اللي يقول إن البحر سهل .. كذاب
 

يالله دخيلك كلهم صاروا احباب
تب الزمن ماهو إل هالناس تبه

لو جيت تحسب مالقيته فـ الأقارب
مجموع الأعداء اكثر من الأحبه !!

أنا و انت و انت فـ قلوبنا إعتاب
لكن بعض إيامنا مُستتبه ..

نخـاف نفتح قلبنا ينفتح باب
خص القريّب ودنا ما نسبه

والله يا بعض المعارف فـ الاجناب
اخلص من قريب النسب فـ المحبه

هذا إن تردى ينحسب مية حساب
ولا القريّب لو فعل .. ما تكبه

محدن يبي يبتر ذراعه ولو عاب
عمر السفينه ماتعاكس مهبّه

لو جيت تقطف من عناقيد الأعناب
لابد ما ترمي منه كم حبـــــه

تلقى السبب يوم إتمعن فـ الأسباب
و اللي جهل يلقى السبب عند ربـه

واللي وطت رجله على جرة الداب
تلقاه حرص بمشيته و يتنبه

و اللي يقول إن البحر سهل .. كذاب
ما اظن يعرفه زين حتى .. يطبـــه

واللي يدور مدحته عقب ما شاب
ماتنفعه لا صار مثل الجلبّه

أنا احمـد الله مسّـت لبيتنا أطناب
نثبت ولو زاد الهوى في مهبّه

و الليا هقيـت إني تكاسلـت ارتاب
سارعـت في كيـف الرجال و مشبّه

رد: اللي يقول إن البحر سهل .. كذاب
 

رد: اللي يقول إن البحر سهل .. كذاب
 

مشكوره على مرورك ياعسل