ازياء - فساتين سهرة و مكياج و طبخ - إذا لك حق في قلبي فأنا لي فـي غـلاك حقـوق

على طاري صباح الورد, وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه
على درب القصيد أسوق قلبي والخطـاوي شـوق
وإذا مالت بـي الخطـوة , علـى دربـك تناسيتـه
يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه
أحبك دمعتـ(ن) طاحت , على خد الصباح شـروق
يموت النور لـو طاحـت , علـى كفـي وضميتـه
أحبك , إيه أحب إسمك . وأمـوت بجيـدك المنتـوق
و تخيل كثـر مـا أكـره صـدودك , قمـت حبيتـه !!!
تعال , إجرح على كيفك , تربـع واستحـل عـروق
تدلـل والبسـاط أحمـد , وأنـا لرضـاك مديـتـه
قم إسهج لآخر ضلوعـي,تغلغـل داخلـي برفـوق
حلالك ما بقى منـي , مـع اللـي لأجلـك أفنيتـه
من اللي من غديت أجمل قصيدة ما غـدا لـه ذوق ..؟؟؟
ومن اللي كتـب باسمـك قصيـده وانكسـر بيتـه ...؟؟
وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه
دخيل الدمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه
إذا لك حق في قلبي, فأنالي فـي غلاك حقـوق
و حقوق الشوق محفوظـة , وحـدي مـا تعديتـه
يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليتـه