نكت علي المشرفين
 

اليوم وجدت لكم موضوع ظريف ودمه خفيف

وربنا يستر على اللى هيحصلى بعده

1-خطيبة مشرف كل لما تتصل بيه
تطلعلها رساله مسجله _السرفرمشغول حاليا_
حاول في وقت اخر.

2-مشرف شغال في المرور
كل مايشوف عربيه مخالفه يديها تقييم سالب.

3-مشرف كتب كتابه في موضوع وعمل الفرح في منتدى التهاني والمناسبات
ووزع على المعازيم تقييمات موجبه .

4-مشرف متخانق مع مراته عملها حظر .

5- مشرف خلف تؤئم احتفظ بواحد
وحط التاني في قاعه المكرر .

6-مشرف جتله فاتوره التليفون كبيره
عملها تعديل .

7-زوجة مشرف نسيت تحط ملح في الاكل
حطلها تقييم سالب .

8-مشرف بيتغزل في خطبته _
قالها انتي موضوع عمري ......
انتي مشاركه حياتي ....
انتي كل صلاحياتي

9-مشرف عاوز يخطب عضوه قالها
ممكن اسجل عندكم في البيت بس ياريت والدك ميتاخرش عليا في رساله التفعيل .

10-مشرف عنده حاله نفسيه كل مابكتب موضوع يحذفه .

11-مشرف عاوز يعرف حببته بتحبه ولا لادخل على المنتدى
بدا يحذف في المواضيع واحد ورى التاني
(بتحبني _مبتحبنيش_بتحبني_مبتحبنيش).

12-مشرف عام موظف في مصلحه حكوميه شرط على كل عضو يكتب مشاركه يحط عليها ورقه دمغه .

13-مشرف دخل منتدى المناقشه
طلع بخمس غرز وارتجاج في المخ .

14-مشرف دخل منتدى القضايا السياسيه
قبضو عليه في مظاهره .


15-مشرف مردش على الموضوع ده
اختفى في ظروف غامضه

*تحيــــــــــاتـــــــــــى لكمــــــــــــــــــ*

رد: نكت علي المشرفين
 

رد: نكت علي المشرفين
 

هههههههههههههههههههههههههههههه هههههههههههههههه
بجد حلوين اوى النكت دى ههههههههههههه
لو اختفيتى هنعرف السبب

رد: نكت علي المشرفين
 

هههههههههههه....


الخاااامسة روووعة ....


يسلمووووووووو

الظاهر راح تختفي في ظرووووووف غااااامضة........

رد: نكت علي المشرفين
 

الحمد لله ما حصل الي حاجة
بس هيصير لما تدخل مشرفة وتشوف الموضوع