فيه ناصر: بصراحه مدري يعني فكرت بلابتوب أو موبايل زياد: صج ذكرتني بالابتوب خلني أدق على نشميه ترسله لي مع سليم ناصر: وناسه عشان نشبك جات زياد: ليش ما تستعملون لابتوب أمي ناصر: حلمك زياد: ههههه عيل أنصحك تشتري لابتوب_ خذا تلفونه واتصل على نشميه _ زياد: ألو السلام عليكم نشميه: هلا والله وعليكم السلام شلونك شخبارك زياد: بخير دامج بخير يمه بغيتج ترسليلي اللابتوب مع سليم نشميه: شكلك مطول زياد: ماصدقت فرصه عشان نقعد مع أمي وبعدين عمي سالم مسافر لمدة شهر نشميه: يعني مطول زين آنا بمرك المغرب أيبلك اللابتوب وأبيك بموضوع زياد:حياج يا يمه نشميه: زياد جراح قال لأبوي إنا بيكلمك اليوم زياد: ليش اشعنده نشميه: مادري ويا الله أخليك الحين _ سكر من نشميه _ وبعد المغرب صعد وكشخ عشان يطلع كان لابس بنطلون أسود وقميص أبيض مقلم بوردي فاتح ثلاث ترباع وفوقه بلوزه نص ورديه فاتحه عليها كتابه بالسلفر اللماع وجوتي أبيض وفيه خط وردي وساعه فضي وسوا شعره مثل كل مره_ طق طق _ زياد: تفضل ندى: زوزو أختك تحت _ راح زياد صوب الباب بسرعه_ زياد: كاني نازل _ نزل للصاله وكانت نشميه قاعده مع أمه _ زياد: هلا هلا وغلا نشميه: هلا فيك _ قرب بيسلم عليها بس هي حضنته حيل وقامت تبجي_ زياد: يمه ليش كل هالدموع نشميه: مشتاقتلك يا الخايس متى بيلين راسك وترجع زياد: هههه خلاص يمه والله دموعج غاليه علي_ جا بيقعد وجان توقفه نشميه_ نشميه: لاتقعد ودي نطلع نعشا مع بعض وأبيك بموضوع مهم زياد: خير إن شا الله بس وين اللابتوب هنادي: خليت الخدامه تودين لغرفة ناصر زياد: ياسلام وليش غرفة ناصر هنادي: لأنك كنت تلبس زياد: أهاه ياالله يمه عن أذنج_ طلع هو ونشميه يفترون بالسياره_ نشميه: وين ودك نروح زياد: أي مكان _دق تلفون زياد_ نشميه: منو زياد: مدري رقم غريب.. ألو جراح: السلام عليكم زياد مستغرب الصوت: وعليكم السلام منو معاي جراح: جراح النصار معاك زياد: هلا حيا الله النسيب_وطالع نشميه_ جراح: الله يحييك بشرنا عنك زياد: الحمدلله بخير دامك بخير جراح: زياد بغيتك بموضوع مهم ولازم أشوفك زياد: بخصوص شنو جراح: ودي أتعرف عليك من قريب وفي شي ثاني لما أشوفك بقولك زياد: أوكي متى ووين جراح: اللي يريحك بس يكون برا زياد: خلاص آنا فاضي باجر اشرايك جراح: صار أمرك باجر عند المدرسا نتغدا بمطعم زياد: أوكي جراح: ماعطلك تآمرني بشي زياد: سلامتك جراح: الله يسلم سلم على بعض الناس زياد:هههههه يوصل _سكر_ نشميه: شعندا زياد بخبث: يسلم عليكم ويسأل عن الحال نشميه تتصنع القوه: الله يسلمك ويسلما زياد: ههههههه صج ماقلتيلي اشبغيتيني فيه نشميه: زياد أنتا من متى ماكلمت أبوي زياد: آآآآآه من أسبوع نشميه: أبوي تعبان زياد بخوف: تعبان ليش اشفيه نشميه: أبوي محتاجلك زياد: تكلمي أبوي اشفيه نشميه: من طلعت من البيت مايآكل ولايآخذ علاج الضغط وكل يوم مودينا للمستشفى _ زياد دمعت عيونه_ نشميه: زياد حس أشوي متى يلين راسك زياد: اشتبيني أسوي طقني لأني قلت إني ولد هنادي نشميه: اشرايك أوديك له زياد: لا نشميه: حتى لو قتلك أنه بالمستشفى زياد: تكفين اسكتي_ اسكتت نشميه وحولت طريقها للمستشفى من غير مايحس لأنه كان يبجي وأول ماوصلت المستشفى_ نشميه: ودك اتشوفه_ نزل زياد وسكر الباب _ زياد: بأي جناح_ عطته نشميه رقم الجناح والغرفه وراح أشترى ورد وصعد للجناح وقال للسيرفر يدخل الورد قبل لايدخل هو وأول ماطلع السيرفر_ زياد: قاعد ولا نايم السيرفر: قائد يكرا كرآن(قاعد يقرا قرآن)_ حاسبه زياد وراح _ فتح زياد الباب ودخل بخطوات بطيئه _ رفع صقر راسه يشوف منو وتفاجأ لما شاف زياد_ زياد يبجي بصمت_ صقر سكر المصحف وحطه عالطاوله وفتح ايدينه لزياد يعني تعال_ طاح زياد على إيد أبوه يبوسها ويبجي وصقر يمسح على راسه ورفعه وحضه على صدره_ زياد: سامحني يبا سامحني_ حط صقر إيده تحت ذقن زياد ورفع وجهه عشان يشوفه وقاله وهو يبتسم_ صقر: ليش تبجي ياعين أبوك ماتدري إن دموعك غاليه ياولد هنادي _ طاح زياد على فخذ أبوه وصار يبجي بزياده_ طق طق _ انفتح الباب_ نشميه: ممكن ندخل صقر: حياج بس وين كنتي نشميه: قلت أخليك ويا زوزو وبعد رحت أزور رفيحتي بالدوام والده ورحت باركتلها_ قربت من أبوها _ نشميه: زوزو _ مارد عليها كان مسكر عيون ويبجي بصمت_ نشميه: زوزو أذن العشا لاتأخر عالمسيد_ قام زياد وطالع وجهه أبوه_ زياد: راضي عني يابو زياد صقر: كلا الرضا زياد: يابعد عمري يايبه_ قام زياد ودخل الحمام غسل وجهه وأستأذن وراح لمسجد المستشفى صلى ورجع_ زياد: يبه ليش منومينك بالمستشفى صقر: الشوق يا الغالي لعب لعبته زياد: هههههه_وبعد السوالف _ زياد: يبه أنا بتم عند أمي لما يرد عمي سالم من السفر صقر: أوكي بس مرنا عاد زياد: إن شا الله والحين أخليك ترتاح وبعد عندي مدرسه باجر أشوفك على خير صقر: الله وياك _ رد زياد البيت _________________ حال ماجد على ماهو عليه ظل صاحب الرقم الغريب يرسل وماجد ماكان جدامه إلا يتجاهله _________________أما خليفه فكان باله مشغول مع اللي ماخذه قلبه وعقل وزاد حبه لها بعد ما أخطبتها أمه له (حجز يعني) _________________ يوم جديد على شلة 10/4 _يوم الخميش كانت الشله مجتمعه بصالة التربيه البدنيه الحصه السادسه وكان الاستاذ يوسف ماله خلق يلعبهم رياضه قعدو الشباب على شكل دائره وطاحوله سولفه _ خليفه: شباب باركولي راكان: مبروك بس على شنو خليفه: أبشركم خطبت والبنت وافقت الكل: مبروك...عساه مبارك راكان: ومنو مقروطت الحظ ماجد: بنت عمته أم شهاب زياد: أووو حركات طلال: الفال لنا إن شا الله خليفه: صدق شباب سمعتوا اللي سمعته مشاري: شنو سمعت خليفه: الناظر يبغي يسوي حفل بس مدري وش المناسبه راكان: إذا عرفت قولنا الشباب: ههههههه خليفه: ضحكتو من سركم زياد: شباب آنا رحت للأستاذ فارس اليوم وسألتا عن الامتحانات بدر: وقالك متى زياد: يقول اليوم الحصه السادسه تتوزع الجداول ماجد: الله يستر والله الدستور معقدني خليفه: وأنت صادق مدري ليه حاطين هالماده مشاري: يقولون عشان انعرف بنود الدستور أنور: زين وعرفناه وبعدين راكان: في مواد مالها معنى بس ازيادة كتب _ دخل مدرس صالة الألعاب ووزع الجداول وطلع _ أنور: شنو هذا لا أنا جذي مستحيل أنجح بدر: شباب حاطين الرياضيات مع الدستور راكان: أبشركم أنا صاقط صاقط خليفه: مبروك مقدمآ وأنا معاك بعد طلال: ليش هالتشاؤم ادرسو من الحين ولاتحبطون نفسياتكم ترى موزين لكم(طبعآ طلال قاصد يتفلسف) راكان: طلول ليتك تخلي فلسفتك لوقت ثاني طلال: ليش وقت ثاني ليش مو الحين خليفه: طليطل مشتهي اتمردغ وتنحط حرة الدراسه فيك اقضب القاعد واسكت عبدالسلام: شباب غريبه الثنائي الملغ وينهم _ جاه بسام وعبدالله_ راكان: تفضل اشفاقد لو طاري مليون جان جاك بسام: منو ربح مليون عبدالله: لايقول جايه بعد بسام: حرام عليكم حنا ربعكم عبدالله: صدقه لوجه الله 100.000دينار بس راكان: عبود بسوم لو ماسكتو مايحصل طيب ترى محد له خلقكم بسام: ليش حنا ماتكلمنا من اليوم ساكتين أنت اللي تحرشت عبدالله: الظاهر هو اللي ربح المليون بسام: عبود قوله يعطينا منها ترا أحنامساكين ماعندنا فلوس راكان: بااااااااااس والله لو الاستاذ مو هنيه جان قمت وتوطيت ببطونكم بس الوعد بالهدا _ قرب زياد حلجه من أذن راكان وهمس_ زياد: ريكو جراح خطيب أختي بيمرنا نطلع نتغدا مع بعض راكان: جراح ليش شعند زياد: يقول بيتعرف علي راكان: الله يوفقك وأنت تقول إنه خوش ريال زياد: بصراحه هذا اللي أعرفه وهو دكتور جامعي ويدرس عند أختي مضاوي بكلية العلوم الاجتماعيه راكان: خطيرين على هالنسب والله موسهلين_تررررررررن_ دق جرس الهده وطلعو الطلاب من المدرسه _ طلع راكان مع زياد وكانو لابسين نفس اللبس بنطلون رمادي غامج يميل للأسود وكله جيوب وقميص أبيض جافسين الجم ثلاث ترباع وفيه رسمه صغيره من جهة اليسار وطبعآ الجوتي سبورتي أسود والشنطه سودا تنحط على الكتف من جهه وحده وتتسكر من النص شكل مايل ولابسين نظارات شمسيه كبيره وإيطارها أبيض_ وقف زياد عند الباب يدور بعينه بين السيارات وماحس إلا واحد يطق كتفه التفت زياد من الخرعه _ جراح: مرحبا زياد زياد: هلا جراح هلا والله _ سلم عليه_ جراح: مشينا زياد: توكلنا على الله_ كانت سيارة جراحBMW_ جراح: حيا الله زياد شلونك شخبار (جراح كان يظن إن زياد صغير لأنه ماعمره شافه ولماجا بيخذه سأل واحد من الواقفين وقاله إن هذا زياد بس استغرب إن زياد شكله كبير والأكثر ماتوقع إن زياد حلو جذي لأن أبوه حلو بس مو لدرجة زين زياد ) زياد: الله يحيك جراح: وأخيرآ شفناك نسمع فيك بس مانشوفك زياد: أتشرف والله جراح: صج زياد هذا موبايلك مريت عمي صقر قبل لا أجيك وقالي أنك نسيته عنده أمس _ خذا زياد موبايله_ زياد: يعطيك العافيه إيه والله أمس من النعاس نسيته جراح: زياد أنا سمعت أن نشميه إهي اللي مربيتك عشان جذي حبيت أعرف اللي تحبه شريكة حياتي زياد: ههههههه بصراحه نشميه أمي الثانيه والله يصبرني على فراقها جراح:ههههه زيود أنا عازمك عالغدا بمطعم زياد: يعطيك العافيه...جراح ممكن أعرف الموضوع المهم اللي تبيني فيه جراح:ههههههه شكلك مستعجل خلنا نوصل المطعم وبعدها أقولك _وصلو المطعم وقعدو عالطاوله اللي حاجزها جراح من قبل وجابو الغدا وبدو يتغدون _ جراح: بصراحه يا بو صقر الموضوع ومافيه إن بما إنك أقرب واحد لنشميه فحبيت توصلها كم شغله ودي تعرفها زياد: تفضل جراح: أنا يابوصقر حبيت أوصلها شغله نشميه يازياد طالبه بيت بروحها وأنا حاس إن مو إهي اللي طالبه هالشي وأنا مو عاسرني أحطلها بيت بس يازياد أنا ماعندي إلا أمي وخواتي وأبوي وبصراحه أبوي محتاج إني أكون عنده ولما أطلع ببيت راح أبعد عنهم أنتا لو بمكاني اشكنت بتسوي زياد: ياجراح نشميه من حقها إنها ترتاح وتستغل بروحها بس مو على حساب أمك وأبوك جراح: والحل زياد: الحل واضح تسكن مع أهلك بالبيت بس تكون لها شقه بروحها بنفس البيت لأن أنتا ما أعتقد لك خلق عوار راس والحريم مايجتمعون مع بعض بس أمك أحق من كل الحريم_ جراح طالع زياد بنظرة إعجاب _ جراح: ونعم الراي يازياد والحين بعرفك على نفسي أكثر زياد: أنتا غني عن التعريف بس أتعرف أكثر جراح:أنا دكتور بالجامعه كلية علوم اجتماعيه وإن شا الله ناوي أكمل دراستي زياد: ماشا الله عليك تكمل بعد الدكتورا جراح: ليش ما أكمل لازم يكون عندك طموح كبير زياد: بصراحه أنا طموحي أكبر من جذي جراح: وشنو هالطموح زياد: أنا طموحي إني أخذ الدكتوراء بالحقوق جراح: حقوق مره وحده زياد: تدري طول عمري أتمنى أكون قاضي عشان أحكم بالعدل وأطبق حد الله جراح: بس يازياد الكويت تمشي على قانون معين زياد: عشان جذي أنا ودي أكون قاضي وأحكم بالشرع جراح: بس يازياد لو أخطيت بحق أحد راح تسأل عنه يوم القيامه عشان جذي أنصحك تغير هالطموح وتفكر بغير أحسن لك زياد: ليش أغير ياجراح وإذا غيرت هالهوايه شنو باختار جراح:اختار التخصص اللي تشوف نفسك فيه زياد: بصراحه ياجراح حبي لتخصص الحقوق أهو الشي الوحيد اللي يناسبني جراح: اسمعني ليش ماتختار الشريعه أنا كنت أتمنى الشريعه بس أبوي الله يهداه أصر علي أو بالأصح غصبني على هالتخصص زياد: بس أشلون قدرت تمشي فيه جراح: حبيت أستفيد من هالتخصص اللي انجبرت عليه عشان جذي حبيت هالتخصص واستمريت أدرس فيه لما أخذت الدكتوراء وإن شا الله بكمل إذا الله عطاني عمر _(العين لامن عانق شوف الأحباب....)_ زياد: عن أذنك جراح جراح: تفضل زياد: ألو هنادي: هلا زيود وينك حبيبي ليش تأخرت زياد: أسف يمه نسيت أقولج إني باتغدا برا هنادي: تغدا برا.. مع منو ومتى بترد زياد: مع جراح زوج نشميه مدري متى برد لاتحاتين يمه هنادي: حافظك ربي زياد: مع السلامه _سكرت هنادي_ جراح: أنتا ماقلت لأمك إنك بتطلع معاي زياد: لا ماقلتلها نسيت...الحمدلله كثر الله خيرك جراح: بالعافيه بس ماكليت شي زياد: خلصت الصحن وتقول ماكليت شي صج تغديت عدل اليوم يعطيك العافيه عن أذنك بروح الحمام جراح: خذ راحتك _ راح زياد الحمام وغسل إيدينه وخذا تلفونه ودق على راكان_ راكان: هلا زيود بشر اشصار زياد:عال العال بصراحه خوش ريال لما أشوفك أقولك التفاصيل صار راكان: صار معلوم _ سكر التلفون ورجع للطاوله_ جراح: نعيمآ زياد: هههه الله ينعم عليك _ جابو الشاي وقعدو يشربون ويسولفون وبعدها_ جراح: شكلك قفلت زياد: تبي الصج ميت من النعاس جراح: عيل يا الله مشينا زياد: يا الله _ رجع زياد لبيت أبوه لأن جراح مايدل بيت أمه وقف جراح عند بيت صقر عشان زياد ينزل_ زياد:يعطيك العافيه جراح: الله يعافيك تشرفت بمعرفتك بصراحه أنتا واحد تنحب زياد: تسلم يا النسيب تآمرني بشي جراح: سلامك وخذ هالكيس وصله لنشميه وهذا لك زياد: مشكور ماله داعي جراح: أفا عليك يا النسيب أنتو تستاهلون أكثر زياد: فمان الله _ نزل زياد ودق الجرس افتحتله الخدامه وكانت الصاله فاضيه صعد غرفته وكان تعبان ونام بملابسه من التعب وكان باب غرفته مفتوح شوي _قعدت موضي الساعه 4،30 العصر وقامت توضت وصلت وماكانت متغديه قالت تنزل تحت تآكلها شي وأول ماطلعت من غرفتها شافت باب غرفة زياد مفتوح ولما وقفت عند الباب شافت زياد نايم عالسرير بالعرض وبملابسه المدرسه حتى جوتيه ماقطه كان ودها تقعده وتسولف معاه بس كسر خاطرها شكله تعبان قربت منه وقطت جواتيه ودلاقاته وغطته وحطت المخده تحت راسه وقعدت تطالع بوجهه كانت قبل ماتطيق تشوف بس الحين بعد ماتعدل العلاقه بينهم صارت تحبه بس عمرها ماظنت إن زياد مزيون لهالدرجه _ قعدت تلعب بشعره وتطالع وجهه وهو غرقان بالنوم ولما تململ حست إنها ضايقته عشان جذي طفت الليت وسكرت الباب وراحت لغرفتها ولبست عشان تروح لأبوها نزلت تغدا وبعدها بتروح _ نشميه من طلعت من الدوام مرت البيت وخذت غدا لأبوها وراحتله على طول طبعآ هذا حالها كل يوم من دخل المستشفى _كانت قاعده الساعه 5 تسولف مع أبوها وجراح كان مواعده يمره العصر عشان يقوله عن اللي صار معاه أهو وزياد _ نشميه: يبه إذا مايضايقك أمي بتزورك اليوم صقر: نشميه تبين يرد الضغط يرتفع نشميه: بس يايبه قاطعها صقر: لابس ولاشي مالي خلق أشوف رقعت ويهه _طق طق _ صقر: حياك_ فتح جراح الباب جراح: السلام عليكم _ نشميه فزت من مكانها وصار وجهها أحمر ماتدري ليش خافت _ صقر: هلا وعليكم السلام حياالله النسيب جراح: ومن قال يحيا _ دخل وقعد بالكرسي اللي جنب نشميه وهو قاصد هالحركه _ جراح: ياهلا بحرمنا المصون شلونج نشميه بصوت كله حيا: بـ..خيـ..ر صقر: ههههه جراح أحرجت البنت جراح يقرب حلقه من أذنها:وأحنا اشعندنا أغلى منها _ نشميه استحت حيل وصارت تعرق عشان جذي قامت بتطلع_ نشميه: يبه أنا بمشي تبي شي جراح: وين وين تو الناس ماودج تعرفين اشصار مع زياد نشميه: يبــه صقر: هههه استأذني من جراح أهو ولي أمرج الحين نشميه خلاص وصلت حدها: يبه أنا ماشيه جراح: وإذا قلت مافي روحه اشبتقولين_نشميه عصبت بس دق تلفونها وكان المتصل (سميتكZغلاي) نشميه: ألو هلاحبيبي _جراح عقد حواجبه منو هذا حبيبها_ زياد: هلا يمه وينج نشميه: أنا عند أبوي زياد: أوكي خليج عنده أنا بخلي السايق ييبني نشميه: أوكي عمري بس لاتأخر زياد: بمر الجمعيه تبين شي نشميه: ييب أي شي بس لاتنسى تييب حلاو جواهر زياد: أكيد مايبيله حجي بس في قهوه نشميه: إي يا الغلا فيه زياد: ماشي فمان الله نشميه: حافظك ربي _ سكرت_استغربت نظرات جراح الغريبه _ نشميه: يبه الغالي بييك بعد شوي صقر: حياه الغالي جراح: إذا مافي مانع ممكن نتعرف على هالغالي نشميه: لما يوصل تعرف عليه_ جراح وصلت معاه لخشمه منو هذا اللي تكلمه نشميه جذي وأبوها راضي بعد وجدامي وما استحت والله لأوريه الشغل _ قعد صقر يسولف مع جراح _ طق طق_ صقر: تفضل _ دخلو زياد وموضي ومضاوي: السلام عليكم _ راحت نشميه عند زياد وسلمت عليه_ نشميه: هلا بالغالي هلا صقر: هلا والله حيا الله من يانا زياد: الله يحييك يبه موضي:الله يحييك يبه مضاوي: الله يحييك يبه _ جراح استصغر نفسه شلون يشك بنشميه ليش مافكر إنه زياد _ زياد: هاه بو نصار موجود وأنا أقول الغرفه منوره جراح: هههه منوره بأهلها _ استأذن جراح عشان يخليهم على راحتهم قعدو العيال عند أبوهم واستانس صقر وارتاحت نفسيته لما شاف عياله _كان زياد ومضاوي قاعدين يتقهون_ زياد: يبه متى بيطلعونك صقر: يمكن باجر مضاوي: صج يبه متى أي حزه صقر: يمكن الساعه12 الظهر مضاوي: شباب باجر بعد صلاة اليمعه كلنا بالبيت زياد: صار معلوم _ طلعو من عند أبوهم وراح زياد معاهم للبيت وكانت نشميه تسوق السياره وزياد جنبها وموضي ومضاوي ورا _ زياد: نشميه وديني بيت أمي موضي: لازياد تكفى امش معانا البيت مضاوي: إي زيود امش معانا خلنا نسهر اليوم ونستانس زياد: ما أقدر أمي من اليوم مخليها بروح بالبيت نشميه: أخلصو شنو اتفقتو عليه زياد: بيت أمي موضي ومضاوي: أفففففف موضي: يتمنن بعمره مضاوي: ماتهزك تكفى زJاد: ههههه _ دق تلفونه_ زياد: أششش صوت عندي مكالمه...ألو بدر: السلام عليكم زياد: وعليكم السلام هلا والله هلا بدور بدر: هلا فيك شخبارك زياد: بخير والحمدلله بدر: زيود الليله الساعه 2بنطلع البحر تطلع معانا زياد: منو بيطلع من الشباب بدر: تقريبا الكل إلا أنور زياد: ليش اشعنده بدر: ماله خلق دق عليه يمكن يوافق زياد: ماني أغلى منك عنده بدر: ههههه حاول أنتا غالي عند الكل زياد: تسلم يا الغالي خلاص أنا أشوفه _سكر_ زياد: يمه ردي البيت نشميه: بكيفك هو مافي رده يا الله روح عند أمك أحسن موض: إي صح أمك ماعندها أحد مضاوي: شنو هالشي اللي خلاك ترد البيت زياد: تكفين يمه تكفين الربع بيطلعون البحر نشميه: آسفه انزل يا الله وصلنا_ طالعها زياد بنظرة زعل ونزل وهو معصب_ زياد: بسيطه بسيطه إن شا الله مردوده_ سكر الباب حيل_ موضي ومضاوي: ههههه _ أما نشميه ضاق خلقها لأنها تعرف إن زياد مايرضى أحد يتمنن عليه حتى لو ضحك وظلت تطالعه لما دخل البيت_ موضي: ليش واقفه حركي نشميه: سايق عندكن وحده تنزل وتركب جدام _نزلت موضي وقبل لاتركب جتلهم ندى أخت زياد _ مضاوي: شوشو شوفي هذي نسخت زيود نشميه: هذي ندى أخت زياد _ افتحت نشميه الباب وسلمت على ندى_ ندى: أمي تقولكم انزلو بسرعه نشميه: حاضر يا أنسه ندى _موضي تقول لمضاوي بصوت واطي: سبحان الله نفس نبرة زيود مضاوي: إي والله نفس الصوت حتى نطقها للسين مثله _ سمعتهم نشميه وهي بتنزل_ نشميه: الحين أوريكم واحد نسخت زيود حتى مشيته موضي: منو نشميه: أشش خلاص دخلنا _ استقبلتهم هنادي أما زياد كان منسدح عالغنفه ووحده من رجوله منزلها عالأرض وحاط الكوشيه على وجهه_ بعد السلام قعدو البنات أمانشميه قربت من زياد وقعدت عالأرض تطالعه وارفعت الكوشيه بس هو لف وجهه _ نشميه: زعلان زياد:...... نشميه: يعني زعلان زياد: ........ هنادي: اشعنده من دخل وأهو معصب نشميه: زعلان علي موضي: يادلوع بسك دلع مضاوي: تستاهل لماتتمنن بعمرك زعل بلا رضا نشميه:هيه خلاص زودتوها هنادي: شالسالفه_ قالتلها موضي السالفه _نشميه تلعب بشعر زياد_ نشميه: خلاص والله آخذك معاي زياد:......... نشميه: زيود خلاص فكها _ ماحسو إلا واحد نازل من الدرج وكان ينادي: زوزو زوزو _ وقف لما شاف الحريم عندهم أهو مايعرف إلا نشميه _ نشميه: هلا ناصر هذا زيود ناصر: زيود أناديك ليش ماترد زياد: هلا اشبغيت ناصر: وين لابتوبك زياد: مادري اسأل أمي ناصر: أففف يما وين لابتوب زوزو هنادي: بغرفتك تحت السرير زياد: لاتتعبث بالبرامج ناصر: اللي يسمعك يقول عندك خصوصيه زياد: نصور أنا حذرتك ناصر: خلاص خلاص اللي تآمر فيه _ مضاوي تقول لموضي بصوت واطي: شوفي نسخت زيود _ راح ناصر وقام زياد_ طالع أمه_ زياد: تبين شي يمه بروح أنام هنادي: تعشيت زياد:لامو مشتهي قعديني الساعه 1 هنادي: وحده ليش زياد: بطلع البحر مع ربعي يا الله تصبحين على خير هنادي: وأنتا من أهله _قعدو يسولفون ونشميه بالها مشغول معاه وبعدها ارجعو البيت _ أما زياد راح غرفته ودق على أنور وحاول يقنعه بالروحه معاهم بس أنور أعتذر لأن أبوه مارضا _راحو الشباب للبحر ولعب ووناسه وسباحه وكرة طائره وملعب صابون للفجر وصلو الفجر بالمسجد الكبير وردو بيوتهم _ مرت الأيام وبدت الامتحانات الأسابيع الأولى وبعد شهرين امتحانات الفاينل للفصل الأول كان الكل شاد حيله ويدرس والنفسيات مايعلم فيها إلا الله وقدمو الشباب مستويات مختلفه وجا يوم توزيع الشهايد راحو كلهم للمدرسه لأنهم متفقين مع بعض _دخلو عند المرشد بصالة الألعاب عشان يآخذون شهايدهم وخذوا الشهايد وطلعوا _ راكان: هاه بشرو خليفه: الحمدلله أنا جيد جدآ نعمه 80% وأنت راكان: أنا امتياز الحمدلله91% وأنتا زيود زياد: أنا امتياز الحمدلله97% بدر: أنا الحمدلله امتياز 93% أنور: الحمدلله الحمدلله أنا90% ماجد: أنا خوي خليفه جيد جدآ 80%الحمدلله وأنتا سلوم عبدالسلام: الحمدلله نسبتي90% عبدالله: أنا وبسوم نسبتنا89% طلال: أنا نسبتي 95% خليفه: شباب يا الله اسجدو سجدة شكر _سجدو الشباب وأول ما وقفو كان الاستاذ فارس واقف يطالعهم انتبهو الشباب له _ فارس: السلام عليكم شباب الكل: وعليكم السلام ورحمة الله وبركاته فارس: هاه شباب بشرو إن شا الله الدرجات زينه راكان: الحمدلله النسب ولا أروع يا أستاذ فارس: هاه خليفه بشر خليفه: الحمدلله نسبتي80% _ قالوله الشباب على نسبهم _ فارس: ماشا الله مبروك والله يوفقكم خليفه: الله يبارك بعمرك يا استاذ _كان الجو برد لأن شهر يناير وهالشهر من أبرد الشهور بالكويت وكانو الشباب لابسين(خليفه لابس دشداشه سوده وتحتها قميص أبيض وكبك ومنسف الغتره)(زياد لابس بنطلون جينز ديرتي وقميص أوفوايت مخطط ببني وبلوزه حفر صوف بني ولفه بني وطاقيه صوف بني)(راكان لابس بنطلون جينز وبلوزه صوف أصفر كركمي وفيه كتابه بالبني وجاكيت طويل بني)(ماجد لابس بنطلون بيج وبلوزه جيشي بيج ببني وجاكيت قصير بيج وبوت بيج ولابس طاقيه صوف جيشي)(طلال كان لابس دشداشه رماديه وقميص أبيض وطاقيه صوف أبيض)(بسام لابس بنطلون جينز وقميص أبيض وبلوزه حفر صوف كاروهات رمادي وأحمر وأسود وابيض ولابس جاكيت أسود طويل)(عبدالسلام لابس دشداشه كحليه وقميص أبيض ولابس شماغ وعقال ومتلثم من البرد)(أنور دشداشه سودا وقميص أبيض ولابس غتره مرجعها لورا)(عبدالله وبدر لابسين دشاديش بنيه مخططه بخطوط ضعيفه ولابسين طواقي صوف بيج ) ولأنهم كاشخين أتفقو يطلعون المطعم يتريقون مع بعض لان الساعه كانت 9.15 الصبح وبعد ما تريقو مع بعض ارجعو لبيوتهم_ راح زياد لبيت أمه أول شي طق الباب وفتحتله الخدامه وكانت أمه قاعده بالصاله تنطره _ زياد: يمه يمه هنادي: هلا يمه هاه بشر لي ساعه أدق عليك ماترد زياد: تلفوني ناسيه بالبيت وأبشرج(بصوت عالي وهو يحضن أمه )97 يماااااااا 97 والله يمه والله هنادي تحضن ولدها وهي تبجي: مبروك ياحياتي مبروك _ وبعدها دخل ناصر مع أبوه وكان رايح يجيب الشهاده وكان بالصف 7 _ ناصر: يمه قولي مبروك هنادي: مبروك ياعين أمك ناصر: 95 يمه_وقام يرقص وسحب زياد وصارو يرقصون عرضه_ زياد وناصر: نحمد الله يوم إنا نجحنا نحمد الله يوم إنا نجحنا_ هنادي وسالم: هههههه سالم: انجنوا اعيالج هنادي: خلهم يستانسون_ وقامت تبجي من الفرحه _ وبعد الرقص _ زياد: يمه عطيني موبايلج بدق على أبوي أبشره هنادي: تلقاه عالطاوله هذيك زياد: ولا أقول يمه أنا برد البيت تبين شي سالم: وين زيود أقعد تغدا والعصر روح البيت زياد: من صجك عمي تلاقي أبوي الحين على نار سالم: الله وياك بس مع منو بتروح زياد: سايقي ينطرني عند الباب _ راح زياد للبيت ومثل ماتوقع أبوه قاعد ينطره بالصاله وماخذ الصاله رايح راد ونشميه قاعده تطالع أبوها _ نشميه: الله يهديك يبا الحين بيرد استريح أنتا صقر: ماراح أستريح لما يوصل صارلي ساعتين أدق عليه مايرد وين بيكون راح يعني _ انفتح الباب وكان زياد الداخل راحله أبوه بسرعه: هاه بشر زياد: إيدك عالبشاره أول صقر: لك للبشاره بس اخلص علي زياد: وعد جم بتعطيني صقر: زياد لو ماتحجيت مافي بشاره نشميه: زياد أخلص علينا زياد بصوت عالي: 97 يبا جبتها والله جبتها صقر يحضن زياد: مبروك يا الغالي مبروك نشميه: لولللللللللوش ألف ألف مبروك _ جو موضي ومضاوي ركض من فوق _ موضي: اشفيه مضاوي: اش صاير ونسونا معاكم نشميه: زياد نجح موضي: وشنو الجديد بالموضوع مضاوي: عادي كلنا ننجح نشميه: ياخبلات نسبته 97 فهمتي موضي: صج لولللللوش مضاوي: مبروك زياد مبروك يبه اليوم تسوي عشا صقر: أكيد مايبيله حجي اليوم عندنا عشا زياد: يبه مالها داعي صقر: إلا له داعي ونص راح أعزم خوالك وربعك وعمك أبو ناصر _راح زياد لغرفته عشان يبدل ملابسه ويرتاح دق تلفون زياد وكان المتصل(الخالFوالد) _ زياد: ألو فواز: هلا والله ألف ألف مبروك زياد: الله يبارك بعمرك فواز: إيه هذي النسب اللي ترفع الراس ماشا الله عليكم ياعيال هنادي الله يحفظكم زياد: تسلم ياخالي فواز:زيود خالك هاني بيكلمك هاني: السلام عليكم مبروك يا الغالي ومنها للأعلى زياد: وعليكم السلام والله يبارك فيك خالي هاني: زيود هديتك اليوم توصلك زياد: تسلم يا الغالي والله ماله داعي هاني: إلا له داعي ونص أنت تستاهل يا الغالي زياد: يعطيك العافيه يا الغالي هاني: يا الله زياد تبي شي زياد: سلامتك خالي_ سكر زياد من خاله وأرسل مسجات لربعه يعزمهم عالعشا وحط راسه ونام _________________نترك بطلنا يرتاح لأن وراه عشا بالليل ونروح لماجد _ أول مارد البيت باركوله أبوه وأمه وأخوانه وقعد معاهم وبعدها صعد عشان ينام وأول مادخل الغرفه طلع تلفونه وكان جايته رسالتين ماسمعهم لأن كان حاط جهازه صامت كانت الرساله الأول من زياد <اليوم عندي عشا بالبيت عشان نجاحنا تكفون تعالو لاتردوني> ضحك ماجد ورد عليه<تآمرني يازوزو أنا أول المعازيم> تذكر الرساله الثانيه وكانت من(أجهلك) <بشر يا الغالي إن شا الله نجحت> تأفف ماجد بس أرسل <منو أنتا عشان تسأل هالسؤال> رد عليه <آناتعلمت آلهوا تحت يمنآك درست معنى آلعشق حسب آختياري مآبيك تعشقني ولكن آبيك لآ ضآقت آلدنيآ تصير دآري وآبيك لآمن تزآعلت ويآك ترضى غروري قبل آجيب آعذاري وآبيك تدري لوآحآول بفرقآك آني بحآول قبلهآ بإنتحآري> أرسل ماجد<شوف قسمآ بالله لو مابطلت هالحركات والرسايل واحترمت نفسك وقلت منو أنت مايحصل طيب> أرسل<خلاص بقولك منو أنا بس أبيك تفهم موقفي وتقدر حبي لك وتفهم ليش أنا سويت هالشي إذا مستعد تسمعني دق> دق ماجد على طول_طوط طوط_ ماجد: ألو تتوقعون منو هذا الذي سوا بماجد كل هالحركات وشنو راح تكون ردت فعله انتظرونا بالفصل الجاي |
رد: "قصة إنسان"
ياقلبي روووعه
تسلم يدك متميزة دائما |
رد: "قصة إنسان"
ثلووووووج
اشكرلج تشجيعج لي وربي ذوق فديتج أختج غسق الكويت |
رد: "قصة إنسان"
فداك الكون ياقلبي
هذا اقل شي اقدمه لمبدعه مثلك |
رد: "قصة إنسان"
راح أنزل هالبارت إهداء لثلوج ولمتابعيني أتمنى يعجبكم أختكم غسق الكويت |
رد: "قصة إنسان"
