كشري مصري انما ايه!!!100%
 

السلام عليكم ورحمه الله وبركاته


بصوا بقي......

انا بعمل كشري انما ايه تمااااااااااااااام وده بشهاده كل اللي اكلوا منه

وهقولكم طريقته علشان انا بصراحه مش بعرف اخبي


بسم الله نبتدي


المقادير


2كوب ارز مصري

1كوب عدس بجبه(عدس بني)

1كوب شعريه

ملح حسب الرغبه

1ملعقه صغيره كمون

بصله مفرومه


الطريقه


اسلقي العدس في ماء مع الملح ونصف ملعقه كمون بس انتبهي علشان العدس ما يتهريش

شوحي البصل مع الكمون لحد ما البصله تتحمر وانشليها في طبق

وفي نفس الزيت اللي حمرتي فيه البصل حمري الشعريه وحطي علها الماء اللي سلقتي فيه العدس وخليها تغلي

حطي الارز والعدس علي الماء وحطيهم علي نار هاديه جداااااااااااااااا لحد ما الارز يستوي

وحطي البصل اللي طلعتيه من الزيت علي الارز وقلبيهم كويس

كده يكون الكشري جاهز

نجي للصلصه

حمري فصين ثوم وحطي عليهم علبتين صلصه وماء ساخن وملح وفلفل وكمون ومكعب مرقه ولما تغلي وتطفي النار حطي مقدار فنجان قهوه صغير خل


وطبعا الكشري بيكون احلي مع المكرونه علشان كده اسلقي الكرونه وصفيها وحطي في حله شويه زيت وفلفل اسود وحطي المكرونه عليهم وقلبيها تقليبتين

وماتنسيش تقطعي بصلتين وتحمريهم وتحطيهم علي الكشري


وعليكم بالف عافيه


بس ماتنسوش تدعولي واللي مش هيدعي هزعل منه:sdfsg:


السلام عليكم ورحمه الله وبركاته:icon_arrow:

رد: كشري مصري انما ايه!!!100%
 

مشكورة حبيبتي ام محمود
انا مغربية وعمري ما دقت الكشري بسمع به بس في الافلام
ححاول اعملو وارد عليك
ربنا يخلي لك محمود

رد: كشري مصري انما ايه!!!100%
 

مشكوره حبيبتي علي الرد والمرور وجربي الكشري وان شاء الله يعجبك

وادعيلي ان ربنا يرزقني بطفل لان ام محمود كنيه ربنا يرزقني واياكي الذريه الصالحه

رد: كشري مصري انما ايه!!!100%
 

يعطيكي العافية زوجي يموت في الكشري المصري والفول

رد: كشري مصري انما ايه!!!100%