ازياء - فساتين سهرة و مكياج و طبخ - تِبيْ ذِلِّيْ !.. تهَبى لا انْتَ وَلا هَالوَقت يذَللّنِيْ

لِـ عِلمَكْ وَالزمَانْ الليْ رَمانِي لكْ يعلّمنِيْ
أعِزَ النَفسْ وَبصبرْ الشُموخ بدمّيْ أروِيهَا

حَسبتَك مِنْ جُرُوحْ الوَقت وَالأيَامْ ترفَعنِيْ
وَتحْط رُوحِيْ عَلى كَفيكْ فيْ عِزْ وَتدَاريْهَا

حَسَبتكْ رَاسْ أكيْد الرَاسْ للأمجَادْ يَاخِذنِيْ
وَلا فَكرْت مِثلكْ للوَطا عُيونَه يِمشيْها

تِبيْ ذِلِّيْ؟!!.. تهَبى لا انْتَ وَلا هَالوَقت يذَللّنِيْ
عُيُونَكْ للوطَا .. وَعينِيْ عَلى القمْرَه اضَرِّيهَا

صَحِيحْ الشُوقْ لأورَاقْ الرَصِيفْ المُرّ يِدفَعنِيْ
وَتفَاصِيلْ الحَنِينْ هنَاكْ فيْ بَاليْ أنَادِيهَـا

وَلَكِنْ تُوصَل لنشوَة غُرُورَكْ ماتقدِّرْنِيْ !
تِحَسّبنِي أرِدْ بَأشوَاقْ عُمرِيْ لكْ وَأهدِيهَا

غَريبَة كِنتْ احسِّبنَكْ مَع الأيَامْ تعرِفنِيْ
مَعَ انَكْ تِدرِيْ إنّيْ لا بَغيتْ أعمِيهَا .. أعمِيهَا

صَحِيحْ إحسَاسِيْ ضَيعِنيْ وَطيبِيْ حيْل بَهذَلنِيْ
وَمعكْ لا يِنفَع الاِحسَاسْ وَالطِيبَة وَمَعانِيهَا

وَاذَا فِيْ يُومْ اشوَاقِيْ تبِيْ عِندَك تُوصِلنِيْ
وَمنْ كفُوفْ الوَله تَاخِذ يدِينِيْ لكْ تُودِيهَِا

يَمِينْ الله وَلا لكْ غِيرْ يَمينْ الله تِحلِّفنِيْ
اذِا نَفسِيْ تُوصْلنِيْ لِـ مِثلَكْ وَالله لَـ افنِيهَا .