ازياء - فساتين سهرة و مكياج و طبخ

الله أقوى يا حبيبي وراك أهملتني
من شهر سبعه إلى اليوم ما جاني جواب

متفق وياك ترسل و لا راسلتني
شنهو عذرك ليش ما رسلت يالغالي كتاب

رقم هاتف بيتنا معك .. ما كلمتني !
ما تخاف الله و قلبي من الحرمان ذاب

ما تذكر يوم سافرت ما ودعتني
من هذاك اليوم و القلب طاويه العذاب

ليتني ما شفت زولك و لا صادفتني
كان انا مرتاح و القلب ما جاه إلتهاب

ليت لي ما قلت شسمك و لا سألتني
قبل تسألني و أنا معتبر وصلك سراب

أشهد إنك خذت قلبك معك و أشغلتني
لين شاب الراس مني و أنا بعزّ الشباب

زاد جرحي من سبب بعدك و غربلتني
عفت زادي و عفت نومي مع حلو الشراب

وش يضرّك يا هوى البال و إن واصلتني
أنت ما تخسر و أنا أرتاح و تكسب بي ثواب !

لــ طلال السعيد !