___الفصل الحادي عشر__ _رد عليه صوت أنثوي ناعم ومرتجف: هلا ماجد: منو معاي البنت: معاك أنا عصب ماجد: ومنو أنتي وليش كل هالحركات البايخه والازعاج البنت: ماجد اسمعني بالأول ماجد: أففف أنا بعرف منو اللي معطيج رقمي البنت تبجي: ماجد اسمعني بالأول أنا أحبك وأعرفك وأنت تعرفني_ماجد سكت وانصدم_ أنا وحده مانام الليل بسبتك وأنتا لاهي ولا أنت حاس باللي حولك ماجد أنا أتعذب بسبتك أنا أحبك أحبك أحبك فهمت ولا أفهمك أكثر ماجد بصوت هادي: زين ومن ويلج رقمي البنت: ماجد أنا أسمي أوراد وأعتقد لو فكرت عدل بتعرف منو أوراد ماجد انصدم: أنتي أوراد أنتي روده الصغيره اللي كنت أعتبرها ياهل أنتي أوراد: إي يا ماجد أنا أوراد اللي تعتبرها ياهل وكنت تضحك وتسولف معاي ولا أنت حاس إني كبرت وصرت أخذ ضحكاتك وحركاتك مأخذ الجد ماجد: لأني أعتبرج مثل أختي مافكرت بيوم إنج بتآخذينها بمعنى ثاني اسمعي يا أوراد أنتي نبهتيني لشي أنا كنت غافل عنه أنا بسكر التلفون لأن مو من عادتي أكلم بنات وأعتقد هالشي مايخفى عليج وإذا جيت بيتكم لي تصرف ثاني معاج _سكر التلفون وهو معصب ويتوعد لها وحط راسه عالمخده وهو يفكر: والله كبرتي يا أوراد وصرتي تحبين بس أنا لازم أتصرف معاها _ قام ولبس جواتيه وجاكيته لأنه مانزع ملابسه وراح على طول لبيت خاله( أوراد بنت خال ماجد وعمرها 15سنه أما شكلها فهي قصيره وحبتها صغيره بيضه وعيونها خضر وشعرها بني وفيها شامه صغيره بخدها وحواجبها قوس معطيها شكل المغروره وخشمها صغير وشفايفها ورديه كل هالمواصفات لأن أمها أمريكيه وهي عاشت 11 سنه بأمريكا بس تتقن اللهجه الكويتيه وبعدها أبوها طلق أمها وسكنت معاه بالكويت وأبوها 24ساعه مسافر وجدتها مربيتها وهي حيل متحرره) _ دخل ماجد بيت خواله وكان البيت فاضي لأن جدته نايمه لأن الساعه 1،30الظهر سأل الخدامه _ ماجد: أوراد وين _ قالتله إنها بغرفتها وكان بيصعد لها بس شافها نازله عالدرجه ولابسه شورت وردي وبلوزه حفر أبيض وعيونها حمر من البجي لف ماجد عنها_ ماجد: أوراد اش هاللبس البسي عدل وتعالي أبيج بموضوع أوراد ببرود: اشبغيت ماجد وهو معطيها ظهره: أوراد بدلي ملابسج أحسن لج أوراد: موشغلك ألبس اللي ألبسه بليز لاتدخل ولا لأني حبيتك راح تذلني لو أطلع من غير ملابس مالك حق تتكلم_لف عليها وعطاها كف وصرخ بوجهها: أنتي مو متربيه والظاهره أنا اللي بربيج _ حطت إيدها على خدها وهي طايحه عالأرض من قوة الكف وفيها نظرة تحدي_ أوراد: تطقني ياماجد بسيط والله لأخليك تندم قد شعر راسك _ تحسف ماجد عاللي سواه بس ضبط نفسه _ ماجد: أنتي لو متربيه ماكنتي دقيتي علي قسم بالله يا أوراد إذا تكررت حركتج هذي ماراح تلومين إلا نفسج _ وقفت وحطت إيدها بخصرها _ أوراد: أنتا مالك شغل فهمت وأنا متربيه قبل ماشوفك ماجد: واضح وأول دليل لبسج والثاني مكالماتج إنتي ماينفع معاج إلا شي واحد بس مو الحين بتعرفين أوراد: اللي ماتطوله بإيدك سوه بريلك لاأنتا ولا عشرا مثلك يقدرون علي سمعت وبعدين أحمد ربك إن في أحد قدرك وسوا منك شي مهم بالدنيا _ جاها كف ثاني وأصرخت وقامت تطق فيه بشكل جنوني وهي تبجي وتصارخ عليه : لاتطقني لاتطقني _ حاول يمسكها عنه ولأنه عضلات مسك إيدينها بقوه وطالعها بنظره عصبيه وعاقد حواجبه ويتكلم من بين سنونه وكانت تطالعه وهي خايفه_ ماجد:تمدين إيدج علي يابنت اللذين قد هالحركه يا الحقيره_ اسكتت لأنها خافت _ ماجد: كنت بخطبج من خالي عشان أعدلج ياخايسه بس غيرت راي لأني مو مستعد أتزوج وحده تمد إيدها علي _ نفض إيدها وحذفها عالأرض وطلع _ أوراد: ماجد ماجد ياربي أنا اشسويت _ طاحت تبجي عالأرض _ أما ماجد راح لبيت خليفه وصفط سيارته (لأنه كان مطلع الليسن قبل يومين) دق تلفون على خليفه _كان خليفه يتغدا ودق تلفونه دعاء العفاسي _ طالع التلفون كان المتصل(أبو بندر) خليفه: هلا والله هلا ماجد ماجد صوته تعبان: خليفه اطلع أبيك خليفه: أنت وين ماجد: أنا عند الباب بسرعه _ قام خليفه وغسل إيده وطلع وشاف ماجد بسياره الهمر الأصفر وراد راسه لورا ولابس نظاراته الشمسيه _ركب خليفه يم ماجد_ خليفه: هلا ماجد وش عندك وجهك مايطمن أبد الربع فيهم شي أبوك أمك أحد من أخوانك تكلم ماجد وش فيه _ تقدم ماجد وداس عالبنزين ومشوا_ ماجد: لا هذا ولاهذا بس في موضوع أبيك تعرفه خليفه: وش موضوعك قل ماجد: آآآآه قلبي يابو خلي قلبي خليفه: سلامت قلبك وش فيه ماجد: قلبي دقت أجراسه_ خليفه طق ماجد على فخذه وقال وهو يضحك: لاتقول حبيت يا بو بندر ماجد: قويه وعوبه ومحد يقدرلها بس أبيها خليفه: بسيطه أخطبها ماجد: مالي ويه خليفه: لي وش مهبب ماجد: طقيتها ياخليفه طقيتها خليفه: هاه قول قول طلع السالفه من أولها(قال ماجد لخليفه سالفته مع أوراد وشلون طقها وكان يعتبرها مثل أخته بس اليوم تغير كل شي) _________________الساعه 7مساءآ كان زياد بالصاله يضبط التنسيفه كان لابس دشداشه عنابيه ومنسف الغتره ولابس جوتي أسود ودلاقات عنابيه وحاط قلم فضي _ نشميه: بسم الله عليك حافظك ربي موضي: ماشا الله زيود يينن شكلك _ جابت مضاوي المبخر وتبخر زياد _ مضاوي: متى أشوفك عريس_ دخل صقر البيت بسرعه _ صقر: زيود يا الله الناس الحين بتيي إذا تميت مع هالثلاثي ماراح يخلصون سوالف _راح زياد مع أبوه وكان العشا بس للرجاجيل جو خواله وجيرانهم وإمام المسجد والمأذن وبعدها جو ربعه وربع أبوه وأول من جا راكان _ زياد: هلا والله راكان: هلا فيك يه زيود اش هالزين اش هالحلاوه زياد: اعيونك الحلوه شفت قتلك العنابي حلو بس ماسمعت كلامي راكان: حلو عالأبيض مو علي زياد: ليش وأنتا أشفيك راكان: اشفيني حبت خال مقعده زياد: هههههه حسبي الله على سوالفك ههههه هاني: ضحكه دايمه إن شا الله زياد: هلا خالي أضحك على راكان هاني: هذا راكان زياد: إي خالي هذا راكان_ هاني يصافح راكان هاني: زين شفناك ياراكان نسمع فيك ولا نشوفك راكان: تشرفنا يا الغالي هاني: زيود هذا مفتاح الهديه زياد: شنو الهديه خالي هاني: بقي بانشي وأبيض بعد زياد: صج مشكور ياحياتي ياخالي والله حلم وتحقق أبوي رافض يجيبه لي _سولفو شوي وبعدها اجتمعت الشله وضحك ووناسه وعبط واستهبال لي الساعه 12 واتفقو يطلعون الفجر عشان ينامون بمخيمهم _ زياد: قولو لأبوي أخاف مايوافق عالنومه اسبوعين بالبر خليفه: أنا أكلمه هالحين _ راح خليفه وراكان وماجد وعبدالسلام لصقر_ صقر: حياالله الشباب هاه تعشيتو عبدالسلام:الحمدلله كثر الله خيرك عمي صقر: بالعافيه خليفه: عمي طلبناك تكفى لاتردنا صقر: عطيتك يا خليفه آمرني خليفه: نبي نطلع البر اليوم الفجر ونبي زياد يروح معانا ماجد: تكفى عمي لاتردنا راكان: الطلعه كلها معلقه بزوزو عبدالسلام: الشباب يقولون إذا ماطلع معانا زياد ماراح نطلع راكان: يهون عليك ياعمي تخترب طلعه كامله عشان زوزو صقر: هههههه بس ماخليتو عندي كلام خلاص بيروح بس بشرط ديرو بالكم عليه زيود أعرفه مايهتم بنفسه والجو برد وشوف اش لابس خليفه: ألبسه فروتي بس وافق أنت صقر: زياد مسؤول منك ياخليفه خليفه: على هالخشم صقر: توكلو على الله بس منو يوديكم خليفه: أنا عندي جمس أبوي وماجد بالهمر حقه صقر: أنا عندي جمس اشرايكم يآخذه ماجد عشان تكفي أغراضكم بعد ماجد: يعطيك العافيه عمي خلاص أنا آخذ الجمس مالك _ جاهم زياد وسوا نفسه مايدري شالسالفه_ زياد: هاه يبا شكل الشباب صكو راسك بهذرتهم صقر: والله سوالفهم ماتنمل _ماجد حب يحرج زياد جدام أبوه لأنه قال سوالفهم اتصك الراس هين يازياد_ ماجد: زيود أبوك وافق تروح معانا_زياد انحرج وفهم حركة ماجد_ زياد: أي روحه_ عبدالسلام فهم حركة ماجد وغمزله _ عبدالسلام: اشفيك زياد مو أنتا قلتلنا قولو لأبوي عشان تروح معانا للبر _ زياد طاح وجهه عند أبوه وتوعدلهم خير_ صقر: أها لاعبينها صح_ وطالع زياد_ زيييود أنتا قايلهم_ راكان حاول يتدارك الموقف ومايخلي أحد يلعب بأعصاب رفيجه_ راكان: عمي أنا قلت للشباب إنهم يكلمونك وزياد ماعنده خبر_ اسكتو الشباب وماقدرو يكملون اللعبه _ صقر: أها جذي خلاص الله يوفقكم خليفه: يا الله شباب مشينا يا الله يمدينا نتجهز زياد: إي والله يا الله يمدينا _ راحو ربعه ورجع قعد عند أبوه_ صقر: زيود هذي هديتك _ صقر عطى زياد ظرف طويل_ زياد: شنو هذي يبه صقر: تذكرت عمره بعطلة العيد الوطني زياد: صج يبا يعطيك العافيه يا الغالي هذي أحلى هديه صقر: شوف كم تذكره داخل_ فتح زياد الظرف وعد التذاكر وطالع أبوه وقام باسه على راسه_ زياد: ياحبيبي يا يبه صقر: أنا اشعندي أغلى منك وبعدين السفر مع الربع لها طعم ثاني زياد: اليوم أبشر الشباب صقر: الله يوفقكم يا الله قوم داخل زياد: لحظه يبه صقر: اشبغيت_ طلع مفتاح من جيبه_ صقر: شنو هذا زياد: يبه هذي هديتي من خالي هاني صقر: لاتقول بقي زياد: وبانشي بعد صقر: وأنت اشرايك زياد: يبه هالشي كان أمنيه بالنسبه لي صقر: بوافق بس بشرط زياد: اشرط يا الغالي صقر: بلا سرعه ولااستهتار زياد: وعد صقر: قول إن شا الله زياد: ان شا الله _ راح صقر ينام وزياد قعد أهو وخواته يصفطون جنطته والساعه 2 نام عشان يقعد الساعه 4 _________________ الساعه 3 الفجر قعد زياد وقام تسبح وطلع لبس دشداشه النوم وشغل الدفايه وفرش سجادته وبدأ يصلي قيام الليل إلى الساعه 4.45 _ دق تلفونه كان المتصل ماجد(مالكMمثيل) _ زياد: ألو ماجد: السلام عليكم زياد: وعليكم السلام هلا مجود ماجد: تقبل الله طاعتك (طبعآ الشله كلهم حريصين على قيام الليل) زياد: منا ومنكم صالح الأعمال ماجد: زيود تجهز نص ساعه وأنا عندك زياد: إن شا الله صار معلوم _سكر التلفون من ماجد وراح يلبس بسرعه لبس قميص أبيض وفوقه بلوزه عنابيه صوف وبنطلون جنز رمادي غامج وجاكيت جلد كبير أبيض وفيه كتابه من عنابي ورمادي وسلفر وبوت أبيض ولبس طاقيه صوف بيضا وفيها خط عنابي _ خذا الجنطة ونزل لقى موضي قاعده بالصاله تقرآ قرآن ولما شافته _ موضي: هاه بتمشي زياد: إن شا الله _ دق تلفونه_ زياد: هلا مجود أنا طالع الحين _سكر_ زياد: يا الله موضي أنا ماشي تبين شي موضي: لحظه زياد هاك فلوس زياد: ليش عندي موضي: هذول من أبوي لك _ خذا الفلوس وطلع _ ماجد: يا الله زيود وين البانشي زياد: بالكراج _فتح الكراج وطلع البقي وربطه بالجمس من ورا حط جنطته وركب _ مرو على راكان وعبدالله وبسام _ خليفه كان معاه طلال وبدر وأنور وعبدالسلام _ وصلو البر وكانو مخيمين بجبد (كبد منطقه مخيمات) وكان المخيم كبير وشغل عدل _ كانت خيمة القعده كبيره 5 عمدان وفيها تلفزيون وبلاستيشن ويجنبها بيت الشعر4عمدان وفيه دوه كبيره من الطابوق وقعدة سدو وحولهم 5 خيام للنوم بكل خيمه سريرين وكبت وبالجهه الثانيه من الخيمه الكبيره المطبخ الكبير مبني بالشينكو وحمامات بالشينكو عند كل خيمة نوم_ هذا شكل المخيم باختصار _ انزلو الشباب وكان وقت صلاة الفجر دخل قام أنور وأذن وبعدها صلو الفجر صلى فيهم طلال وبعدها اقعدو بالخيمه الكبيره وشغلو النار وقعدو يسولفون_قام ماجد وطلال وبسام يسوون الريوق وخليفه يسوي القهوه عالدوه وزياد وراكان يسوين الشاي تريقو الشباب وقعدو يتقهوون _ الساعه 8 الصبح قامو الشباب لخيام النوم عشان يريحون أما زياد كان مستانس بقيه _ نزل البقي وتلثم بشماغ وخذ البقي بعيد شوي عن المخيم وقعد يستعرض بس عالخفيف _ راكان كان نايم قبل لايطلع زياد وقعد الساعه 11 ومالقى زياد توضا وصلى الضحى وقعد يقرا بمصحفه للساعه 11.30 استغرب زياد مابين طلع يدوره ولقى خليفه قاعد ببيت الشعر ويقرأ بمصحفه _ راكان: بو خلي متى قعدت خليفه: قبل ساعه راكان: زيود وينه ماشفته خليفه: لا والله ماشفته راكان: غريبه وينه دورته بكل مكان ماحصلته وسريره معدل شكله مانام أصلآ خليفه: مادقيت عليه راكان: الحين بدق _ خذا تلفونه ودق على زياد _ طوط طوط طوط طو _ راكان: مايرد خليفه: غريب وينه _ جو الشباب كلهم مع بعض عشان وقت صلاة الظهر دخل قام أنور وأذن وبعدها كانو يستعدون للصلاة أما راكان وخليفه فعقولهم مشغوله _ صلو الشباب وخلصو وقعدو ببيت الشعر_ راكان: شباب ماشفتو زياد ماجد: لا ماشفناه من الصبح طلال: ليش وينه راكان: ياربي مدري وينه خليفه: راكان يقول إنه طلع من الصبح وللحين مارد أنور: وش ناطرين قومو اندور عليه ماجد: شباب أنا وخليفه ندوره بالسياره وأنور أنت وطلال دورو ببقياتكم والباجي يقعدون ينطرونه راكان: أنا بروح معاكم ماجد: بس ياراكان خليفه: امش معاي راكان _ اطلعو الشباب يدورون عليه وراكان حالته حاله بالسياره _ خليفه: اهدا يا راكان إن شا الله بنلقاه راكان: وين بيكون يعني خليفه: استغفر وإن شا الله ربك يحلها _ قعدو الشباب يستغفرون _ أما ماجد فمايدري ليش خايف على زياد للهدرجه ظل يستغفر ربه _ الساعه 4 العصر رجع زياد للمخيم وهو تعبان يدور النوم لأنه مانام وأول ماشافه عبدالسلام جاه يركض _ عبدالسلام: زيود وين كنت الشباب يطلعو يدورون عليك زياد: كنت أتمشى بالبقي وبعدين ليش يدورون علي عبدالله: زيود راكان حالته حاله يدق عليك ماترد زياد: تلفوني تحت مخدته ماخذيته_ دق عبدالسلام على ماجد وخليفه وطلال وأنور وقاله إن زياد رجع ردو الشباب للمخيم وكان زياد قاعد بالخيمه الكبيره يقرا الجريده دخلو الخيمه وطبعآ عبدالسلام قالهم أن زياد كان طالع يتمشى ونسى تلفونه بالمخيم وأول مادخل راكان كان عاقد حواجبه ومعصب_ راكان: أحر ماعندنا أبرد ماعندك خليفه: هدي راكان الحمدلله إننا لقيناه_ زياد يطالع نظرات راكان أول مره يطالعه بهالنظره _ ماجد: الحمدلله عالسلامه زوزو زياد: اشفيكم شباب أنا طلعت أتمشى شوي سويتوها سالفه_ قربله راكان ومسكه مع بلوزته بكل قوه_ راكان: من الساعه 8 للساعه 4 وتقول شوي أنتا شنو ماتحس ماتفهم _ طالعه زياد بنظرة حنونه_ زياد: يا قلبي يا الريكو خايف علي راكان: يا ابن الذين والله شغلت بالي _ حضن زياد بكل حيله_ وبعد 5أيام كان راكان وأنور يتسابقون بالبقي وكان الجو روعه صج بارد بس السما مغيمه ومطر خفيف والشله قاعدين يلعبون وكانو يومها عازمين إمام المسجد والمأذن والاستاذ فارس عندهم بالمخيم _ الساعه 5 العصر وصل الشيخ يوسف إمام المسجد والمأذن صلاح استقبلوهم الشباب استقبال حار وقعدو ببيت الشعر(الشيخ يوسف كان عمره 46سنه وشبابي حيل أما المأذن كان عمره 24سنه) أول ماقعد الشيخ قط شماغه عشان يكسر الرسميه _ خليفه: حيا الله مشايخنا والله نور المخيم الشيخ يوسف: منور بأهله تدرون ياعيال المسجد فاقدكم راكان: حتى أحنا اشتقناله الشيخ يوسف: شباب نبي بعد صلاة المغرب نسوي مبارات طائره أنا شفت إنا عندكم ملعب طائره ماجد: أفا عليك ملعب طائره وقدم وسله أنت تدلل بس ياشيخ صلاح: شباب أنتو تمشون على برنامج إهنيه زياد: أكيد عشان مانضيع الوقت عالفاضي الشيخ يوسف: بارك الله فيكم بس منو أمير الرحله أنور: العم خليفه مأمر نفسه علينا صلاح: حتى إهنيه ياخليفه مستقوي عالشباب الشيخ: أنتا ماأخذت راي أخوانك راكان: ما أخذ راينا وتأمر علينا غصب عنا خليفه: لأني أكبركم عمر الشيخ: المشكله مو بالعمر المشكله بالعقل هههه الشباب: ههههه _ اسمعو صوت هرن سياره قام طلال _ طلال: أكيد هذا الأستاذ فارس الشيخ: خلونا نقومله كلنا خليفه: شيخ اشرايك نقعد ببيت الشعر الشيخ: ونعم الرأي _ قامو الشباب يستقبلون الاستاذ فارس وبعد السلام قعدو ببيت الشعر_ دخل وقت صلاة المغرب وقام صلاح يأذن وصلى فيهم الشيخ يوسف وكان معروف بجمال صوته _بعد الصلاة اقعدو ببيت الشعر وعطاهم الشيخ موعظه لمدة ربع ساعه وبعدها قامو عشان يلعبون طائره_ الشيخ: شباب الفريق اللي بيصير معاي يجفسون بنطلولاتكم عن مستوى الكعب _ كل الشباب جفسو بنطلوناتهم _ الاستاذ فارس: وهذا شرط بفريقي _ انقسمو الشباب على فريقين فريق الشيخ يوسف اسمه(أنصار السنه) وكانو صلاح وخليفه وراكان وماجد وطلال وفريق الاستاذ فارس اسمه (أحفاد الصحابه)كانوا بدر وأنور ومشاري وزياد وعبدالسلام وبسام أما عبدالله فلأنه قصير فضل يكون حكم للمباراة _ طبعآ يعلق وكأنها كرة قدم مو طائره_ عبدالله: ااااااااالله أكبر ركنيه لأنها طقت الحارس وطلعت الله عليك يا بسام بصراحه هذا اللعب وإلا فلا طبعآ هذا المحترف حق النادي ولولاه ماكان حتى قولو ولاقول خليفه: أي ركنيه أنت ووجهك ماجد: أنت هيه عبود خليت الكل ومامدحت إلا بسام اللي مايدري وين ربه حاطه _ أما بسام كان يركض ويسوي حركات أنه قوي_ عبدالله: فديت أنا المحترفين