ازياء - فساتين سهرة و مكياج و طبخ - اختلفت على نفسي وانتهيت

غابت شمسي وغابت الأفراح
واشرقت آهاتي واشرقت الجراح
ارتسم منظر الغروب وقت النواح
على بسمتي وانتهى الفرح عدى وراح

ًًُُُُُُ

ما صفالي غير دمعي وجرحي
ما بقالي غير كفني وصرحي
صافحني وودعني وبكى فرحي
عجزت والله
كل ماكتبت دمعتي تنزل و تمحي

ًًُُُُُُ

اختلفت على نفسي وانتهيت
اندثرت ومابقى فيني بقى مليت
اشهق الآه وانا ساكت ما ونيت
تعبت والله ذبلت من كثر ما عطيت

ًًُُُُُُ

قولي وش تبي اكثر يا بعد هالروح
عطيت روحي هديه واهديتني جروح
ارسم لك بسمتك وانت تعزف على نوح
حاولت اخبي لكن بالجرح والدمعه مفضوح

ًًُُُُُُ

كنت لي امنيه وغايه واحلام
كنت لك وساده وعيني ماتنام
كنت لك نور وكنت لي ضلام
والله كلي ندم من راسي للأقدام

ًًُُُُُُ

ابكي على نفسي وعلى حالي
اصفق الحسرات هدمني غربالي
غربت شمس افراحي و امالي
واشرقت احزاني وغيرها ماصفالي

ًًُُُُُُ

همي دفين والفرح ناضب ماهو قليل
ابتسم لغيري وجرحي يصرخ عليل
كاذبه بسمتي والبكى والله اكبر دليل
شروقي غروب ونهاري ليل طويل

ًًُُُُُُ

هذي الدنيا ايام لنا وايام علينا
تشرقنا تغربنا تصبحنا تمسينا
تفرحنا وتضيقنا تضحكنا وتبكينا
مالنا غير حمد الله وهذا الي بيدينا