ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   ادب و خواطر (https://fashion.azyya.com/40)
-   -   ماهو كفو الوقت حبك يمحيه (https://fashion.azyya.com/291176.html)

احلام شاعرة 09-17-2011 05:17 PM

ماهو كفو الوقت حبك يمحيه
 


السلام عليكم ورحمة الله وبركاته
قصيده جميله جداً من جديد الشاعر الكبير محمد بن فطيس المري
حبيت اني انقلها لكم لكي تستمتعو بابداعته https://fashion.azyya.com/images/smilies/hrt.gif




ماهوب كفو الوقت حبك يمحّيه
ياللي تخاف صروف الايام تمحاه


ارتاح دام ان المواصل يقويه
انت . انت وانا . انا وقلبي هو إياه

حتى ولو بتغيب ذكراك تكفيه
ياواحدٍ تكفي عن الناس ذكراه

حُبك على رملة خفوقي مواطيه
ورياح عذلي عَنك ماتمسح خطاه

واللي يعذل القلب عن درب غاليه
( يالله عسى اللي يبلا المواليف يبلاه )

اخفيه يابلفيت والحال يبديه
ادناة واحد ينظر الحال يقراه

اخفيه فيه ومعتنيٍ به وحاميه
عن كل عينٍ ودها تنزل حماه

قلبٍ يحبك والهوى الذرب ماليِه
كانك مكذبني بعينك تحلاه

شرط . ان تشوفك فيه منت بحواليه
ويمكن تشوف ديار واماكن رعاه


وشوف به تمثال والوقت هاريه
وبتشوف زرعٍ ميتٍ واقفٍ ماه


وبتشوف جرحٍ فيه سكين راعيه
راح ونسى السكين والجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه

لاتنزعج . هذا خفوقي وباقيه
ولاتضايق من تصّدع زواياه


قَد زلزله فرقا وهزة عراويه
والله ستر والحظ عانه وعافاه

كانه صلح لك واعجبك . زيد تبينه
ابنه وجهزّ للمقابيل مبناه

ابغيك بس من المفارق تداريه
وازهل من ايداري شعورك ويدراه

وحلل وحرّم فيه . ياأبرك بلاويه
وحله وراع ارضاي ورضاك وارضاه

جعلك بعد بعض الوجيه . امحق وجيه
ناسٍ مراتعها الرفيق بتقفاه

انواع . واخطر نوع مانيب ناسيه
نوعٍ على تفريق الاثنين مسعاه

تلقاه دوم . وكل يومٍ تلاقيه
واذا بغيت الصدق ماعاد تلاقه

وإلا انت . ردك كُل مادعيك لبيه
انشهدٍ منتوا بفي عيني اشباه

منت بمعى العالم . ولا تقولي ليه
انت ادرى مني وفي جوابي وفي احواه

كذيه ومن الله يازين وإليه
واغلى طروش القلب ودواه من داه

الحلم ياتيني بزولك واراعيه
وفي كل حلم اقوم قبل اتحفاه


واعشق سميك في البزارين وادعيه
واقبل خطاه الا اخطى واتلقاه


واسمك يروعني اذا مرّ طاريه
واحب ملقوفٍ يسولف وطراه

وامرّ بيتك من بعيدٍ ولا اجيه
وانا لو انه في يدي ماتعداه


حتى تواير موتري تلتفت فيه
تبغي تلفّ ويستحي العقل والجاه


وصلك يخيط الصدر والبعد يفريه
ويابري حالي كان صديت برياه


ويلي على ادري حبنا ويش تاليه
وويلي على ادري وش ورى الغيب ويلاه


عشان اشوف اذا محبتك ترفيه
والله لاقفي عنك . استغفر الله
</B></I>

انســـآنة غيـــر 09-17-2011 05:34 PM

رد: ماهو كفو الوقت حبك يمحيه
 
لم احتمل حــــــروفك

فـهاج قلمـي

بيـن ثناآيـاآ ابدااعــك

كتبـتي فأبدعتي وتميزتي فتـالقـتي

لا أخفيك شـــوقي لمــا هــو قادم منـــك

لانني اقف فعلاً صامتة امام جمال هذهـ الكلمات

دمتي رائعه كما أنتي

ودام لنا نبض قلبك وقلمك

تحياتي لك

ضحكه 09-17-2011 09:35 PM

رد: ماهو كفو الوقت حبك يمحيه
 
سطرت لنا أجمل معاني الحب
بتلك الحروف الشيقة التي تأخذنا
إلى أعماق البحار دون خوف
بل بلذة غريبة ورائعة
دمت لنا


الساعة الآن توقيت السعودية الرياض و الدمام و القصيم و جدة 08:46 PM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0