إيه هذا اللعب شوف يمشي بالملعب بثقه فارس: عبود شنو طايح مدح برفيجك ومخلينا الشيخ: الله يهنيك بهالخوي هههه الكل:ههههه _بعد اللعب وبعد صلاة العشا بدو الشباب يحضرون العشا والكل شارك بتحضير العشا وبعد العشا اقعدو بالخيمه الكبيره_ خليفه: شيخ عندي قصيده كتبتها بواحد من الشباب الشيخ: سمعنا ياخليفه خليفه: للطيب طيب وللمواقف رجاجيل وللخيل سرج وللركايب أشده والشيخ لاصارت إيدينه مكابيل إليا إعتزا في الضيق ينفعه جده وأنا على الدنيا مخاوي رجاجيل ومالي ومال إمكبرين المخده_ وسلامتكم الشيخ: صح لسانك خليفه: صح بدنك صلاح: منو هذا اللي كاتب هالقصيده عشانه خليفه: هو يعرف نفسه خله هو يقولكم _ نزل عبدالسلام راسه ولاحظو الشباب التغير على عبدالسلام _ فارس: والله ونعم بعبدالسلام زياد: طيب شنو سبب كتابتك للقصيده خليفه: الصراحه السالفه إن... قاطعه عبدالسلام: خليفه إذا لي خاطر عندك لاتقول الشيخ: خلاص خليفه لاتقول خليفه: حاضر يا الغالين راح أسكت زياد: شيخ أنا عندي فائده ممكن الشيخ: تفضل يازيود زياد:قال الشيخ إبن عثيمين رحمه الله:-(أعلم أنك إذا عودت نفسك على التهاون،إعتادت عليه،وإذا عودتها على الحزم والفعل والمبادره،إعتادت عليه) الشيخ: جزاك الله خير يازيود يا الله شباب نبي مثل هالفوائد الحلوه أنور: أنا عندي فائده ياشيخ الشيخ: أفيدنا جزاك الله خير أنور:قال الحسن البصري رحمه الله تعالى لرجل حضر جنازه:أتراه لورجع إلى الدنيا لعمل صالحا قال:نعم. قال الحسن:فإن لم يكن هو فكن أنت. الشيخ: بارك الله فيك هاه ياعبدالله ماعندك فائده عبدالله:يقول يحيي بن معاذ: على قدر خوفك من الله يهابك الخلق، وعلى قدر حبك لله يحبك الخلق، وعلى قدر شغلك بالله يشتغل الخلق بأمرك الشيخ: بارك الله فيك والله مو هين عبدالله: أعجبك شيخ طلال: شيخ ودي أنشد الشيخ: سمعنا ياطلال اللي عندك طلال: أبتدي بالحمدلله وأحمده وأثني عليه وأعترفله بالولايه كل خلقه بين إيديه كان لي ذا الليل شكوى بأبتدي الشكوى عليه يالالاله يالالاله والثمن جنه وحور والثمن جنه وحور تشتكي همك على الله وأشتكي همي عليه مالنا ياخوي غيره نبتغيه ونرتجيه نطلبه درب(ن)مثيل(ن) نسلكه نمشي عليه يالالاله يالالاله والثمن جنه وحور فاقد(ن) لي خل غالي فاقد الدرع المتين فاقده والعين تدمع والضماير في ونين خايف إن البعد ياخذ بيننا عهد وسنين يالالاله يالالاله والسنين ابنا تدور بانشد القمرا وأدور بالسما مرشد ذليل وأنشد الطاير وأقوله وين ذياك الزميل قبل مايطوى كتابي وين ألاقيله مثيل يالالاله يالالاله ومابدى فيكم قصور عزتيلك ياخوي همك الليله طويل فاقد(ن)لك راس مالك فاقد الزول الجميل بأطلب الله لك جنان وأطلبه ظل ظليل يالالاله يالالاله والوعد جنه وحور الشيخ: ماشا الله تبارك الرحمن صوتك كروان طلال: يزاك الله خير ياشيخ صلاح: شيخ بعد أذنك أنا سمعت من الشباب إن صوت بدر حلو بقراءة القرآن الشيخ: ماشا الله عليه صوته تبارك الرحمن سمعنا شي من القرآن يا بدر بدر: تآمر ياشيخ. أعوذ بالله من الشيطان الرجيم.بسم الله الرحمن الرحيم "كهيعص. ذكر رحمة ربك عبده زكريا. إذ نادى ربه نداء خفيا. قال ربي إني وهن العظم مني واشتعل الرأس شيبا. ولم أكن بدعائك ربي شقيا. وإني خفت الموالي من ورائي وكانت امرأتي عاقرا فهب لي من لدنك ولي. يرثني ويرث من آل يعقوب واجعله ربي رضيا. يازكريا إنا نبشرك بغلام اسمه يحيى لم نجعل له من قبل سميا. قال أنى يكون لي غلام وكانت امرأتي عاقرآ وقد بلغت من الكبر عتيا.قال كذلك قال ربك هو علي هين وقد خلقتك من قبل ولم تك شيئا" الشيخ: جزاك الله خير يا بدير وبارك الله فيك ووفقك لحفظ كتابه بدر: آمين وأجمعين إن شا الله _ استمروا الشباب مع شيخهم وأستاذهم بالسوالف والفوائد والمواعظ وبعدها طلعوا يجربعون إلى الساعه 12 بالليل وبعدين ودعهم الشيخ والأستاذ فارس وردوا لبيوتهم أما صلاح فقعد عندهم بعد إصرار الشباب عليه_ مرت أيام العطله سريعه وهذي عادة الأيام الحلوه تمر بسرعه لكن قبل الدراسه بيومين كان عرس نشميه_ الفصل الجاي راح نشوف عرس نشميه والكثير من الأحداث انتظرونا https://www.blog37.net/blog/wp-conten...waitcolors.jpg |
رد: "قصة إنسان"
فديت قلبك احلا اهداء تسلم يدك ياعسل
وان شاء الله دوووم هالتميزيارب |
رد: "قصة إنسان"
|
رد: "قصة إنسان"
___الفصل الثاني عشر__ الساعه 10 الصبح يوم الخميس كان بيت أبو زياد أشبه مايكون بخلية نحل الكل قاعد _ موضي: مضاوي يا الله انزلي تأخرنا على نشميه مضاوي: اصبري بحط اكسسواراتي بالشنطه موضي: بسرعه يا الله_ نزلو موضي ومضاوي تحت وكانت نشميه قاعده مع وأبوها وزياد_ موضي ومضاوي:السلام عليكم الكل:وعليكم السلام موضي: شخبار عروستنا نشميه: الحمدلله مضاوي: حركات ياالحيا وجهج صار طماطه زياد: مضاوي أشوف فيج يوم قولي آمين صقر: آمين مضاوي: يبا الكل: هههه زياد: يا الله جاهزين موضي: إيه جاهزين ونص نشميه: موضي زياد: هههه خلاص بسكم إحراج بأمي يا الله توكلنا على الله _ وصل زياد خواته للصالون مع السايق ورجع لبيت راكان طق الباب وطلعله راشد أخو راكان الكبير _ زياد: السلام عليكم راشد: وعليكم السلام هلا والله حياك تفضل زياد: زاد فضلك بس بغيت راكان راشد: يتريق الحين أناديه لك _ دخل زياد الديوانيه ينتظر راكان_ راكان: هلا والله هلا باللي سواليفه وهرجه للقلوب علاج وبسماته ترد الروح للي ماتت أحلامه زياد: هههه هلابقلبي هلابروحي هلا بمطيب جروحي هلا باللي إذا أقبل تطيب وتنتعش روحي_ سلموا على بعض_ راكان: زيود شخبارك تصدق أحس إني من زمان مو شايفك زياد: لاياشيخ قبل أمس أنا متعشي معاك زياد: ريكو ضايق صدري راكان: ماألوم اللي يلومك زياد:والله إني أصبر نفسي غصب عشان ما أكدر خاطرها راكان: زياد ليش ماتروح عند أمك جم يوم عشان ترتاح زياد: وبعدين.. راكان: بعدين شنو زياد: مصيري بارجع للبيت ريكو والله إن البيت مدري شلون بطيق القعده فيه من دونها راكان:زوزو خلاص فكها نكد استانس اليوم وبعدين ربك يحلها_دق تلفون راكان_ زياد: منو راكان: أبو خلي....ألو خليفه: السلام عليكم راكان: وعليكم السلام هلا والله هلا بهالصوت خليفه: هلابك أكثر وينك راكان: بالبيت ليش خليفه: خلك بالبيت جايك الحين راكان: أقول طير زياد عندي وعندنا سوالف خاصه خليفه: أفا والله طلعت مابك شي من المرجله_قام راكان_ راكان: عن أذنك زوزو زياد: خذ راحتك راكان: خليفه لاتزعل بس في سالفه خاصه بيني وبين زياد وما نبي أحد يسمعها خليفه: راكان زياد فيه شي قلي لاتخرعني عليه راكان: تقدر تقول اسمع أشوفك المغرب بأصلي بمسجدكم خلاص خليفه: طيب أنا أحتريك وسلم عالغالي سلام حار راكان: يوصل مع السلامه _سكر راكان من خليفه ورجع لزياد بعد ماجاب القهوه_ راكان: حيا الله من يانا زياد: أقول لايكثر بس جني أول مره أجيك راكان: عندي تسوى الدنيا كلها صج خوخه يسلم عليك سلام حار زياد: الله يسلم قلبه شعنده داق راكان: كان بيمرني البيت زياد: وليش ماخليته ييي راكان: بقعد معاك بروحنا وبعدين بشوفه المغرب زياد: ريكو تذكر الخامه اللي شريتها أنا وياك السوده راكان: إيه أذكرها أنا مافصلتها زياد: فصلتها وبلبسها اليوم راكان: على أي قميص ركبتها زياد: أبيض راكان: يازين الزين والله شكلك بيطلع شي مالي شغل أنا أول من يشوف كشختك زياد: اسمعني ألبس وأكشخ وادق عليك تجيني البيت راكان: أوكيك زياد: صج ريكو عندي لك بشاره راكان: بشر ياوجهن مايجيب إلا البشاير زياد: أبوي عطاني هديت تفوقي توقع شنو راكان: زوزو اخلص علي زياد: احدعش تذاكر عمره بعطلة العيد الوطني راكان: احدعش يعني الشله كلها زياد: شرايك خوش هديه راكان: يابعد راسي ياعمي والله هذي الهديه السنعه زياد: اشرايك أبلغ الشباب ولا أخليها مفاجأه لهم راكان: شوف الخميس الجاي لناطلعه مع بعض للمخيم وهناك بلغهم زياد: خوش راي يا الغالي _ قعد زياد مع راكان لصلاة الظهر وبعدها رجع بيتهم تغدا ونام للعصر_نترك زياد يرتاح ونشوف نشميه وخواتها اشصار معاهم_ الساعه 5 العصر خلصت نشميه مكياجها وتسريحتها ولبس وموضي ومضاوي خلصوا_خلوني أوصفلكم نشميه شوي(كان ثوبها كوكتيل أوفوايت ونفشته كبيره وشغل شوارفسكي من فوق وكان ورق الورد الوردي مركب بالثوب من تحت كله وكانت لابسه شال مغطي إيدينها ومركب فيه الورد نفس اللون وماسوت طلحه وتسريحتها ناعمه ومركبه ورده ورده بشعرها ومكياجها كان ناعم ومسكتها كانت على الشال ونازله من ذراعها )أما موضي (كانت لابسه ثوب بني ساده وفوقها سديري لونه أزرق وكله خيوط بنيه ومسويه شعرها رفعه روماني بسيطه ومكياجها كان فخم) أما مضاوي (كانت لابسه ثوب أسود قصير وضيق وفيه رسمت نجوم صغير سلفر ولابسه بوت سلفر ومسويه شعرها كيرلي ولابسه ربطه سلفر ومكياجها سلفر بأسود وعدساتها رماديه)_نرجع لبطلنا بعد صلاة المغرب رد البيت ولبس مثل ماقال لراكان دشداشه سوده وقميص أبيض وكبك سلفر وغتره بيضا ومنسف لورا وساعه سلفر وجوتي أسود_ كان وجهه طفولي بس طوله هو اللي مبينه كأنه كبير _ دق تلفونه_ زياد: هلا والله هلاريكو راكان: هلا فيك هاه كشخت زياد: إيه خلصت راكان: أنا الحين بمرك مع خليفه زياد: حياكم الله _ نزل تحت ولقى سلمى بالصاله _ زياد: السلام عليكم سلمى: وعليكم _ سكت زياد وطلع للديوانيه وكانو ربعه توهم واصلين _ راكان: يازين الزين خليفه: ماشا الله وش هالحلاوه يازيود زياد: هههه راكان: ياويل حالك ياراكان خليفه: هيه وش بلاك تقل تتغزل ببنت راكان: ياويلي يابعد البنات والعيال والصغار والكبار يابعد راكان وطوايفه وخليفه وطوايفه خليفه: أقول كنك زودتها زياد: ريكو خلاص لايعصب علينا خليفه راكان:هههههه زياد: يا الله عاد امشوا اخلصو وصلوني الفندق خليفه:وتأمر أنت ووجهك زياد: بوخلي تكفى خليفه: لاتقول تكفى خلاص امش _ وصلو الفندق وكان الليموزين ينتظر عند الفندق نزل زياد ومشو ربعه اتصل بموضي_ زياد: ألو السلام عليكم موضي: هلا زياد وعليكم السلام زياد: خلصتو موضي: إيه الحين نازلين _ ركبو ومشو البيت وطول الطريق مضاوي وزياد طايحينها حط على نشميه وهي ساكته_قعدوا بالبيت عشان ترتاح نشميه وبعدها بروحون الصالة _جاء صقر وبارك لبنته وصور معاها ومع زياد وبناته_عالساعه 10 مشت الزفه للصاله وكان بالليموزين نشميه وموضي ومضاوي وزياد وبالسياره الجكور اللي وراهم صقر وسلمى وشمسه_وكانو موضي ومضاوي يقصدون لأن زياد مايسمع أغاني ماشغلوا بالليموزين ويرقصون_ دخلت نشميه الصاله وكانت طالبه من زياد إنه يدخلها _مشت عالاستيج وزياد ماسك إيدها والبنات عيونهم طايره عليه _كان الحضور اللي يعرفونهم أهل راكان_أهل خليفه_أهل ماجد ورفيجات نشميه وبنات عم أبوها وأم زياد_ ريم:شوفي هذا زياد رفيج راكان خلود: شوفي اشحلاتا يينن ريم: اذكري الله خلود: ماشا الله عليه شكله كبير ريم: أهو كبر راكان بس طويل عهود: اش عندكن تساسرن ريم: انسولف عن هالمزيون عهود: ياكبر همكن شوفي العروس وش حلاتها بسم الله عليها ريم: نشميه ماعليها كلام مزيونه ماشا الله خلود: شوفو بنات المره اللي عندهم بالكوشه ماتستحي كاشفه جدام زياد ريم: شوفي تشبهه حيل عهود: هذي أمه يا الخبلات_ طلع زياد بسرعة لأنه كان داش بالغصب عشان نشمية_صعدوا أهل العروس يسلمون عليها ورقصوا خواتها وأهلها ورفيجاتها_وبعد ربع ساعة دخل المعرس وقعد شوي وبعدها طلعوا المعاريس_ردوا موضي ومضاوي البيت وكان صقر قاعد بالصالة_ موضي ومضاوي: السلام عليكم صقر: وعليكم السلام ياهلا والله موضي: هلافيك يبه صقر:هابشروا شخبار العرس مضاوي: والله العرس حلو بس بنتك قثتنا بس تبجي موضي: مضاوي ماتعرفين تسكتين صقر: أشوف فيج يوم يامضاوي تضحكين على نشميه يصير خير إن شا الله مضاوي: يبـــــــــه صقروموضي: ههههه صقر:موضي زياد وينا موضي: ماأدري يبه أهو من طلع من العرس ماشفناه بعدها صقر: وين بيكون راح يعني_ طوط طوط_ زياد بصوت مخنوق: ألو صقر: السلام عليكم زيود يبا وينك فيه زياد: هلايبه وعليكم السلام أنا عند أمي يبه صقر: زين ليش ماعلمتني زياد: أسف يبه نسيت صقر:زيود حبيبي فيك شي زياد بنفس النبره:لايبه ماكو شي صقر: تعال البيت زياد: يبه تكفى خلني الليله عند أمي صقر: بس يازياد... زياد يبجي:يبه والله موطايق أدخل البيت تكفى يبه خلني عند أمي هالجم يوم صقر بكل حنان: براحتك يبه وقت ماتحس إنا نفسيتك ارتاحت رد زياد: يبه لاتلومني والله نفسي موطايقه دخلت البيت بعدها صقر: مالوم اللي يلومك بس بدال ماتبجي ادعيلها إنا الله يوفقها ويسعدها ياالله حبيبي فمان الله زياد: مع السلامه_ سكر صقر من زياد وصعد ينام _نخلي أبوزياد يرتاح ونروح لبطلنا وهو قاعد بصالة بيت أمه والدموع سيدة الموقف _نزل سالم من فوق وشاف زياد قاعد سرحان ودموعه على خده قرب منه وقعد يمه_ انتبه زياد وعدل قعدته_ سالم: شدعوه يابوصقر بدال ماتستانس لأختك قاعد تبجي زياد تزيد دموعه: والله إني فرحان لها بس ياعمي نشميه أمي الثانيه وموقادر أتخيل البيت من دونها سالم: بسيطه يازياد صدقني بتتعود وبعدين أهي موبعيد الحمدلله كاهي بالديره وبيتها قريب ودايم راح تكون عندكم أنت بس لاتضايق نفسك أهم شي تكون مستانسه ولاتخيلها تشوفك جذي ترا بتزعل وتتضايق زياد: الله يوفقها ياعمي سالم: تلقاها الحين نايمه بالعسل وأنت أهني تبجي ياالله اضحك عاد فكها_ ابتسم زياد ومسح دموعه وقام مع سالم عشان ينام بداره_ سالم: ياالله تصبح على خير يابوصقر زياد: وأنت من أهله عمي_ دخل الغرفه وكان تعبان مونايم من أمس وعلى طول من حط راسه عالمخده راح بسابع نومه_نترك بطلنا ينام ويرتاح ونروح للمعاريس_كانوا بالصاله اللي بالفندق_ جراح:ألف مبروك يانشميه والله يقدرني وأسعدج إن شا الله نشميه:........... جراح: زين قولي الله يبارك فيك قولي شي نشميه:.......... جراح: أفا سمعيني صوتج زين نشميه:.......... جراح: ياربي أهلي مزوجيني وحده طرمه ياويل حظك ياجراح_ قعدت تبجي نشميه_ قرب يمها جراح وحاول يرفع راسها بس كانت حاطه وجهها بين إيديها وتبجي_ جراح: نشميه أسف والله ماقصدت أزعلج كنت أضحك معاج بس_ زاد بجيها_ جراح: نشميه تكفين والله أسف.... زين ارفعي راسج قولي شفيج....نشميه بسج بجي عشان خاطري....أنا أعرف منو يقدر يسكتج...عمرج وحياتج زياد_سكتت نشميه عن البجي_ جراح: ودج تكلمينه...اشتقتيله صح....يابختك يازياد بهالغلا بس وعد لأصير أغلى منا وبشوف أنا ولا أهو_ابتسمت نشميه لكلام جراح_ جراح: إيه ضحكي بس والله لأوريج فيه_خذا جراح تلفونه ودق على زياد كانت الساعة 3بالليل_طوط طوط _ رد زياد بصوت نايم لأنه ماانتبه منو داق بس كان صوته تعبان من كثر البجي_ زياد: ألو جراح:السلام عليكم نايم ياصبي قوم بسك نوم_زياد ماعرف الصوت عدل وماكان له خلق أحد_ زياد: وعليكم السلام من حضرتك جراح: حضرتي زوج أختك_ فز زياد من مكانه وقعد_ زياد: هلا والله هلا بونصار السموحه ياغالي رديت من غير ماأشوف منو داق جراح: مسموح ياغالي بشرني عنك زياد: بخير عساك بخير وأنت شخبارك جراح يطالع نشميه: بخييير الحمدلله....بوصقر نشميه ودها تكلمك زياد: عطنياها نشميه حطت التلفون على اذنها وسكتت_ زياد: ألو يمه شلونج شخبارج حبيبتي إن شا الله مرتاحه نشميه:........._ فهم جراح إنها مستحيه تتكلم جدام عشان جذي قام وحب يخليها على راحتها_ جراح: اخذي راحتج آنا بروح للغرفه شوي رادلج_ نشميه: ألو زيود أنا بخير حبيبي أنتا شلونك _زياد كانت فيه بجيه بس ماحب يضايقها_ زياد: بخير يمه دامج بخير ياالغاليه هاه عسى جراح ماضايقج ترا أوريج الشغل فيه نشميه بصوت واطي:هههههه لاحبيبي جراح ماعليه بس آنا أذيته من اليوم أبجي زياد بكل براءة: ليش يمه تبجين في شي مضايقج قولي نشميه: لايمه بس العرس له رهبه وباجر لما تتزوج لاتستغرب إذا شفت زوجتك تبجي ترا عادي زياد: قصدج دلع بنات....يمه خلاص لاتبجين وتضايقين جراح تراه خوش ريال ياالله يمه فشله طولنا عليه نشميه: ياقلبي انتا دير بالك على نفسك أشوفك على خير زياد:مع السلامه_ سكرت نشميه من زياد وحطت التلفون عالطاوله_أماجراح كان واقف ورا باب الغرفه يسمع صوتها وكان وده يعرف شنو مضايقها بس لماسمع كلامها تطمن وعرف انا موأهو سبب بجيها_طلع من الغرفه وقعد يسولف شوي بعدها راحوا الغرفه عشان ينامون_ نترك معاريسنا يرتاحون وأنا أبي أرتاح بعد أشوفكم على خير بالفصل الجاي https://www.blog37.net/blog/wp-conten...waitcolors.jpg https://forum.alahliclub.ae/image.php...ine=1148895951 https://upload.m0dy.net/2011/m0dy.net...1306465622.jpg |
رد: "قصة إنسان"
