ازياء - فساتين سهرة و مكياج و طبخ - تدري وش اللي يجمع الميت للحي من يجرح وعن حالتك ما يسالي

تدري وش اللي يتعب الروح ياخي

أن العنا ياتيك من شخص غالي

وتدري وش اللي يجمع الميت للحي

من يجرح وعن حالتك ما يسالي

وتدري وش اللي بالحشا يكتوي كي

يامن عطيت القلب واقفيت خالي

ليته شكر والا عطا شي من شي

والا سكت ما قال شر المقالي

الله من علم (ن) برى حالتي ذي

بري الرحيّ ليابسات النخالي

ألي طوى حالي على ساسها طي

طوي البدو لمّمد دات الحبالي

القاف عمٍ لي. والشعر لي بي

مابي لهم علم الردى والخمالي

ولوأنتخي في عزوتي يابعد حي

أهيم في بحر الشعر يا دلالي

أشوش ياقيل الشعر مرجعه طي

وأرقى مع الشعار روس المعالي

شف اكبرالشعار كم رحبوا بي

أللي غدو بالشعر أول وتالي

يالموهبه قومي طرب والبسي زي

قومي سوى نرقا سنود الجبالي

ماطالع الحساد لو اشعلو ضي

لو ضيقوا فج الخلا والمفالي

النايفة