ازياء - فساتين سهرة و مكياج و طبخ - { يا ليت (حزني) مجرد دمع.. وابكيه!! ...}

- ادب و خواطر (https://fashion.azyya.com/40)

- - { يا ليت (حزني) مجرد دمع.. وابكيه!! ...} (https://fashion.azyya.com/293098.html)

{ يا ليت (حزني) مجرد دمع.. وابكيه!! ...}

{ يا ليت (حزني) مجرد دمع.. وابكيه!! ...}

الصمت يكفي ويشفي صدر راعيه

لا صار كل الحكي مالـه معانـي

والقلب ما عاد تعنيه المشاريـه
والعين ماعاد تغريهـا الامانـي

والخاطر العمس من يقدر يسليه
الناس والا الشعـر والا الاغانـي ..؟

يا كاتب الحزن في قلبي وقاريـه
في نظرتي في انفعالي في حناني

ياليت حزني مجرد دمـع وابكيـه
ماهوب عايش معي بين المحانـي

ماهوب يظهر علي واحاول اخفيه
و تصير نظرات حزني هي لساني

لو للسحايب سجن يا عبرة التيـه
والله ما احبسك بخفاقـي ثوانـي

مدري ذكرني زمان كنت ناسيـه
مدري ذكرت الزمان اللي نسانـي

كنت اكره البحر واخاف الغرق فيه
و اليوم احبه واخاف من المواني

كنت اعشق الجاي باحلامه وامانيه
يا ما بنيت بخيالـي لـه مبانـي

ياما رجيت العطا من مـدة يديـه
حتى خذا كل شي ومـا عطانـي

رد: { يا ليت (حزني) مجرد دمع.. وابكيه!! ...}

اشكرك على روعه طرحك وتمييز حروفك ,

رد: { يا ليت (حزني) مجرد دمع.. وابكيه!! ...}

بصراحه كلمات ولا اروع حسيتها تعبر عما في داخلي من الم تسلم يدك

رد: { يا ليت (حزني) مجرد دمع.. وابكيه!! ...}

شاكره لكِ هذا الأنتقاء الفريد ..
أستمتعت بكل حرف خط هنا .. سلمت لنا ..
و سلمت كلماتك الرائعه .. لا حرمنا المولى ما لديك ..
لــ روحكِ سعادة تعانقكِ مدى الدهر ..

رد: { يا ليت (حزني) مجرد دمع.. وابكيه!! ...}

ابدعتي في طرحك نثرت اجمل الكلمات يعطيك الففف عافيه