إذا تبــــــــــــــــون أنزل بارت جديد أبي ردودكم ورايكــــــــم |
رد: "قصة إنسان"
ياقلبي نزلي
انا بنتظارك |
رد: "قصة إنسان"
ثلــــــــــــــــــــــــــــ ــــوج هـــــــــــــــــذا البارت بالطريق لعيونج https://www.blog37.net/blog/wp-conten...waitcolors.jpg https://www.yini.org/big5/girl/0/0022-b.jpg https://upload.m0dy.net/2011/m0dy.net...1306465622.jpg |
رد: "قصة إنسان"
___ الفصل الثالث عشر___ بعد أسبوع من زواج نشميه (يوم الأربعاء) كان زياد بالمدرسة مع ربعه وقت الفرصه_ راكان:شباب زيود عندا مفاجأه لكم أنور: صج زيود زياد: إيه صج مشاري: قول بسرعه زياد: حزروا خليفه: زياد اخلص علينا زياد: شرايكم بالعطله اللي يايه بدر: قصدك عطلة العيد الوطني زياد: عليك نور عطلة العيد الوطني شنو أحسن شي نقدر نسويه فيها عبدالسلام:نطلع البر زياد: لاغيره بسام: نطلع الشاليه زياد: بعد لا شاليه بالشتا ماجد: زيود اخلص قول اللي عندك ترا مالي خلق أفكر زياد:هههه تآمر يامجود ماراح أخليك تفكر....شباب شرايكم نروح العمره بهالعطله خليفه: هذا الراي السنع بس هقوتك بنلقى حجز الحين طلال: مستحيل الناس حاجزه من زمان زياد: أنا ماقلتلكم عن الحجز باجر كل واحد يجهز جنطته وجوازه بس مشاري: ليش بنروح عن طريق البر بدر: مستحيل محد يدل فينا زياد: ومن قال إنا بروح بر أنتوا سووا اللي قلتلكم عليه وباجر بتعرفون طلال: زين متى بالضبط زياد: الظهر الساعة 2 أنتوا مرتزين عند الباب أنور: والمدرسة راكان: ليش أنتوا ناوين تداومون باجر يحليلكم إذا نيوتن مومداوم أنتوا بتداومون خليفه: إي والله غريبه زياد منت مداوم باجر زياد بابتسامه:لاماراح أداوم عبدالسلام: غريبه_خلص اليوم الدراسي وردوا الشباب لبيوتهم_ ببيت خليفه_ خليفه: يبه تكفا طلبتك لاتردني أبوخليفه: اشعندك اخلص خليفه: يبه بكره بسافر العمره مع ربعي أبوخليفه: وشقلت ومع منو وشلون خليفه:يبه تكفى مع الربع ونقضي هالعطله بشي سنع ونآخذلنا عمره وشقلت يابعدي أبوخليفه: أممممم خلاص رح بأمان الكريم_قام خليفه وحب أبوه على راسه_ خليفه: يابعدي راسي يايبه أنا ماأدري وشلون أعيش من غيرك بهالدنيا أبوخليفه:أقول لايكثر هرجك كم تبي خليفه: هههه تفهمها وهي طايره أبوخليفه: ولدي وأعرفك تربيت إيدي 200يكفنك خليفه: زيد اشوي أبوخليفه:اسمع ماعندي لك إلا هال300تبيهن ولا ضف وجهك خليفه: لالالا ياالغالي أبيهن العوض ولاالقطيعه_أما باقي الشباب وافقوا أهلهم إلا أنور واتصل على زياد عشان يعتذر منه لأنه ماراح يروح_كان زياد قاعد بالصالة العصر مع أبوه_(العين لامن عانقت شوف الأحباب...)_<شاعرAزمانه> يتصل بك_ زياد: ألو أنور:السلام عليكم زياد: وعليكم السلام ورحمة الله هلا ومرحبا بشاعرنا بشرني عنك أنور: هلابك أكثر والله أنا بخير ياغالي وأنت بشرني عنك زياد: دامك بخير أنا بخير ياغالي...شتبي داق اخلص أنور: أفا بعد التراحيب هذي كلها تقولي شتبي زياد: ههههه أنتا اللي داق هههه أمرني ياغالي أنور: آآآآه زيود أبوي رفض إني أسافر معاكم زياد: أفا ليش أنور: ماأدري ليش...الله ييسر طريجكم وتروحون وتردون بالسلامه زياد: أنور توكل على الله واستغفر وأنا أخوك والله يفتحها بويهك إن شا الله أنور: شلون راحت عن بالي إن شا الله باستغفر والله يلين راس أبوي ويوافق زياد: الله كريم إن شا الله _سكر أنور من زياد وقعد يستغفر الله بنية الروحه للعمره(نصيحة مجربه لاتفوتكم)_ أما زياد من سكر التلفون من أنور_ زياد: أأففف الله ييسر الأمر إن شا الله صقر: آمين اشعنده أنور عسى خير إن شا الله زياد: أبوه رافض سفرته معانا صقر: زين ليش أنتو بتسافرون العمره يعني ماراح تسوون شي غلط زياد: الشكوى لله يايبه ياليت كل الناس مثلك صقر: زين ليش ماتروحون كلكم لأبوه وتكلمونا يمكن الله يهديه ويوافق زياد: خوش راي يبه وأنا أقول أنا طالع على منو بالذكاء صقر: هههه هذا الشبل من ذاك الأسد هههه زياد وصقر: ههههههههه _ اتصل زياد بالشباب كلهم واتفقوا يروحون المغرب لبيت أنور من غير مايدري وطبعآ للحين محد يدري شلون بيسافرون إلا زياد وراكان_ وصلو بيت أنور وكان أبوه قاعد بالديوانيه بروحه_ دخلو وسلمو عليه ورحبهم_ أبوأنور: حياالله الشباب استريحوا خناديلكم أنور خليفه: لا ياعمي حنا جايين لك أنت وأنور مايدري أبوأنور:حياكم آنا حاضر باللي تبونا ماجد: بصراحه ياعمي ودنا نطلب منك طلب ومانبيك تردنا أبوأنور: وأنا حاضر واللي تبونا صار بس أمروا شعندكم ماجد: مايمر عليك عدو أحنا يايينك عشان توافق على سفر أنور معانا للعمره راكان: إذا عندك أي شرط أحنا حاضرين بدر: تكفى عمي والله ما أتخيل السفر من غير أنور تكفى_أبوأنور صار يطالع بوجيههم وكلهم ينطرون رده_ خليفه: ها عمي شقلت أبوأنور: والله مدري بس يصير خير إن شا الله_ احبطو الشباب لأنهم توقعو غير هالرد_ ماجد: يعني ياعمي إي ولا لا أبوأنور: وقت ثاني إن شا الله _ طالعو الشباب بعضهم_ ماجد: يعني ماعندك غير هالكلام أبوأنور:اليايات أكثر_ استأذنو الشباب وطلعو من عنده وهم طالعين كان أنور توه جاي للديوانيه وكان يشوف علامات الضيقه على وجيههم_ أنور: شباب حياكم.....ليش ماقلتولي أنكم بتيون....خليفه شصار_محد يرد عليه وكلهم منزلين روسهم_ خليفه: شباب أنطركم بالسياره_ كلهم راحو إلا زياد وبدر وماجد_ ماجد: خليفه انطرنا الحين يايينك_ كان أنور يطالعهم وينطر ردهم_ زياد: أنور لاتنسى الاستغفار ياغالي بدر: احنا حاولنا مع أبوك بس للأسف رفض ماجد يحاول يقويه: أنور الله كريم توكل على الله وادعي وإن شا الله يصير خير_ نزل أنور راسه ودمعته بعينه_ أنور: مشكورين على جيتكم ياغالين أبوي وأعرفه إذا قال إي ماقال لا وحافظكم ربي تروحون وتردون بالسلامه_ حضنه بدر وقعدو يبجون_ طلع أبوأنور من الديوانيه وشاف أنور وبدر حاضنين بعض يبجون_ أبوأنور: أحم أحم أنور إذا مشوا ربعك قول للسايق يجهز السياره عندي مشوار_طالعه أنور: تآمر يبه _استأذنو ربعه وردوا لبيوتهم أماهو صعد لغرفته وقعد يبجي ويستغفر ويدعي ربه_دخلت عليه شوق بنت أخوه أحمد وشافت حاله_ شوق: عمي شفيك عسى ماشر_ طالعها أنور ورد يبجي_ شوق: عمي لاتبجي قول اللي بخاطرك_ قالها أنور السالفه_ شوق: الله كريم ياعمي وأنتا ماتدري يمكن خيره تعوذ من ابليس وامسح دموعك أنور: ونعما بالله_أما باقي الشباب جهزوا شناطهم وهم مايدرون بشنو بسافرون_ثاني يوم الصبح قعد أنور على صوت الكبت ينفتح وينصك_فتح عيونه شاف شوق قاعده تحط ملابسه بالشنطه وأبوه قاعد على كرسي المكتب استغرب_ أنور: شوق شتسوين أبوأنور: تجهز ملابسك أنور: ليش شصاير أبو أنور: ليش ماودك تسافر العمره مع ربعك _نقز أنور من السرير ووقف قدام أبوه_ أنور: صج يبه _ابتسم أبوه بوجهه ودمعت عيون أنور وباس أبوه على راسه_ أنور: يابعدي يايبه أبوأنور: حبيت ألعب بأعصابك شوي أنور: أي شوي يبه قول حيل أبوأنور وشوق: ههههه _قرر أنور يخليها مفاجأه للشباب وكان اتفاق زياد مع الشباب الساعة 2يمرهم فقرر إنا يلحق سيارة زياد ويفاجئهم بعد مايجتمعون_أما بالنسبه لزياد قعد وراح لصلاة الظهر وبعدها قعد يتريق بروحه لأن الكل مداوم وعالساعة 2 إلا ربع مر الشباب مع سايقه وخذاهم وكان أنور وراهم _ وصلو المطار ونزلوا وفرحتهم موكامله فاقدين شاعرهم ورفيجهم أنور_ادخلو المطار وصعدو للسوق الحر وهم يتمشون_ بدر: شباب ياليت أنور معانا زياد: إي والله ياليته معانا راكان: ماتوقعت له وحشه جذي _بدر دمعت عيونه بس مسح دموعه وكمل تمشي _ راحو الشباب للكافتيريا عشان يطلبونلهم(coffee) وكان بسام وعبدالله يسألون الشباب عن طلبهم _فجأه جاء أنور جنب بدر وسحب الكرسي وقعد وكان يطالع بسام_ أنور: وأنا جيبلي كافي لاتيه_ الكل انصدم وبصوت واحد: أنــــــــــــــــور _ قامله بدر والشباب وحضنوه ومابين ضحكات ودموع الفرح ونظرات اللي حولهم _ وبعدها قعدوا _ خليفه: أنور شصار مشاري: أكيد مقلب أنور:ههههههه طلال: يعني بتعرف غلاتك أنتا وويهك بدر: غالي والله غالي أنور: فديتكم حتى أنا مدري شصار_وقالهم اللي صارله الصبح_ بعد ماصلو العصر كان وقت الطياره قرب وراحو لبوابة المغادرون وأنهو اجراءاتهم وركبو الطياره _كان زياد وراكان ومشاري يم بعض وماجد وخليفه وعبدالسلام يم بعض وعبدالله وبسام وطلال يم بعض وبدر وأنور يم بعض وكان في واحد جنبهم مايعرفونه بس ماأهتموله_بالطيارة_ راكان: زيود جزاك الله خير على الهديه زياد: وياك.... ريكو نبي نستانس ومانضيع ولادقيقه راكان: إي والله وأخيرآ سافرنا مع بعض ولاشرايك ميشو مشاري: معاك حق ومانبي نفوت ولاصلاة بالحرم زياد: أكيد إن شا الله وترا فندقنا جدام الحرم راكان: يقولون مكه جوها دافي مشاري: أحسن عشان مانبرد بالإحرام راكان: هههاي خايف على عمرا الحبيب مشاري: أكيد أخاف على عمري عيل أخاف عليك راكان: مايحتاي عندي اللي يخافون علي زياد: هههههه تعجبني ثقتك مشاري: ياعيني ياواثق راكان: مو يحقلي زياد: ههههه يحقلك ونص_عند خليفه وماجد_كان ماجد قاعد يقرأ بكتيب صغير وخليفه يلعب بالBSP _ خليفه: أبوبندر ماجد: هلا خليفه:هلابك أكثر متى نلبس احرامنا ماجد:لما نصير فوق الميقات خليفه: طيب متى ماجد: بعد شوي إن شا الله _أما بسام وعبدالله طايحيله ضحك وملاغه_وطلال وعبدالسلام يسولفون _ لما قربوا من الميقات قاموا الشباب واحرمو_ الكل: لبيك اللهم لبيك؛ لبيك لاشريك لك لبيك؛ إن الحمد والنعمة لك والملك لاشريك لك_ كان طلال وأنور وبسام يبجون ويلبون لأنهم أول مره يروحون لمكه _طبعآ باجي الشباب مشاعرهم متفاوته_ استمرو بالتلبيه لما وصلو مطار جده_ انهو اجراءاتهم وكان باص الحمله اللي جايين معاها ينطرهم عند باب المطار _ وصلو مكه وراحو الفندق وحطو شناطهم وجددو وضوؤهم وانزلو للحرم_ خليفه: شباب خلونا ننقسم على مجموعتين بالطواف والوعد عند باب الملك فهد راكان: أنا وزيود والنوري وبدور وميشو وسلوم مع بعض ماجد: وأنا وخليفه وعبود وبسوم وطلول مع بعض راكان: توكلنا على الله_ ادخلو الحرم مع بعض ولما شافو الكعبه وقفو شوي _ بدر: شباب قولو اللهم أنت السلام ومنك السلام فأجبنا ربنا بالسلام _ الكل قالها بسره _ تفرقوا وبدوا الطواف وبعد الطواف صلو ركعتين ورا مقام إبراهيم عليه السلام وبعد الصلاة راحو لزمزم وشربو منها وكبو على بعضهم وكانت مشاعرهم مايعرفها إلا اللي عاش هالموقف _اجتمعو عند باب الملك فهد وصعدو المسعى مع بعضهم وبعد السعي صلو المغرب وكان أذان العشا يأذن صلو العشا بالحرم وردو الفندق وكانو تعبانين _ كانت الغرف بالفندق سويتين يم بعض وكل سويت فيه غرفتين وكل غرفه فيها 3سراير _خليفه وماجد ومشاري مع بعض_زياد وراكان وعبدالسلام_أنور وبدر وطلال_عبدالله وبسام مع بعض_ تسبحو الشباب وكان العشا جايبينه تعشو ونامو _ أما زياد مانام لما تطمن عليهم وبعدها اتصل على <تاج راسي>_ زياد: السلام عليكم صقر: وعليكم السلام هاه بشر خلصتو زياد: الحمدلله والحين نامو كلهم صقر: تقبل الله طاعتكم زياد: منا ومنك صالح الأعمال ياالله يبه حبيت أسلم عليك ياغالي صقر: الله يسلمك وديرو بالكم على نفسكم واستانسو سلملي عليهم زياد: يوصل ياغالي مع السلامه_سكر التلفون من أبوه وراح ينام_ نترك أبطالنا يرتاحون والله يتقبل منهم ومنكم صالح الأعمال وموعدنا معاكم لما يقعدون_ الساعة 3 الفجر قعد بسام وقعد عبدالله معاه وقعدو الشباب وتسبحو وبدلو ملابسهم وعالساعة 4 كانو بالحرم_ صلو قيام الليل وأوترو وبعدها صلو الفجر وقعدو بالحرم يقرون قرآن لما طلعت الشمس _ ماجد: شباب مشتهي خبز تميس راكان: لاتشهيني عاد مع الفول لايحوشك عبدالسلام: شباب لاتيوعوني زياده ترا ميت من اليوع زياد: خلاص شباب خلونا نصلي الضحى ونطلع ندورلنا مطعم يبيع فول وتميس بدر: أنا أعرف مطعم يبيع تميس وفول بس خلنا نصلي ونتوكل على الله _صلو الضحى وراحو لمطعم خذولهم فول وتميس وردو للفندق وقعدو يتريقون_ طلال: يعطوكم العافيه شباب بصراحه هذا الريوق وإلا فلا مشاري: ليش طلول أول مره تذوقه طلال: إي والله أول مره أذوقه خليفه: بالعافيه على قلبك زياد: شباب الوالد يسلم عليكم الكل: الله يسلمه راكان: صج زوزو ذكرتني ماكلمت أهلي _ خذا التلفون ودق عالبيت _طوط طوط_ راكان: ألو السلام عليكم رغد: ألو هلا والله هلا راكان شلونك شخبارك