ازياء - فساتين سهرة و مكياج و طبخ - أسئله ترفع الضغط هههههه

بسم الله الرحمن الرحيم

السلام عليكم

أسئله ترفع الضغط
نبدا .............................)
مثلا :-
انت اللحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص - اكيد بنام !!)
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس)
-----------
انت اللحين بالكافيه صدفه شفت واحد من الربع او الاهل .. قالك هاا شتسوي هني !!
(ابيع مويه) !! لا تعليق
--------------------
لا وتعالو شوفو قنواتنا العجيبه اهم واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟!

المواطن :- فلان الفلاني . . . . .

المذيع :- شنو تقول لأهلك بالعيد ؟!!!

المواطن :- أقولهم كل عام وأنتم بخير . .

(( لا بيقول لهم : منه المال ومنها العيال))

يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلوا الاطفال , , ,

يقول المذيع للطفل :- أنت تحب ماما وبابا!!!

(( لا احبك إنت ووجهك)) سؤال غبي الصراحه !!

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك ؟!
(يعني انت داق علشان تشارك ليش تستأذن !! من زود الأتكيت يعني)
--------------------

يعني اسئله غبيه مثل هالاسئله ماشفت

يالله في أمان الله والله يحفظكم من الأغبياء!!

لحظة نسيت أسألك: قاعد تقرا الموضوع اللحين؟؟

ج: لا قاعد أتروش !!