ازياء - فساتين سهرة و مكياج و طبخ - ،،انتظرتك ليلة البارح كثير ،،

مدخل :
وش أقسى من ( الألم ) لامن جاك متمادي
‌ ‌‌‌‌‌ ‌ ‌ ‌ ‌ ‌‌‌‌‌ ‌ ‌ ‌‌ ‌ ‌ ‌ ‌ ‌ ‌ ‌ ‌‌ ‌ ‌‌‌‌‌ يزورك في عز الحنين وقمة أوجاعك !

غيابك أرهق شعوري وزود حدة عنادي
‌ ‌‌‌‌‌ ‌ ‌ ‌ ‌ ‌‌‌‌‌ ‌ ‌ ‌‌ ‌ ‌ ‌ ‌ ‌ ‌ ‌ ‌‌ ‌ ‌‌‌‌‌ ماخبرتك غياب / ولابعدك من أطباعك

انا من ليلة البارح : أحس بشي موعادي
‌ ‌‌‌‌‌ ‌ ‌ ‌ ‌ ‌‌‌‌‌ ‌ ‌ ‌‌ ‌ ‌ ‌ ‌ ‌ ‌ ‌ ‌‌ ‌ وكن القلب فقير ومع صبح العنا جاعك !

ــــــــــــــــــــــــــــــ ـــــــــــــــ

https://imagecache.te3p.com/imgcache/...ded711be92.jpg

انتظرتك ليلة البارح كثير
كان في صدري من الضيقة كلام

قلبي ( المشتاق ) لعيونك سهير
كم تمنّيته على صدرك ينام

ساهرٍ بالليل في حبك أسير
وأنت بغيابك ,, تعذبني حرام

من عرفت الحب يا همّي الكبير
وأغلب أحلامي على ( كف ) الغمام

صرت أجهل فيك حالي والمصير
واعذابي من دهاليز الظلام

لا تقول : إنك من أسبابي كسير
وأنت أول من رماني بالسهام

اِشعل شموع المحبة يا عشير
لذة الدنيا ترى شوق وهيام

والفرح لو جاد لك وقته , قصير
لا تجي نادم ليا صار الختام

ــــــــــــــــــــــــــــــ ـــــــــــــــ
مخرج :
جربت تشهق بالبكي لين ترتاح ؟
جربت من كثر البكي يجي لك النوم ؟

وتصيح حتى يشبه الضحك الصياح !
وتخاف أحد يسمعك وانت مهزوم ؟

وسلامة قلوبكم