ازياء - فساتين سهرة و مكياج و طبخ - هل انت/ي سعودي ؟؟؟؟؟؟ تبي تتأكد ادخل

السلام عليكم....................
كيفكم ياحلوين ؟؟
تبي تعرف انت سعودي ولا لا ؟؟
إذا توفرت فيك المواصفات الي تحت
<
<
فمبروك انت سعودي

-لازم مضاربه بين الاخوووان علىا الريموووت من مسكه اول من يبي يشوف اول خخخخخخخخخخ

-لازم هوشه في اي لعبه جماعيه سواء كانت " كيرم " الى " بلوت " مروراً بـ "اونو"

-شي لازم يمر بطفولة كل بزر .. انت مو ولدنا لاقينك بالشارع << تعقيد خخخخخخخخخخخ

- ألام السعودية اذا ضاع ولدها تبكي .. وإذا لقته ضربته هع

-لازم تنكسر صينية ولا كاسة شاهي بالبيت اذا فيه ضيووف هع

-كل الحريم عيالهم ما يآكلون ، حتى السمين:مسيكين ولدي م يآكل أبدددد

-كل الهنود و الاجانب اسمهم محمد خخخخخخ<<<لاتعلييييق

- النت والنوم مايحلى عندهم الا وقت الاختبارات

-الحريم اذا اتصلوا على الرجال اول كلمه تكون : وينك؟ الرد دايم : قريب

-اي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب <<<من ابسسط حقوقه يعطي نفسسه اجازه قبل العالم

- الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم هههههههه هذي من جدا مالههههها حل ابدا

-الولد مع اهله مايدفع ريال ومع اصحابه يحلف عليك ماتدفع ريال << لزوم الهياط

-في البلاك بيري" طول الوقت بره واكل تايم ..ووكوفي تايم ..ومول تايم ..والي يسمع يقول بلندن,,من زين الاماكن

-الدولاب فيه مليون لبس و اذا جت عزيمه "ماعندي شيء البسه’ ياربيه وش البس’ بروح السوق ادور اخاف ما القى , ياربيييه ليتهم ماعزمونا """هذي مشكلة البنت ماعندي ودولابها ملييييان بينفجر ملابس << بهذي من جدد

-الكبار يمسكون البزر ويحجرون له : من تحب اكثر امك ولا ابوك؟ ~> اما هذي يوم سمعتها تذكرت وحده الله يستر عليها

- يستخدمون كأسات الجبنه للشرب<<<لاتعللليق

-لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان

-آكل الـ " آيس كريم " بشويش علشان اخوي يخلص الآيس كريم حقه قبلي و اقهره << خخخخخخخخخ حركات بزران (عشان التميز)

-اذا بيعرفون الولد الصغير يحب اخته المولوده ولا يغار يقولون له بنأأأأأخذ اختتتك يالله هاتوا ملابسها<< ياكثر ماتصير

-إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم

-سلام الجدات:هلا كيف حالك وشخباركم وعساكم بخير وكيف وعيالكم وشلونكم و شلون شايبكم وشلونكم و شخباركم وعساكم طيبين وشخباركم وكل ذا في 30 ثانيه هع

-البنت ترجع من مناسبه ركض لآمها/ فيني ضيقه شفت نوير تطالع فيني ولا ذيك مدحتني ماقالت ماشا الله > آعع مافي الا انتي بالعرس<<<مع نفسسسسك بقووه والله

-كل مارجعت من حفلة زواج. قالت لزوجها: تصدق ؟؟ خطبوني حرمتين اليوم ع بالهم صغيرة ماتزوجت << هههههههههههههههه

-عند كل سوق لازم تلقى مجموعه شباب يبون يدخلون وهم يدرون أنه عوائل << يموتون ان ماسووها

- الام كل ماشافت عيالها عند اللاب توب او معاهم البلاك بيري او الايفون/ تدعي ع اللي صنعهم << هذي تكثر و بقوووووه

-حالة طوارئ يوميا الساعه السابعه صباحا << هههههه الا ايام العطله يقومون بدون مااحد يقومهم

-مواضيع البنات في المدرسه:ياشين ذالابله حاقده علي.شفتي بلوزه هذي لها اسبوع معلقته ؟.يوه نسيت فسحتي معك ريال؟.ودي انحف قبل الصيف.بجلس جنبك تغششيني ؟.ترا فيه تفتيش

-إمك وابوك من عرفتهم وهم الأوائل في كل دراستهم وأنت اللي ما طلعت عليهم<<وهم كذبه تحصلو الاب اول ثانوي وطالع منها بتقدير جيد منخفض بعد..والام مانقول شي بالغلبيه يجون دارسين ومعها ثانويه والنهايه البيت

