ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   اطباق رئيسية و اكلات سريعة (https://fashion.azyya.com/25)
-   -   صينية الكوسه والبطاطس باللحمه المفروم (https://fashion.azyya.com/287180.html)

ღ<نـدى الـعــمـر>ღ 09-06-2011 10:25 PM

صينية الكوسه والبطاطس باللحمه المفروم
 
المقادير : كيلو كوسه - نص كيلو بطاطس صغيره للحشو - نص كيلو لحمه مفرومه متعصجه - نص كيلو طماطم مبشوره - 3 او 4 فص ثوم مفروم - نص قرن فلفل حار مقطع صغير - كسبره خضراء - زعتر جاف - روز ماري جاف - ملح - فلفل

الطريقه :: نقور الكوسه والبطاطس للحشو .. , ثم نقلي البطاطس نصف مقليه ,, اما الكوسه نرش عليه ملح وفلفل والزعتر والروزماري وقليل من الزيت مع التقليب ثم نشويها على الجريله على النار او نشويها في الفرن ( يادوب تاخد لون الشواء ) .. وبعدين نسيبها تبرد شويه

الصلصه :: نبشر الطماطم .. وبعدين نحط السمن والزيت في طاسه غويطه ونحط معاها التوم والفلف الاخضر الحار ونقلبها تقليبه صغيره على النار يادوب تخرج رائحة التوم وبعدين نحط الطماطم المبشوره مع التقليب ونزود كوباية ميه صغيره مع التقليب ونسيبها حوالي 10 دقايق على النار ( ممكن نزود معلقه صلصه حسب الرغبه ) وبعدين نحطلها الملح والفلفل ونطفي عليها

نرجع بقى للكوسه والبطاطس ,, الاول نحشي البطاطس باللحمه المفروه المتعصجه ,, وباقي اللحمه نحط عليها الكسبره الخضراء (مقطعه صغير ) ونقلبها كويس وبعدين نحشي بيها الكوسه

نحط الكوسه والبطاطس في صينيه ونحط عليها الصلصه ونغطيها بورق فويل وندخلها الفرن على حراره عاليه لمة 30 - 45 دقيقه
تتقدم مع رز بشعريه بتبقى روعه ... وبالهنا والشفا ويااااااااااااااااااارب تعجبكوا


الساعة الآن توقيت السعودية الرياض و الدمام و القصيم و جدة 04:33 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0