ازياء - فساتين سهرة و مكياج و طبخ - اقسمت عليكم بالله ادخلوا ساعدوني بتعذب او ادعولي دعوة

السلام عليكم

قولوا معايا لا اله الا الله سبحانك اني كنت من الظالمين

ربنا يفرج همي وهم جميع بنات المسلمين
مشكلتي انا مصرية ومخطوبه لسعودي اهلي كانوا معارضين بشده لانه مش من بلدي واتحملنا وقولنا لازم رضاهم وصبرنا كان يجي من السعوديه لحد ابويا ويرفض يقابله 3 مرات وابويا كان مقاطعني اتعذبت كتير والله

الحمد لله اخيرا وافقوا بعد معاناه طويله

واتفقنا نجهز شقه بمصر واخري بالسعوديه وكله تم والحمد لله والحين لنا اكتر من سنة مش قادرين نتزوج بسبب ورقه موافقة الزواج من اجنبيه اللي تيجي من الداخليه

ابويا قال الزواج بيكون في العيد الكبير وهو الي الان مش عارف يتحصل علي الورقه وزواجي اصبح مهدد بالانهيار وكل شيء ممكن يضيع

لا تتخيلوا حسرة قلبي لما اروح شقتي اشوفها وانا تعبت فيها وتجهيزها ومش قادرة اتمتع بيها
بجد حرام والله بعد كل العذاب هذه الورقه تفرق بيني وبين الرجل اللي اتمنيته و هو نفسيته صارت زفت وكل يومين عند طبيب شكل من التعقيد واصبح حزين ومهوم طول الوقت

اقسمت عليكم اللي تعرف لي طريقه نخلص بيها الورقه تدلني وليها الاجر ان شاء الله من رب العالمين او اللي تعرف شخص اتزوج من خارج السعوديه من قبل تساله وتفيدنا بالله عليكم استحلفكم بالله
ولا تنسونا بالدعاء ادعولنا بالله عليكم

في حفظ الله