-بناتنا معقدين من " اذا تزوجتي " سوي اللي تبين !!<<طفشو من الكلمه ذي<<< يووووووه هذي عاد احسها بكل بيت

-اول ما تتعلم السواقة و تطلع امك معاك،واحد مسوي حادث:انتبه.. واحد سقط عليك:انتبه.. واحد ماخذ يوتيرن:انتبه.. واحد جنبك:انتبه
لوووووووووووول

-اذا طلع البر صار عربجي وراعي هياط واذا راح البحر صار كوول” هذا اسمه التكيف مع البيئه ههههههههه<<< اتعب انا

-رمضان حزة اذان المغرب:اذن؟ لا ما اذن؟ الا كني سمعته! اطلع شف اذن ولا لا؟ اسئلو بالبلاك بيري اذن؟ طيب حطو القناة الاولى نشوف << كح كح كح القناه الاولى

-الرجل السعودي : يلا انا عند الباب اطلعي وهو لو ابحلف عند الاشاره << مايتحملون الانتظار

-مواصفات زوجة المستقبل عند اي سعودي .. طويلة وبيضا وشعرها طويل .. في الاخير يتجوز العكس هههههه << بقووه

-اذا صرت انسان مواصل ودايم تسأل صرت انسان نشبه ! واذا سحبت عليهم قالو وينك ماتنشاف! فبالتالي مافيه حل عشان تتواصلون

-توصي العالم كلهم يذكرونك بشي و ينسون هم ومايذكر الا انت .... خخخخخخ

-كل الطلاب اللي درجاتهم ضعيفه او عايدين السنه ..بينهم عذر مشترك ..وهو ان المدرس حاقد عليهم ههههه

- الأم : يا وليدي ارجع للبيت بسرعه بس ( لا تسرع ) !!

-جدران حارات السعوديين " a+n = قلب و فيه سهم و الحب عذااااااب "<< قديمين مابطلوها واللهحححح << ياكثرها بالمحطات

-الحريم يقضون 9 ساعات بصوالين المكياج وساعتين بالزواج > هههههههههههههههههههههههه

-تحضر لزواجها قبلها بسنه وتعمل اغلى فستان وتتعب على المكياج والشعر واخرتها جالسه في الكوشه والشي الوحيد الي تسويه توقف عشان تسلم لوووووووووول

- مريحين يدينا و نستخدم اصبع الرجل الكبير عشان نطفي التوصيله/السوني/الاكس بوكس/الرسيفر/واذا فيه لياقه نطفي التلفزيون بعد<<<من جد هذي لاتعلييييق بقوووه

-الزوجه لازم تكون ام وطباخه ومربيه وكهربائيه وممكن سباك اما الرجال يدوام وكثر الله خيره

-مستحيل تأخذ سندويتش للمدرسة عشان ما يقولون عنك مصري
~> ههههههههههههه

كل عايله فيها بنت وولد على اسم الجد والجده .. <<يموتون اذا ماسووها <<اموت على البر

-نتواعد نطلع 6 وتصير الساعه 8 ولسى ماطلعنا<< ياكثر ماتصير في بيتنا

-اذا بيقومون شخص ، يطفون المكيف يفتحون اللمبات يشيلون الفراش خخخخخخخ واحياناً يرشون الوجه مويه<<هذا النضام اذا مو موجود ببيتكم فانت مو سعودي

-البنت السعودية الصغيرة ما تطفش من لعبة "الحريم"و تمثل دور البنت الكبيرة المتزوجة اللي تسافر و تروح للسوق

-اذا جلست مع وحده وماعندكم سالفه نسولف فيها تنط بوجهي: نحفتي كثيير وبعدها ب5 دقايق تجي وحده ثانيه تقول: ماشاءالله سمنانه<<< وين تلعبون على بعض

-الشعب الوحيد اللي ياخذ اي شيء بسعة صدر ووفله و تنكيت<<<وش نسوي شعب ظريف

- الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه<< ههههه

-تسافر لبيت جدك و يستقبلوك من 8 الى 10 بزارين ولا تدري من ذولي يطلعون عيال عمامك كلهم بنفس العمر وجو للحياه فجاه تقال شارينهم خخخخخخخخ

-البنت تقول: ننتظر الأخ المبجل لين يطلع من مدرسته أكثر من ربع ساعة ! ولو ينتظرنا هو و السواق 5 دقايق قوم الدنيا ولا قعدها

-أشهر جملة عند البنت السعودية : مشكلتي مررره مزاجية << بالله عليييك صدق

اذا كنت تحس ان كل او بعض الي ينكتب هنا يصير بحياتك

فـ مبروووووك انت سعودي...

اشك انكم قريتوا الموضوع كله

ملطوش لعنونكم بس نص لطشه << يعني معدل عليه

عاد لاتنسون التقييم +الردور