ازياء - فساتين سهرة و مكياج و طبخ - عذابي منك ياعشق الطفوله

- ادب و خواطر (https://fashion.azyya.com/40)

- - عذابي منك ياعشق الطفوله (https://fashion.azyya.com/295576.html)

عذابي منك ياعشق الطفوله

عذابي منك ياعشق الطفوله

..... تعذبني وانا بسن الرجوله

أخفّي مابدا والشوق يفضح

....يكذّب شيٍ لساني يقوله

يباين ماهو لأهل الفراسه

....أقل عقول خلق الله تطوله

مصيبه والمصيبه أي طاري

.... يجي باسمك تعذبني فلوله

وانا والله لا نوره ولا اسما

.....خذن بالقلب لو هي ربع جوله

أحبك والمحبه صدق علّه

.....كفاني صَب والنفس إمعلوله

أشوف الناس وإنتي في عيوني

....واشوف الشخص زولك وسط زوله

أسوي بالحياه إني مركِّز

......وانا عايش بلحضات إمخبوله

وانا اشهد ياغلاي إني بقوّه

......اسولف واتبسّم وبسهوله:

أكشّر لا دخل بالقلب ذكرك

...وأحس القلب معلن لك ميوله

تعالي ليه من وقت اختفيتي

....ولِك حبٍ سطى بي من أصوله

ثمان سنين ماغير بمنامي

....تزوريني بلحضاتٍ عجوله

لو إني بالمنام اشوف طفله

.....أحس الكون ملْكٍ لي وانوله

واقوم من المنام بصفوّة إيدي

...وجيش الشوق تدهسني خيوله

تعبت ولا نسيت إن التلاقي

....معه ننسى تفاصيل الطفوله

عسى الله يجمع الاحباب مره

......واعيشك حب في سن الرجوله

عبدالرحمن الحميدي

رد: عذابي منك ياعشق الطفوله

https://img25.dreamies.de/img/465/b/dqpo88zh1ya.pngطــرح آكـثرر من رآإئـع سلمت يمنآآكـ ع هيـكـ ذوق يعافيكـ ربي .. لاعدمنآكـبإنتظآر جديدكـ بشوق https://img25.dreamies.de/img/465/b/dqpo88zh1ya.png

رد: عذابي منك ياعشق الطفوله

ماأجمل تلك المشاعر التي

خطها لنا قلمكِ الجميل هنا

لقد كتبتِي وابدعتِي

كم كانت كلماتكِ رائعه في معانيها

دائمآ في صعود للقمه

لك ودي واحترامي

ام خالد

رد: عذابي منك ياعشق الطفوله

قمة في الخيال
طرحتِ فابدعتِ
دمتي ودام عطائكِ
ودائماً بأنتظار جديدك الشيق
لكِ خالص حبي وأشواقي

رد: عذابي منك ياعشق الطفوله

عوافي ع الطرح