طريقة عمل سندوتشات cattycatty جديييييده..خطيييره ...رهييييبه
 

مقدارجبنه موتزاريلا مقدارطماطم شرائح مقدارمشروم مقدارقشطه فراخ او لانشون ديك رومي مقدارملح و فلفل ملعقةسكر لتحمير البصل مقدارمايونيز مقدارمسطرده و كاتشاب مقداربصل جوانح و معلقه سمنه لتحميره مقدارعيش فينو التحضير:نبتدي نقطع البصل شرايح او جوانح يعني و نحط معاه و هنا السر بقي في طعم البصل الخطييير
معلقه سكر
بتدي البصل لون غامق بسرعه و تسكره
نحمر البصل و لازم في حاجه تيفال لغايه ما يغمق لونه و بعدين ضيفي المشروم
و لازم المشروم يكون مغسول من المواد الحافظه
انا مش مسؤوله عن اللي حيحصل
كده الحشوه جاهزه عندناالطبخ: بصي يا ستي حتخدي شريحتين لانشون علي بعض و تحطيهم في نفس الصينيه اللي حمرتي فيها البصل بالشكل ده
و عليهم معلقه كبيره من الحشوه بتاعتنا و شويه جبنه موتزاريلا و نغطي الصينيه و توطي النار خالص دقيقتين بس
مسافه ما تشخطي في واحد من ولادك مثلا
و تشيلي الغطاء حتبقي بالشكل ده و ريحتها تهبل
تكوني محضره الفينو و عامله الصوص (هو ممكن مايونيز بس بس انا بحط مايونيز علي معلقه كاتشاب علي معلقه مسطرده )
عشان نقلل السعرات الحراريه
و ترصي الطماطم و ناخد الانشون بالخلطه و الجبنه كده حته واحده و نحطه في الساندويتش