ازياء - فساتين سهرة و مكياج و طبخ - لماذا لما بنجوع نسمع أصوت من البطن

https://forums.hwanm.com/images/buttons/viewpost.gif
[I][FONT=Calibri]
https://www.kumailplus.com/wp-content...21-241x300.jpg
شايف شلون لما تحرم بطنك الغالي مما لذ وطاب شلون يزعل عليك ويبرطم ويقعد يتحلطم بأصوات حزينة؟ شنو يصير بالضبط اللي يسبّب هالأصوات؟

وأبيخ شي لما تقعد بالصف وبطنك يتحرك ويطلّع اصوات، أو بمكان عام مثل اجتماع أو ندوة، وأصعب لحظات لما يصير هدوء وضغطك يرتفع تحاتي لا يكون بطنك يشتغل عليك بلحظات الهدوء هذي، وسبحاااان الله مادري ليش البطن يعاند وما يصرخ عليك إلا بهالأوقات https://www.kumailplus.com/wp-content...ns/kml_mad.gif

الجواب كله يدور حوالين الجهاز الهضمي وشلون يشتغل، الأكل اللي تلطّه بكرشك يعبر جسمك عن طريق حركة متموجة من العضلات في الأحشاء والأمعاء يسمونها بالانجليزي peristalsis (يبت طاري هالحركة بموضوع: شلون يبلعون السيف بعروض السيرك؟)، الحركة المتموجة هذي اهي اللي تحرك اللقمة من حلجك ليما توصل بطنك وتعبر امعاءك، بنفس الوقت هالحركة تحوّل اللقمة إلى خليط لزج مع العصائر والسوائل الداخلية يسمونه الكيموس – chyme، يتحرك الكيموس في اجزاء جهازك الهضمي ليما يصير أجزاء بسيطة سهلة الامتصاص في جسمك.
هذا الكيموس الشيطون اهو السبب في اصوات البطن بس بحالات الشبع https://www.kumailplus.com/wp-content...s/wpml_yes.gif مع خليط الكيموس اللزج تعبر كمية من الغازات والهوا، والخليط باللي فيه من مواد صلبة وسائلة وغازية تتقلب يمين شمال صاعده نازله رايحه راده عشان تتكسر وتنهضم، التقلّب هذا وعبوره في أجزاء الجهاز الهضمي يطلّع الأصوات مع حركة كميات الغازات المختلفة الموجودة في الكيموس.
الأصوات الحزينة هذي تطلع بصورة طبيعية ومتساوية في حالات الشبع والجوع بس احنا ننتبه ونحس عليها أكثر لما نجوع. وتطلع من الأمعاء كثر ما تطلع من بطنك بس قليل يميزون الفرق بين الاثنين.
https://www.kumailplus.com/wp-content...4/56777093.jpg الجهاز الهضمي

الحين عرفنا ليش يطلع الصوت مع الأكل، بس شكو يطلع مع الجوع؟
لما يفضى الأكل من بطنك بعد ساعتين يبدي يفرز هرمونات تدز مسج حق مخك تقوله ترى البطن فاضي ما عنده شغل https://www.kumailplus.com/wp-content...pml_unsure.gif، مخك يقول له لهّي روحك وسوي رستارت حق عملية الحركة المتموجة بالجهاز الهضمي https://www.kumailplus.com/wp-content...l_image006.gif. عاد بطنك من الفراغ يسوي رستارت ويجمّع أي بقايا من الكيموس ظلت في الجهاز الهضمي من الوجبات اللي فاتت، وبنفس الوقت الحركة المتموجة هذي من غير أكل تزيد الإحساس بالجوع عندك، بطنك راح يفرز مجموعة من الأحماض والسوائل الهضمية اللي تتحرك مع الحركة المتموجة. عضلات بطنك وجهازك الهضمي تتقلّص وتدور مع الحركة المتموجة ويدور معاها هالأحماض والسوائل والغازات الباقية داخلك ومن حركتها وتقلبها تطلع الأصوات. تقلص العضلات يتكرر عليك كل ساعة تقريباً لمدة 10 إلى 20 دقيقة علماااااا الله يفرجها عليك وتدب الأكل مرة ثانية.
يعني الصوت في حالة الجوع يكون مزيج بين حركة العضلات المجوفة الفارغة مع نسبة من الأحماض والسوائل الهضمية والغازات. السوائل والأحماض هذي تجهز معدتك لهضم الوجبة الموعودة، كلما تشوف أو تشم ريحة أكل الهرمونات راح تفز عندك ومخك يقلب بطنك ويقلّص عضلات جهازك الهضمي والصوت يطلع أقوى. عشان جذي بالكارتونات والأفلام لما يحطون واحد يشم ريحة أكل أو يشوف وجبة لذيذة يطالع بطنه ويشوفه يصفّر من الجوع https://www.kumailplus.com/wp-content...ns/kml_hmm.gif.

