ازياء - فساتين سهرة و مكياج و طبخ - وحيد و لا على بالي سوى شارع جفاه النور

- ادب و خواطر (https://fashion.azyya.com/40)

وحيد و لا على بالي سوى شارع جفاه النور

وحيد و لا على بالي سوى شارع جفاه النور
وحيد و هاجس الحيره .. تغافلني و سكن أقصاي
على ذاك الجدار اللي مسامرني و انا مقهور
جلست و كانت العبره / تبي تغتالني .. لولاي
يأست و ما بقى غير القمر .. أكشف له المستور
يمر الوقت و الساعه .. عقاربها ملت دنياي
عزاي انه مضى وقتي ادور للشعور اشعور
عزاي اني تعبت القى لصوتي يامجافي / ناي
تعال و شوف هالعالم بدونك يالغضي مهجور
.. شوارعنا ..
.. جدار البيت ..
.. حديقه تفتقد للماي ..
تعال و شوف هالضيقه لفتني لا احم دستور
يصير تشيل مصباحي
و الملم فـ / الظلام اشياي
حسافه تترك الأوجاع .. تغزي صاحبك بالدور
.. وجع بعدك ..
.. وجع شوقي ..
وجع دمر حصون احشاي !!
وجع سيطر علي كلي !!
وسوى عاصمه و قصور
وجع خلا إحاسيسي تقول لسطوته : مولاي
و ادورني و الاقيني ( هواء محتاج عشر صدور )
هواء محتاج له دنيا : سعيده
مو مثل دنياي !!
انا صوره كساها اليأس .. غدى بروازها مكسور
من الأيام !!
من جروحك !!
و قلبٍ داخلك نساي !!
انا قلبٍ من الضيقه , عجز لا يشتعل و يثور!!
كساه الوقت هم و غم
و مات بضيقته جواي
انادي للأمل لكن .. يرد الصوت لي مبتور
ارد اصرخ بعالي الصوت
و تبقى حسرتي ملجاي
و انا باقي على عهدي / اترجم وحدتي بـ .. سطور
وحيد و لا على بالي
سوى شارع .. و مل إخطاي !!

رد: وحيد و لا على بالي سوى شارع جفاه النور

بين كلماتك وجدت الرقه والعذوبه
وبين سطورك وجدت أروع السطور .
ابدعتي بما سطره حرفك وأجاده نزف قلمك
تقبلي مروري

رد: وحيد و لا على بالي سوى شارع جفاه النور

أبدعتـــي بــمآآ نثرـرـرتــي

كلمـــآآتـ رائعــهـ وإحساسـ جميل

ومعـــــآآنـــــي يعجز القلب عن وصفهآآآ

تقبلي منـــي أعطر آلتحآآيآآ

رد: وحيد و لا على بالي سوى شارع جفاه النور

رووووووووعه
يعطيك الف عافيه
على جمالية طرحكـ دائمآ متميزهـ بجديدكـ
تسلم يمينك يالغلآ
تحيتي لك
مكللة بالتقدير

رد: وحيد و لا على بالي سوى شارع جفاه النور

اسعد الله قلوبكِم وامتعه بالخير دوماً
أسعدني كثيرا مروركِم وتعطيركِم هذه الصفحه
وردكِم المفعم بالحب والعطاء
دمتم بخير وعافية
لكِم خالص احترامي