ازياء - فساتين سهرة و مكياج و طبخ - اخبي دمعتي بضحكة تفضح كل عناويني

- ادب و خواطر (https://fashion.azyya.com/40)

- - اخبي دمعتي بضحكة تفضح كل عناويني (https://fashion.azyya.com/296360.html)

اخبي دمعتي بضحكة تفضح كل عناويني

تعال اعزف على جروحي مواويل الحزن وياي
تعال وعزي احساسي بهموم (ن) ربت فيني

اساير موكب احزاني وتمسح دمعتي يمناي
اخبي دمعتي بضحكة تفضح كل عناويني

ابين ضحكتي للناس واحس الموت انا بحشاي
انا وشلون اجاريهم وكل ما فيني ينهيني

اناديلك وصدى صوتي يردد صرختي برضاي
انادي وشهقة انفاسي باسمك لي تناديني

تعال وبدد احزاني وجروح ماكنة جواي
الا ياضحكة غابت شوفي وش جرى فيني ؟

غرقت بعبرة احزاني وعجزت اوصل انا لمرساي
انا ما احتاج ابد غيرك ولا غيرك بيواسيني

اذا لي خاطر( ن ) عندك واذا ما ودك بفرقاي
تجيني قبل لا تذبل زهور الشوق بيديني

تعال وخذني من ايدي .. تعال وخذني من دنياي
تعال وشوفني بعينك وربي ما تخليني

ابي لا قلت محتاجه تقول بشوق انا لك جاي
تداوي جروح غلطانه وعنى ايامي تنسيني

اخاف تجيني متاخر وما تلقى سوى ذكراي
بعدها ما يفيد اللوم لو تصرخ تناديني

رد: اخبي دمعتي بضحكة تفضح كل عناويني

صاحبة الحرف المتألق
و ملكة القلم الذهبي الرائع.
تحية معطرة بالورد أهديها إليكِ
كم يسعدني دوما ان اري هذا النزف الرائع الجميل
فاعجز عن شكر على كل ما تخطه أناملكِ الذهبيه
وما يتدفق من حبركِ العطر
فيض من المشاعر والاحاسيس الجميله ..
عزيزتي كم تمتعت وتلذذت بهذه العبارات المتسلسله
والنغمات الملحنه بنفسها
ربما الاسلوب الذي
اتبعتيه ونهجتيه على نهجه
من النوع البسيط والسهل
ويمتاز بلذذه في تذوقه..
فهنياً لنا بهذا القلم الساحر
والذي سحرنا جميعنا
احساس رائع وتعبير جميل..
دمتِ بحب وسعاده ..

رد: اخبي دمعتي بضحكة تفضح كل عناويني

مشكوره على مروك ياقمر

رد: اخبي دمعتي بضحكة تفضح كل عناويني

مشكوره على مرورك ياقمر