احوال العايله الكويتيه
طرائف العائله الكويتيه
- مستحيل يقعدونك من النوم ويقولون لك الوقت الحقيقي .. - اذا طلبت أكل من برى كرهوك بحياتك بالأكل من كثر النصايح .. - لما تقول : اففف ملل،، الإجابة تصير خطبة الجمعه ويقولون احمد ربك في ناس متسدحين بالمستشفى و... و... إلخ .. - طبعا تليفون الأم سبيل .. - اذا علق الريموت يطقونه بالأرض ويضغطون على الأزرار!!! لا تكفى بيعقل ومايعيدها .. - لااااازم في كل عائله في واحد اعيارته أبو راس وإلا أم خشم .. - من 7 المستحيلات اذا دخلو عليك في غرفتك يسكرون الباب وراهم .. - طبعا وظيفة أفراد العايله الأب: المالية ،، الأم: الداخلية ،، الأخ الأكبر: مواصلات ،، الأخت الكبرى:مستشارة ،، وبقية الأخوه مواطنين مظلومين ،، وآخر العنقود: مباحث .. - إذا كنت نايم ومستغرق في النوم يجيك أخوك الصغير يدخل الغرفة ويفتح الليتات ويسكر المكيف ويقول العبارة الشهيرة !!أمي قالت لي!! - إذا كنت برا البيت وتليفونك مغلق ، غالبية احتمالاتهم يا أنك ميت أو صاير لك حادث، ينسون إن الشحن ممكن يخلص .. - الأم الكويتيه لآ بغت شي وهي تصلي .. قآمت تصفق .. وعليك أن تفهم البآقي .. - إذا اشتريتوا كيك للضيوف وحطيتيه بالثلاجه تلقين نصه ماكول ولا الفراوله مشيوله .. - دائما اللي قاعد في سفرة الغدا بالنص هو اللي ينكرف واللي قاعد على الزاويه هو اللي يصب الماي والبيبسي .. - إذا ضاع "ياهل" لازم أنواع الدراما والتراجيديا تصير وإذا لقوه كفخوه !! ليييش مادري .. - الخلافات والنزاعات والنقاشات الحاده ماتصير وتحلى إلا جدام غرفة واحد نايم!! - لا يوجد في قاموس الأب أو الأم كلمة تنهي المكالمة .. لازم يتسكر الخط في وجهك فجأة و بدون سابق انذار .. |
رد: احوال العايله الكويتيه
هههههههههههههه
اهي من أحوالنا حنا السعودين بعد يعطيك العافيه |
رد: احوال العايله الكويتيه
هههههههه
|
رد: احوال العايله الكويتيه
ههههههههههههههههههههههه صدقيني زي اليبين بالضبط هههههههههههههههههههههههههههههه هه
يسلمو |
رد: احوال العايله الكويتيه
ههههههههه نفس احوالناا لايوجد فروق
|
الساعة الآن توقيت السعودية الرياض و الدمام و القصيم و جدة 02:12 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.