ازياء - فساتين سهرة و مكياج و طبخ

إكتشفت اليوم إني كنت ماضي .. كنت شاعر يحترق ..
يملى حياة إنسان فاضي .. وإكتشفت إن الهوى ماهو بدمك ..
كان شىء من الوهم .. كان إفتراضي …… يعني في تعبير سطحي .. كان سطحي ..
كان ممكن ينتهي أو ما يهمك !! …... كان ياهي توجع القلب وتذله .. كان .. يعني العرش ما عاد بمحله ……
كان .. يعني دوّر لك مكان …… يعني كل اللي حصل غلطة زمان ..
يعني شف لك تاج غيري وصولجان .. يعني مالك حق تحكي .. يعني مالك حق تشكي ..
يعني غيب بهالعجاج ولا تبان .. كان .. عند الناس تعني كان .. يعني موجود وله أبعاد وحقيقه وكيان ..
يعني نيران وغضب ، ريح وحريقه وعنفوان .. وعندك إنت .. كان ..كلمه من بعض ما قال فمك ..
يعني من ذاك الكلام اللي يعدي في سلام .. ولا يهمـــك !!
استويتي ؟ صار لك عنقود يغري الارض ويفجّر ظماها ؟ .. استويتي ؟
صرتي اشهى من ورود الذكريات ومن صباها ؟ استويتي ؟ بس من وين ارتويتي ؟ من سقى روحك حياة ومن رعاها ..
من وصل فيكي النجوم ومن تباهى .. من هذاك اللي على صدرة غفيتي .. من يكون ؟؟؟
الله واكبر .. كيف عنه ما دريتي ؟؟؟ استويتي .. وبان لي وجه الحصاد ..
آه يا وجه الحصاد .. آه يا ذاك الجحود اللي تلاطم بالسواد .. آه يا ذيك الخدود اللي يصفّعها الرماد .. ما وفت ؟
أو ما وفيتي ؟ ما يهم .. ومن يقول إن الوفا همي وهمك ؟ إرحلي ماني بيمك … إرحلي كانك تبين ولا يهمك …
ومن متى كانت سواليفي تهمك ؟؟ ومن متى كانت عباراتي تهمك ؟؟
ومن متى كان الشعر .. وإلاّ أنا حتى .. أهمك ؟؟؟؟