راكان: هلافيج أكثر شمقعدج من الصبح وشيايبج عندنا رغد: والله سهرانه أنا وريم وراشد وأمي وخلودي راكان: فديتا حبيب خاله شخباره رغد: والله بخير ومشتاقلك راكان: يابعدي هو أمي عندج بكلمها رغد: إي لحظه أم راكان: هلا ومرحبا بالغالي شخبار يمه عساك بخير راكان: هلا ومرحبا فيج أنا بخير يمه ودعيتلج عند الكعبه أم راكان: الله يتقبل طاعتك ويحفظك يمه والله البيت من بعدك ماله طعم راكان: ياحبيبتي يايمه إن شا الله جم يوم بردلج ياالغاليه ياالله يمه تبين شي أم راكان: أبي سلامتك يمه دير بالك على حالك راكان: أبشري يا الغاليه _ سكر راكان من أمه ورجع يكمل ريوقه_ عدت هالأيام عالشباب وكانت من أمتع أيامهم اللي ماراح ينسونها_ بعد أسبوع ردوا الشباب الكويت وردوا لحياتهم الطبيعية والدراسه والمدرسه _ كان هالكورس بطيء شوي بس قدرو أبطالنا يجتازون صعوبته ويشدون حيلهم _ بدت عطلت الصيف_كانوا خوات زياد قاعدين بالصاله _ نشميه: أأه متى أولد وأرتاح بس تعبت موضي: لاحقا على غثتا خليه يرتاح وبعدين تو الناس باجيلج 5 شهور نشميه: تكفين لاتذكريني أنا4شهور وأحس إني بموت مضاوي: أكلي تغذي عشان ماتتعبين نشميه: شسوي ماأشتهي وإذا غصبني جراح عالأكل أرجعه على طول _ دخل زياد_ زياد: ياهلا ومرحبا تو مانور البيت نشميه: بطلتك ياغالي شخبارك عساك بخير ومبروك النجاح تستاهل كل خير زياد: الله يبارك بعمرج ياالغاليه متى ييتي نشميه: من ساعتين ودقيت عليك جهازك مغلق زياد: شسوي كنت عند رفيجي وطفا علي مافيه شحن_خذا تلفون موضي وبدل بطاريتها ببطاريته_ نشميه: شخبار أمك وندى ونصور زياد: والله الحمدلله كلهم بخير ونعمه أنتي شخبارج مع الحمال عسى بس مو متعبج حبيب خاله نشميه: والله يعني يوم متعبني ويوم شحليله هادي مضاوي: توج تتشكين متعبني ومتى يطلع وغاثه جراح والحين تقولين هادي صج عوابت حريم نشميه: والله جراح ماعندا أغلى مني إذا ما أدلع عليه أدلع على منو زياد: ياعيني ياعيني وينك ياجراح تسمع هالحجي نشميه: ههههه _ ادخلت عليهم سلمى وشافت بناتها يضحكون مع زياد وحبت تغثه_ سلمى: أف ياربي حتى الوحده ماتقدر تقعد مع بناتها بروحهم أف ياربي موصي: يما شفيج _ قام زياد وكان خاطره مكسور ومنزل راسه_ زياد: أنا أستأذن بطلع نشميه: زيود وين ماشبعت منك زياد: معليش بروح لراكان سلمى: روح الله وياك _ طلع زياد من البيت وراح لبيت راكان بس مالقاه _ (العين لامن عانقت شوف الأحباب تبكي فرح مدري بتبكي حزينه)_طالع تلفونه وكانت نشميه بس مارد عليها ودقت مره ثانيه وحط جهازه صامت وظلت ادق ادق بس مارد عليها_ سليم: زياد وين يبي روه زياد: روح شاطي الشويخ سليم: هازرين للتيبين _ ابتسم زياد ابتساما صفرا _ قعد عالبحر ويشوف الناس والرايح والراد وظل قاعد هالبحر للساعه 4الفجر _بعدها رد للبيت _ كان أبوه وخواته وسلمى قاعدين بالصاله_ أول مادخل قامله أبوه_ زياد: السلام عليكم صقر: وعليكم السلام وين كنت وليش ماترد على تلفونك زياد: حاطا سايلنت من الليل سلمى: وين كنت شغلت بالنا عليك_ طالع زياد سلمى بنظرة استحقار_ زياد: كنت محل ماكنت محد له شغل فيني _صعد فوق بسرعه_طالع صقر سلمى بنظرة تهديد_ صقر: قسمن بالله ولوكان لج طرف باللي صار ماتلومين إلا نفسج_ طالع بناته_ صقر: انتو يابقر تحجن شصار في أحد مزعل زياد نشميه: يبه اهدا أنا أصعد وأشوفه صقر: أنتي انطقي هنيه وأنتن تكلمن نشميه: يبه أهدا تكفى_ عصب صقر_ صقر: قسم بالله لوماتكلمتن ماراح يحصل خير_ سحب عقاله اللي كان حاطه عالغنفه_ صقر: هو هالولد وتزعلونا بعد أنا أبي أفهم أنتن تغارن منه وتكرهنا ليش هاه ليش نشميه: يبه شتقول أحنا نحب زياد أكثر من نفسنا _ وقالته اشصار_ صقر: أيا بنت الذين ولج عين بعد تطردين زياد من بيته _ وصار يطق فيها وبناته يحاولن يمسكنه وهو يطق فيها ولارحمها_أما زياد دخل غرفته وطاح على سريره وهو يبجي _ زياد: يمااااااا وينج عني وينج آآآآهههه يارب ارحمني يارب أنا راضي بحكمك يارب ارحم عبدك يارب _سمع صراخ خواته وفز من سريره ونزل يركض خاف إنا أبوه فيه شي ولما شاف أبوه يطق سلمى جاه بسرعه وسحبه بقوه وبعده_ زياد: يبه اهدا تكفى ختولي ماعليك منها صقر: خلني يازياد خلني أفرق حرتي شوي بنت الذين زياد: يبه عشان خاطري خلاص جذي كافي أنتي عطيتها حقها وزياده صقر: اخذوها عن وجهي لأجيب أجلها اليوم _ خذنها بناتها وزياد خذا أبوه لغرفته_ زياد: استريح ياالغالي شدعوه تخلي مره تعصب فيك صقر: صبرت لما طفح الكيل _انتبه لعيون زياد وكانو حمر من البجي_ صقر: زيود كنت تبجي_ ابتسم زياد_ زياد: لاياغالي بس نعسان صقر: الحقيرا هيا السبب زياد: يبه قلتلك نعسان شرايك تنام عندي اليوم خاطري أنام بين ايدينك صقر: أبشر ياغالي بس ييبلي حبوب الضغط لأني أحس راسي بينفجر زياد: أبشر طال عمرك _ طلع من غرفته وشاف نشميه توها طالعه من غرفة أمها_ زياد: نشميه نشميه: هلا زياد بغيت شي أبوي شخباره زياد: أبوي تمام بس ييبي حبوب الضغط ملوتا نشميه: دقايق _ جابت حبوب أبوها خذاهم زياد وراح لغرفته _أكل صقر حبوبه وحط زياد بين ايديه ونامو _ بعد أسبوع_ كان زياد قاعد مع أمه وأخوانه_ زياد: هاه يمه وين ناوين تصيفون هالسنة هنادي: والله عمك سالم وده نصيف بماليزيا وأنا والعيال ودنا نصيف بتركيا زياد: تركيا مره وحدا ياأم زياد هنادي: ياليت يقتنع أبو ناصر..وأنتا وين ناوي هالسنة زياد: إن شا الله بنروح للمكه والمدينة وأبها وبعدها نطلع لبنان ودبي بس ماراح نطول عشان عرس موضي هنادي: الله ييسر طريجكم إن شا الله ويوفقها زياد: عاد يمديج تحضرين عرسها إن شا الله هنادي: إن شا الله ناصر: زيود ودي تسافر معانا هالسنة_ طالع زياد أمه ونزل راسه وبعدها رفعه وقال بصوت مخنوق: إن شا الله اليايات أكثر ندى: زيود تكفى حاول _زياد صكت الدنيا بوجهه_ زياد: يمه أستأذن ياغاليه تأمرين على شي هنادي: وين يمه تو الناس أقعد مافي روحه وبعدين نصور وندو ماقالو شي غلط حتى آنا ودي أنك تسافر معانا زياد: يمه ماودي أكون بيوم من الأيام ثقل على قلب أحد يكفي زياراتي وقعداتي عندكم أحس عمي مايآخذ راحتا ببيتا بسبتي _عصبت هنادي وصار وجهها أحمر_ هنادي: ناصر خذ أختك وروحو فوق ياالله_ قامو ندى وناصر _أما زياد فماقدر يحط عينه بعينها_ هنادي: أنا بأسألك سؤال واحد منو اللي حاط هالسالفه براسك زياد:..... هنادي: أسمعني قسمن بالله لوسمعت هالكلام مره ثاني ماراح تلوم إلا نفسك فهمت زياد بصوت واطي: فهمت هنادي: والسفر بتسافر معانا سمعتني زياد: يمه اعذريني ماأقدر أسافر معاكم هنادي: وليش إن شا الله زياد: يمه لاتفهميني غلط بس أنا ودي أسافر مع خواتي وأبوي محتاجني هنادي: وأنا ليش ماأبيك يعني_ وقف زياد وقال وهو يبجي: شسوي يعني أطيعج ولا أطيعه أسافر معاج ولا معاه موبكيفي أجمعكم مع بعض حرام عليكم والله ضعت بينكم مدري منو أرضي أنا ضايع ضايع _طلع من البيت بسرعه وهو يردد أخر كلمه_ حاولت هنادي تلحقه بس كان أسرع منها _ركب السياره_ زياد: سليم اطلع سليم: وين يروه زياد: جهنم الحمرا اطلع بس _راح لمنطقته وكان أذان العشا يأذن_ وزياد طول الطريق يبجي _ زياد: وقف عند مسجدهم _دخل المسجد وشاف الشيخ يوسف قاعد يردد ورا الأذان _ دخل وقعد لماانتهى الأذان وبعدها صلى تحية المسجد _مسك المصحف وقعد يقرا وكل هذا عشان الشيخ مايسأله عن سبب دموعه _أقامت الصلاة وكان زياد بالصف الأول وماحس إلا بالشيخ يوسف يقدمه للإمامه_تقدم زياد وهومرتبك _بدأ يقرأ وكان صوته غليظ شوي بس حلوه تلاوته _بعد الصلاة وبعد مااستغفر ثلاث مرات التفت للناس وكان أبوه بالصف الثاني بس قباله_سوى نفسه كأنه ماشافه_قام وصلى السنة وظل قاعد بس حس أن الناس اطلعو ومابقى إلا شوي قام وكان بيطلع من المسجد بس إيد أبوه كانت أسرع منه _ صقر: زيود _نزل زياد راسه عشان أبوه مايشوف عيونه_ زياد: هلا يبه صقر: آآههه أمش البيت زياد: مابي أروح البيت صقر: ليش زياد: بس مابي _ جاهم الشيخ يوسف وكان ملاحظ عيون زياد _ الشيخ: بارك الله فيك يازياد زياد: مشكور ياشيخ صقر: شيخ شوفلي صرفه معاه زياد: يبه صقر:محد يقدر عليك غير الشيخ الشيخ: لايابوزياد ولدي خوش ولد ماشا الله عليه مايغث أحد صقر: شوف عيون حمر وأقولا أمش معاي البيت موراضي زياد: قلتلك مابي أروح البيت مابي خلني بحالي تكفى خلني _كان المسجد فاضي وقتها_ صقر: زين ليش فهمني زياد: تكفى خلني بحالي ألقاها منك ولا من أمي ولا من هالدنيا حرام عليكم أنا ضعت بينهم ياشيخ كل واحد يبيني لنفسه تكفون خلوني أعيش لنفسي يوم بحياتي _قام يبجي _احضنه الشيخ يوسف وأشر لأبوه براسه يعني روح وخذاه ودخل فيه للمسجد وقعدو بطرف المسجد_ وكان زياد يبجي وتركه الشيخ شوي _ الشيخ: شدعوه ياولدي كل هذا بقلبك وساكت زياد: شتبيني أسوي ياشيخ الشيخ: قول اللي بخاطرك ياشيخ زياد: أنا ضايع ياشيخ الشيخ: زياد اذكر الله واحمده أنتا عايش بين أبو وأم كل واحد يبي رضاك ويبي يكون هو سبب ضحكتك وسعادتك غيرك يازياد أهلهم قاطينه ومايدرون عنه زياد: شيخ أنا ماقلت شي بس كل واحد منهم يطلب مني شي والثاني يطلب نفسه وإذا أخترت واحد منه قالي الثاني ليش وأنا مالي حق يعني شسوي معاهم أنا أدور رضاهم بأي طريقه بس كل شي له حد ياشيخ الشيخ: زياد أنا ماراح أقولك شتسوي لأنك عاجل وتعرف شلون تتصرف بس بقولك وبالوالدين احسانا وبقولك أمك ثم أمك ثم أمك ثم أبوك _فهم زياد قصد شيخه _ زياد: الله يجزاك الجنة ياشيخ الشيخ: أجمعين يازياد والحين أنت عارف اشراح تسوي _ قام زياد وحب الشيخ على راسه وطلع من المسجد ورد البيت وتسامح من أبوه _ عدت الأيام وسافر زياد مع أبوه بعد ماأقنع أمه واستانس مع خواته وكانت نشميه مسافره معاهم _ شهر 8 الساعة 9 بالليل وبالتحديد يوم عرس موضي كانت بالصالون معاها خواتها ورفيجت عمرها شروق وأختها أشواق _كانت موضي خالصه أهي وخواتها خلوني أوصفلكم شكلها(لابسه ثوب أفوايت حفر وضيق من فوق إلى نص الفخذ ومن تحت نافش وفيه شغل عالصدر ومن تحت شوارفسكي سلفر وطرحتها ستان أفوايت مغطيه شعرها كله مجمعه عن جنب ومسويه شعرها عن جنب مسويته كيرلي وحاطه ورده حمرا ومسكتها ورد مربوط مع بعض أفوايت وبالنص ورده حمرا) أما نشميه (ثوب لحمي ناعم وفي قصت حوامل وشريطه سلفر من تحت الصدر ومربوطه بالنص على شكك فيونكا وحاطه شال ناعم حرير على كتفها ومسويا شعرها كيرلي وبفه كبيره ومكياجها سلفر ناعم) أما مضاوي (ثوبها لونه أخضر غامج كت وقصه فرنسيه ووسيع من تحت ولابسه سديري كم طويل وصاير من قدام وظهرها طالع من ورا ومسويا شعرها سيطه وقذلتها عن جنب وحاطه ورده برتقاليه بشعرها ومكياجها برتقالي ببني ناعم وحمرتها برتقاليه) أما رفيجتها شروق كانت ناعمه حيل(لابسه ثوب عنابي قصير وفيه شريطه من جهت الصدر سلفر ولابسه كعب سلفر ربط ومسويه شعرها بجل وحاطه اكسسوار سلفر ناعم على شعرها)أما أشواق كانت (لابسه ثوب أحمر ناعم وطويل وكت من الصدر وإيد فيه وإيد مافيه وفيه شغل خفيف فضي عالصدر وكانت بيضه ومسويه شعرها سيده بس ماخذه خصلتين وحاطتهم مع بعض وحاطه حمره حمرها وكانت ناعمه) _ وصل زياد معاه الليموزين واتصل بنشميه_ زياد: السلام عليكم نشميه: هلا زيود وعليكم السلام زياد: خلصتو ولاتو نشميه: لاخلصنا وينك أنتا زياد: أنا عند باب الفندق ياالله انزلو نشميه: ياالله الحين نازلين _سكرت نشميه من زياد_ نشميه: ياالله بنات الليموزين تحت _ انزلو البنات ونزلو موضي _شروق كانت متغطيه أما أشواق كانت حاطه ملفعها على شكل نقاب ولابسه عباية كتف_ عند الباب كان زياد يساعد موضي عشان تصعد _ وكان لابس دشداشه صفرا بزمه ولابس شماغ أحمر ومنسف من جهه وجهه منزلها ومسوي سكسوكه وطالع شكله روعه _ أشواق من شافته افتحت حلقها وتقول لشروق أختها بصوت واطي _ أشواق: شروق شروق: هلا شتبين أشواق: يازينه شروق: اذكري الله أشواق: بسم الله عليه فديته شروق : وجع تعرفينا عشان تفدينه اسكتي لاتفضحينا _كانو واقفين ورا موضي _دخلو موضي بالسيارة وركبو كلهم بس أشواق ورد زياد ورا وماكان منتبه وصدم فيها حيل وبغت تطيح وبسرعة مسك زياد ايدها وسحبها ومن قوة السحبه لصقت بصدره _وظل يطالع فيها وهي تطالع فيه وبعدين انتبه وبعد عنها_ زياد: أسف ماكنت منتبه أشواق بصوت واطي: لاعادي مسامح_ ركب زياد الليموزين مع موضي ونشميه وركبت شروق وأشواق ومضاوي مع السايق _شروق تقول لأشواق بصوت واطي: فضحتينا أنتي ووجهج على طول لزقتي بالصبي أشواق: ..... شروق: أشواق أشواق أشواق: هلا هاه شنو في شروق: شفيج أكلمج ماتسمعين أشواق: لا ماسمعتج شبغيتي شروق: يصير خير ان شا الله _ طول الطريق الكل يصفق ويغني إلا اثنين كل واحد يفكر باللي صار _ نشميه: زيود الفال لك إن شا الله وأرقص بعرسك زياد: ...... نشميه: زياد شفيك ياهو ياصبي وين وصلت زياد: هاه لامعاج بس شكنتي تقولين نشميه: إي واضح معاي _وصلو الصالة وكانت سلمى باستقبالهم هي وأم المعرس(أخت سلمى والمعرس اسمه محمد عمره 26 ودكتور بالطب وكان يحب موضي ويموت فيها بس هي ماتدري عنه ووافقت لأنه ولد خالتها) دخلت موضي الصالة وأصرت على زياد إلا يدخل_ موضي ماسكه إيد زياد: زياد لاتخليني زياد: مقدر ياخوج أدخل موضي والدمع بعينها: ليش نشميه دخلتها زياد: موضي تكفين موضي: أنت اللي تكفى هانت عندك أختك زياد: ماهنتي ياالغاليه بس شروق: زياد لابس ولاشي دخلها واطلع الحين تبجي علينا وتخرب مكياجها زياد: أمرنا لله موضي: فديتك _ دخلت موضي على أغنية شيخة الزينات _ زياد تضايق بس صبر نفسه لمايقعدها بعدها يطلع _وكانو جيرانهم وأمه وندى أخته وأهل ربعه حاضرين _ قعدت موضي وكان زياد بيطلع بس مسكته موضي_ طالع عيونها وقعد شوي عشانها_ جتلهم أمه وأخته _ هنادي: بالمبارك إن شا الله ياموضي والفال إن شا الله لمضاوي مضاوي: آمييييين زياد هنادي نشميه: ههههه _ سلمت هنادي على زياد وصورت معاهم وبعدها طلع زياد من الصالة_ صعدو البنات يسلمون على موضي ويباركولها _ موضي: الله يبارك فيكم _ دخل محمد ودخلته أمه وخواته وأبوه وأخوانه أحمد(عمره23سنة) وحمد(20سنة)وحامد(17سنة)_ قعد محمد ورقصو اخوانه وبعدها طلعو وقعدو المعاريس شوي وبعدين طلعو _(أخت سلمى أم محمد عكسها بالضبط طيبه وحبوبه وعيالها مثلها وهم بدو موحضر هالشي هو اللي خلا موضي توافق على محمد)_ ردو البنات مضاوي وأشواق وشروق مع السايق ومعاهم زياد _لأن نشميه راحت مع جراح_ بالسيارة نزل زياد المرايه ينسف اجريمبا ورفع عينه وطاحت على عيون تطالعه سرح فيها بس تعوذ من ابليس وعدل شماغه ورفع المرايا_ زياد: شروق وصفي للسايق على عنوانكم شروق: رامو أنتا يعرف عنوان أنا صح رامو: إي ماما أنا يأرف إنوان زياد: وأنتا اشعرفك رامو: أنا دايم يودي ماما مودي زياد: أها طيب وفرت علينا الوصف أشواق: مضاوي ممكن تلفونج مضاوي: إي هاج إياه _ خذت أشواق تلفون مضاوي تدور فيه لما لقت اللي تبيه_ شروق: مضاوي جم باجيلج وتخلصين مضاوي: سنتين وأفتك شروق: وأنتا زياد بأي صف هالسنة زياد: أروح 11 شروق: ياي زياد توك شكلك أكبر زياد: هههه شسوي هذا عمري والطول جاني من أبوي شروق: هههه شكلك أطول ربعك زياد: جنج تدرين _(العين لامن عانقت شوف الأحباب....)