ماسك سريع وفعال للتفتيح رائع بتجربة شخصية
وحشتوني يا بنات بقالكم كتير مستريحين من مواضيعي
او يمكن انا تقلانة عليكم والا زعلانة منكم مش عارفة بالظبط... عامة يالا علي الشغل ونخلي عتاب الاحباب لبعدين... الطلبات شوفان صحيح مش مطحون - لبن بودر اي نوع - زبادي اي نوع - طبق نضيف وناشف - معلقة للتقليب ويفضل لو المعلقة و الطبق بلاستيك مش من اي معدن. ___________________________ التجهيز _______________ 1- هناخد معلقة واحدة بس من الشوفان ونحطها في الطبق. 2- هنضيف اللبن البودر علي الشوفان ونسيبهم من غير تقليب (معلقة واحدة وبس لبن بودر). 3- هنضيف الزبادي تقريبا معلقة ونص (بنتي اللي كانت بتضيف الزبادي وكملت باقي العبوة بالهنا والشفا). 4- بس كده هنقلب الخليط كله علي بعضه كويس قوي لحد ما يمتزجوا خااااااالص. 5- باستعمال الفرشاة او ضهر المعلقة افرديه علي بشرتك وسيبيه نص ساعة بالكتير او لحد ما ينشف و بشرتك تشربه تماما ولما تيجي تشيليه هتشيليه مش بالغسيل لا No 不 ( قلت لكم لا بالتلات لغات اهه) هتجيبي فوطة قطن وتبلليها ميه دافيه وتمسحي الماسك من علي بشرتك بلطف كده باستعمال الفوطة ولما تشيليه خالص تقدري تشطفي بشرتك وتنشفيها. و ابقي عرفيني عمل معاكي ايه. لانه خلانى بيضاء |
رد: ماسك سريع وفعال للتفتيح رائع بتجربة شخصية
|
رد: ماسك سريع وفعال للتفتيح رائع بتجربة شخصية
قال الحبيب محمد صلى الله عليه وسلم ::ابخل البخلاء من سمع اسمى ولم يصلى على ::
فاكثرو من الصلاة على الحبيب المصطفى صلى الله عليه وسلم |
رد: ماسك سريع وفعال للتفتيح رائع بتجربة شخصية
اللهم صل على محمد وعلى ال محمد
|
رد: ماسك سريع وفعال للتفتيح رائع بتجربة شخصية
جاري التجــــــــربه
|
الساعة الآن توقيت السعودية الرياض و الدمام و القصيم و جدة 03:27 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.