قولولي ايش اسوي بلييييييييز الله يسعدها اللي ترد
 

السلام عليكم

كيفكم ياامهات
معليش مااطول عليكم
انا هقولكم اللي عندي بس بدون تعليقات جارحه انا بالنسبه لي ده شي مررررررررررره مهم يمكن بالنسبه ليكم شي تافه


المهم مااطولها
انا عندي ولد الله يحفظه عمره سنه و3 شهور هو اول ولد عندي وانا الحين ادرس في الجامعه انتظام المهم
انا اول ماولدت ابني كان طبعا متعلق في مرررررررررررره عشان الرضاعه بس كان يرضع مني ومايتقبل صناعي وكنت احب تعلقه في بس كمل سنه ابوه غصبني انو افطمه وانا مرررررررره زعلت عشان من جد كنت مرررررررررررررره احبه واحب تعلقو في ماكان يرضى يسكت مع احد صحيح كان متعب بس عاجبني المهم
بس فطمته احسه صار يكرهني يعني ماصار يجي عندي زي اول , انا لما اروح الجامعه اسيبه عند ام زوجي مع انو علاقتنا مو مرررررررره ودايما تعلق علي اني سايبه ابني ومعرف كيف احسهم بس يبغوني اجلس من الجامعه عشان بناتها مادرسو , نرجع للموضوع احس ولدي صار لما اجي من الجامعه اروح اخده اول مايشوفني يحضني ومو دايما يعني لو في شي شاغله مايعبرني ولو حضنتو وشاف حماتي يصيح يبغا يروحلها انا انقهر مو مشكله عندي انو يحبها بس مو لدي الدرجه انو يفضل حضنها عني حتى لما يشوف ابوه على طول يجري ويحضن فيه وانا يحز في نفسي انو ليش انا مايسوي كده وبقنع حالي انو عشان انا شايفني طول اليوم وابوه مابيرجع الا في الليل , بس برضو يابنات صحيح انو صغير مابيفهم بس والله متضايقه واهل زوجي يعلقو يقولو يحب ابوه اكتر منك ويعشق ابوه انا مرررررررررررره اتعلقت فيه قولولي ايش اسوي وهل هو لما هيفهم هيرجع يتعلق في ولا كيف ريحوني بلييييييييييييييز

رد: قولولي ايش اسوي بلييييييييز الله يسعدها اللي ترد
 

وعليكم السلام ورحمة الله وبركاته

الله يسلم لك ولدك ويحفظه لك ويجعله قرة عين لك ولوالده

بالنسبة انه من فطمتيه قل تعلقه فيك لانه اول تعلقه بسبب الرضاعة سبحان الله الرضاعة الطبيعية تقرب الطفل من امه عشان كذا لما فطمتيه فل تعلقه

ةبالنسبة لتعلقه بجدته هذا شئ طبيعي حبيبتي انه كل مايكبر شوي يبدا يتعرف على من حوله ويتعلق بالقريبين منه وخصوصا جدته وجده ووالده لانهم قريبين منه فشي طبيعي يكون متعلق فيهم

ولاتقلقي لانه احيانا يفضل حضن جدته عليك لانه وقت تكوني بالجامعة يكون معها وهذا مايدل انه يكرهك لانه لسا مايعرف احساس الكره حبيبتي

وكل الاطفال لما يشوفو ابوهم يركضو عنده لانهم غالب الوقت بعيد عنهم يعني

وتصرف ابنك طبيعي جدا فلاتقلقي ابدا

رد: قولولي ايش اسوي بلييييييييز الله يسعدها اللي ترد
 

هلاوالله اختي

عااادي شي جااايز يا اختي

بس لازم ينام عندك وتعلميه ان انتي
امه وكذا

والله يعطيك ع قد نياتك

رد: قولولي ايش اسوي بلييييييييز الله يسعدها اللي ترد
 

تسلمولي ياحبيباتي على الرد وبالنسبه هو اكيد بينام عندي مااقدر اخليه ينام عند احد بس الصباح ازا راح عند جدته اكيد كمان بينام عشان ماكفى نومته
والاهم كيف افهمه اني امه عشان هو لسه سنه و3 شهور يعني مايفهم حتى لسه مايقول ماما بس يقول بابا
واخر شي معليش استحملوني هل لما يفهم هيرجع يتعلق فيني زي اول ولا كيف طمنوني انا مقهوره انو ماصار متعلق في نفسي يرجع زي اول
وانا فكرت اني اوديه الترم الجاي معاي الجامعه في الحضانه يعني هل ده احسن له ولا عند جدته هذا اصلا ازا ابوه وافق جالسه ازن فوق راسه

رد: قولولي ايش اسوي بلييييييييز الله يسعدها اللي ترد
 

نسيت اسالكم كمان في احد اتاخر ولدها لما قال ماما يعني ايش معنى قال بابا وماما لسه قولولي ايش اسوي مع العلم اني دايما اردد معاه ماما بس يقول بابا احس نفسي اسمعها