_<والله غالي>يتصل بك_ زياد: ألو هلا والله وعليكم السلام راكان: هلا فيك خلني أسلم بالأول بعدها رد زياد: شسوي مشتاقلك بشرني عنك عسى مرتاح راكان: الحمدلله مرتاح دامي سمعت صوتك زياد: فديتك حبيب قلبي متى وصلت وشخبار مصر راكان: تونا وصلنا والله وناسه على كيف كيفك وأنتا شخبارك وشخبار عمي زياد: والله بخير ويسأل عنك اخلص اشجبلي وياك راكان: مالت عليك هذا اللي تفكر فيه زياد: عيل ميت عليك ههههه_أشواق بصوت واطي: فديت هالضحكه وراعيها_ راكان: أقول أقلب ويهك أول ماأوصل البيت ألقاك جدامي زياد: أوكيك مسافة السكه وأكون عندك وأنا اشعندي أغلى منك أنت وخشتك هههه راكان: خشتك أغلى ههههه_ سكر التلفون_ زياد: مضاوي ريم ردو من مصر مضاوي: ياااي وناسه وحشتني هالبنت زياد: اشرايج نروحلهم مضاوي: ياليت يازوزو زياد: أصغر عيالج زوزو مضاوي: شسوي من الفرحه ياي مشتاقتلها هالخايسه_ وأخيرآ تكلمت أشواق: شكلج تغلينها حيل_زياد بداخله يازين صوتها كلها رقه ونعوم_ مضاوي: ريم أغلى رفيجاتي وبنت فريجنا أشواق: يعني عشرة عمر الله لايفرقكم مضاوي: تسلمين ياقلبي _وصلو شروق وأشواق لبيتهم _شروق: يعطيكم العافيه زياد: حياج الله_مشوا _ زياد: رامو روح لبيت راكان رامو: إن شا الله زياد_ لحظة صمت_ مضاوي: زياد زياد: هلا مضاوي: اشصار بينك ويين أشواق زياد: هاه لاماصار شي بس دعمتها من ورا وأنا ماأدري مضاوي: أها بس جذي زياد: إي بس جذي ليش في غيره مضاوي: لابس حبيت أسأل لأني شفتك ولا أقول خلاص خلاص زياد: شفتيني شنو بغت تطيح ومسكتها فيها شي هذي بعد مضاوي: لامافيها _وصلو لبيت راكان ونزلو ودخلت مضاوي عند ريم _ راكان: هلا وغلا ومرحبا بالغالي زياد وهو يحضن راكان: هلا فيك أكثر تو مانورت الكويت راكان: يابعدهم منوره بأهلها _دخلو وقعدو بالديوانيه_ عند ريم ومضاوي_ ريم: الله الله شهالكشخه شكلج مخطوبه اليوم مضاوي: هههه حبيبتي أنا ماأخذ إلا واحد ماكو غيره ريم: ياعيني ياعيني وينك ياراشد تسمع هالحجي_ كان راشد مار من غرفة ريم وسمع أخر جملة وفتح الباب _ راشد: هذا أنا هنيه شبغيـ ــ ــ_ وقف يطالع بمضاوي وفتح حلقه على جمالها _ مضاوي تطالع فيه وتقول بداخلها اشكثر مشتاقتلك _بعدها انتبهت وتغطت بعبايتها_ راشد: أسف ماكنت أدري إنا القمر نازل عندج ريم: لاعادي اطلع زين الحين_ وهويسكر الباب _ راشد: وحشتيني ياالغلا_ وطلع_ ريم تطالع مضاوي ومضاوي مستحيه_ ريم: ههههه ماشا الله جدامي بعد تبون تخربوني_ مضاوي تطقها على كتفها_ مضاوي: ويعه أنتي أصلن خربانه وخاصه ريم: ههههه مضاوي: مشتاقتله ياريم ريم: إي وبعد مضاوي: هيه إنتي بعد شنو بس تدورين علوم سولفيلي عن سفرتكم لمصر شصار اشسويتو_ أماراشد راح لغرفته وطاح على سريرة _ راشد: ياالله شكثر مشتاقلها فديتها ياحلوها بالأخضر_خلوني أوصفلكم راشد طبعآ هومايشبه راكان نهائيآ_( أسمر ووجه طويل شوي وسكسوكه وشعره طويل لحد رقبته وكثير وعيونه بني وكبار وحواجبه كثير بس مقوسه وفيه غمازتين وخشمه طويل بس جذاب ومملوح وطويل ومجسم عمره 24) حبه لمضاوي من لما كانت برابعه ثانوي لما كان أيام الامتحانات يشوفها توصل أخته ريم للبيت واعجبته وكانت عاقله وماتطالع وبعدها بسنه قال لريم عشان تقولها ومضاوي انصدمت بالأول بس بعدها صارت تتعود على جرأته لمايشوفها وبعدها صارت تحبه لأن راشد جذاب وكل بنت تشوفه تنجذبله بعكس راكان اللي ملامحه أقل من عاديه_ عند زياد وراكان ضحك وسوالف وبعدها ردو البيت وكل واحد راح لغرفته وحط راسه ونام_ أما موضي كانت قاعد تبجي وخايفه ومحمد مو عارف اشفيها _ محمد: موضي حياتي ليش تبجين_ موضي تبجي_ محمد: موضي أنتي مغصوبه علي _حط إيده تحت ذقنها ورفع راسها_ محمد: حطي عينج بعيني في أحد غاصبج علي ردي موضي والله أنا أحبج وأموت عليج وماصدقت إني تزوجتج وكنت دايم أترجا أمي عشان تخطبج لي والحمدلله إنج صرتي لي بس لأني أحبج ماراح أغصبج على شي أنتي ماتبينه موضي: لامحمد محد غصبني أناوافقت برايي محمد بنظرة حب: أجل ليش تبجين فديتج دموعج غاليه علي ياالله اضحكي علشاني_ نزلت موضي راسها وابتسمت_ محمد: ياويل حالك يامحمد موضي بصوت واطي: هههه محمد قط عقاله: ياويل حالي أنا فديت هالضحكه وراعيتها موضي بحيا: محمد محمد: عيونه وعمره وقلبه أنتي آآآه يازين اسمي من حلقج أروحلج فدوه أنا_ قعد يسولف ومانزل عينه لأنه مومصدق أن حبيبة قلبه صارت ملكه له بحاله _نترك معاريسنا يرتاحون _والوعد الفصل الجاي https://www.blog37.net/blog/wp-conten...waitcolors.jpg https://forum.alahliclub.ae/image.php...ine=1148895951 https://www.yini.org/big5/girl/0/0022-b.jpg https://upload.m0dy.net/2011/m0dy.net...1306465622.jpg |
رد: "قصة إنسان"
ياقلبي تسلميييييييييييييييين ع البارت الرائع
وانا بانتظارك يالغلا |
رد: "قصة إنسان"
ثلـــــــــــــــــــــــتوج
يسلمــــــــــــــــوااا يا قلبي أتمنى الجاي يعجبج ويعجب متابعين القصة https://www.mazikao.net/vb/imgcache/38365.png https://www.blog37.net/blog/wp-conten...waitcolors.jpg https://www.sarkosa.com/vb/imgcache/f...fcec8ba72e.jpg https://cars-club.maktoob.com/up/8-2-...b_75100343.png https://www.yini.org/big5/girl/0/0022-b.jpg https://www.ibtesama.com/vb/imgcache2/154956.gif |
رد: "قصة إنسان"
___الفصل الرابع عشر___
بدت الدراسة ورد الكل لحياته الطبيعية وبدت هالسة بحلوها ومرها واختار زياد تخصص علمي_ وزياد ومضاوي صارو حيل مع بعض أما نشميه ولدت وجابت بنت وسمتها<غلا> _يوم انفاس نشمية_ موضي: نشوم ترا شروق وأشواق بيجونج نشميه: حياهم الله _كانت موضي (لابسه دراعه بنفسجيه وفيها ربطه عالرقبه من نفس الدراعة لونه أخضر زيتي والكم وسيع من فوق وضيق من تحت بلون أخضر زيتي ومن تحت بالدراعه ثلاث دوائر تحت بعض كبيره ووسط وصغيره لونهم زيتي ولامه شعرها مالي خلق وحاطه مكياج ناعم) أما مضاوي(لابسه تنوره قصيره بيضا وفيها ورد أخضر تفاحي ووردي وبلوزتها ورديه ومنزله شعرها ولابسه ربطه ورديه وكعب وردي)_ كان زياد قاعد بالحديقه يدرس وكان لابس(برمودا عنابي وبلوزه حفر رمادي فيها حرف a عنابي ومسوي شعره سبايكي) _وصلو شروق وأشواق _وبما أن حديقتهم كبيره وماتوقعن أحد فيها قطو نقاباتهن_ وهن يمشن بالحديقه رفع زياد راسه وفتح حلقه لما شافها _هذي العيون يعرفهن وهي سرحت فيه_ شروق: قوه زياد شلونك زياد: هاه بخير وأنتو _انتبهت شروق إنا زياد وأشواق يطالعون ببعض وطقت أشواق بكوعها وانتبهت وقطت شيلتها على وجهها أمازياد نزل راسه_ شروق: بخير عساك بخير شخبار دراستك زياد: والله مثل منتي شايفه قاعد أدرس والله كريم شروق: الله يوفقك_ مشو شروق وأشواق ودخلو البيت_ أما زياد ظل يفكر _ياربي أنا شفيني من شفتها مامسكت نفسي بس ماتوقعتها حلوه جذي أعوذ بالله منك ياابليس_ كانت موضي باستقبالهم ورحبت فيهم وقعدو وسولفو وتونسو إلى صلاة المغرب وبعدها مشو _ عدت هالسنة على خير ونجحو أبطالنا_ وحملت موضي وجابت ولد وسمته<جاسم>_ بدت السنة وكان زياد بالصف 12_ وكان شاد حيله ويدرس _بالامتحانات النهائية كان باقيلهم بس ثلاث امتحانات_ راكان: زيود آنا خايف حاس إني ماقدمت عدل زياد: توكل على الله ومادامك درست لاتخاف راكان: الله يستر من باجر زياد: إي والله باجر كيمياء الله يعين بس راكان: أسئلتهم كأن واحد حاقد عليك زياد: ياربي رحمتك _ عدت هالثلاث أيام ثقيلة على الطلاب_ دخل زياد البيت وكان أبوه قاعد ينطره_ زياد: السلام عليكم_حب أبوه على راسه_ صقر: هلا والله وعليكم السلام هاه بشر شخبار امتحانك اليوم زياد: الله يستر أنا قدمت والله كريم صقر: الله يوفقك ياغالي _قعد زياد والشباب على أعصابهم وينطرون النتيجة_العصر كان زياد قاعد مع أبوه بالديوانية وكان خاله فواز وخالة هاني زايرينه بالبيت _ هاني: زيود متى نتيجتك خالي زياد: آآآههه اليوم بالليل ياخالي فواز: الله يوفقك إن شا الله صقر: آمين يارب والله لايخيب تعبه إن شا الله هاني: عاد وين ناوي تروح إن شا الله زياد: والله إن شا الله ياشريعة ياحقوق فواز: ماشا الله الله يحققلك اللي تبي _دخل عليهم جراح_ جراح: السلام عليكم الكل: وعليكم السلام_ قامو سلمو عليه وقعدو يسولفون_ جراح: فواز بشرنا عنك فواز: والله بخير الحمدلله جراح: مابغيت تتزوج فواز: إن شا الله ناوي بس موالحين جراح: ياخوي تزوج والله الزواج وناسه وراحه اسأل مجرب الكل: هههههه _دخل عليهم محمد_ محمد: السلام عليكم الكل: وعليكم السلام_ سلمو عليه وقعدو يسلفون_(العين لامن عانقت شوف الأحباب....)_ زياد: يبه صقر: هلا زياد: يبه رقم غريب آنا خايف يبه صقر: زيود تعوذ من ابليس ورد_طلع برا_ زياد: ألو --: السلام عليكم زياد: وعليكم السلام --: ألف مبروك النجاح والتفوق نسبتك 98% زياد: ياااااااااي الحمدلله الله يبارك فيج_سكر التلفون ودخل وكلهم كانو يطالعونه_ زياد: يبه باركلي 98% والله يبه والله _وركض وحضن أبوه وهو يبجي وأبوه يبجي معاه_ صقر: ألف مبروك ياغالي ألف مبروك هاني: الف مبروك وتستاهل كل خير جراح ومحمد: ألف مبروك فواز: خلني أخذ البشاره من أمك_ ابتسم زياد_ فواز: أللللووو هنادي: هلا فواز هلا والله فواز: جم تعطيني هنادي: أعطيك شنو وشالمناسبة فواز: بشاره تعجبج هنادي: لك اللي تبي فواز: أبي أكفخ زياد هنادي: وجع سوها وشوف اشراح يييك وبشارتك خلها لك فواز: خلاص خلاص يامعوده زعلت عشان ولدها هنادي: فواز خلصني فواز:زيود نجح بنسبة98% هنادي: صج كللللللووووش ياحياتي هو خلني أدق عليه فواز: كاهو عندي كلميه زياد: ألو يمه هنادي: ألف ألف مبروك تستاهل يايمه_ قامت تبجي_رفعت راسي زياد: الله يبارك فيج وراسج دوم عالي ياالغالية_سكر من أمه وراح يبشر خواته وباركوله_ وسواله أبوه حفله وحضرها كل ربعه وجماعته وجيرانهم وأمه وأخوانه_ بعد أيام_ زياد قاعد مع أبوه بالصالة وكانو قاعدين يكتبون رغباته للتسجيل بالجامعة_ صقر: هاه زيود اش ناوي تحط رغباتك زياد: يبه مدري بس حط أي شي صقر: زيود شفيك يبه زياد: يبه ودي أقولك شي بس صقر: قول ياغالي زياد: يبه ماأبي أدخل الجامعه صقر مستغرب: ليش زياد: يبه أبي أدرس بالخارج صقر: وين بالضبط زياد: بروح أمريكا مع ربعي صقر: بس يازياد أنا ماتعودت أفارقك يابوي زياد: يبه تكفى صقر: بس أمريكا بعيده زياد: يبه راكان وخليفه وأنور وطلال وبدر ومشاري بيروحون واحتمال ماجد بعد صقر: وعبدالسلام زياد: عبدالسلام بيلحقهم الكورس الثاني صقر: زين وآنا زياد: أنتا شنو صقر: يهون عليك تروح وتخليني وآنا ماعندي غيرك زياد: يبه كلها جم سنه وبرد يبه تكفى صقر: أأأففففف زياد: خلاص يبه براحتك واللي تبيه بيصير صقر: زياد لاتزعل يابوي بس والله الغربه صعبه عليك فكر زين واستخير ربك وشوف زياد: خلاص يبه أنا راح آخذ الحقوق بالكويت وإذا في مجال أكمل بمصر كملت _لديك رساله جديده_فتح زياد الرساله وكانت من نفس الرقم اللي دايم يرسله وحاطه لقب <مجهول>_ (ياصاحبي» لا مركـ الشوقـ وأشتقتـ «أذكـــر» ترى صاحبـكـ مـيتـ بشوقهـ )_ابتسم زياد لماقرا المسج_ طبعآ أنتو عرفتو منو المرسل_ مرت الأيام وسجل زياد بجامعة الكويت كلية الحقوق وانقبل قبول فوري _بدا السنة وكان زياد بروحه بالكليه _وعبدالله وبسام دخلو كلية الضباط_ كان زياد يحضر محاضراته ويطلع وتغيرت نفسيته وصار عصبي وانطوائي ودايم مضايق وماله خلق ومستواه بالدراسه صار متوسط _ يوم من الأيام كان توه طالع من المحاضره وكانت أشواق معاه بالجامعه بنفس الكليه وبالممر كانت أشواق تمشي بنفس الممر_ انتبهت لزياد وهو انتبه لها_زياد بينه وبين نفسه :ياالله تشبه أشواق حيل_قربت منه أشواق_ أشواق: السلام عليكم_ زياد سوا نفسه كأنه ماعرفها_ زياد: وعليكم السلام أشواق: زياد شلونك زياد: بخير منو حضرتج أشواق: أشواق زياد: هلا أشواق شلونج شخبارج أشواق سرحانه بعيونه: دامي شفتك أكيد راح أكون بخير_ظل زياد يطالع فيها وحس نفسه إنه مشتاقلها بس تعوذ من ابليس ونزل راسه_ زياد: أشواق أستأذن آنا طالع للبيت تآمرين على شي أشواق: أبي سلامتك _مشا زياد وسمعها تقول:فديتك والله أحبك_بس سوا نفسه ماسمع وكمل طريقه _بالسيارة _لديك رساله جديده_(قــربــــك" يعافي من قضى العمرتعبان^ وبعدك عذاب من نوى الله عذابه^)_قرا زياد المسج وابتسم _اتصل على راكان بأمريكا_ زياد:ألــــو راكان: هلا والله هلا وغلا ومرحبا ومسهلا وصينية حلا فديتك ياالغالي وفديت صوتك أنا زياد:ههههههه فديت قلبك وحشتني يابعدهم بشرني عنك عساك بخير راكان: والله بخير والحمدلله فديتك زياد: راكان راكان: هلا زياد: مشتاقلك راكان: ياروحي وأنا أكثر فديتك زياد: راكان الديره مالها طعم من دونك راكان: ياحبيبي يازيود والله مشتاقلك _شهق راكان_ زياد: ريكو ليش تبجي راكان: زيود فراقك صعب والغربه صعبه يازوزو تذكر تذكر أيامنا تذكر قعداتنا وسوالفنا وطلعاتنا زوزو آنا الحين فاقد كل هذا_زاد بجيه_ زياد: ريكو تكفى لاتبجي وبعدين الشباب كلهم عندك عيل آنا شقول خلها على الله ياغالي راكان: الشباب هم اللي مهونين علي بس والله محد يعوضني فيك زياد: راكان تكفى خلاص راكان: الله يعين ياغالي بشرني عن دراستك شخبار الجامعه زياد: والله ماشين الحمدلله راكان: أنتا وينك الحين شكلك بالسيارة زياد: إي والله توني طالع من الجامعه وبروح لأمي أتريق عندها راكان: شخبارها خالتي وشخبار نصور زياد: الحمدلله كلهم بخير ونعمه وأبشرك في أخو أوأخت ياينا بالطريق راكان: ماشا الله عالبركه من قدك زياد: يوه ياريكو ماتخيل شكثر مستانس راكان: إن شا الله دوم مستانس ياغالي زياد: ياالله ريكو تآمرني على شي راكان: أبي سلامتك ياغالي _سكر من راكان وراح لأمه تريق عندها ورد البيت _ مرة السنة ثقيله على زياد وراكان _بداية العطله_يوم من الأيام كان قاعد مع خواته وأبوه_ موضي: هاه زيود مستعد للسفر زياد يلعب جاسم: شسوي بروح لربعي مايقدرون ييون للديره وآنا ودي أغير جوي شوي صقر: أنتا بلغت راكان زياد: لايبه بسويها له مفاجأه نشميه: والصيفي زياد: تكفين آنا زين تحملت دوام هالسنه بعد آخذ صيفي من صجج أنتي نشميه: زين ليش عصبت زياد: ماعصبت ولاشي بس صج مالي خلق آخذ صيفي نشميه: عشان تخلص بسرعه زياد: الدراسه لاحق عليها نشميه: زين داوم صيفي وبعدين سافر زياد: نشميه واللي يرحم والديج غيري هالسيره أحسن صقر: زيود شفيك يبه زياد: ماكو شي بس هالسيره آنا ماأدانيها وبعدين آنا حر أداوم صيفي أوقف قيدي أسوي اللي أسويه محد له شغل نشميه: بس أنا أبي مصلحتك يعني هم يدرسون وأنتا تترك دراستك عشان تسافرلهم زياد بعصبيه: أنتي مالج شغل وبعدين آنا كبرت على تحكمج فيني آنا كيفي تفهمين شنو كيفي أبوي وهو أبوي مااعترض على شي عشان تيين أنتي تعترضين صقر: زياد خلاص هدي أعصابك واللي تبيه سوه نشميه: يبه أنتا مدلعه ازياده عن اللازم وبصراحه صاير قليل أدب ويرفع صوته علينا موضي: نشميه شقاعده تقولين زياد: احترمي نفسج أنا متربي أحسن تربيه صقر بعصبيه: خلاص احترموني عاد _قام زياد وطلع من البيت وهومعصب _ صقر: ارتحتي الحين هذا اللي تبينا طلع من البيت وهو معصب الله يستر موضي: يبه زياد متغير موهذا زياد اللي نعرفه صاير عصبي ونفسه بخشمه صقر: آآآآآههههه من سافرو ربعه تغير وصار عصبي ودايم بروحه ومايبي يكون أي صداقه مضاوي: يبه ليش ماتخليه يدرس معاهم بأمريكا صقر: قلبي مومطاوعني أبعدا عني أهو ولد واحد موضي: عيل بتخليه جذي شوف حاله شلون صاير مضاوي: والأكثر من جذي إنا مستواه بالدراسه صاير ضعيف صقر: والله أدري وملاحظ هالشي بس شسوي بقلبي نشميه: يبه أنا بمشي البيت صقر: وين ياأم غلا تو الناس نشميه: مالي خلق يرد زياد البيت وأتهاوش وياه مره ثانيه صقر: خندق عليه _طوط طوط طوط طوط_ صقر: مايرد الله يستر منا أخاف يسرع بالسياره هذا بايعها _أما زياد راح عند أمه وقعد يسولف معاها وماحسسها إنا فيه شي وكان يلاعب أخته <نوف>_ هنادي: زيود شخبار خواتك وعيالهم زياد: والله بخير الحمدلله_ طق الباب وكان فواز جايهم_ فواز: السلام عليكم الكل: وعليكم السلام_ قامو وسلمو عليه _ فواز: زيود شخبارك زياد: بخير دامك بخير فواز: الحمدلله دامك بخير هذا المطلوب هاه عزمت عالسفر إن شا الله زياد: إن شا الله ناصر: زيود متى بتسافر زياد: إن شا الله بعد باجر لأن باجر ملجت خليفه رفيجي وبعدها بسافر آنا وياه فواز: ماشا الله على خليفه بيملج باجر يحليله زياد: تدري خاطب البنت من لماكنا بعاشر والحين بيملج وبعد التخرج عرسه هنادي: الفال لك إن شا الله زياد: على إيدج يمه فواز: وين وين ياالحبيب خلني أتزوج بالأول وبعدين أنت زياد: وآنا اشعلي منك أنتا عانس أصلن ناصر: من سمعتك ياخالي وأنتا بتتزوج وماشفنا شي للحين فواز: بس آنا لقيتها خلاص زياد: كلللللللووووووش وأخيرآ هنادي: منو شاورلي عليها وأنا أروح أخطبها لك فواز: مضاوي أختك زياد: شقلت مضاوي انسى فواز: ليش أنا شفيني زياد: مافيك إلا العافيه بس أنسى أنتا تصير نسيبي بعيدا عن ويهك فواز: أفا هذا بدال ماتقول أبشر ياخالي وأنا بكلم أبوي تقول انسى مالت عليك من نسيب زياد: ههههه بكيفك أنتا صرت نسيبي ههههه عندك رقم أبوي وكلمه وإن شا الله لما أرد من أمريكا أسمع الأخبار الزينه فواز: آمييييين الكل: هههههه _ بعد يومين _ لبس زياد وكشخ ومر بيت خليفه وخذاه معاه للمطار_ بالسياره_ زياد: هاه بوخلي شخبارك بعد أمس خليفه: الحمدلله تمام التمام وأخيرآ ياخوك صارت ملكي زوجتي لي بحالي الحمدلله زياد: أيييي من قدك الفال لنا إن شا الله خليفه: آميييين زياد: إلا صج مجود شسوا خليفه: أبد خطبها رسمي من أبوها وإن شا الله العرس والملكه بعد التخرج زياد: الله يوفقا مجود يستاهل كل خير خليفه: وأنتا شصار عليك زياد: بخصوص شنو خليفه: بخصوص عرسك منت ناوي تعرس زياد: خلنا نخلص دراسه والعرس ملحوق عليه بس تدري خليفه: شنو زياد: ودي أتزوج اليوم قبل باجر خليفه: طيب وليه ماتقول لأبوك وأمك يخطبولك زياد: لايامعود ناقص آنا مشاكل مره ثانيه الحين كل واحد راح يختارلي من عندا وتعال يازياد وشوف من ترضي خليفه: طيب وليه ماتختار أنت زياد: على إيدك ماعندي مانع خليفه: أفا عليك أبشر أنت أشرلي على اللي تبيها وأنا أجيبها لك من شعرها زياد: هههه خليفه بصراحه ودي أناسب طلال خليفه: وتبي أي وحده من خواته زياد: أبي حنين أخته إيهي معاي بالجامعه وماشا الله عليه بالمحاضره ماتسمع صوتها ومؤدبه وغير هذا بنت حلوه وجذابه خليفه: استخير ربك وإذا ارتحت توكل على الله واخطبها زياد: أنا ناوي إن شا الله أخطبها أول ماأرد من السفر_ وصلو المطار واركبو الطيار وبعد ساعات وصلو لمطار نيويورك وخذولهم تكسي وراحو الشقه وكان الوقت ليل والكل نايم ماعدا ماجد قاعد ينطر خليفه _دخلو الشقه _ ماجد: هلا والله ومرحبا حيا العريس بالمبارك ياالغالي خليفه: الله يبارك بعمرك والفال لك إن شا الله_ دخل زياد وانصدم ماجد_ ماجد: زيود هلا ومرحبا والله لك وحشه ياالخايس _حضنه وسلم عليه_ زياد: هههههه فديتك هلا فيك أكثر والله فقدتكم ومشتاقلكم _قعدو _ زياد: ريكو وين ماجد: نايم بغرفته زياد: طيب آنا تعبان بروح أنام ماجد: خذ راحتك زياد: وين غرفة راكان ماجد: هذيك وتلقى مشاري وطلال نايمين عندا _قام زياد وبدل ملابسه ونام يم راكان _ بعد ساعتين قعد راكان من النوم وقعد عالسرير وهو يتمغط لف وانصدم لما شاف زياد يمه وفرك عيونه وفتحهم عالأخر_ حط إيده على وجه زياد وحس فيه زياد_وبصوت واحد نايم: راكان خلني أنام شوي ترا تعبان من أمس مونايم _قام راكان مثل المصدوم وطلع للصاله لقى ربعه كلهم قاعدين_قامو يضحكون على شكله_ راكان: شباب أنا بحلم ولا بعلم عبدالسلام: راكان شفيك شكلك تتحلم رد نام أحسن لك راكان: شباب صحوني _قام بدر وكب قلاص الماي بوجهه وفز راكان :ياحمار قلت صحوني مو سبحوني _طبعآ للحين محد يدري إلا ماجد وخليفه _طلع زياد من الغرفه وعيونه عين مسكره وعين مفتوحه وشعره كشه لأنه صار كثير حيل وحالته حاله _ زياد: شباب الساعه جم _ الكل انصدم وبصوت واحد: زيييييياااااد _التفت راكان وقام يصارخ_ راكان: زيود مستحيل ماأصدق _احضنه وقعد ينقز من الفرحه ويضحك ويبجي _ زياد: فديتك مشتاقلك راكان: أموت عليك والله أموت عليك _بعدها سلم على ربعه وقعدو ضحك سوالف لما قرب وقت دوامهم وقامو ولبسو ولبس زياد وراح معاهم للجامعه وراكان محد متخيل فرحته وكل شوي يبوس زياد ويقوله مشتاقلك وحشتني مومصدق ومن هالكلام _قضا زياد مع ربعه أحلى إجازه وكان باقي يومين ويرجع للديره لأن الدراسه قربت _أما فواز فراح وخطب مضاوي من صقر ولما قالها أبوها فكري بالموضوع راحت واتصلت بريم وريم هدتها وبلغت راشد اللي على طول راح وكلم وأبوه وهي رفضت فواز وجاها راشد وخطبها ووافقت عليه وتحددت الملجه وملجو والخبر وصل لزياد وهو بأمريكا وتضايق عشان خاله بس قال حقها واستانس لأنا شاف راكان مستانس عشان أخوه _ رد زياد للكويت رد لحياته الطبيعيه وتعب النفسيه والعصبيه وكان أبوه وخواته يتحاشون يكلمونه _كلم أبوه بموضوع زواجه وراح أبوه وخطبها له ووافقت البنت وطلال استانس ودق على زياد وباركله وملج زياد بالعيد ودخل ولبسها الشبكه وكان مستانس حيل وتغيرت نفسيته شوي _ وتزوجت مضاوي من راشد وكان عرسه قمه في الروعه ورد راكان وحضر العرس وبعدها رد لأمريكا _هذي الأحداث اللي صارت خلال هالسنة _مرت السنتين الثانيه سريعه وتخرج بطلنا وربعه تخرجو من أمريكا _ وردو الديره وتحد عرس ماجد وتزوج حبيبت قلبه _بعرس ماجد _ خليفه: تعوذ من ابليس يارجال شفيك متوتر ماجد: ماأدري بس عن جد خايف عبدالسلام: أقول أنت الريال وخايف عيل المسكينه شحالها ماجد: فديتها الشباب: أييييي ههههه ماجد: ياخوكم هذا مستقبل وعشرة عمر مويوم أويومين طلال: عادي ماجد: عادي بعينك باجر تجرب وتعرف العادي شلون مشاري: أشوف فيك يوم ياطلول طلال: آمييييين بدر: إلا زياد وراكان وينهم عبدالسلام: كالعاده طايحيله غراميات برا _راح أنور لزياد وراكان عشان يبلغهم إن الزفه بتمشي لصالة الرجاجيل_ مشت الزفه وكان ماجد مع خليفه ومشاري بسيارة خليفه الجكور _وزياد وراكان مع بعض بهمر زياد_ وطلال وعبدالسلام مع بعض بسيارة طلال الbmw _وعبدالله وبسام مع بعض بسيارة بسام الرنج _ أنور وبدر مع بعض بسيارة بدر الألتيما _وصلو الصالة ودخلو ماجد وسلم على الحضور وبعدها قعد بالكوشه وبدو الناس يجون ويهنون وجاهم حضور كثير _وصورو الشباب مع ماجد ورقصو عرضه قدامه لأنه رفض يجيب فرقه وبعدها طلعت الزفه لبيت أبوه وقعد وبدل دشداشته وعدل شكله وريح شوي وبعدين خذوه ربعه لصالة الحريم _دخل ماجد بروحه وكانت أوراد قمة في الجمال والأناقه وكان ماجد كل شوي يسرق النظره لها بس كان ثوبها جريء وشفاف من عند بطنها لكنها كانت عروس أجنبيه بنعومتها وأناقتها وبساطة لبسها _ قعدو شوي وبعدها طلعو وراحو للبيت وكان ماجد مستانس ومومصدق إنا حبيبته صارت له الليله_ دخل الشقه وصورو وبعدها _ ماجد: ياالله برا جدته: أفا يوم أخذت أوراد تطردنا برا ماجد: يديده الكلام موجه للجميع _طلعو وسكر ماجد الباب وقط بشته وقرب من أوراد ولبسها البشت _ ماجد: كللللللوووووش أوراد بصوت واطي: ههههه ماجد: فديت هالضحكه _دق تلفونه_ ماجد: يوه من داق بهالوقت يعني مايدرون إني موفاضي لأحد اليوم_ كان المتصل خليفه_ ماجد: هلا خليفه خير شعندك خليفه: أي خير أنت ووجهك وأنت مخلي سويج سيارتك عندي افتح الباب خذه ماجد: ليش أنت عند الباب خلا عندك وأنا أخذا منك باجر خليفه: لايابعد زولي أنت عشان تصجني باجر افتح خذ سويجك وفكنا _قط ماجد غترته على إيد أوراد وراح وخذا سويجه من خليفه ورد وكانت أوراد بنفس الوضيعيه اللي تركها عليها _ ماجد: أوراد فديت أنا بطنن جابتج استريحي ياالغلا ليش واقفه _قعدت أوراد وجا ماجد وقعد عند رجولها وظل يطالع فيها _ ماجد: هنيالي من قدي القمر نازل عندي الليله _ قامت تبجي أوراد _وقف ماجد ووقفها معاه _ ماجد: ليش ياغلا ماجد تبجين ترا دموعج غاليه_ حطت راسها على صدره وزاد بجيها _ ماجد: ياحياتي شفيج أوراد: ماجد وأخيرآ صرت لي وأخيرآ حسيت _ضمها ماجد لصدره أكثر_ ماجد: ههههههه والله أنا مومصدق حرام عليج والله كنت حاس فيج بس شسوي كان لازم أجيبلج الشهاده اللي ترفع راسج أوراد: ماجد أوعدني ماتخليني ماجد: إن شا الله ياروحي والله يقدرني وأسعدج _قعدو يسولفون شوي وبعدها راحو ينامون _نتركهم يرتاحون _وبعد أسبوعين كان عرس خليفه وماجد مسوي فيها أبوالعريف _ببيت خليفه_ خليفه: ماجد تراك صجيتني أناناقصك أنت وخشتك مسوي فيها فاهم عطني البشت أبركلك ماجد: بسم الله كليتني بقشوري هاك بشتك _لبس بشته _جاه زياد وراكان _ خليفه بعصبيه: شبعتو غراميات أنا أبي أفهم أنتو وش خليتو حق حريمكم راكان: وأنتا اشحارق خبزتك زياد: أنتا خلك بحالك أحسن هههه راكان: خايف على أختا وأخت رفيجه ههههه خليفه: راكان لاتخليني أحرمك منها طول عمرك راكان: لالالالالا يامعود إلا هالشي وأبوس راسك إذا تبي بس خلود ماتروح مني ماجد: يعيني عالحب لهالدرجه أخت خليفه مطيره عقلك_راكان طاح على زياد _ راكان: آآآآههههه أموت عليها زياد: فديت أنا الحب واللي يحبون _دخل طلال وبدر وأنور ومشاري عليهم_ زياد: حياالله طلال أسفرت وأنورت واستهلت وأمطرت أنور: إيه يهلي بنسيبه وأحنا مشفرنا طلال: مولله مهلي فيني أخلص شبغيت زياد: حبيب قلبي طلول يفهمها وهي طاير فديتك ياالنسيب طلال: هات من الأخر زياد: موجدامهم طلال: فهمناك أبشر باللي تبي زياد: تراني مستعجل طلال: خلاص أنت حدد العرس وفكني زياد: على راسي والله ياالنسيب ماجد: شكلك مشتاق من قلب زياد: أنتا مجرب وعارف _ جو باقي الشباب وركبو سياراتهم وطلعت الزفه لصالة العرس وطول الطريق والشباب يطوطون بهرناتهم وخليفه محد يتخيل فرحته _وصلو الصاله ودخلو خليفه وسلم عالحضور وبعدها بدو المهنئين يجون واحد ورا الثاني ويصورون مع خليفه_ وبعد العشا طلع خليفه مع ربعه وعيال عمه للبيت وصعد وبدل ملابسه وتعدل وتعطر ولبس بشته وبعدها راح لصالة الحريم ودخل ومعاه أبوه وقعد شوي وبعدها طلعو المعاريس وراحو بيتهم _كانت شذى (لابسه ثوب أبيض ثلجي نافش وكبير ومنثور فيه ورد وردي فاتح ومسويه شعرها تسريحه ناعمه وحاطه ورده بالتسريحه ومسكتها ورد وردي ولافه عليه شيفون أبيض) _وصلو البيت ورفض خليفه يصور بالشقه وطلع المصوره وبعدها قعد بكامل كشخته وقعدها جنبه _ خليفه: ألف مبروك يابنت العمه والله يوفق بيننا باللي يرضيه شذى:--- خليفه: شذى قبل مايصير أي شي بيننا لازم تعرفين كم شغله وأنتي بيدج الأختيار إن رضيتي بدينا حياتنا وإن رفضتي ردي لأهلج مثل ماجيتي منهم _شذى استغربت منه بس هزت راسه بمعنى موافقه_ خليفه: أجل اسمعي ياشذى أنا حبيتج بكل مافيني وللحين حبج بقلبي يزيد بس وصاتي ياشذى أمي وأبوي حطيهم بعيونج ولاتسوين شي يبغض خاطرهم والشي الثاني أنتي تعرفين طبعي وأبيج تنسين عباية الكتف وأبي عباتج على راسج أبيها تاج على راسج وأنا أوعدج ياشذى إن سويتي اللي أبيه لج مني أعيشج عيشتن ماحلمتي بها شذى: أبشر خليفه بابتسام: أجل توكلنا على الله _رفع إيدها وباسها وباسها على راسها_ خليفه: ونعم التربيه ياشذى _بعدها خذاها للغرفه عشان يرتاحون ويبدون حياتهم_ انتهى هالفصل وإن شا الله التقي فيكم بالفصل الجاي وأحداث جديده تنتظركم |
رد: "قصة إنسان"
https://fashion.azyya.com/user123314-...cture27943.gif
موضوع رآئع ...[ومتميز] دمتي على هذا النهج [وأفضل]... نحن بشوق لرؤية إبداعك [القادم].. أشكر لك تميزك [الدآئم]... تقبلي [مروري].. رنـــوووش https://fashion.azyya.com/user123314-...cture27943.gif |
رد: "قصة إنسان"
يعطيكي العافيه
بانتظار جديدك |
رد: "قصة إنسان"
رنوشه
آمال اشكركم من كل قلبي ع تشريفكم صفحتي وتشجيعكم وآرائكم حبايب قلبي اوعدكم الفصول الجايه بتكون احسن أختكم غسق الكويت |
رد: "قصة إنسان"
روووووووووووووووعه ياقلبي بانتظارك ياعسل
|
| الساعة الآن توقيت السعودية الرياض و الدمام و القصيم و جدة 08:45 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.