https://www.kumailplus.com/wp-content...4/73612949.jpg

ليش الصوت يكون عالي في حالة الجوع أكثر من الشبع؟
وانت شبعان الكيموس اللزج يكون كبير ويغطّي على حركة الغازات أكثر، لما بطنك يكون فاضي يكون بس غازات ومجموعة سوائل وأحماض وباجي المكان فاضي، مثل لما تحط كرة صغيرة بنشّافة الملابس يصير صوتها مزعج والنشّافة تدور، بس لما تحط معاها ملابس واغراض راح يضيع صوتها المزعج.
عشان جذي وانت يوعان الصوت يطلع أقوى مع تجويف الأمعاء وحركة السوائل والأحماض، والغازات خصوصاً. بطنك وامعاءك يصيرون مثل صفارة مجوفة ويتحرك فيها الهوا.
شنو أسوي عشان أقلل من صوت بطني؟
اكل وجبات صغيرة وخفيفة متفرقة، راح تلهّي بطنك بكميات من الأكل طول اليوم وما يصير له مجال يسوي رستارت للحركة المتموجة من غير أكل. ومرات الأصوات تصير أعلى ومؤذية أكثر بسبب نوعية الأكل، بعض الأنواع تسبب غازات أكثر من غيرها مثل الآش https://www.kumailplus.com/wp-content...l_licklips.gif أو فول أو فاصوليا والبقوليات المشابهة.
لا تاكل علك لأنه يترس بطنك هوا، حتى التدخين له نفس التأثير، الماي نص ونص ما راح يساعدك وايد بتهدئة بطنك.
بس أنا أحب الآش وأحب الفول وأحب الفاصوليا وهالحبوب https://www.kumailplus.com/wp-content...ns/kml_sad.gif ليش يسوون غازات؟
الأكلات هذي فيها نوع من الألياف القابلة للذوبان مع/أو فيها نوع من السكر (فركتوز / لاكتوز / سوربيتول / رافينوز)، المواد هذي ما تتحلل في المعدة، تطوفها وتروح الأمعاء عشان تمسكها بكتيريا وتحللها، ولما تتحللها ينتج منها غازات.
شنو أنواع الأكل اللي تسبب غازات؟
تختلف نسبة الغازية بين نوع والثاني بس بشكل عام نقدر نقول المسببات تتلخص فيما يلي:
من الخضار والبقول: خرشوف، الهليون، فاصوليا، بروكلي، ملفوف، جزر، قرنبيط، كرفس، خيار، فلفل أخضر، عدس، بصل، بازلاء بطاطا، فجل… يعني ثلاث أرباع مكونات الآش غازية https://www.kumailplus.com/wp-content...l_confused.gif من جذي يذبحك هوا!
الفواكه: تفاح، مشمش، موز، برتقال، خوخ، عرموط (كمثرى)، زبيب. هذا طبعا يشمل حتى عصير الفواكه نفسها.
بالإضافة الاجبان والحليب ومشروبات الدايت الغازية وأي حلاو او علكه في محتوياتها سكر السوربيتول.
تقريبا كل اللي ذكرتهم مفيدين للجسم، ولما نقول يسببون غازات مو قصدي المفروض ما ناكلهم خير شر، قصدي بس نحاول نوازن وناكلهم باعتدال،،، أعجبني وانا اقول اعتدال https://www.kumailplus.com/wp-content.../kml_dirol.gif
https://www.kumailplus.com/wp-content.../vis902413.jpg صورة لغلاف البطن الداخلي

شسوي اذا كنت خايف بطني يفضحني باصواته https://www.kumailplus.com/wp-content...ns/kml_shy.gif؟
إذا كنت تبي تدش صف او اجتماع او مكان وخايف بطنك يأذيك اكل شوية تمر أو بسكوت أو ككاو أو صمونة صغيرة وان شاء الله كل شي يمر على خير https://www.kumailplus.com/wp-content.../kml_happy.gif
إذا كانت الأصوات عالية زيادة وتتكرر عليك أكثر من اللازم بأوقات غريبة مع إحساس بالمغص وعوار وانتفاخ وإسهال هني الحالة تكون غير طبيعية ولازم تراجع طبيب مختص.

[/SIZE]

[/B]