ازياء - فساتين سهرة و مكياج و طبخ - رح ابدأ من اليوم ياريت حدا يساعدني الرجاء الدخول

السلام عليكم أصدقائي
انا سبق وكتبت عن نفسي بهذا القسم
انا من 6 أشهر ولدت بابنتي قيسرية وابني الاكبر ايضا قيسرية بشان هيك كسبت صحة كبيرة
كان وزني عند الزواج 60 وانا طولي 163 بعد اول حمل صرت 79بعد الفطام 75 بس تاني حمل بلبنت زدت كتير 92وبعد الولادة صرت بين 83و85
اسفة للاطاله المهم انا برضع بنتي بس جبت ريجيم ان شاء الله صحي بينفع للمرضع وغير المرضعةعلى اعتبار بنتي صارت تاكل الخمد لله صرت احسن اعمل ريجيم
رح اكتب الريجيم ومن اليوم الله يقدرني ويعيني امشي عليه وياريت حدا يدخل معي بشان التشجيع وحس انو في هدف وحابه على الاقل للعيد والف شكر لانكن استحملتو وقريتو قصتي مع السمنة

الريجيم لمدة أسبوع

الافطار والعشاء واحد لكل الايام

الافطار+ العشاء بيضة مسلوقة + رغيف خبز سكري(هو دائرة صغيرة يباع عنا بالافران وانتي شوفي البدائل ببلدك) + حبة بندورة + حبة خيار

اليوم الأول:صدر دجاج منزوع الجلد مسلوق أو مشوي + سلطة خضراوات مضاف اليها ملعقة خل

اليوم الثاني:وقية لحمة عجل اما مشوية او مقلاية على نار + قطعة بندورة + رغيف خبز اسمر

اليوم الثالث:سمكة مشوية + سلطة خضار مع الخل + رغيف خبز أسمر

اليوم الرابع: شوربة اما خضار أو عدس مع رغيف خبز أسمر وتأكل الشوربة بمقدار 4 اكواب اي مسموح ظرف شوربة كامل من ماجي مثلا

اليوم الخامس:مسموح من أكل الطبوخ بالمنزل لكن بكمية محدودة جدا اكل حتى حد الشبع فقط بدون خبز

ويكرر الريجيم لمدة خمسة ايام اخرى فيصبح 10 ايام للريجيم وباذن الله ينقص الوزن بعدل 3ل5 كغ طبعا اذا مشينا بالحذافير مع مراعة التعليمات التالية

التعليمات :

1:الشاي والقهوة واي مشروب دون سكر
2 : شرب من8 ل10 كاسات ماء يوميا بشا الدهون
3 : المشي لمدة نصف ساعة يوميا او كل يومين ساعة او اي نوع رياضة بس المشي اهون شي
4 : للمرضع يجب كاس حليب خالي الدسم عند الاستيقاظ وقبل النوم
5 : بين الوجبات مسموح خيار او تفاح فقط
6 : الخل بالسلطات لانه يعمل على تنظيف الجسم وحرق الدهون
7 : العزيمة والارادة قبل العيد ستسهل علينا المشي على النظام خاصة انه نظام سهل ومتوفر بكافة المنازل ولكافة المستويات

بالنسبة الي للحمة انا بسويها اقراص صغيرة واضع مها البقدونس وقليل ملح وفلفل واقليها بالمقلاة مع قليل من الماء طيبة كتير عنا بالشام بسموها المدلله

هذا هو الريجيم ان شاء الله اقدر امشي عليه انا ويلي حابة تبدأ معي
الله يسر عند ملابس حلوة كتير لازم يصيرو مناسبين الي بالعيد ان شاء الله
ادعولي صبايا

:0154:
[