ازياء - فساتين سهرة و مكياج و طبخ

- - خطيبي مدوخني؟help me (https://fashion.azyya.com/291547.html)

رد: خطيبي مدوخني؟help me

السلام عليكم

يعني انت مو متزوجة.؟فكرت خبرتك من حياتك الشخصية.والله انك شطورة.انا ماكنت ادخل بهيك مواضيع من قبل ومابهتم بس هلا اتغيرت.صار ضروري اتعلم.

زوجي الاخ الاكبر من بعد خمس بنات اكبر منه .ابوه متوفي وعنده 2 شباب اصغر منه.بس يعاملوه مثل الملك.مابيرفضوله طلب وهو كلمته قانون .اخوه الي اصغر منه هيك فهمت منه.لانو حكالي لما يحكي كلمة ماحدا يعارض.اهله بالعراق ومن نفس مدينتي بس هو وعنده اولاد خاله واقارب معه بالسويد.

وفعلا كلامك بمحله انا افكر اني ازور اهله للبيت وافهم اكثر عنه وعن شخصيته.لافهمه واعرف اتصرف معه.بس هو هسه
بدء يكون اقرب الي من قبل.كنت لما احكي اشتاقيتلك يحكيلي تشتاقلك العافية بس هلا صار لما احكيه يحكيلي انو اشوق مني.احسه بدء يتعود يرفع الخجل يبنا شوي شوي.

انا بتابع قناة فراشة ومرات اسمع محاضرات بس مابعرف لمين بتكون.وفعلا كلام راقي وواقعي وبيفيدني كتير .روجينا انتي سورية ؟بدي اعرفك اكثر وتسلمين لمرورك ياعيوني.

رد: خطيبي مدوخني؟help me

حبيبتي اهلا, أنا اصلي من فلسطين طولكرم, وانا كنت زي هيك ابدا ما اهتم بهيك مواضيع , ما كان يهمني إلا العلاج الطبيعي يلي تعبت وانا ادرسه 4سنوات من عمري,ولكن لازم نتفقه بهذه الأمور عشان نعرف نتصرف ونعيش , انا كنت اقرأ المواضيع بهاد الموقع ولما حسيت نفسي صرت اعرف بعض المعلومات, بعدها سجلت هون وصرت اشارك, وقناة الفراشة جدا رائعة واستفدت منها,خاصة لما كانوا يعرضوا محاضرات جاسم المطاوع وهاد الدكتور صلاح الراشد.
كنت بدي أحكيلك بس مابدي أخوفك..انا من خلال كلامك عن خطيبك على طول عرفت انو البكر بعيلته ,وطبعا اول ولد بييجي للعائلة اكيد رح يعاملو زي هيك, وكمان شوي رح يلبسوه تاج الملوك على راسه ههههههه...انا مابدي اخوفك بس يمكن ببداية حياتكم في إحتمالية انك رح تتعبي معه, فانتي اصبري واهم شي بهمهم هدول النوعية هو الطاعة, وشفتي كيف اخوانه بعاملوه, رح يطالبك انك تعامليه زي هيك, وعادي هاد زوجك وبطلعلو انك تطيعيه وتدلعيه اكتر من تدليع اهله واخوانه إلو, ولكن بحكمة وكنترول وذكاء, وبإمكانك انشالله انك تغيريه وتزرعي فيه معنى التواضع والبساطة في التعامل معك, وشوي شوي لازم يفهم وتفهميه انكم انتو الإثنان سوا شركاء بقيادة الأسرة وياخد رايك بكلشي.
والحمدلله طمنتيني انو عم يتغير,استمري والله يوفقك
خبريني شو بصير معك.

رد: خطيبي مدوخني؟help me

السلام عليكم

ياهلا بيكي وبكل اهالي طولكرم.حاولت ارسلك رد عالخاص بس ماطلع معي لانو عدد مشاركتي اقل من 50.

وانا كمان درست 4سنوات علوم حياة ومااستفدت شي عن حياتي كزوجة .هاي المعلومات بتعلمها من الحياة بالخبرة والاطلاع وحب التعلم.
عن جد هالمنتدى كتير افادني لانو فيه من كل نوع .يعني بتشوفي ثقافات ومشاكل وعادات وخبرات وبتتعلمي.
خطيبي هادي بس مثل البركان .مابينحزر وبحسه يحب يمشي رايه وبدون مناقشة.هو لسه ماجبرني على شي بس هيك انا شفته وحسيته من تصرفاته.مرات كنا بنطلع بالسيارة واحكيله تعبت خلي نرجع للبيت يصير يضحك ويكول لا لسه بدنا نزور اختي ونسوي هيك وهيك.احكيله لا واحسه مابيسمع بس يبتسم وانا كنت بسكت وامشيها على اساس اني بفسرها انو يحب يبقى معي.
مع انو لما خطبنا حكالي انو مثقف ومنفتح ومارح يجبرني على شي بس حكى كمان انو لما بيتخذ قرار مابيشارك فيه احد وماكنت اعلق على هالنقطة باعتبار انو كان يتكلم عن حياته لما كان عزابي .
بس بعد الزواج مو عارفة ان كان بيتغير ولا يبقى مثل ماهو.بس اكيد انا بحاول اغيره واخليه يحبني ويتعلق فيه حتى مايزعلني ومااهون عليه يقهرني.
الصراحة هيك بفكر يعني استغل حبه الي لاني بحبه ومابفكر غير براحته وسعادته واريده نفس الشي.بس انا بحس حالي ضعيفة معه مع اني مو ضعيفة.ومع اني مابعرف لو بحبه ولا هاد تعلق ولا اعجاب .جد موعارفة حقيقية مشاعري بس في مشاعر بقلبي تجاهه وفيه ميول وشوق اله انا اكول هو هاد الحب.

رد: خطيبي مدوخني؟help me

الله يعينك, بدك تطولي بالك , وبما انك بتحبيه خلص اصبري
وبذكائك ....(وانتي اكيد ذكية) انشالله رح تغيريه , ولكن اهم شي حاولي
انك تغيري هذه الشغلة يلي فيه : انو ما بحب يشارك حدا بقراره....احكيله انا مش
اي حدا بحياتك .... انا شريكة حياتك من الآن و صاعدا... ودائما خذيها قاعدة:
حتى تجيبي نتيجة سريعة مع الانسان الي بدك تنصحيه: احكي يلي عندك ثم صيري
امدحيه ....يا إنو بتمدحيه قبل او بعد ما بتفرق كتير .... وبرضو ما تبالغي بالمديح , الحد الوسط ,
لما تمدحيه رح تفتحي مخه شوي و رح يستوعب كلامك انشالله
الله يفتحها عليكي و يرزقك حب زوجك و يسخره لك....يلا زيدي مشاركاتك لاني عم انتظر الرسالة
وكل اهالي طولكرم بحيوكي و بحيوا اهل العراق .... طمنيني عن اوكي؟

رد: خطيبي مدوخني؟help me

السلام عليكم

ربي يسلمك من كل شر وييسرلك الخير دوم.

تعرفي اني بشاركك كل الكلام الي تحكيه لانو عن جد هو الحل الانسب لاقوي علاقتي مع خطيبي وانا باخذ بكلامك لاني اتفق معك بالتفكير .
وتكرم عينك رح احاول اخلي وقت اكتر للمنتدى حتى اكتر مشاركاتي مع انو دوم عندي نت بالبيت بس انا ماافتح نت الا لما عندي شغلة او اريد اكلم حدا.