الطريقه الصحيحه لوضع الزيت وغسل الشعر
 

السلام عليكم بنااااات احب اقولكم جم معلومه مفيده تفيدكم وتغير شعركم 180 درررررجه واهيا حدها بسيطه

لما تستخدمين زيت والي يبيعه لج يمدحه لج مدااااح ولما تجربينه يطلع اخرطي او يتساقط شعرج زياده معنه مكوناته حيل شي بس شسالفه ؟؟


انا اقوووووولج لانج قاعده تستخدمينه غلط << يعني يابرفسوره زمانج شنو الصح


لووووول انا اقولكم
الخطوه الاولى
قبل ماتحطين الزيت براسج تأكدي انه فروه راسج نظيفه ( مو دهنيه ) لانه لوكانت دهنيه وحطيتي الزيت بيتساقط شعرج بالهبل مثلي قبل ماعرف هل معلومه
فاقبل الزيت تغسلين شعرج بماي دافي قريب للبروده مو باارد ولا حار أوكي( عشان لا يحت شعرج )
(بس اذا فروه راسج مو مدهنه ونظيفه عاادي حطي الزيت على طول وتفادي هالخطوتين)
الخطوه الثانيه
بعد غسل الشعر وعقب ماينشف شعرج مشطيه لي تحت يعني نزلي راسج ومشطيه ( بالمقلوب )
لانه يحرك الدوره الدمويه براسج بهل طريقه ويخفف التساقط

والحين بعد مانظف وجف شعرنا وقت الزيت

طريقه وضع الزيت


لما تحطين الزيت براسج ابدي بالجذور دلكي الجذور بالزيت (بأصابعج مو اظافرج في فرق) لمده خمس دقايق بالضبببببط
لانه التدليك يحرك الدوره الدمويه بالراس ومره وحده يتخلل الزيت داخل فروه راسج كلها ومنيه تبدي فايده الزيت


وبعدين ابدي بدهن الشعر لييين اطرافه والزيت يضل بالشعر ساعتين فقط لانه اكثر من جذي يتقصف ويروح فيها اغللب انواع الزيوت اذا استخدمتيها فوق ساعتين يتقصف شعرج بكبره ويصيرمامنه فايده الزيت ( عن تجربتي الشخصيه )
ويقولون سمعت معلومه عشان يتغدى الزيت عدل ويطول شعركم بسرعه بس لامانه ماجربتها للحين
انه تسووون شعركم عجفه بعد ماتحطون فيه الزيت جربو شخسرانين ؟


والحيييييييين شلون نغسل شعرنا والطريقه الي بتغير شعرج 180 درجه


الشامبووووووو ماينحط على الشعر مباااشره غللللللللللللط بيصير تااااالف شعرج جذي
والطريقه الصح اهي انج
تاخذين بالحمام وياج قلاص عزكم الله وحطي فيه شوي من شامبوج وحطي مااي كافي وخلطي عدل مدل لوول


بعدين غسلي شعرج فيه وبتحسسسيييييييين شعرج نظييييييييييييف مايحك ولا شي نقااااااء على قولتهم وشعرج بيصير احلى من أول وقولوو ماقالت بنكيه


وبعدين لما تخلصين نشفي شعرج بالفوطه على السريع و
فججي شعرج وحطي كريم مغذي للشعر فاتيكا أو أملا او اي كريم يناسبج
وربطيه ( ذيل الحصان ) عشان ينشف على الهوى الطبيعي احسن من ستشوار واحسن من الفوطه الي تنشف شعرج وتسحب رطوبته ولما ينشف شعرج بعدها مشطيه لانه تمشيط الشعر واهو مبلل ياااقلبي على الشعر يروح فيهااااا يتنتف تنتف لانه يكون بأسوء حالاته
( بس لما تمشطونه قلبو راسكم لي تحت مثل ماقلت فوق )
وسوري على الاطاله بس ترا انا عدلت الموضوع وزدت شغلات ماكنت حاطتها لافااده


وانشالله شعركم يصير مثلي بعدين لووووووووولل مستانسه وايد بشعري


منقوووووول

رد: الطريقه الصحيحه لوضع الزيت وغسل الشعر
 

رد: الطريقه الصحيحه لوضع الزيت وغسل الشعر
 

العفو يا قلبي

رد: الطريقه الصحيحه لوضع الزيت وغسل الشعر
 

شكرا ........انا بستعمل زيت دابر املا لشعر منيح ولا لأ ارجو انك اتجاوبي

رد: الطريقه الصحيحه لوضع الزيت وغسل الشعر
 

ثانكس يا قمر
دمتي مبدعهـــ
تقبلي مروري