ازياء - فساتين سهرة و مكياج و طبخ

لا ماتغيرت..! لكن مابقى حاجه
تستاهل اتعب عليها لجل.. احققها

حتى الامل فـ فالبشر.. ماعدت محتاجه
مدام شمس الوفى.. عافت مشارقها

مليت.. اشوف الغلا تتهدم ابراجه
باسباب كلمه..ولا( ينهد ناطقها)

ومليت.. جرحٍ بطى مايقبل علاجه
كنّه حلف للـمحاني .. مايفارقها

ومليت.. ضيق الصدر فالليل وازعاجه
والعبره الي بصوت الوجد.. اشهقها

ومليت.. طول السهر والليل وسراجه
كن السهر..عانق العينين ..عاشقها

ومليت.. اشوف الزمان معقّد حجاجه
حتى ابتسامة شفاتي! قام يسرقها

تبي الصراحه..؟انا مليت نتواجه
واقول احبك! ولكن ماتصدقها

والحين بتشوف.. كيف بصدق وهاجه
جمر التجافي..وكيف الروح محرقها

شفني وانا اصد عنك.. والعن الحاجه
واقول لك تبطي.. الهامه.. تدنقها

كم صحتلك ..ماسمعت القلب وخلاجه
وشلون تسكن ضلوعي!ثم تضيّقها

قد قلت لك شف.. رقاب الوصل منعاجه
والصد.. يذبح غلاتك..! بعد يخنقها

وتقول هـ الحين ..متغيّر على حاجه
وانت تعرف كيف روحي فيك.. مرهقها

لا ماتغيرت بس الصد ..وانتاجه
طيحك من عين خلّك ..يامفارقها

رآقت لي وبقوووة .~